我同老公結咗婚一年，大將係6個月前冇避孕，但耐何都未有好消息。我媽咪就超級恨抱孫，但係為咗唔好增加我地兩公婆生bb嘅壓力，我地冇同我媽咪講我地已經開始有計劃。
-
-
所以我結婚前已經同佢講我地唔會咁快生，誰不知我媽咪想抱孫嘅情度遠超過我地所想，日提夜提，無論我地講緊咩話題，佢都將生bb聯繫係一齊。我初初都唔出聲，由佢講，但當我地試咗咁多次都未有嘅情況再加上我媽咪日提夜提之下，我終於忍唔住發裨氣同同我媽咪講"你可唔可以唔好成日提呀，你知唔知你不斷俾緊壓力我地呀!"
-
講完之後，我好後悔，因為我知道好hurt我媽咪，但係個一刻我真係忍不住(其實之前都有心平氣和咁同佢講過)。
而家我覺得好唔開心，都唔知可以點........
-
p.s.: 我同老公都只不過係廿多歲，或者我未做過阿媽，所以都唔明點解媽咪咁心急，我地又冇話唔生.........
-
我結左婚三年先開始plan生bb, 呢d事順期自然, 最緊要自己relax, 做好心理準備
兩邊老人家都無催我地生, 但一知我有左, 我呀媽就勁緊張, 搞到我好煩, 所以家下任何電話, 我都叫老公去聽, 因為我份人比較性急, 易發脾四, 反而老公比較有耐性, 可以慢慢同我媽傾, 家下我阿媽有乜都會直接搵我老公先,
兩母女唔會有隔日仇, 你唔曬咁唔開心, 同埋最緊要relax, 先易bingo
-
我諗你的長輩, 一定成日問你+上你又未成功, 所以咁唔開心勒. 唔好咁唔開心啦, 你媽媽都係緊張得制, 所以至成日吹你啫, 你一係同佢講下其他野, 等佢諗等二d野la.
你唔開心, 咪係道呻下law, 我都係咁. 如果成年都唔成功, 可以搵個e生check 下law. relax d la, 你重咁後生, 慢慢來, 總有機會的. 大家一起努力呀!
-
多謝你地咁有誠意嘅留言。
beeeeeeehappyyy:
係吖，差不多所有知道我地結咗婚嘅朋友每次見面都會問，通常我都會求其搵藉口就算，哈哈。
不嬲我同我媽咪嘅關係都好好，我最唔開心嘅係點解講極佢都唔明，所以個次我先會忍唔住發脾氣，我諗佢都唔會再問家啦 (希望啦，連我屋企人都覺得佢真係講得太多)。
我而家無咩啦，好在老公非常明白同鍚我而老爺奶奶從來冇催過，算係咁啦。