我將阿B俾媽咪幫我湊,佢竟然要我俾番錢,我覺得佢唔係想幫我,當份工咁打,好傷心

老馮架咩

下? 當然要俾$$ 你媽咪啦, 唔計人工費, bb d生活開支都要啦

唔好只係顧自己

我平時一個月俾$8000佢,另外而家bb生活開支同佢吃飯都係我俾,咁唔通仲要俾人工???咁咪當佢係工人?

agree! 你媽咪都要俾bb吃架，分分鐘媽咪都要蝕俾你添呀，買衫&野玩俾bb!

我認為一家人應該互相幫忙,唔應該咁計較,我一直都有俾錢(人工的三分一),就算我俾人cut人工,都無俾少過, 負擔已經好重,諗住佢係屋企人,應該幫手....咁應該俾幾多?

佢無買過任何野俾bb, 所有bb的支出都係我俾

日常生活,佢買什麼也向我claim $$$

老馮架咩

by koo - 02/22/07 15:59

x 2

俾多3千得唔得?

你俾人cut 左人工有無同媽咪提過, 或者你同媽咪坐低慢慢傾, 話俾佢知你有乜野開支要俾.

其實一家人唔係應該互相幫忙,點解要計錢?

我諗$3000我真係負擔唔到,或者$1500, 會唔會少得滯?

my mun take care my baby,she never ask me money

gigi,

平心靜氣同媽咪傾下啦…

同你媽媽平心靜氣傾下, 比佢知你點諗, 同埋如果你財政許可既話, 我都覺得應該比既, 事關我比奶奶湊阿b, 我同老公都會比家用, 以外再比2多d錢, at least佢係阿b既親友, 我放心好多, 好過請個工人, 我仲唔放心啦!

gigi,

我覺得唔多唔少都要俾多d,不過就要睇自己能力

你其實一個月都俾8千啦,唔駛做就有人地成一個月人工wor~~仲問你攞??得罪講句,我覺得佢真係貪得無厭~~如果你係俾到我相信你一定會俾囉, 一家人,你媽咪唔應該計咁多

如果你係可以俾得多, 倒不如請工人,係唔係? 仲有人煮飯同做家務仲好啦! 佢都唔諗下

扣番$5000自已請工人還好啦

扣番更係絛可能,反面都有...其實婚後都唔想俾咁多,但又唔想因為我結左婚影響佢生活質素,唯有自己慳d....但有左阿b後,一定要為阿b打算而儲錢....加上我覺得實際上佢都唔駛出錢,只是將時間俾左阿b吧了....最激氣係佢同我家姐湊我家姐個仔,就心甘命底唔駛佢俾錢仲買埋餸煮俾佢食,我家姐平時都只係俾 $4000佢,我覺得佢有d厚此薄彼

gigi ,以前,我一個月俾六千. 家陣, 俾五百. (因為爸爸俾多d佢.) 你媽咪因乜事要咁多$$$?

其他兄弟姊妹有無俾佢????

if ｙｅｓ．　佢都好貪心. well. 你cut 佢五千, 留返請工人. 貪得無厭既阿媽. , 唔好理佢.

gigi,

你嫁左仲俾八千真係已經好孝順...你做衰左個頭喇, 一開始唔應該俾咁多啦..你叫佢湊, 點都要俾多d...真係慘..

所以唔想 (亦不能) 再俾多好多,我驚第日唔駛佢湊阿b時,我一cut番$$,佢又唔肯....咁我咪越俾越多.....好辛苦呀~唔知點解決,下星期又係月尾了...佢又會黑面我

我覺得你媽咪唔體諒你. 如果你一路比得少就話. 幫你照顧埋bb. 應該要再比多d. 但之前已經比$8000. 真係照顧埋bb都可以. 因為有了小朋友開支好大. 就算你唔再加. 佢都應該叫你減或者$8000包埋照顧bb. 好似利益行先同貪心了少少.

