早排我驗到我有咗,跟住我都有keep住睇婦科,直至上星期,醫生話我個胎停止生長.我真係唔知點算,而家唯有接受現實,我想問各姊妹有無人試過要做人工流產呀?
-
-
我都係喺上年9月底因bb停止生長而做人工流產，不過我提議你最好睇多一個婦科，因為我都聽過有d朋友講話個胎有事，但後來睇等二個醫生先知前一個醫生睇錯，我之前睇等一個醫生話我個胎囊入面冇bb，後來睇等二個醫生都照到我肚入面個bb，不過冇心跳&停止生長而要做人工流產，你快d去睇多一個婦科啦，如果結果一樣就要快d做人工流產，唔好拖，對身體唔好架。
-
好多謝你的意見,但我好想問你,當時你係去政府醫院定係私家醫院做呀?
-
私家醫院
-
哦 ~~ 價錢貴唔貴呀 ? 同埋之後你要休息幾耐呀?
-
聖 德 肋 撒 醫 院手術連住一晚唔ｏｖｅｒ一萬蚊。
-
哦~ 真係唔該你俾咗咁多你的意見我.
其實我而家都真係好擔心,因為我約咗今個星期六會再去多次覆診,到時再作最後決定.
我都有唸過睇多一個醫生,但係d好嘅醫生真係好難預約.
-
我夜晚９點幾做手術，之後大約朝早５點幾起身去洗手間起身嗰刻有ｄ頭暈，打後都冇咩唔舒服，不過我成３個月後先有返月經（９月３０手術，１２月３１經期到）。
-
點解咁遲先會有返月經嘅?係咪都係屬於正常架?不過我聽人講話最好唔好做刮宮,因為會比較傷,有d會採用吸的方法,其實用咩方法是否由醫生去決定架呢?
-
我都係因為朋友搭路先可以約到個好嘅醫生，不如你試下同姑娘講你個你個胎有問題唔等得，唔係講笑你試下一路講一路ｃｒｙ同姑娘講比你攝時間幾點都得最緊要快，可能姑娘同情你會幫你攝時間呢，為咗亞ｂ咩都試下啦！
-
我吸宮，醫生話我個胎唔細，如果食蘂排唔淸要再刮宮會重傷，所要我做手術吸個胎出嚟ｌａｗ。
-
正常４－６ｗｅｅｋｓ會有月經，醫生話有時都會因為心情而有影響，又或者每人復原快慢都唔同，如果冇肚痛ｏｒ不正常分佖 ｏｒ分佖有臭味都唔擔心，但如果太遲都唔黎就要ｃｈｅｃｋ下係咩問題。
-
哦~~你真係好好人呀~解釋得又詳盡
其實到目前呢一刻,我都仍然存有一個希望,就係今次覆診 bb 無問題,有心跳,發育正常就好喇,有時都覺得自己好傻 .....
-
傻啦!我都係打幾粒字啫，我都面對過你嘅問題，我當時都好傷心好想聽多d意見，如果有咩問題講出嚟，一人計短、二人計長ma..
-
i try give my booking to u , just TRY
CAN U GIVE ME YOUR msn?