醫生一時話懷疑宮外孕, 一時又話可能遲d先睇到......比佢攪到好擔心......有無人可以幫幫我?

本人1月14日去睇普通醫生,驗到有孕,仲話已經有5週,因為最後一次經期係12月5日. 咁我就1月15日去左睇婦科,但醫生照肚同照陰道都照唔到有野. 醫生就問我平時係咪會遲經, 我話係,通常就遲1個星期.

之後醫生就話而家照唔到有兩個可能性,一.就係宮外孕,二.就係仲未照到. 但係就可以驗血睇下個指數高唔高....不過分兩日抽血去驗.

咁到16號我又打去問個醫生報告出左未, 佢話出左,個指數唔算太高,咁我問佢咁係咪即係唔係宮外孕,佢又話好難講,一時又話下星期應該照到架喇....之後又話星期六上次都可能照到....我都唔知佢答咩....跟住我話咁我book星期六喇....我自己都心諗睇埋呢次如果佢都係答得九唔搭八的話, 我道轉醫生.

咁我想問下大家, 如果有左5個星期, 經陰道照係咪一定會照到個囊架?會唔會真係要遲d呢? 因為呢幾日攪到我好擔心呀.

唔駛擔心, 我都試過同樣情況. 仲叫我驗咗2次血tim. 我唔多信佢. 後來我轉另一個醫生話一定唔係宮外孕. 你轉另一個醫生試吓, 可能就唔會有問題. 其實開始時比較細未照到都唔奇的.

多謝你的答覆. 但係我呢幾日都有少少好似經痛咁既感覺, 咁係咪正常架? 呢排我同老公都訓得唔好呀....同埋我都盡量叫自己唔好亂諗野,但係個腦又好不其然咁諗.

唔駛客氣. 我個時聽到消息都成個星期瞓唔著, 仲喊咗幾晚tim. 其實你唔想等可以即刻去搵過另一個好d嘅醫生睇吓. 或者可以令你即時relief. 我唔記得有咗初期有冇經痛感覺, 我只記得同m come前係有d似的.

just go to another Dr.

我會再去搵第二個醫生架喇, 不過我有個朋友話佢個醫生幾好,幾細心,不過係男既, 我就同我老公講,點知佢話唔係咁好喎, 我都估唔到佢會介意, 反而我真係唔係好介意, 雖然係會尷尬,但係個醫生好咪得囉.....係咪?

Ｃｉｃｉ，

我２年幾前試過輸卵管宮外孕，我同你一樣一向都唔係２８日一次（我３３－３５日一次），以下係我的經驗，希望可以ｈｅｌｐ　ｙｏｕ！

我有左５ｗ時下面流左幾日血（少少）而且右邊肚痛，個時乜都照唔到，經過好多次驗血先ｃｏｎｆｉｒｍ有左，但ｔｏｏ　ｌａｔｅ，輸卵管要割

（１）多數要有５ｗ以上先照到，有ｄ人要６ｗ先照到，你Ｍ唔準而家照唔到唔出奇

（２）有冇ＢＬＥＥＤＩＮＧ同肚痛（ｂｏｔｈ，係痛唔係唔舒服），如果冇多數都冇事

（３）就算有谷Ｍ的ＦＥＥＬＩＮＧ都唔出奇，好多大肚婆都會咁

（４）Ｂｌｅｅｄｉｎｇ都不用怕，好多時ｂｂ著床你都會出血，ｏｒ作小產，唔一定有事，休息多ｄ唔好ｔｈｉｎｋ咁多就得

（５）你自己驗多次，宮外孕會出一條好淺色的ｌｉｎｅ（ｗｅａｋｌｙ　ｐｏｓｔｉｖｅ），如果係深色就唔駛驚喇（你第一次係深定淺）

（６）去見醫生密ｄ，唔好慳，我o個次乜都唔識冇睇ｃ＋，成個月先ｃｏｎｆｉｒｍ又唔照，最後要割，ｔｏｕｃｈｗｏｏｄ真係宮外孕，如果發現得早可以打針，咁就可以保住輸卵管，我ｏ個時得２２歲咋

cici,

如果你想睇女醫生我可以介紹俾你,佢好後生但有經驗,而且仲好細心

最重要係個e生好, 唔係佢男定女.既然你朋友睇咗都話好你再同老公商量吓, 我本人都睇過幾個女醫生(起初係我自己介意), 都唔滿意, 最後經朋友介紹睇個男醫生就好好, 再生都會去睇佢. 快d去睇喇. good luck

BLUE,

多謝你既分享, 琴日開始有流d啡色野出黎,不過今朝又無左, 同埋我自己試話買兩支棒棒黎驗,第一次就係淺色條, 隔幾日再驗就係深色.

咁你當時知道係宮外孕有無好傷心呀? 同埋做完手術係咪要好耐先復原架?

我聽日會去覆診呀, 好鬼緊張呀...

blue,

好呀, 麻煩你可唔可以介紹你個醫生比我?

thanks.

CICI,

第一次就係淺色條, 隔幾日再驗就係深色.應該冇事，因為胎兒生長緊

不過你有少少流啡有３個可能

（１）著床出血

（２）作小產

（３）小產　（我都試過小產，講話一大聲少少都會流血，不過我覺得你係唔似）

心情方面，個時我想自殺，因為我之前唔要一個，想要就宮外孕，ｃｏｎｆｉｒｍ個時都要立即做手術喇，一個月瘦成２０磅

手術要好耐先復原，我ｓｕｇｇｅｓｔ去睇中醫，同ｃｈｅｃｋ清楚點解會宮外孕，好似我個ｃａｓｅ，一條輸卵管塞有可能另一條都塞，一定要身體好先再有，我個次８個月之後再有又小產，前前後寢冇３個

巫少慈醫生，２７８７３８３０，係問下姑娘有冇陰道ｕ╱ｓ照，我ｏ係個度未照過陰道ｕ╱ｓ唔知有冇，不過多數都有，ｏ係旺中一期１９１７－１９１８室

其實我之前都無要2個, 今次想要就唔想佢有事呀, 不過之前2個係自己唔要, 因為當時細個. 咁你而家有無小朋友呀? 我諗你都要睇下中醫調理下, 因為我上網睇過, 有d人係會易小產, 所以你都一樣要調理返先呀...

我聽日會去覆診, 好緊張呀.....我呢兩日都有摸住個肚個佢講:我好想你黎呢個世界, 做個健健康康既小朋友呀, 所以你都要堅強d. 咁樣自己又好似無咁擔心咁喎

Cici,

我冇睇中醫調理下,因為冇一個中醫幫到我, 食完佢地D藥,唔係痾就流鼻血,之後都冇睇啦

至於有冇小朋友呢....heheee......2個月之後出世囉....heheee...