你有冇問過你阿媽要d錢做咩呢? 可能佢誤會有d駛費要佢包啫. 傾吓可能冇野, 唔好屈係心入面. 如果只為要湊b而收錢. 佢都唔係自願幫你湊, 咁你不如真係唔好比佢咁多, 留返嚟請工人好過. 你家姐會唔會係搵得少d? 所以比少d?

bb出世之前係咪阿媽已經應承幫你湊?我媽咪都係對我家姐同佢個仔好d, 不過我生咗b之後都有d明白, 第一個bb對女人嚟講可能真係有d唔同的. 只可以接受囉. 我媽咪都應承幫我湊b, 不過生咗之後我要搵工返佢就唔想湊. 都冇辦法, 唯有自己用少d, 自己湊.

雖然佢係你媽咪, 不過都唔好想到佢幫你係理所當然. 咁你會舒服d. 至於你比佢的家用, 如果計過佢真係有多夠生活, 你真係不如比少d, 量力而為. 佢唔明白, 都冇辦法.

gigi,

坦白同媽咪講你經濟負担唔黎，家姐個邊就無謂提起，廢事火上加油…

你同佢講要cut家用，因為呀b開支大，咁再比返d佢，又齊頭比返8千咁囉…(我都係提議下…)，你都要為自己屋企諗下，你又唔係一毫子都唔比佢…

如果你阿媽唔洗供樓, 一個月自己洗都唔洗$12000咁多卦 (你$8000+家姐$4000). 我建議你老實同佢講你嘅情況, 最好係CUT到同家姐一樣比咁多, 然後自己請工人. 相信我, 請工人唔洗睇人面色, 不過開頭要睇緊D. 如果你阿媽嘅態度係咁, 就算你最後迫到佢肯唔收$同你湊, 可能都會成日比說話你聽, 咪又係攪到你唔開心, 而且你未必認同你阿媽湊嘅方式, 但係又唔出得聲話佢, 如果係工人, 反而可以話.

你有左家庭負擔, 佢又唔肯幫忙湊, 如果佢冇供樓負擔, 一個人洗$8000一個月都好合理, 你同佢講CUT$, 佢梗係唔開心架啦, 不過合理就得啦. 唔理得咁多, 記住, 你冇可能令人人都滿意你, 最緊要過到自己.

我講下我自己. 我阿媽講明唔會同我湊, 不過我生左之後, 佢好錫我個b, 不過都係唔會同我湊, 但係就成日來探佢或者叫我帶個b去佢屋企. 個陣時有d事要去我阿媽屋企住左成4個月, 真係有好有唔好, 不過我對於被迫要用一個我唔認同嘅方式湊真係有好深刻嘅感受, 但係又唔出得聲. 真係好辛苦. 而家我返左自己屋企, 有工人湊, 我想點湊就點湊, 開心好多.

其實如果你阿媽係錫個孫又錫你, 佢自己都會慳d洗, 不竟屋企多左個bb開銷好大, 佢都會希望你留返d錢. 如果佢連呢方面都唔為你諗, 咁你就唔洗太在意佢嘅感受, 因為佢係唔會滿足, 只會有佢冇你, 如果你就哂佢, 到頭來辛苦個個都係你, 而且咁多洗費都要你老公負擔, 你就掛住你阿媽 (而佢又唔係真係需要咁多$洗), 對你地嘅家庭都唔健康.

妳都好好, 可以負擔 $8000比媽咪, 妳媽咪都應該心足啦!! 而且, 個孫比佢幫手睇, 唔再收多就應該, 反之, 收少d剩錢比妳養bb先岩.

我媽咪今朝終於出聲話要俾多千幾蚊佢,我覺得佢根本唔愛我,我好傷心

gigi,

千幾係for乜先?

bb奶粉尿片??定係俾佢自己用?

不過千幾都唔多,比預期少

唔係bb奶粉尿片...係日常開支....(水,電煤...),

見你樣衰，咪當係外人，收足你銀囉!

gigi, 我對妳媽都好失望!!! 我自己有頭家之後, 我媽媽反而唔敢要多, 反而收少左. 重話有頭家開支大,叫我留自己屋企使費!! 預期係咁, 不如考慮自己搵人湊, 可能重有預算!!