德國痲疹抗體一問





  • 想知咩呢..???



  • 我計劃要bb, 之前做左個blood test, 去埋醫生度攞report, 個醫生淨係話我貧血, 勁sell我比多$500做埋個"地中海貧血"test. 我話我冇呢個病, 成個family都冇, 而且以前曾經多次捐血, 咁我reject左話唔做, 佢就好冇癮咁放我走.





    尋晚睇返個report至發現德國痲疹抗體果項係"紅色"(其他items正常o既係黑色字, 有問題就紅色highlight左), 有冇人知代表d乜? 我見佢個reference係「cutoff: 10 IU」,但我係「positive 24 IU」, 仲紅色左, 即係乜?





    同埋有 / 冇抗體對個媽咪 / BB有咩影響? 唔該!!



  • 據我所知, 德國麻疹一般都係女生小六個年會打既, 但日子耐左, 係會慢慢減少, 而呢種病,會對bb有好大影響, 最worst會令到bb無左, 所以我計劃生bb之前, 都專登去打返針(因為我小六打針個日病左, 所以之前無打過),抗體唔夠, 可能會係懷孕時多一個風險, 所以打夠佢會好d, 但打左既話, 6個月內都唔好有bb先得.





    另外, 地中海貧血, 係基因遺傳, hk有8%既人, 係有呢隻基因係身, 但因為好多都係隱性, 平日無乜野, 所以自己唔知唔覺,一d都唔奇.





    之不過, 如果真係打算要bb, 就最好兩公婆一齊去做個地貧基因測試, 因為兩公婆假若都帶埋同一種地貧隱性基因既話, 有1/4機會會誕下重型地貧bb, 一般都會出唔到世, 就算出到世, 都要終身換血.





    我老公都有地貧基因, 佢都捐到血, 但我就無, 所以阿b唔會有大問題, 最多都係唔好彩, 做左隱性地貧基因bb, 但我老公個妹同妹夫, 就兩個都係同一地貧基因帶菌者, 兩次個b都中左招, 要做人工流產





    所以驗清楚, 安心多d



  • gigi,





    多謝你詳盡的解釋.





    聽你咁講, 即使小六時有打過德國痲疹針, 都唔代表以後唔會中招. 正如乙肝針咁, 話就話可以5年10年, 原來唔係, 都要睇番每個人o既體質, 我老公唔夠5年就冇曬要即刻打返, 我就成10年都仲有好多剩响度唔駛打.





    但如果已經有左bb咁點呢? 咪唔可以打針?





    地貧基因......乜原來捐過血都唔代表冇事架? 個醫生仲話只要捐到血冇比red cross reject即係冇事! 真係比佢老點! 咁都係去轉睇個好d o既醫生再睇下駛唔駛做test.





    thanks~



  • 心急人上,





    如果已有bb, 就唔可以打麻疹針, 要自己小心d





    至於地貧基因, 如果未有bb就梗係驗下安心d, 好多醫療中心, 都有婚前驗身package, 會有包埋, 你覺得貴既話, 可以自己驗先, 如果你無地貧基因, 咁老公就算係帶菌者, 阿b都唔會有事.





    但如果你係帶菌者, 咁就要叫老公驗埋, 佢無既話就唔曬擔心, 大吉利是有既話, 你地就要小心d考慮, 真係要唔要bb



  • gigi,


    thx~ 一定要捉老公驗埋至得^^



  • 我都打算生bb,我問過3個醫生,3個都話打完麻疹針後3個月唔可能懷孕,唔係6個月。



  • 我係去健康院打既, 姑娘話6個月好d, 有多少少waiting period, 咁我當時又無諗住即刻要生, 所以咪照做囉!


login to reply
 

looks like your connection to she.com messageboard was lost, please wait while we try to reconnect.