男朋友既初戀女朋友約左佢去睇concert, 我可以點做? 大家討論下呀.





  • 你信唔信你男朋友先??



  • hihi


    約o者咁你男友有無話去先如果你男友都無話去~~咁就唔駛咁緊張~睇定d先~



  • girl,


    我同佢一起左半年, 大家都係女仔, 大家都明白, 一到依d關頭, 我真係有d個心"頂住頂住". 我收到他依個sms, 我個心即時係無咩野, 不過, 宜家個心真係諗東諗西.



  • Bonnie,


    如果我係你會大方咁比番個sms佢, "如果你想去就去啦." 要信任佢無野...兩人相處無咗信任就等於無將來的了.





    佢同得你交代, 都代表佢重視你. 你只係同佢拍了半年. 要驚的話, 都有掛要驚囉. 加上男女拍拖都應該有番自己其他朋友&相方私人空間. 你咪當果晚自己放假都得架.



  • 支持阿敏講得o岩^++++^



  • 亞敏, 香奈兒,


    好多謝妳們.


    我知道妳地的意思, 那位她現在沒有男朋友, 而我, 都信我男朋友的, 只係, 女人一到依d環境, 個心都係有d頂頂下. 而且, "她"其實依幾年都唔係生活得好好, 她自己的身體同埋屋企都發生左d事.


    其實我已經好大方咁立即send左個sms比他, 同他講他想去就去, 而且, 請他慰問一下她.



  • 我唔介意佢要有自己既空間, 因為我都係一個好要空間既女仔, 我唔係依賴男朋友既.





    最重要既地方係, 我知道, 在那個"她"身邊發生既事對她的打擊其實好大, 我知道, 如果我係我男朋友, 見到一個曾經深愛過既女仔, 遇上咁多唔開心既事, 我都會忍不住安慰佢, 保護佢.





    其實我又唔係驚d咩, 如果佢地真係發生左d咩事, 我都會接受...只係我唔希望發生又或者真係比我估中啫.



  • Bonnie, 其實我都明白你既感受,因為類似既事都發生過係我身上(我老公的初戀情人寫信同佢講好想見佢)。我都成日諗東諗西。但我選擇將我自己既想法同感受同我老公講,最後佢明白,而且安慰我說最愛是我,而且過去就是過去,你可以試下同你男朋友傾(唔係吵架)只是想佢明白你,令雙方溝通得好些。



  • 比我就絛咁大方. 如果只係一個要好的異性朋友還可以, 但係初戀情人就好容易情不自禁愛火重x.





    你男朋友問得你, 都表示佢重視你感受, 如果你個心真的不舒服, 你應該同佢講



  • 你男友同你講咁都叫代表尊重你?


    好老實你男友點都唔應該同ex有任何聯絡


    如果佢真係有顧你感受既話!







  • 好, 大家都係女仔, 咁我都老實講, 如果我一開始就同佢講我內心一d"頂住頂住"既感受, 就返唔到轉頭, 以後有d咩, 佢都可能以為我會諗東諗西, 男人就係咁, 佢地 睇得電視/戲太多, 唔想女人再煩, 下次咩都唔講. 我以後有d咩問佢, 可以肯定佢為左怕煩, 有d咩同我講都打左折扣.


    kkemily,


    好多謝妳的分享, 不過, 妳的他是妳的老公, 我既他係我的男朋友, 你地有共識可以講到.


    bebe,


    那個"她"仲要係同我男朋友一起最耐既一個女朋友, 他們其實一直keep住係好朋友, 仲要係, 有時佢地約出黎傾計 (未同我一起之前), 傾傾下會兩個一起好感動咁流眼淚.....(speechless)



  • 你男友的ex如果係發生左咁多野咁就小心d了~唔知個ex會唔會太空虛一時又找不到新bf所以就黎搵你bf





    不如你同你bf講話比佢知~他可以自己決定去唔去不過表明~你係唔想佢去的~


    等佢自己去決定邊個比較重要好過~~



  • baby bear,


    其實男仔同女仔係唔係真係好唔一樣. 我之前的男朋友, 根本上我係唔會同佢地friend架囉, 根本就係work out唔到先分手, 分左手如果仲有計傾, 都好embarrasing啦, 我真係好admire一d人可以同ex-gf/bf 做返好好既朋友.



