我的故事
-
哈哈~~~~
咁樣既結局係咪好好呢?
出唔出人意表呢?
-
咪嗌住你唔好爛尾囉....
你點對得住你咁多粉絲呢
-
未寫完咪同大家傾吓計囉~~~
我都係講吓笑啫~~~~
今朝到依家都係寫左幾句......
一段都唔夠,想post住上黎先都唔得~~~~
-
諗唔到就講吓你d後續發展俾大家聽啦
你睇大家幾關心你
-
後續發展呀........
咪由一個初戀小子變成一個頹廢青年囉~~~~
混混愕愕咁過日子囉~~~~
-
乜你仲係青年黎架咩
-
係呀~~~
我都好青吓嫁~~~~
咁從少年唔係到青年,咁係咩至啱?
一係青少年囉~~~
nikki, check貓呀~~~
-
當佢開門俾我既時候,
我已經急不及待咁將紮花同埋張卡送到佢手上……
不過我點都冇諗過佢既反應係……
“謝謝你的卡片,真的很美,還有你手上的這一束花也很漂亮………但是這些花……我真的不能收………不過還是謝謝你,你把它留給別的女生吧……你先回家吧,我還想休息一會,晚點再聯絡好嗎?”
………………別的女生………我去邊度搵別的女生去收留呢紮花………
我應該講咩好呀?究竟發生緊咩事呀?點解我唔知道點答佢既……….
小雅講完之後就把門關上……….
-
初戀小子 replied 3 hrs ago :
咁初戀小子最後就搵到佢心目中既白雪公主,
然後就快快樂樂咁同佢一齊咁生活落去囉~~~~
~全篇完~
講真, 咁既結局都預左架啦
咁你可以最後先寫依個結局出黎
你依家係skip左好多野bor
好爛呀 =.="
-
我覺得小雅係有d苦衷咁.....
-
小雅心有所熟?
-
我當然知道小雅侉有佢既苦衷啦~~~
而我知道左佢既苦衷之後,
我既反應可以用2個字去形容,
就係 "無奈"
可能有啲人會接受得到,
但我當時完全接受唔到佢既理由~~~~~
(咦.......唔講得太多個喎.....再講就唔使寫架喇~~~~~)
-
世界上, 無奈既事係有好多既
但你就咁接受左佢既拒絕?
-
係咩苦衷?
-
覆左貓啦
-
心裡面縱使有千萬個不願意都好,
都要將果紮小雅唔肯收既花帶走……
於是我就同呢一紮無家可歸既花一齊返我屋企等,
希望可以等得到小雅會回心轉意將佢收留啦……..
我一路等,一路就播住我果陣時最鍾意聽既一首歌~~~
而我每一次車小雅出入既時候,都會有意冇意咁播呢首歌俾佢聽~~~
因為我覺得首歌真係好suit我當時既心情…….亦係我好想同小雅講既說話
呢首就係周華健既 “風雨無阻”……..
給你我的全部, 你是我今生唯一的賭注,
只留下一段歲月, 讓我無怨無悔 全心的付出
怕你憂傷 怕你哭, 怕你孤單 怕你糊塗
紅塵千山萬裡路, 我可以朝朝暮暮
給你一條我的路, 你是我一生不停的腳步,
讓我走出一片天空, 讓你盡情飛舞, 放心的追逐,
愛是漫長的旅途, 夢有快樂, 夢有痛苦,
悲歡離合人間路, 我可以縫縫補補…
提著昨日種種千辛萬苦, 向明天換一些 美滿和幸福,
愛你夠不夠多, 對你夠不夠好, 可以要求 不要不在乎,
不願讓你看見我的傷處, 是曾經無悔的風雨無阻,
擁有夠不夠多, 夢的夠不夠好, 可以追求…….. 不認輸…………
我不敢好佩服作詞既人…..點解啲歌詞可以寫得咁正,
可以將我想講既野都唱哂出黎~~~~~~~~~~
言歸正傳…..
等吓一個鐘,等吓又一個鐘,終於等到將近黃昏喇……
但係都等唔到小雅既電話………………
心情開始越來越焦急……….
於是打算再去多小雅屋企一次…….
但當我出門口之際,先發現原來信箱裡面有一張卡…………
-
打首歌打左好耐......
因為唔想响internet度copy and paste出黎,
所以一路哼,一路打,一路回味當時既感覺........
真係打到手軟,不過都好正~哈哈
-
初戀小子,
我啱啱join,由頭一氣呵成到尾!感覺到你好有心!!!
-
初戀小子,
你可以為小雅一直黙黙付出, 不問回報, 究竟係咩苦衷會令你接受唔到佢?
-
加油
-
初戀總是令人難忘....
-
各位親愛的朋友,
早晨喇~~~~
又要開工咯~~~~
大家一齊努力啦~~~
我會繼續抽空寫埋落去架喇~~~
不過始終覺得呢部份最難寫落去咁......
anyway,祝大家都可以有愉快既一天啦~~~
-
你可以為小雅一直黙黙付出, 不問回報, 究竟係咩苦衷會令你接受唔到佢?
by 忠實讀者
冤枉呀~~~~
我冇接受唔到佢呀,係佢接受唔到我咋.........
