我有男朋友,但郤愛上另一個人...





  • 講個故仔聽下先



  • 已經不知是第幾次的失眠,想起他和男友的種種就很煩惱。





    我今年28,和男友一起己差不多七八年,計劃中明年也會結婚。偏偏在這時間偶上他。





    男友成熟穩重,對我說不上細心體貼,一起多年也有風浪,不是第三者只是他太埋首工作,而且他也不是一個懂討女仔歡心的人。有時差點分手就是因為他經常因為工作居然忙了約了我在街上等.....或是根本忙了我的存在..





    而他,和男友是另一類人。他比我年輕,很會討女仔歡心,細心也體貼。雖然他很受女仔歡迎,但最照顧我也是事實。





    我想在想,如果早幾年認識他就好了。我和男友已經半同居,只是因為他常不在家我才會回自己家住,因為他根本冇瑕顧及感情事,我想感到孤單一人。





    在所有大時大節及星期六日,他都不會想任何活動和我一起去,在他心中...結婚只是因為和我一起己久及他這年紀適合結婚..





    他的出現無疑令我生活出現連綺,從來都沒有人會如此細心對我,和他一起我感覺如回到十多歲時...很甜蜜,


    我怕冷他會俏俏買杯熱咖啡給我但又不讓我知...


    我工作夜時他會放一盒點心只供我一人享用...


    我不快樂時他會靜靜坐在身邊不敢離去....。





    男友是大學時的學長,常常一起合辦活動便順理成章拍拖....可以.說..他從來沒有追求╱想過如何討我歡心...出


    我理智上明白和他是沒可能...但感情上我已很倚賴他..知他對別個女仔好我會不愉快..


    但又很想趁年輕嘗一次戀愛...





    而對男友,感受也佷內疚,早幾年他對過我不好,但現在已改好。而且人人都知我們明年會結婚...我真不知自己在想什麼





    早幾年年輕時也有過很有條件的追求者,但我也能克制,偏偏現在都說會結婚了..才會這樣多心





    不敢和家人和朋友說,在他們心中我一向是個很傳統的女人...即使早幾年男友不好,他們叫我分手我也沒有理會..一直忍下去...為什麼現在...





    為了避開他,我沒有刻好過...工事上常常一起,一看見他我就難過...他愈對我好我愈辛苦...偏偏一見到他我又會興奮莫名...





    現階段他還不知道我有男友,因為所有日子他不是見我工作便是回家...


    我認我是壞女人....很想他一直對自己好...但又不捨得一起多年的男友..





    他對我而言已經不止╱不是男友,更多的感覺是家人...朋友....好幾次差點想對他說出這件事.....





    我該怎樣?


    放棄多年穩定的感情?追求開心的戀愛?



  • 恕我直言, 你給我的感覺是:





    你要的只是新鮮感, 到你和這個 "他"發展得耐, 當你又遇上新刺激, 你又會三心兩意.





    但這是你的人生, 如果真的想和那個 "他"發展, 就要和男友灑脫地分手.



  • 我都試過呢d咁既情況,最終既結果係後悔已晚。


    果陣我男友一號知道左佢仲可以原諒我,但係我都仲係貪新鮮同左男友二號一齊。五年的感情就咁玩完,當真同二號,可能習慣左同一號一齊,慢慢就會同二號比較,覺得二號不好,可惜要返轉頭,清醒時實在太遲了



  • 返去男友身邊


    除非佢真係對你唔好, 你又好唔鍾意�


    否則你唔好太多心



  • 無奈


    何必浪費咁多心神去煩腦!什麼道得,什麼責任通通都可以不理,人係自私的,魚與熊掌不可能同時擁有,揀妳最愛果個去愛吧!



  • 你講到你男友一點不是好男友,至少你想有他的陪伴,他也不能做到,我想(個人見解)你在婚後的情況也差不多,與其這樣子的等,現在遇到一個對你關心,令你開心,也可嘗試給大家一個機會,好過你婚後才想,到時嘅苦惱一定比現在痛得更多倍!(當然,現在也要承受後果,但在婚前抉擇比起婚後的輕鬆點)



  • 咁你同果條友上左床咪o者?



  • 首先你要攪清楚呢个他是否想和你發展成為男女朋友關係先, 定係你自己因為佢對你好而有這个想法. 另外你亦都要再想清楚你對你男朋友仲有冇愛的感覺, 呢一点先至係最重要. 有好多男仔係對每一个女仔都好好, 好細心, 尼D可能係佢嘅個性, 亦可能佢想做被受歡迎的人.


