我想同男友提出分手,但係真係唔知點開口



  • 同佢一齊只有3個月,其實大家對呢段關係都好認真,但係我越認識佢就越覺得真係唔夾,已經冇曬感覺。近半個月唔想聽佢電話、唔想望佢,同佢去街都好大壓力,自己都唔開心。我已經決定要分手,但係因為覺得係自己衰,想對佢既將傷害減到最低(但佢自尊心好強)。其實我都已經減少同佢見面,又唔多覆佢電話,希望佢都有d心理準備啦,但係佢又好似唔多感覺到咁。六月係佢生日,我唔想拖到去個時。點樣可以快d開口講呢?約佢食飯講?同埋我想問,如果老老實實同佢講已經對佢冇感覺、唔鍾意佢,會唔會好hurt佢呢?



  • 同埋佢真係好鐘意我,所以我更加覺得自己衰。



  • but may i know the reason? just唔夾???????????



  • ti, you can send sms or email to tell him what you think, it's a better way to initiate.



  • 點解唔send e-mail 比佢呢!係mail度妳想點講都得啦,妳既然以經對他無曬感覺,咁就應該快快解決啦!不過最好不要當他面前講,用mail最好。



  • 咁如果真係唔夾就唔好勉強啦


    佢幾鍾意妳都好..妳都係會沒感覺..何必呢


    直接同佢講..或者SEND SMS比佢..










  • 你唔想傷害得佢咁重





    就快快手手1咁講





    唔好拖..



  • 其實主要原因係冇左感覺,好似普通朋友咁,食飯傾計,好淡。佢係個種好正經好正經的人,講多兩句我已經悶到接唔到落去,同佢食飯慘過返工開會。我都唸唔到一個好實在既理由唔鍾意佢,老實講以人品計佢都有80分(除左悶同埋所有野都有一系列既理由去support之外),我唸咁老實既人都已經絕無僅有。但係我冇辦法enjoy。我唸係人夾人的問題,有時候有d人係你唔識佢都可以好close, 有d人係點樣都唔多夾,我同佢係後者。



  • sms 啦, 佢一定 call 你, 再唔聽佢電話, 隔一個星期左右, 再 call 佢講對唔住, 說緣盡.







  • 仲有,有d麻煩既係我同佢響同一間公司做。分手之後點都想保持一個唔太差既關係



  • 咁應該係你的問題喎...





    拍拖邊有可能永遠都係sweet呀....





    有一個好仔你唔珍惜


    唔想要一個喜歡去威去玩果D先得嗎?



  • 如果老老實實同佢講已經對佢冇感覺、唔鍾意佢,會唔會好hurt佢呢?


    thread id: 1871952 posted by ti








    "自尊心強"又咁易俾人hurt 嘅男仔(人),早啲同佢講咪即係早啲似番個硬淨啲男人.



  • 我承認我都有責任。「有一個好仔你唔珍惜


    唔想要一個喜歡去威去玩果D先得嗎?」呢個問題我都有唸過。我既結論係,有幾好都冇用,唔通冇感覺都要一齊?



  • 咁你唔要


    大把人要...





    但係你在office成日都見


    可能你要同佢講得清清楚楚


    而且應該唔會再係朋友





    而且只要有feeling,佢幾壞你都會接受?



  • 樓主係唔係已經有新歡??



  • Use this excuse, "我諗我地都唔係好夾, 我地都係做番普通朋友算啦!"



  • 咪分開囉



  • 其實坦白講俾佢知, 你想分手, 大家相處左三個月,你有認真咁去嘗試過同佢一齊, 但始終覺得唔夾,唔想再擔誤大家o既時間, 如果佢真係愛你,佢都想你快樂.愛一個人唔係擁有佢,而係想佢快樂幸福. 你地兩個都係成年人. 應該可以處理到. 坦白, 先係尊重對方. 冇人擔保兩個人開始拍拖後,就會永遠一齊,結婚都未必得啦.拍拖都係想搵一個喜歡o既人,o既然冇感覺, 倒不如分開, 不拖泥帶水. 對大家都好.



  • 再者,愛情冇對與錯,只有愛與不愛,你都唔使過份自責.反之亦然,如果你男朋友對你冇感覺,你都想佢話俾知, 唔會想佢一個人係度苦惱. 希望你早日得到解脫,找到真正愛他, 而他亦愛你的人.



  • 分手啦. 冇幸福



  • it





    你個CASE 有同我80% 相似呀, 個男友正經到有D悶, 唔識"乙水"人, 但係一個好好仔. 幾個月真係無咩感覺. 之後tel 都唔想打比佢.... 同你差唔多, 我建議你SMS 比佢講分手, 唔會咁HURT 佢既.



  • 你諗清楚唔好後悔喎~





    呢0的野, 可一不可再.



  • 我可唔可以同你傾下電話, 詳細了解下"你" & 你既悄況? kaka



  • bikeman的意見好0岩,其實我都係咁唸,坦誠同佢講係最好方法。我唸我email俾佢啦,起碼可以等佢明白個理由響邊度。bikeman問既問題,我冇新歡呀。如果有既話可能會決絕d。candy - 哈哈,咁我唸我同你會最明白呢種感受係點,「咁好既人你都唔要?」呢句我唸你都聽唔少,自已都會問自己點解,自己都會覺得對唔住一個咁好既人,但係又真係悶到頂唔順wor,連本來鐘意佢既感覺都冇左。



  • candy - 我都係電話都唔想打俾佢,佢打黎又唔想聽,仲唔俾隻手佢拖。最近我仲要開始講大話(我不嬲都唔識講大話),佢約星期六去街我扮約左朋友,問星期日得唔得我又話要倍屋企人。但係真係唔想講大話啦,好辛苦呀。



  • 我都贊成直接講, 清清楚楚咁交代一切



  • being bf-gf, is a process to see if he/she is a right person for us, it does not mean we must stay wiht him/her for rest of our lives,.





    it is not a shame to break up if you find he is not your Mr. right..




