我聽人講, 有左就唔可以係屋企"dup"野同鑽野, 但係我剛剛有左5個星期, 而家屋企既外牆剛剛維修, 又"dup"又鑽, 會唔會有影響架?





  • 我唔係迷信, 只不過我覺得傳統都有d智慧, 話曬裝修鑽野,點都會嘈, 嘈就會令到個人煩氣, 自己對個胎唔太好, 可以既話, 你趁佢地開工之時, 出外行下, 等自己relax d, 心情好對你同阿b都有益



  • 我因為而家作小產所以要係屋企休息, 唔行得多, 跟住又會出面鑽野喎, 影唔影響架.....人又訓唔到, 真係激死



  • 其實主要係講自己屋內唔好裝修維修之類. 不過其實外面整都真係影響心情. 我之前走廊維修. 都係盡量避開出去. 因為感覺真係好煩好煩.



  • 同埋主要係孕婦唔好做d粗重野, 除左dup野鑽野之外, 夠話唔好拿剪刀啦. 如果真係咁迷信, 咁做車衣果行點算?


    自己小心d就得, 同埋係覺得煩o既, 試下聽d輕音樂緩和下情緒. relax!



  • 我而家都閂哂d盡量唔好咁嘈...盡量令自己心情平靜d.


    不過可能第一次有bb, 所以緊張d



  • CiCi,


    諗多d開心野, 或者睇下d消閒書/雜誌分散下注意力, 唔好太緊張啊!



  • thank you all,


    不過近排胃口唔係太好, 成日食唔落野咁, 食完個胃又唔舒服, 我懷疑係因為呢排痾唔出, 所以食唔落, 但係我又成日食生果, 麥皮, 飲奶, 都唔知點算好.



  • 我頭個幾個月, 胃口都唔好, 但唔曬太擔心, 因為阿b仲好細, 佢唔會唔夠營養, 之後胃口會慢慢好返.





    至於便便, 多飲水及青奇異果/ 火龍果, 好work架!



  • 可以食奇異果架咩?




  • 梗係得啦! 我個私家話最好食青個隻, 金奇異果經過基因改造架!






login to reply
 

looks like your connection to she.com messageboard was lost, please wait while we try to reconnect.