    嘅然你們都經歷過風泿, 我認為你應该將你對佢既感受, 不滿灘開尼同佢傾, 但建議你不要提及第三者(那男仔), 先解决你兩者的問題, 再問清楚自己究竟重愛唔愛佢, 你要知佢只係太投入工作, 又唔係有第 2 个,當然, 你都要問清楚你男友係咪重愛你及是否想 同你結婚......攪清楚你2個之間嘅事先,,,,,,第 3 者只不過係一个衝激尼, 唔好因為一時衝動而做錯决定



  • 我係30+M, 個CASE一樣, 一樣係遇到妳呢個情況, 但現在己經係攪到兩頭唔到岸呢個地步.


    如果妳要同呢個男朋友分開而同呢個男人發展, 妳要清楚自己先:-


    1. 妳係咪覺得妳好憎呢個男朋友人, 再同佢一齊都冇辛福, 而佢唔會再為妳改變?


    2. 妳係咪一個好重感情既人, 係咪真係話放低就可以放低8年既感情?因為一D人係唔可以係一段好短既時間而有兩段感情. 到時妳同新既男友一齊個陣, 可能會投入唔到導致兩個都冇曬.


    3. 妳係咪覺得呢個男人所有野都會優勝過依家個男友? 如果有缺點可唔可以包容到?


    4. 當妳要放棄同依家個男友一齊, 會唔會覺得好內疚?


    5. 妳係咪一時貪新鮮? 因為妳同呢個男子依家係一個互相猜測既時間, 呢段時間至熱戀期係最開心同最刺激既, 思想可能會好混亂, 妳要再3諗清楚!!!


    6. 如果妳唔想第日後悔, 妳最好同依家個男朋友坦白講清楚, 話妳知妳依家既問題, 俾大家一段時間去重頭黎過, 睇下大家係咪真係唔夾, 但一定唔可以俾第三者影響到. 到最後乜野結果都好, 大家都算有努力嘗試過, 唔會後悔.





    妳自己想清楚!


    當初我都係俾新鮮刺激迷惑左, 依家好內疚好後悔.........



  • 好感激有人會聽我的故事。..esp謝謝你們和man的分析。





    其實我同那個"他"未開始,只係屬於一個好曖昧既階段,呢段時間我地真係好sweet,有時一個眼神,一個擦身而過都給我一種觸電的感覺。我都唔知自己係貪新鮮定真的愛他....





    如果佢見到我同其他男同事一起時..我見到佢會目不轉睛的看緊我...而我見到佢對其他女同事好時我亦會個心唔舒服





    如果話我貪新鮮...一直以來都有追求者的我都冇試過想變心。如果話我愛佢...我又唔肯定。事實上我一開始根本冇留意佢,而係係相處過程中佢對我特別好細心令我感動...





    其實呢家既男朋友係我既初戀情人..呢種感情我真係唔會形容...佢就好似我家人一樣.....除左佢我冇第個男人,可以話...我真係想像唔到冇佢既日子會點..





    我相信男友係一個愛家庭的人,佢會好好照顧我,呢家我地既關係是安定而平穩,佢話我地應該要結婚...





    早幾年我同佢差點分手亦唔係因為第三者,亦唔係因為佢忙...而係佢話冇左愛我既感覺...呢句說話一直留係我心入面。我真係突然間唔再知愛既感覺係咩...我亦好担心有一天佢會再同我講呢句說話,或者係咁...我先會想試下第個...





    我知尼個念頭好壞..雖然我冇同那個他開始...但我已經好內疚同不安...





    我唔敢同佢單獨相處..更加唔會和他約會.那怕我們因公事只有數分鐘兩人相對.....所有氣氛都變得不同...我地只會靜靜地望著對方...唔知講咩好





    呢個男仔比我年輕兩年,很會討人開心..會花心思..很體貼.和我男友是另一種人..他有的..該是我男友沒有的。





    我真係覺得好痛苦...


    如果我壞得起..也許我可以一腳踏兩船..


    如果我放得低初戀男友....也許可以試下和他一起...





    我唔知點同男友講...唔敢話佢知我公司黎左個同事同我有d咁曖昧的關係..





    呢件事其實只係發生左兩三個月左右...因為工作關係我和那個男同事才會有不少交往,原以為工作完了...那種感覺會消失..