  • bonnie 妳做得好好喇∼





    如果一個男人咁易俾人攞走,都唔使恨啦!





    適當既信任係必須既,如果我係妳男友,我會好proud of自己有個咁大方德體既女朋友.



  • 但我們也是剛結婚,而且在我和現任老公還未拍拖之前,他曾對我說他6年無拍拖也只是因為想著她,而他們分手的原因是各有各出國讀書,事實上,他們沒有正式分手。有時我想,我才是第三者。





    其實我明白你怕佢覺得你煩,但你可以大方話佢知,因為你在乎他,所以你介意。



  • 高c9,


    好多謝妳, 我打算今日就解決依件事, 唔再諗. 所以上黎同d姐妹傾下啫. (笑)





    各位姐妹, 大家都可以講下自己既野架, 唔一定要只係講我單野, 哈哈...



  • kkemily,


    傻妹, 妳要諗, 宜家他既老婆係妳, 知道ma?





    同埋, 分手唔一定要面對面講"分手啦"先代表分手, 佢地出左國讀書, 唔找大家, 咪係分手囉. 妳估好似d劇集咁, 個男主角廿年後見返個女主角, 再喊苦喊忽一倫, 之後講"我地廿年前未正式分手咩....."哈哈.... 唔好再覺得自己係第三者啦!



  • 其實上次封信之後,我都無左呢個感覺。但我覺得好彩我有同佢表明我既感覺,如果唔係我仲唔開心緊。



  • 雖然作為女朋友要體諒男朋友, 但適當地表達你的小器(或者是撒嬌)也是應該的. 除非你真的一點也不介意他和其他女孩約會



  • Bebe,


    我真係唔係幾識撤嬌, "yeah"兩聲都ok, 我一扮講笑同佢講正經野, 佢就一聽就知.


    其實, 我知道, 如果今次我一講d咩我唔鍾意唔開心不如唔好去之類, 我可以肯定, 他一定唔去, 因為佢知道要我出到聲講, 佢知道依樣野要我煩心.


    做依d野, 真係要好skillful, "男女攻防戰", 哈哈.....





    kkemily,


    太好啦, 你可以好清晰同他講妳既感受, 而佢, in return, 比返足夠的安全感你, 係一對好好的伴侶關係呢!



  • baby bear,


    其實男仔同女仔係唔係真係好唔一樣. 我之前的男朋友, 根本上我係唔會同佢地friend架囉, 根本就係work out唔到先分手, 分左手如果仲有計傾, 都好embarrasing啦, 我真係好admire一d人可以同ex-gf/bf 做返好好既朋友.





    by Bonnie - 05/11/07 16:08





    不過唔排除你男友對佢ex無feel喎!


    所以我覺得同ex做番fd跟本多餘,分開左咪大家各有各生活囉,仲乜偏偏生命中仲要有ex既存在?對下一個跟本就係唔fair





    你話我保守out又好,我認為你最好問清楚你男友仲係咪對個ex有feel,若果唔係做乜要同佢去睇concert,點解佢唔可以搵第2個去,偏係要搵你男友不可???



  • baby bear ,


    係, 分左手, 大家有自己既生活, 生命線都唔會再同對方疊埋一起, 我同妳一樣, 完全唔明做咩可以分手都重係好朋友.


    我已經問過我男朋友, 佢對那位"她"係唔係重有feel, 佢話無, 都已經分開好耐啦(十幾年)....之類之類~



  • Bonnie,你男朋友可能係果種,就算無情都有義個d,但義氣還義氣,當然係自己女朋友既感受緊要。唔係叫你煩佢,只是表白自己既感受。而且去concert又唔一定要一男一女,你大可以一齊去。咁咪大方得黎又可以了解佢地既關係多d,你可以同你男朋友講,“既然佢唔開心,作為佢好朋友既女友,幫你男朋友去安慰佢,女仔同女仔傾會易d."



  • 我已經問過我男朋友, 佢對那位"她"係唔係重有feel, 佢話無, 都已經分開好耐啦(十幾年)....之類之類~


    我係你我仲會問埋唻句"咁無feel,點解唔可以唔斷來往??大家各有各咪幾好?點解佢要約你去睇concert?佢想點呀?



