有好多人會眼紅窮人有供屋, 每月有幾千蚊公援, 但唸深一層, 你估佢哋唔想好似我哋咁住太古城, 去UNY買餸, 去北京樓飲茶, 既然自己生活條件比別人好, 點解仲要眼紅窮人?





  • 我反而覺得現時政府對窮人做得不夠多, 不夠好, 外國個個退休人士都係靠政府援助, 一年出國外遊兩次, 佢哋唔會feel shame, 這是社會福利, 是理所當然的, 我唔明白點解回歸之後香港政府不斷lable踪援養懶人



  • 好多中產人士成日話自己無福利,支出又多,但係佢地既生活質素又高架姐,住靚樓�嗉馬悌僎Q野仔女讀名校,每年去外遊,搵得多使得多,比間公屋你你係米真係去住先,我作為窮人,我真係好恨做中產,就算要將收入30%交稅我都唔想拿綜援住公屋呀



  • 眼紅?.....邊個眼紅住攞公屋拿公援?


    有公屋你住, 有得你拿公援, 讀書唔駛自己出錢, 搵份art time , 用黎吃喝玩樂, 呢啲見唔少





    反而有個朋友,屋企入息超過公屋資格, 屋企又要供樓, 所剩錢唔多, 申請grant loan又冇資格, 為減少家人負擔,人地做part time / 出來工作半工讀, 真係用黎交學費



  • 中產人士的確係最辛苦o個班, 唔好睇人地住咩屋坐咩車, 呢d全部都係人地自己耕耘返黎, 人地搵幾多洗幾多係佢自己既事, 政府對中產既支援最少, 福利最少又係另一件事.





    其實叫做中產一d都唔中產, 有居屋年代, 一個家庭四個人如果搵兩萬幾已經唔可以抽居屋, 要買私樓, 兩萬幾要供樓查實一d都唔嘆, 夾o係中間之餘又無得享受福利唔好以為好正.





    所以呢d野都係你睇人好人睇你好姐.



  • 我反而覺得現時政府對窮人做得不夠多, 不夠好, 外國個個退休人士都係靠政府援助, 一年出國外遊兩次, 佢哋唔會feel shame, 這是社會福利, 是理所當然的, 我唔明白點解回歸之後香港政府不斷lable踪援養懶人





    by TIGER -


    唔係下喎!外國退休人士用嗰D叫做security fund, 唧係我地的MPF, 人地由頭到尾都係用自已$。踪援在外國叫做welfare, 唔可以好似HK甘冇了期甘拿,人地重係一D $, 一D係food stamp, 等D 寄生蟲唔可以亂用"人地" D $, Ok???







  • "中產人士的確係最辛苦o個班, 唔好睇人地住咩屋坐咩車, 呢d全部都係人地自己耕耘返黎, 人地搵幾多洗幾多係佢自己既事, 政府對中產既支援最少, 福利最少又係另一件事."





    當然係自辛苦得番來啦,點洗當然係自己既事,所以我自己都努朝呢個目標進發,有無福利有無支援我覺得唔緊要,自己有能力使乜怕無福利姐,福利留比窮人囉, 因為洗廁所阿嬸同倒垃圾既都好辛苦架,賺雞碎咁多



  • 我地兩公婆入息夾埋2萬5仟


    有7仟/8仟要比家人做家用


    其餘雜費, 保險........


    抽居屋都冇資格, 更何況啲居屋都唔平, 亦唔抵, 用白表申請去抽居屋亦好難中





    仲有我地咁既入息, 中產又唔係, 低下層, 又比真係最基層既人話我地有錢果一類, 中產基層都會排斥我地呢一類


    而我地乜都要靠自己.....等政府幫, 多鬼餘, 啲樓咁貴.....佢幫手解決啲樓市唔好咁貴, 家陣起哂豪宅.. 我地呢一類根本冇撰擇餘地



  • 點解搵兩三萭人覺得自己係中產, in my point of view, family income 起碼搵7萭以上先可以算中產



  • 兩公婆夾埋揾4萬左右都唔見得好



  • "有無福利有無支援我覺得唔緊要,自己有能力使乜怕無福利姐,福利留比窮人囉"





    住太古城, 去uny, 年年去旅行同有車階級已經很不錯. 好多中產都好唔中產, 明白嗎? 福利留比窮人, 有能力搵但因為無福利要捱貴樓, 因為根本無乜選擇.



  • 點解搵兩三萭人覺得自己係中產, in my point of view, family income 起碼搵7萭以上先可以算中產





    by JJ





    好簡單, 因為搵兩 萬多既家庭已經沒有福利...咁算什麼? 低收入人士?



  • 我冇話自己中產, 我話自己中產又唔係, 最基層又係算, 我身邊所識基層人士眼中,佢地覺得有錢, 另一個搵幾十萬一個月人工同學眼中, 我地兩公婆咁既入息, 點可能捱得住生活



  • 就算我地兩公婆岩岩2萬3仟有資抽居屋又點? 我地都比左7仟幾8仟做家用, 居屋又唔平, 唔好忘記, 將來要補地價



  • ??????????????????????????????





    真係要慨嘆一句,呢個乜野世界




  • 版主講緊果d係住太古城呢類既人,每月供樓最少都要萬幾蚊,起碼搵六、七萬一個月果類



  • 版主口中果番話, 我都好懷疑版主係咪佢口中住係太古城, 日日去uny 買送既人士



  • 坐車貴食飯貴住屋貴人工少交稅多



  • 點解呀,有邊樹令人懷疑呀?



  • 個版主好奇怪、自己話自己係中産、係中産高一層(一家100K以上)或者5-6萬、一般講要減税一群係5-6萬左右一層、這一群人普通講係減税、吾係所謂”眼紅”、別人点係人地事、先不要加税、再者要求減税、講”眼紅”一群通常係未到中産


login to reply
 

looks like your connection to she.com messageboard was lost, please wait while we try to reconnect.