    點知...不可以再朝夕共對,反而更加想著他..


    現在我只好兩個都逃避...













  • 無奈小姐~


    我的情況和你9成9似.....!!





    我而家每一刻都掛住''2號''


    每次番工見到�


    我同佢都好sweet.


    無錯...一個眼神而家好sweet~~


    我都唔知佢有冇諗過同我一齊.





    我.....都唔知會點............................



















  • 我都試過呢d咁既情況,最終既結果係後悔已晚。


    果陣我男友一號知道左佢仲可以原諒我,但係我都仲係貪新鮮同左男友二號一齊。五年的感情就咁玩完,當真同二號,可能習慣左同一號一齊,慢慢就會同二號比較,覺得二號不好,可惜要返轉頭,清醒時實在太遲了





    by hunnie - 01/13/07 10:09





    同我的處境反想法exactly一樣呀



  • 我個case同你的十分相似, 3年前我有個已拍了5年拖的男友, 我地好恩愛,此時真係一心等嫁佢..當時我24歲。


    同前男友在一起那5年間,我身邊也不乏條件不錯的追求者,但我從沒有心動過,一來因為覺得做人是應該要專一,二來我覺得自己無需要再揀,最好的已在我身邊...但3年前比我遇到另一個,他是我一個同事,細我1年,初初入到公司見到他,只係有種"都幾靚仔喎"的感覺...待續



  • 好似好多人都人相同經驗...


    又好似''後悔''既居多.





    呢個topis可以改做


    [ 如 何 抵 抗 誘 惑 ]



  • 我送你一首歌





    這幾個月 天天見面


    彷彿共你 碰上幾年


    車廂裡面 終於獨處


    無奈將要到終點





    下了車 下半生未必可遇見


    護送歸家 溫馨場面


    眉目就像 接近傳電 但擦肩





    誰不想 繼續片刻的暖昧


    但還是 必須告辭


    其實我 也想知 這禁戀可有開始


    臨走我 若然是 吻你一次


    吻在唇上 我會否很造次


    情願你 提示我知 吻別的位置





    下半生 就算再次街中遇見


    沒有今晚 這種條件


    矇矓慾望 乍滅還現 未看穿





    誰不想 繼續片刻的曖昧


    但還是 必須告辭


    其實我 也想知 這禁戀可有開始


    臨走我 若然是 吻你一次


    吻在唇上 我會否很造次


    情願你 提示我知





    唇邊輕吻是友好的表示


    額頭上 不只友誼


    還是吻 你的手 情願拘緊似君子


    如今世 沒緣份 再吻一次


    趁著離別 你會否都願意


    瞞著我們另一半 有心事


    還讓愛情定格於 吻別的位置







  • 我同無奈小姐同Jess一樣case...





    我同男友已經決定結婚, 但又發現一個已婚同事愛上左自己(佢已向我表白), 我都唔知自己係咪愛上佢, 只知佢好照顧我, 見佢緊張自己, 自己亦好開心... 其實佢向我表白時我倆已表明大家只會做好朋友... 之後佢對我亦只安份地表現好朋友的關心, 但我反而捨不得以前曖昧的甜蜜感覺... 好想同佢講返回以前的關係... 我好傻...



  • 我同你�]case差不多...





    我男友係我初戀情人,一齊已經十多年,都諗住結婚,不過因為要買樓,先拖左好多年, 我遇到另一個,他是我一個同事,細我幾年,初初真係同事,一�瓥ㄜ虃�,點知我轉了另一份工之後,大家反而比以前熟,一路只係傾�儮q話,有時會一齊食飯,慢慢就開始習慣每日都要聽到佢電話,佢都提過鍾意緊一個人,但我冇諗過係我,因為佢知我有男友,連我自己都唔知點解會同佢開始,根本係一個錯誤..........而家男友知佢存在,而另一個就話做後備都唔介意,我知男友好唔開心,因為佢覺得自己冇本事,拖到而家都結唔��,我一路都同男友講會等佢,但係另一個我又好掛住,其實我已經同另一個講過分手幾次,點知佢又對住我喊,話唔好,男友又喊住話好辛苦,做野同感情問題令佢想死,我都唔知點算......




    1. 我今年28,和男友一起己差不多七八年,計劃中明年也會結婚...


      2. 他對我而言已經不止╱不是男友,更多的感覺是家人...朋友...


