一個30歲女人,同男友拍左幾年拖,感情變淡,無動力去愛其他人亦唔再相信愛情,呢個情況下你地會唔會為結婚而結婚?
-
-
結婚係想結先結, 唔係夾硬結, 你依家無呢個衝動去結, 咁咪遲d先囉, 30都唔係好遲姐, 過多幾年先啦
-
唔好為結而結，咁樣唔會有幸福...
<br>反而你同佢要打好感情基礎...咁樣先可以長久
<br>
-
結婚有時只係一時冲動既想法!
<br>當兩個人一齊耐咗, 一定會淡, 愛情其實係好短暫, 如果你覺得你男朋友係你將來既理想伴侶, 你就要好好對待呢段關係, 否則你可以繼續追尋愛情, 直至你厭倦或找到那個 MR. RIGHT.
<br>我同你既情况其實差唔多.....
-
其實結婚係應該同一個可以與自己生活到既人一齊，大家互相扶持，一齊進步。幾激烈既愛情都好，最後一定會變成感情，平淡下來。或者更差既係大家互相傷害到對方。
<br>
<br>呢個世界，搵一個比到自己安全感，願意同佢長相廝守既人一d 都唔易，珍惜!!!~!
-
Agree!
-
咪害人啦,分手啦,男人都會hurt架,自私的女人
-
please see this:
<br>
<br>http://x94.xanga.com/
<br>393d334772d33101738247/
<br>b71725367.jpg
-
分手
-
拍左幾年拖,感情變淡<-----擲舊銀銀子給她，立刻醒神
-
唔愛人就早D分手啦..真係害己又害人...
-
感情內左一定會淡, 睇你自己點睇, 要保持新鮮係要雙方努力的.. 要學懂珍惜
-
HI..好老實講..拍得耐一定會淡..問題係當自己認為淡左既時候你會點去面對者..會用另一方式繼續呀.定係放手..如果一淡就要分手既..我諗會好難搵到一段長久既愛情呀.珍惜係好緊要的.
-
我明白亦會接受拍得耐一定會變淡,無可能日日都咁熱情,但我男友唔係咁諗,佢好似唔可以接受平淡,我有做d野令大家有新鮮感,但做完佢完全無反應/唔欣賞,,但佢又要求有新鮮感..拍左幾年,,我都會好珍惜我地的感情,但呢d係雙方面..
-
是的, 是雙方面都要負出的,, 如果只有單方面,就只有分手的下場!
<br>
<br>wendy 講得好對:
<br>用另一方式繼續呀.定係放手..如果一淡就要分手既..我諗會好難搵到一段長久既愛情呀.珍惜係好緊要的.
<br>
<br>但我覺得好多時女人會努力維繫, 但男人唔懂, 他們會覺得一淡就要分手, 無諗方法去解決
-
lill
<br>你講得好岩.女人好多時都會用方法去維繫,但男人就會覺得淡左.點做.點補救都係冇用.因為佢地認為感覺是冇得呃的.況且感情的事係雙向呀.事但一方面諗既野.唔同對方.咁就好快完呀.
-
30
<br>咁你有冇諗過比d時間大家去冷靜下..
<br>分開下(不是分手,但男仔成日覺得分開冷靜同分手係冇分別)..
<br>係分開佞段時間重需唔需要對方.有時人真係好衰.唔失去過係唔會珍惜.
<br>如果分開冷靜下.大家認為係好需要對方既.再一齊返可能會再有新火花.
<br>但大家分開左都覺得可以既.接受到既.咁未算咯.如果係有依個感覺.再落去都冇用呀.
<br>
-
可能你地好好好好激情啦. 我同老公拍左拖10年才結婚, 我都唔知咩叫淡咩叫濃. 總之, 我唔想佢唔開心, 我會做事逗佢開心, 我會因為佢d事勞氣. 我地就係咁一直相處, 到結了婚一年, 大家都係咁. 仲因為一齊生活而互相包容.
<br>
<br>不如你認真諗清楚咩叫愛情啦. 如果真係淡, 咁不如唔好係一齊啦. 如果你只係想有個伴, 而佢又係同你的想法一樣. 結婚都無問題呀. perfect match, 每一對夫妻都因某些原因一齊, 只要你地夾就得啦.
<br>
<br>世上有咁多人, 點解你唔想hurt佢, 點解你會hurt/拒絕一個陌生人呢? 人真係好自私, 佢唔鍾意的人/物, 基本上你唔會忍到. 我成日同老公講, 人有惻隱之心, 但係講真, 某君係街邊乞食, 我一丁點都唔覺得佢慘, 就只有我老公一個人, 佢有少少損傷, 我會肉痛. 佢喊, 我會喊, 佢笑我會笑. 但係我都想講, 我地唔激情囉. 可能人地會話我地淡架.
