我預產期係9月. 我想問下我可唔可以book私家又去政府登記架? 因為而家仲未決定私家定政府呀, 但係2月10號去私家覆診, 個醫生又要我覆佢, 因為佢話床位比較緊張, 所以要早d book. 另外我想問下東區好唔好?

你梗係可以私家公立兩邊睇, 我都係咁, 不過有兩點你要留意

1. 私家醫院好多一confirm, 就要你fully payment咁落訂, 但只係話你知佢會留位比你, 但到時先知有乜級數既床位, 若果你fully paid, 即係等同於你會去私家生, 除非佢地全院都無位比你, 否則係無得退款

2. 公立醫院, 最好早d去登記, 但事先打電話去, 問佢地要乜文件, 登記時間, 同埋家下好多只係收返區內新症, 如果你想去東區, 就一定要提供到東區既住址證明.

我係廣華.以前佢區區新症都收, 但前一排開始, 就只係收九龍西區內新症, 東區有冇咁既情況, 你最好打電話問下先

但係有d人話如果book 私家係唔使收訂先架喎, 我係想兩邊睇呀, 唔使次次都私家咁貴嘛. 但係如果兩邊睇, 係咪可以隔住隔住咁睇呢?

我都係住東區架, 我都打過去問要帶咩, 佢只係話帶我同老公個i.d. copy 同埋醫生証明信就ok, 不過經你提一提, 我都會帶埋住址証明.

同埋如果真係要落訂先, 咁就等於一定要去私家生?

咁你會係私家定公立呀?

我下個月就生, 會係廣華生, 但我都有私家及公立兩邊睇, 通常頭個七個幾月, 公立及私家都係一個月一次, 每次去完公立覆診, 佢都會話你知下次幾時再去, 咁之後去私家睇個時, 就因應返公立既時間去book, 所以可以梅花間竹咁, 兩星期見到一次醫生(公立+私家)

即係例如1號去公立, 我就book15號去私家, 下個月1號又去公立, 15號又去私家咁囉!

可以話你知, 公立覆診好求其, 唔會同你照u/s, 只會驗下小便, 量下血壓, 見醫生就係咁意模兩下, 度下個肚, 有冇野問, 無就走得, 見醫生前後五分鐘都無架! 所以我先至兩邊睇咋!

至於比訂, 間間醫院都有唔同做法, 我唔知你想去邊間, 但近日我就聽到d去私家生既mama話, 佢地間私家要佢地一早full payment, 否則就無得留位, 所以你最好問下心水私家醫院, 因為家下d大陸人好crazy, 噚日睇新聞話, 浸會今年十月都已經有人book啦!

多謝你個經驗, 同埋預先祝你同寶寶身體健康.

如果你私家, 我諗住係聖保祿生, 因為我老公都係果度出世, 頭先打左去問喇, 姑娘話係香港永久居民就唔使比訂, 咁如果唔使比訂, 我都會book埋.

嘩....浸會咁爆呀? 有無咁誇張呀?????

CiCi,

我預產期都係9月呀...仲係開學日添呢, 我都係諗住兩邊睇

多謝你先, 咁如果st. paul唔駛比訂, 就梗係book左先, 到時睇情況再決定啦!

我噚晚睇有線新聞, 浸會話有人十月生, 都已經book左, 當然個係內地大肚婆啦!

我尋晚睇電視話大陸 d 大肚婆湧曬黎拎張7個大o既證明書, 仲book左院話驚無位, 搞到我今日即刻打去比醫生, 因為我book個醫生要3月8日先有得睇, 係朋友介紹o既, 咁佢話我之前可以睇其他診所先... 咁我今日再打去問如我已經book左3月8日睇個醫生, 咁即係佢會幫我安排埋到時生都一定有位比我我先至安心 d 咋

CiCi,

我都係９月生，我睇ｃ＋，　同一時間都有去東區做產前檢查，仲 book 埋做oscar tim!

你可以打去東區醫院話你想做產前檢查，咁佢地會 fax 張 form比你，你填完 fax 番比佢地，佢地會ｃａｌｌ番你覆你時間．

第一次會同你抽血，如果你有興趣可以聽埋唐氏測驗的講座，然後ｂｏｏｋ埋．

我都係政府私家兩邊睇, 而家book咗荃灣私家, 但係都唔洗比deposit

金豬一號, bigcompany

原來你地都係9月呀? 實在太好喇, 而家我成日都諗呢d野, 個人諗到煩哂. 不過我都有同自己講放鬆d架喇.

同埋可以fax book架? 唔使自己去墳form架?

有冇人打算去瑪麗醫院生?

CiCi,

係呀，你ｃａｌｌ東區啦，唔駛放一日假特登 walk in　去登記架！

臨盆胎動call十字車，直入急症室，唔通醫院唔俾妳生呀?

香港人要登記?登佢老.母!

妳地真係聽香港政府老點，走去排隊登記公立e院呀?萬一到時谷爆e院，自然有人嘈啦!妳估係內地孕婦，定係本地孕婦被拒入院呢?

cywong,

你去荃灣邊間c+唔駛 deposite 呀?我個醫生只係掛牌浸會,但浸會要比$20k deposite ar....

你可以介紹下你睇邊間c+?

bigcompany,

我睇盧乃本架, 佢比信我自己去book架

我上星期六fax左去東區登記左喇, 排左12號去產檢, 佢話最少要3個鐘呀, 我想問下第一次去政府係咪要抽血驗架?

CiCi,

第一次係最少3個鐘呀, 因為要驗小便, 度血壓, 度高磅重, 抽血, 照U/S, 最後先見醫生同拎下次覆診張紙..

做完每一樣都要等做下一樣所以就咁耐, 不過之後就好快架喇, 你想耐都唔得呀.

cywong,

thank you, 不過我都係去番浸會啦! 因為我再去問番浸會,hk人唔駛比 deposite, 可能我上次打去c+問佢以為我係大陸孕婦 :(

CiCi,

For your reference, 我上次去東區約左10:30am去，去到詢問處比左個ｆｉｌｅ我坐埋一邊等，跟住就一大班人入左去間房睇關於aids test 的vedio，然之後就逐個逐個見護士，護士會問你幾時ｍ，有冇遺傳病ｅｔｃ，同你約埋下次時間．．之後就係驗血壓 & 抽血，然後就走得，當時只係11:20am,不過因為我想聽埋12:00的唐氏測試，所以最後我1:00pm走．

當然，如果咁啱你個批人好多，可能會耐ｄ∼

bigcompany,

其實而家好多都唔收deposit, 只係而家都唔可以話book定咩房, 要入到去生先有得揀, 到時真係得一人房都要比架啦