      3. 其實呢家既男朋友係我既初戀情人..呢種感情我真係唔會形容...佢就好似我家人一樣.....除左佢我冇第個男人,可以話...我真係想像唔到冇佢既日子會點...


      4. 我相信男友係一個愛家庭的人,佢會好好照顧我,呢家我地既關係是安定而平穩,佢話我地應該要結婚...





      a. 呢個男仔比我年輕兩年,很會討人開心..會花心思..很體貼.和我男友是另一種人..他有的..該是我男友沒有的。





      b. 如果話我貪新鮮...一直以來都有追求者的我都冇試過想變心。如果話我愛佢...我又唔肯定。事實上我一開始根本冇留意佢,而係係相處過程中佢對我特別好細心令我感動...





      不敢和家人和朋友說,在他們心中我一向是個很傳統的女人...


      by 無奈





      愛情可以淡如水,冇物漣倚,可以細水長流、平淡而安穩,有心亦可從平淡中找到會心微笑既點滴。





      愛情亦可以好激情,好轟烈,但通常呢D激烈既感覺唔會永�琚A會慢慢消退,歸於平淡。





      你己經28歲,你要平淡而安穩、偶有會心微笑(如果你知足、踏實)既愛情,還是要愛得激烈,但要面對妄不可測既將來(分手或結�ㄐ^?





      如果係選擇前者,只要你知足、踏實、不多心,尤其當你有小朋友時,你會願意相信你當年的選擇是對的,前題是你相信你老公對你好。但如果你不是一個知足、踏實、不多心的人,你可能有一天覺得選擇前者是不對的。





      請你仔細想清楚,你要的是甚麼?你要未來數十年的生活是怎樣過?




  • 我就係同個 2 號結咗婚,幾年之後,有咗兒女,佢就變咗一號咁嘅樣。我由其他女同事處得知佢又向另一個女同事獻欣勤。



  • 男,


    謝謝你的意見。我呢家真係好亂...


    亂到影響到日常生活...個心成日都想住那個他....想下如果同佢一齊將來會點...同男友又會點...





    我唔想日後後悔...所以更加唔想係迷亂下做錯決定。





    今日我問左男友..話如果有人追我佢會點..





    佢話我一向都有人追...所以佢好信我..唔會變心...要變都唔會呢家變咁話...





    28歲係咪一個好重要既考慮因素?..


    如果早幾年...識到佢...我既人生係咪會有所不同?





    初戀唔係咁易放得低...



  • 點解個個都有相同 case, 而我, 年齡同你差唔多, 拍左6.5年拖...., 同你唔同既, 就係我地未諗住結婚同埋我已經同左第2一齊....所以而家比你仲煩....1比我安全感, 而2係細心...





    之前差d 同左1講分手.....但係而家仲未....都唔知點



  • 想唔到咁多人都有一樣既狀況





    我同男友拍拖6年。因工作關係每日都要同一個男同事聯絡, 但都只限於電話聯絡, 因我地唔同部門, 見面都係響公司function先會見到, 一年都冇5次。


    到舊年年尾我轉左工, 反而每星期都有約出來食飯, 大家對大家都有好感。





    呢種曖昧關係持續到而家已經2個月, 搞到我已家又係進退兩難, 男友對我一向都好好, 佢亦講明我係佢結婚對像, 但我就唔鍾意呢d長久關係, 但又唔知點同男友開口...........



  • 男友今日會同我出街...但我根本唔想去...好煩..





    昨天又失眠...忍唔住同屋企講左少少我同那個他的事...話公司有個男同事對我好好......他們什麼也沒說,只係話我咁大個人應該要識諗...都plan結婚仲搞咁多做咩...又話男友才會是好老公..又話那個他年輕又識氹女仔..又多女仔朋友......根本不會是好男友/老公





    我同那個他暫時只會在公司上接觸到,現在那個project完了,下星期開始我想試下減少和他見面.....令那種感覺淡化...但真係好難做..從未試過咁怕放假...因為見唔到佢....從未試過咁想返工....只係因為想見佢...但返到工....我又要避開佢...





    我知唔可能...但我可以點?





    你地會點做?...係咪一齊一耐左兩人就會淡?就好似男友早兩年同我講既一樣冇左愛既感覺?.....我真係唔知自己最愛邊個...或者我兩個都唔愛...





    你們的那個他知道你有男友後係咪連朋友都冇得做?我地真係幾夾幾開心...我唔想失去佢......