  • 講得比你聽就冇咩野la, 有野就唔講你知去左la~



  • kkemily,


    BINGO!


    原來呢, 我地都係叻妹啦, :)





    我好快都諗我都可以同佢地一起去喎.......不過, 好可惜, 我有理由相信o個個concert既tickets已經sold out. 而我既女人直覺覺得, ;那位"她"係買左tickets約他去, 而個concert都已經賣左好耐tickets, 竟然....我男朋友今日先同我講他可能下星期日同她去睇.


    好啦, 事情都好明朗啦, 我係唔係應該問都唔問, 一野判他死罪? 其實, 都唔係點使問啦.



  • baby bear,


    我同他一起之前, 佢地已經friend架啦, 我唔可以一同佢一起, 就咩都要佢改變佢自己既生活方式. 我既原則係, 如果你唔"攪"我, 我都唔會出聲. 大家都係世界上面生活左咁多年, 大家有自己生活方式.





    不過, 依家好似攪到我啦.


    佢今天send sms講比我知concert件事到宜家, 我都無問佢究竟他對她有無feel. 我依家諗緊問同唔問有無意思, 因為佢一定講無架啦. 我個人鍾意客觀從表面證供分析, 如果佢係有野, 我問都唔問, "byebye啦."



  • 咁妳果日都約個ex-bf食飯啦




  • S,


    妳咁講都係一個解釋, 不過, 事情又可以咁睇:可能他知道如果唔講, 一旦唔好彩, 人有三衰六旺, 比我知道左, 佢既後果唔係佢可以想像.





    宜家講左比我知, 個"波"交左比我, 幾好呀~





    如果唔唔比佢去, 係我唔大方;


    比佢去, 係佢應得既, 而且將來有咩事, 我都唔可以話佢, 因為佢唔係有心傷我, 因為一早咩都已經同我講左.



  • 咁妳果日都約個ex-bf食飯啦


    by nznn - 05/11/07 17:17





    唔唔....佢既價值觀唔可以影響我, 佢去睇concert當日, 我原本要做d咩就做d咩, 唔需要改變去為左令佢生氣....唔唔...打下波都好喎, 話曬放假.......



  • Bonnie,好話唔好聽,有時未必關你男朋友事,因為佢地未必會咁細心諗到你會唔開心,但係又有好多女人會做d我自己無都唔俾你有既行為。或者你可以好細心地說同佢地食完飯先去,起碼俾個女知道你才是現任女友(其實只要你一出現,佢會少好多小動作)而你男朋友又會覺得你又得體又大方。



  • 佢今天send sms講比我知concert件事到宜家, 我都無問佢究竟他對她有無feel. 我依家諗緊問同唔問有無意思, 因為佢一定講無架啦. 我個人鍾意客觀從表面證供分析, 如果佢係有野, 我問都唔問, "byebye啦."





    咁你都知道佢會話"無"


    你有無諗過佢ex約佢去concert個日,你話想佢陪你去街,睇下佢點答你.咁個答案就一清二楚啦~







  • 妳個人好好呀





    不過我實唔比佢去,係咁"耶~ 耶~ 唔比呀,唔得呀,唔制!你去我又約男仔去街,耶~ 耶~" 耶到佢笑同怕左你,搞掂!


    小器咪小器lor,呢d事我點都唔大方,唔關信唔信男朋友事,而家係唔鍾意佢ex-gf無啦啦走黎約人男朋友嘛,係咪?




  • kkemily and baby bear,


    都好, 高招高招, 小妹拜服!


    我今晚探下他口風, 睇下佢地係唔係打算 wholeday date, 如果係, 就哼哼哼!!! 去死啦~ 不過, 如果他話未決定, 我真係咬佢唔落呀吓~ :(




  • 其實我睇左咁耐都唔知俾唔俾意見好....


    因為我睇到你自己都好清醒咁去分析左件事,


    亦都好理性,


    不過,我覺得係咁既情況,


    如果係為左自己好既話,


    自私少少會比較好,


    直頭同佢講你唔想佢去,


    唔好扮大方叫佢去囉~~~~



  • 同意 nznn, 有時如果你扮大方, 自己辛苦之餘, 佢可能仲覺得你唔緊張佢添. 我覺得你真係要技巧地表達你的感受. 如果佢係愛你, 佢應該重視你的感受.



