有無人有個另一半係只得中三程度, 但英文+普通話都唔識呀? 我好想問你地, 佢地o既睇法+想法, 同埋佢地自己o既前途...... 我, 唔想養佢成世!





  • 你講既另一半係咪你男朋友呀? 我男友英文同普通話都唔係好叻, 中五畢業, 不過我都唔介意, 其實鍾意一個人開心就得, 無話邊個養邊個, 有錢大家一齊洗, 我都搵得多過佢, 仲有double pay及bonus, 佢得bonus, 但我出double pay時都一齊洗及比咗d佢, 佢話唔要, 我話你都無double pay, 開心d嘛! 我唔係倒貼, 但有時大家唔係好有錢, 我鍾意咩佢都買比我, 我鍾意狗仔, 佢都用成八千蚊買隻狗仔比我, 話佢開ot時得我一個係屋企好悶, 狗狗可以陪我, 我鍾意去澳門行街食野, 船飛貴但有時我想去佢都會買飛同我去, 我地唔係好窮但亦唔係好有錢, 大家都係賺一萬到, 但過得好開心, 我地拍拖都三年幾喇, 都好少鬧交!





    如果你成日諗住佢學歷低過你, 人工少過你, 唔單止影响感情, 仲會令你自已唔開心, 除非佢性格差及脾氣臭, 否則鍾意咪得囉, 唔好介意$啦, 我都知讀到中三既男人eq比較低, 因為我以前個男友都係得中二未畢業, 以前因為一個鍾意拍咗七年拖, 但最後分手係為咗三個字唔甘心



  • 多謝你o既回應呀, 但係我唔係話D咩, 只係因為佢自己本身已經欠債緊, 還緊錢, 但仲keep住唔去緊張D錢, 又成日放工返黎掛住打機, 乜都唔理, 成30歲人仲一事無成咁, 再老D咁點算呀?! 仲keep住做個sales仔呀?! 宜家個個都至少中五畢業, 人地一句唔該就踢你走, 咁點呀!?





    我唔係想同佢分手, 因為我真係好愛佢, 但係我自己都要儲錢讀埋個degree, 我亦都諗好多野, 我好想有間好Do既屋住, 好想可以結婚生仔, 你知道嘛, 生一個BB用好多錢架, 但生一個不如唔好生, 至少要兩個! 但係佢宜家仲要係咁樣, 我唔多唔少都好唔開心!





    佢...... 似乎越黎越依賴我, 打機唔識字又問我, 乜都問, 唔去解, 講左個生字解釋你知, 又要我解埋成句, 但你要明白, 句野真係好淺! 同佢一嗌交, 一句得埋黎, 就話,係呀, 大學生, 我係咁架喇, 咁我可以點?!



  • 你女朋友有無興趣做化妝/美容行業..如果佢有興趣的話..我可以介紹佢入行..等佢容易搵多d錢架



  • 學歷form 3 唔係問題, 只不過佢好似一d都唔上進喎. 俾我會分手.



  • 竹門對竹門, 木門對木門, 如果思想距離太遠好難溝通. 我指思想要夾.





    我識得有一對, 女既係外國留學既會計師, 男既係泥水佬, 不過, 佢地都好夾.





    我老公係中五, 我就大學畢業. 不過, 我老公都算ok啦, 佢係公務員, 佢叫我唔好嫌佢無得升職, 佢好可能永遠都無得升. 我地有錢兩份駛, 無計既.





    我老公話好怕女人蠢, 又怕女人囉嗦. 佢對於老婆既學歷無要求.



  • 你既男友好似我以前果個, 佢一d都唔上進, 有錢就去買無謂野, 無諗過d錢可以儲起, 之前仲衰無錢養車都仲要買, 有好多次都係我比錢入油, 有錢寧願同班豬朋狗友去飲酒, 搵都搵到一萬, 但洗就洗萬幾, 兼且我地三日唔埋兩日就鬧交, 對住佢好激氣, 有時諗都唔知跟住佢為乜, 好似湊仔咁, 佢仲會話你成日管住佢, 傷心都傷心過無數, 身為女友要做既野都做曬, 但眼見同佢一齊都係無將來, 唔好話生仔, 結婚都未必有錢, 有一段時間我曾經好想結婚生仔, 但嫁個咁既男人, 唔結好過結, 盞累死自己, 貧錢夫妻百事哀, 其實有好多野係因為佢地讀書唔多, 思想唔成熟所致, 同佢地講道理唔明, 郁下就發脾氣, 所以就成日鬧交, 講真做女人梗係想人照顧多過去照顧人, 所以我遇到而家呢個條件雖然唔係好好, 但我都即刻走, 雖然好似好衰咁, 但為著自己, 狠心都要做一次, 唔係人生就好似無希望!





    你知嘛, 我當時想結婚都要諗中左六合彩先結到婚, 好彩當時無同佢繼續一齊, 我而家個人開心咗好多, 無再咁易發脾氣, 其實你既然唔開心, 勉強一齊盞浪費自己青春, 如果你仲未到三十, 佢又唔肯改就拿拿聲分手, 我當時問埋我屋企人借錢比佢開舖頭, 但佢都未識生性, 最後我寧願將舖頭摺埋, 自己打工將錢還返比屋企人, 佢起初都有幫手還, 但得果幾百蚊, 最後影都無埋, 好無責任感, 你得閒聽下關心妍首放生啦, 我諗你會有好多感觸架!




  • 其實d男人成日話香港女人唔好, 寧願返大陸搵女人, 我想話只要個香港女人係鍾意既, 個女人真係會心甘命抵跟足一世, 但最最基本要有既係兩個人一齊係開心!



  • 我覺得起步點�鶱鉽灟垠n, 最重要係唔好停�鰜�, 幾慢幾辛苦都好, 都要向上爬







  • 多餘, 你識佢就已經知道佢係中三架啦, 依家先睇小人, 早你就唔好拖人咁耐啦




  • 讀書唔多唔緊要, 好多人根本唔係讀書o既材料.個 point 係對方唔上進, 太依賴, 而唔係佢中三定中五.



  • 我都有類似既case. 大學 vs 中三. 因為一開始都知佢既背景, 所以決定同佢長久後, 都會努力為將來計劃. 雖然佢同板友既case類似, 都係有欠債, 你想佢好既, 咪幫佢cut 曬d咭, 一齊還咭數, 然後從新開始! 你知佢理財唔得既, 咪幫佢理財, 你係大學生, 有既係知識同遠見, for me, 我就keep 左佢每個月大部份既人工, 一方面幫佢還債, 一方面(暗地裡) 我做左個基金計劃, 等我地退休都有個基本保障 (唔洗執紙皮咁啦) 老實講, 如果可以, 我會想我付負責大家生活費既大部份. 無乜學歷既人, 賺既係辛苦錢. 佢OT 比我多, 工作性質亦辛苦好多.





    佢值唔值得你咁付出?


    你想唔想同佢一世? 如果你想, 你又有無盡過力做多一點? 發揮你的長處吧.


login to reply
 

looks like your connection to she.com messageboard was lost, please wait while we try to reconnect.