-
I have to say, having read this post in 3 hours, you are so much like 'Train Man'! HAHAHHAHAHAHAHA
-
咦
你唔講我都冇咁諗過添~~
不過如果係都好丫~~~~
佢最後好似可以同個靚女一齊喎~~~~~
-
就黎lunch喇喎~~~
都冇人上黎傾計既?
-
幾時先有故仔睇
-
wei~~ 好唔開心啊呀!!
-
一氣呵成睇哂啦....哈
我覺得個女仔好似唔係咁鍾意你,只是因環境生活影響,所以先同你一齊...
版主你都不要期待太多...
-
tomato,
多謝你抽時間去睇我寫得咁差既野喎~~~
嚴格黎講我地都唔算响過一齊既~~~
亦都冇抱太大既期望~~~~
只不過當時應該算是單戀得太過投入啫~~
-
嘻嘻..我又係一口氣睇曬..
個人認為..個女仔點已經唔係重點,
最緊要係你到今日仲回味緊..
慢慢寫啦 ! 等你呀 !!!
-
真係唔好意思, 我見你寫 "可能有啲人會接受得到, 但我當時完全接受唔到佢既理由" 心急得滯唔會左, 你乖乖地快 D 寫, 好心急想知咩苦衷, 我等唔切!!
-
唔關你事~~~
應該係我表達得唔好啫~~
唔好怪我喎~~
我真係第一次寫咁多野,
同埋又冇寫日記既習慣,
所以表達能力有限~~~
請多包涵~~~~
-
版主, 我等了三個小時, 張咭寫咩喔....
好緊張...
-
吓........
原來你等緊我今日post既咩.......
我今日一隻字都未開始寫喎.......
-
我都入左黎好多次啦, 不過都未有進展 >.<
-
好啦好啦~~~
啱啱寫好左一段喇,
轉頭就post.......
-
响呢個時候發現信箱有張卡,
唔使問都知道呢張係邊個既卡啦……..
但係佢幾時放張卡落我信箱呢?
唔通係我頭先太過著急等佢電話時,
佢黎過我都唔知?
咁點解佢唔直接入黎搵我,親手交俾我?而剩係放張卡落信箱度呢?
從被拒諸門外開始到收到卡的一刻,
我腦裡面已經充滿了一大堆問號????????
最後我都係決定唔諗咁多,
拆開張卡黎睇咪知道發生咩事囉~~~~~~~
當我打開張卡一睇………………
發現原來小雅同我一樣都係選擇左用寫卡片黎將想講既野都寫哂落黎………….
當我睇完張卡之後…………
我的眼淚在不受我的控制!的情況下,
一滴一滴的慢慢從眼裡面掉下來………………………………………….
呢一次係我一生人第一次喊……………第一次真真正正為一件事而喊……………
-
我都入左黎好多次啦,
好多粉絲 (包括我) 追緊你.........................
個故仔!!
-
唔得喇~~~
寫唔到落去住喇~~~~
俾啲時間我,
我嘗試將張卡既內容寫返出黎,
如果寫唔返我先用自己既文字將個大綱寫返出黎就算喇~~~~
不過我都係希望儘量將張卡既內容寫返落黎啦~~~~
最衰就係將張卡掉左啦..........
-
我都靜靜地睇左幾日啦 ^^
希望你快d寫啦, 好好睇呀...
你的初戀都幾刻骨銘心喎!咁多年後仲寫到咁多野~
-
好緊張 >.<"
張卡掉左, 唔係應該可以將件事放低咩?
原來感覺...仲響心入面
-
Come on Train man! Hurry up and finish off the story la! it has taken so long.. are you trying to take us a walk in the park ga?... -_-;;;;;;;
This is so slowwwwwwwwwwwwwwwwwwwwwwwwwwwwwwwwwww~~~~
-
早晨喇~~~
今日試吓可唔可以寫埋落去啦~~~
今日好忙呀~~~~ >_<
-
嘩!無上嚟幾日已經多0左咁多嘢喇!
睇到我好緊張呀!唔好俾佢停呀^^
加油!加油!
-
版主, 早晨...
你掉0左我胃口一晚啦...今日你一定要講張咭裡面寫咩喔...如果唔係, 我今日會好難過....哈哈.......
-
唔好意思啦~~~
我依家嘗試緊將張卡啲內容儘量寫返出黎啦.......
體諒一吓我啦.........
不過寫左一段之後個人又有少少down down地.....
我寫完會即刻post啦~~~
唔好鬧我啦~~~~~ >_<
-
版主, 你好..
好緊張呀~好緊張呀 !
快D話俾我知..張咭寫咩咖啦 !
-
我响度諗........
如果我依家唔寫落去,會唔會被人殺呢~呵呵~
講笑啫
寫緊寫緊........
-
我諗大家會圍起你,迫你嘔番張卡出嚟 ./