  • Those who asked ti to think twice.. do you know what love is?





    Have feeling towards each other is the very very basic of a relationship.





    How can you be with someone, just because he is a 好仔? I really don't get it.



  • it,





    我果陣時都係一樣, 男友打電話比自己, 應該


    會好開心咁接, 但係果時連一d開心都無, 無驚喜, 反而唔係咁想接.... 我都無打電話比佢, 出黎都會拖手既, 不過真係無咩野講, 其竇佢都巳經feel 到, 佢仲以為我有第二個,


    其實我就同你一樣, 真係無囉. 不過, 我又覺得如果佢以為我有另一半反而都叫有個原因, 可能會好過d, 如果我係無另一個而又同佢分手, 反而可能佢仲hurt d... (因為我會覺得我無人要都唔想要你) 咁樣係咪仲hurt?!





    我都會建議你, 一係當面同佢講同佢做番朋友. 一係就sms 同佢講. 但係你同佢係同一間公司做, 都會見面, 都係好來好去好d 囉







  • ti,





    妳本身有冇唸過識左第二個男朋友, 再同呢一個分手呢?







  • 版主, 你幾多歲呢 ?





    我同我而家呢個男友一齊既時候係 25 歲(但我唔係一個成熟既人).


    當初都會有同你一樣既感覺, 我就拍左一年先 feel 到唔夾, 原因係佢有 D 悶旦, 同埋脾氣不太好, 好易發脾氣. 話不投機. 我曾經有一排唔同佢去街, 傾電話 1 句起 2 句止. 再唔係就話 SLEEP 左, 所以無接佢電話. 就響呢一段時間, 我就想佢係咪真係咁差呢? 我又想吓自己既性格問題 ? 我又想吓佢好方面想, 每個人都有佢既優點同"決"點, 無人有 100% 完美, 想想吓 ... 我就而家拍左 5 年拖, 仲買左樓.





    其實要分手既, 你無論講幾多理由, 都係提出分手果位錯先. 未試過既人係唔係你心入面既感受, 但係如果你決定分手係岩既, 咪去做, 唔洗問人意思, 你越聽得多咪越煩. 但你講左出口既, 就可能無得返轉頭. 你怕唔怕將來既比呢個更衰 ?



  • 我24歲。我覺得其實冇話對與錯,佢係悶,但係個問題我都有份。獨立,嗜好多,朋友多,唔駛特別搵人倍我都好開心。其實本身呢個係我既優點黎既,但係響呢段感情上面就會有問題lor。有個男朋友一齊,竟然會悶過自己一個既時候,唔夾。(不過重點都係:冇感覺)將來既會唔會比呢個更唔夾?我都驚架。不過我相信0岩心水既始終會出現既。我希望佢都搵到個又夾又真心相愛既人。





    其實係決定左要分手架la,再落去對大家都唔好,我等唔切第二個出現。



  • Just do it !



  • ti, just do it, support you ah!





    There is no right or wrong in love... only love or don't love.





    U have to have faith that your "soul mate" will appear somewhere, sometime. U are still very young. Don't settle for less.



  • 聽日會email佢,我唸俾兩日weekend佢平靜下會好d。而我因為已經唸左咁耐已經非常平靜。雖然唔想做bf/gf,都關心佢既感受。男士們 - 你地同ex-gf分手後有冇做番朋友?



  • ti,





    想知道佢收到你EMAIL 既反應如何, 記住POST 出來. 想當年, 我係連LEE 一步我都做唔出架, 幾無用呀-



  • 我send左email. 不過佢依家好似完全消失左咁。佢冇覆我,冇call我。我都唔知佢係睇左email未....



  • 如果佢係選擇唔回覆, 就由得佢. 可能佢面對唔到, 唔好逼佢去面對. 當冇事發生, 做返普通同事, 朋友.



  • 佢覆左我。佢非常明白,同埋佢真係好好,佢知道冇得勉強,佢想我開心。我上個禮拜唔聽佢電話,佢係擔心我而唔係嬲我點解唔聽電話。唉,一個咁好既人,點解我會對佢冇感覺呢?



  • Mr Right 究竟響邊?



  • 男人不壞,女人不愛.





    我都覺得好岩,冇火花又點算愛情喎!都未有熱戀就平淡如水,悶到嘔,係人都走.



  • ti,





    其實我都好明白既, 一個咁好既人, HURT 佢係自己都唔想, 但係唔係咁自己都唔開心, 可以點呢?! 佢咁大方, 你都要大方D, 公司都會見到面既, 做番朋友, 反轉黎講, 如果你鐘意一個男人, 個男仔又係FEEL 唔夾分左手, 你都唔想分左手無朋友做既, 好來好去嘛!





    vivien


    其實真係好認同LEE 句話, 我以前都係咁想


    "男人不壞,女人不愛. ", 唔通自己真係咁犯殘?! 但係學你話齋, 岩岩拍拖無耐, 都可以無火花, 淡如水咁, 咁點可以做人世呀! 女人都係咁既~~



  • 好女人又多一個好男人揀咪幾好



  • .



  • 直接講啦


    俾心理準備佢有咩用?



  • ti


    咁你地有左親密關係未?


login to reply
 

looks like your connection to she.com messageboard was lost, please wait while we try to reconnect.