-
^...^
<br>
<br>我諗你呢Ｄ吾係激情，係愛
<br>
<br>如果你同你老公想法一樣，即係都咁愛對方，為對方設想，好幸福呢！
-
Muse 講得對:
<br>^...^ 的是愛, 只有真正的愛才可做到咁
<br>這不是叫淡,, 你們的境界已去到好高了
<br>
<br>感情淡唔係問題,問題係大家有沒有為這段感情而負出
<br>
<br>
-
有d 問題, 拍拖又唔愛人地, 即係依幾年都當人地係水泡嗎? 妳小心誤左一個男人既青春同金錢wor, 妳都要諗下人地既處境先得架?
<br>
<br>第二, 真係唔想既, 早d同人講原因兼分手喇. 至於結婚, 我覺得有幾分避風頭既意味, 妳要諗清楚, 否則, 就連佢既下半生都被妳...
-
咁我地真係愛對方的. 不過, lill話我地化境高就唔敢認喇.
<br>有時見到以前追過我的人, 個樣又靚仔又高大, 又無咁肥. 會好希望自己老公型仔d, 佢又無情趣, 又遲鈍. 所以一般無見到佢勁心跳, 淨係有一年出街佢打扮得好好睇就有心跳過一次咁大把. 不過佢個樣好搞笑架. 同佢一齊開心就得啦.
<br>
<br>
-
yes ^..^, 兩人開心最重要
<br>平淡是福
-
我明白亦會接受拍得耐一定會變淡,無可能日日都咁熱情,但我男友唔係咁諗,佢好似唔可以接受平淡,我有做d野令大家有新鮮感,但做完佢完全無反應/唔欣賞,,但佢又要求有新鮮感..拍左幾年,,我都會好珍惜我地的感情,但呢d係雙方面..
<br>
<br>by 30 -
<br>
<br>我既情況同你一樣
<br>而我, 就選擇了在三十歲時同佢結婚
<br>問我點解?
<br>我只可以話, 我想定下來
<br>沒有愛情感覺就不可以結婚嗎?
<br>我覺得唔係喎...或者話
<br>我習慣左同佢一齊...而結婚, 係好似好自然會行既一步
<br>你問我依家係咪愛佢,,我只可以話, 我同佢有感情, 未必係男女之間的感情, 而係兩個人相處得耐的感情, 還有責任.
<br>
<br>結婚, 另一個原因, 我想有自己的小朋友.
<br>可以話係自私的想法, 但係, 我真係想...
<br>
<br>婚後, 選擇不去期望太多,
<br>我會做好太太的本份, 做好家務, 做個好媽媽
<br>老公生日, 我點都會做d野
<br>但係, 你問我係咪呢d行為叫做我愛佢的表現~~我只可以話, 有點保留...
<br>我覺得, 我係"應該"這樣做
<br>
<br>最近遇上另一個男人
<br>令我重拾起失落已久的戀愛感覺
<br>同佢無開始,
<br>只停留在感覺階段
<br>這已足夠了...
<br>落到實際生活層面
<br>個個男人都一様吧....
<br>
-
咁我無打算生仔,最近我地成日都嗌交,呢幾日我真係完全死心,好想放棄呢段感情,而家已經係咁,第時結左婚我唔知會點,,
-
我對愛情都抱住越來越懷疑的態度
<br>30+,
<br>咁你同你老公是否財政獨立呢?
<br>各位,係咪真係個個男人都一樣?
<br>如果係,我都係叠埋心水,一係留向佢身邊,一係分手,以後自己一個算數..
<br>
-
路過人
<br>
<br>對，我同老公的財政係獨立既
<br>我地人工差唔多，每人每月放咁多錢入聯名戶口
<br>用來供樓，養車，阿囝使費等等．．．
<br>女人，一定要有自己的事業，就算我係媽咪，都係咁話．．．
<br>
<br>對於老公，其實，我唔可以話我完全唔care�
<br>但係，已經唔係大家想得好"恩愛"果種...
<br>但我已經習慣左. 係同屋主咁上下的關係...
<br>
<br>睇你點睇....戀愛係唔會永遠長久
<br>要習慣有d男人係無咁細心, 無咁有心去學同人相處...
<br>但係, 你要衡量係咪承擔得起沒有另一半的感覺
<br>我都有後悔過結婚, 但係, 夜閫人靜時, 還是覺得, 經過了"結婚"這個階段, 自己才叫滿足吧..懶理婚後是否快樂
<br>
<br>而且 人都大了, 還可以追尋到甚麼?
<br>遇到另一個男人, 佢又係已婚~~根本像我這等年紀, 遇到, 都係呢d情況...
<br>
<br>我不相信世界上會有很多美滿良緣...