    說實話早一個月我地冇去到咁曖昧既階段..我真係想同佢keep到做朋友..但呢家係咪冇可能呢?




  • 男 --- 你分析得好好.





    miss --- 我都好怕會忍唔住同左2號一齊.





    pencil --- 你唔鍾意呢d長久關係, 但又唔知點同男友開口...........??? 見你咁講好奇怪 , 如果係唔鍾意呢d長久關係,你大可以輕鬆分手.





    無奈 --- 一齊一耐左兩人一定會淡∼其實你是知道的,對嗎?∼我bf都同我講過〔冇左愛既感覺〕.我當時都好心淡.仲一心打算騎牛搵馬.但其實佢又一直對我好好.我覺得一切都係因為〔新鮮感〕.同你一樣,我都唔多想同bf去街,雖然我同2號未去到去街既地步.


    但好似番番以前暗戀人既感覺.好sweet∼



  • 你已經28歲喇,再過多1,2年30,難聽d就叫中女,個個人仲要細你成兩年,唔會覺得好有湊細佬既feel咩?





    by the way,年齡真係1個幾重要既因素,


    如果你揀左b,如果幾年後你同佢散左,咁你打


    算點?再搵過?同d18,22爭?










  • 咁有相似情況既朋友...你地打算點做?...我唔想再拖下去..





    佢雖然細個我..但好識照顧人.....



  • 我唔想做壞女人....可以點好...



  • 版主﹐ 其實好多人已經分析同俾左意見你。 但我估計你係比較想我地直接建議你點做。 我就認為你應該同1號結婚。 2號雖然細心﹐ 但我始終覺得搵結婚對像﹐ 係冇十全十美囉。 搵老公一定要成熟穩重有事業心。 佢對我好就可以啦﹐ 我唔會要求到要好似剛拍拖果時咁呵護我。 冇可能架。 你同2號處於曖昧期﹐ 係最心跳最刺激的時期﹐ 你梗係成日miss 2號啦。 幾年後咪又變淡。 所以你衡量下﹐ 呢兩個男人邊一個適合做丈夫就選邊一個啦。



  • 多謝咁多位既意見。





    昨天開始我冇再主動同佢傾計...冇再同佢接觸..


    個心好lar...好難受..


    尤其係見佢同其他女同事傾計...我又唔想搭咀...





    今日我地好生外咁打左聲招呼...


    可能我既態度有d唔同...佢都feel到...都對我客氣左...





    好難受..上星期大家還好好的...好sweet...今天居然連話也不想/敢再跟他說..想他又避他...





    今日下午我忍唔住請左sick leave...因為真係好想喊













  • 見到呢個 TOPIC 好感同身受... 我 25, 同BF拍左7年, 前排識到另一個男仔, 佢對我好好好錫我, 一齊好開心...做咩都好 SWEET, 之後我已經決定跟佢, 就同我BF講分手, 其實我BF佢一直以來都唔係太緊我, 但今次可能佢知我認真, 一反常態不停tum我叫我唔好走, 做曬所有咁多年未做過令我開心既事又叫我比機會佢, 我個心又軟, 又諗下七年真係好難得,好似好可惜咁....我叫2號男仔佢放棄我, 但佢不單止無, 仲好體諒我繼續等我....依家三個人不停糾纏....我見到呢個喊我又心痛, 個個喊我亦內疚...但好自私, 如果問我自己揀邊個...我自己都答唔到自己...



  • VI,





    咁妳依家諗住點去解決? 妳同新果個開始左味? 係咪兩個都拖住?



  • VI,





    我又係好似你咁,見到呢個喊我又心痛, 個個喊我又內疚...但問我自己揀邊個...而家連我自己都答唔到,我都唔知點算!




  • 睇到呢d文章, 都忍唔到要打字


    首先我想表明, 愛情本身係無對錯, 只有處理方式有對錯


    所以, 我會說表示, 樓主要選擇哪一個無錯





    其實要做決定, 先要知道愛情係咩一回事.


    愛情, 概括黎睇係一種感覺, 即係你愛一個人, 你睇到佢就有一種難以解釋既感覺, 唔想離開佢……


    愛情, 會衍生出好多其他副產品, 譬如係突然多左好多親戚, 身份有機會改變, 由人地個仔變左人地老豆, 又變左有2個老豆…….又變左人地老豆……好啦, 先停一下


    睇左好空泛既野, 咁同件事有咩關係?