  • 同埋唔記得左講,男人係好易心軟架....


    如果佢個ex有啲乜野企圖既話......


    之後都唔駛我講大家都會諗到我想講乜啦~



  • nznn,


    妳個衰鬼, 好好笑.....哈哈...





    好好, 我會依足妳吩咐"耶"幾聲架~ (笑). 不過, 男人呢, 唔比佢去, 佢個心唔死, 後患無窮.....我比佢去, 不過, 如果那位"她"唔醒目, 知道我係"正印", 而我男朋友又唔比下面我, 得啦, 兩個都可以同佢地講byebye啦, 好行夾唔送.



  • 係啦,妳唔好笑,我覺得關乎面子問題


    公然有個ex-gf約自己男朋友出街




  • 祝妳成功呀!!嘻



  • bebe, ineedlove0816,


    好多謝妳地.





    不過, 有時, 就係咁, 要有d事發生先可以知道個男人既真面目, 我個心有d想試下佢...不過, 睇concert真係有點兒那個~ 好似好有預謀咁.....如果只係normal friends出去約食飯, 我個心都好d.





    我打算, 先indirectly問左佢事情係點, 了解左那位"她"係點約他先再決定.





    仲有呀, 女孩子們, 大家唔一定要講我o個單野架, 大家傾下其他計都ok架, 係啦, 今晚happy friday, 妳地有無話去邊度玩? 我約左媽咪食飯呀!



  • 係啦,妳唔好笑,我覺得關乎面子問題


    公然有個ex-gf約自己男朋友出街


    by nznn - 05/11/07 17:40





    嘿嘿...竟然"光天化日公然調戲舊男友"!!!!!!


    (笑) 當我"si"架啦.....



  • 哈哈,咪係lor


    你可以同男朋友講埋:"耶~ 而家踩到上心口啦。"


    今晚我都約左daddy mummy出街食飯


    收工lu,bb



  • nznn,


    bb~



  • 其實好睇你 bf 同佢初戀情人分手後既關係





    如果佢地既表現係朋友, 咁我就覺得冇問題啦^^





    其實兩個人在一起都係好講個信字呢, 你而家開呢條thread已經表現咗你對佢既信心有動搖





    咁究竟點解你會對佢既信任有動搖呢? 係因為佢, 定係因為你呢? 攪清楚了再對正下藥便可以了





    不用太早擔心啊~



  • 甘如果你男友死都要去.你又會點呢?




  • 小琪,





    我會將件事咁睇: 我同男朋友一起半年, 佢係一個點既人, 我唔可以盲目去信佢, 唔係愛就一定要係盲目去信一個人, 女仔, 要學識合適的時間去保護自己, 又或者, 去減低傷害.





    我唔係唔信男朋友, 只係一對情侶拍拖, 我無可能佢有d咩發生, 我就可以一句講: "喂, 我信你, 得, 你咩都可以去做". 生活上太多事, 日日都有唔同既事發生; 事業, 家庭, 感情, 我唔可以咩都唔理佢, 唔上心.





    開依個thread, 我只係想同大家傾下, 我有d咩indirect既方法可以express到我既心意, 又或者, 起碼令到一d我唔希望發生既事情唔好發生. 又或者知道下佢真實既一面, 佢既心意, 如果佢唔係一個好男仔, 好, 都係一句: 好行夾唔送, 我青春有限.





    以上係我自己的諗法, 女孩子們, 妳地又點諗?







  • I am off from work la, Bonnie: good luck and god bless~



  • Bonnie,


    都無睇番哂你地留言了.


    我想講: 請你1)仲量控制自己吾好想太多可能/未發生既事, 果d多餘野只會令你哋關係冇好處.2)當你仲係要諗既時候, 再將自己代入佢角色, 如果係佢會點. 仲量簡化想法.





    如果真係有問題, 早些知道好過遲些知道. 咁咪可以早走早著啦.^^


login to reply
 

looks like your connection to she.com messageboard was lost, please wait while we try to reconnect.