    問題---愛情


    樓主先自己想一下, 慢慢唔使急


    樓主, 你而家愛你現任男朋友嗎?


    你多數話愛…….不過又停一下


    唔好即刻答, 你睇埋先





    你認為既愛, 會唔會係你現任男朋友身上找到呢個感覺?


    如果唔考慮你地一齊左既時間, 你愛唔愛你現任男朋友?


    如果唔考慮你相信現任男朋友會係好老公, 你愛你男朋友嗎?


    如果你男朋友不如你想像般好, 你會愛佢嗎?


    如果你同佢分開佢唔怪你, 你亦唔會背上一個負情既罪名, 你會唔會分開?





    就以樓主講過既野, 我只看出


    1) 長時間責任, 將來安定生活就係樓主男朋友既條件


    2) 仔細關心, 感覺被人重視, 係第三者(方便分別)既籌碼





    樓主既思想, 或者係


    理論上, 我係愛男朋友, 因為一齊咁多年, 就算佢無咩時間俾我, 我知道佢會帶一個穩定既生活俾我, 我唔需要擔心佢會變……….


    但係感覺上, 愛既激情係樓主同男朋友之間已經消失, 男朋友, 變左好似一個至親既人, 比起自己父母更加親, 更加相信既人………


    可是第三者, 係樓主平穩既生活中, 帶來了浪般既衝擊, 泛起了漣漪……





    就我眼中, 樓主你現在並不愛你既男朋友, 你係習慣同男朋友一齊, 或者, 樓主既思想根本未進入適婚既階段, 或者, 男朋友會給一個安穩既家, 亦會顧家, 可是, 樓主並不相信男朋友會將樓主放係第一位…….





    而至第三者, 又是不是樓主所愛? 我就不敢茍同. 因為如我所說, 他只是一個浪…….帶來衝擊, 不過, 我唔見得你係愛佢………





    人, 係自私既生物, 總希望有人注意自己, 重視自己, 將自己放係第一位……..


    係安全感? 可以


    係優越感? 又是





    人總是得一想二, 當你無錢, 無樓, 你會努力追求生活上安穩


    當你生活上安穩, 就會要求精神上既滿足





    其實樓主要決定, 請不要被責任枷鎖左右, 因為, 你跟男朋友一齊, 全世界都祝福你, 但幸福與否, 只有你自己一個人知道……





    可能我既野, 講完等於無講, 不過樓主, 或者命運從不由人, 不過幸福就是自己掌握, 亦唔需要同人解釋……所以, 請你以自己去作決定, 自己以外既一切因素都係次要




  • 見到呢度好多人都經歷過差唔多既野, 我都 share 下我個 case





    我同男朋友一齊 9 年啦, 好細個我地一齊, 中間都想過結婚, 不過一來太細, 二來未儲夠錢, 於是拖下拖下仲未結婚, 不過就計劃 2008 年會結婚. 中間我地都出現個有人追,不過始終都係一齊. 因為我一向都唔鐘意一腳踏兩船, 而且佢一直都對我好好, 咩都好就我.





    直至 B 既出現, 初時我地都只係好似朋友咁, 有時會出黎食下飯, send 下 sms...佢都知我有男朋友, 不過大家既關係都係朋友咁. 有一次 B 同我表白, 我有拒絕過佢, 不過個心又好唔捨得. 慣左收佢既 SMS, 一日收唔到, 個心好唔舒服, 成日都好想聽到佢既電話...





    我知道對我男朋友好唔公平, 不過感覺既野唔同左就唔同左. 同佢出去, 拖住佢我一D 開心感覺都無, 好多時我地出街, 講電話都變成例行公事, 我唔想因為係我同佢一齊9 年, 我地就要結婚...最後我同我男朋友分開左





    依家我同 B 一齊, 好開心, 雖然有時都會有內疚既感覺, 不過 B 真係俾到一種拍拖, 愛既感覺. 講真, 我無後悔揀左 B 而放棄一斷 9 年既感情. 我知道如果我繼續同我男朋友一齊, 我一樣唔會開心, 佢同一個唔愛佢既女人結婚, 一樣對佢好唔公平.





    我都有諗過自己係唔係新鮮感先同 B 一齊, 戟唔知道, 我只知道我係因為我愛佢, 唔想放棄佢先同佢一齊. 依家 B 已經 plan 左同我過 1, 2 年結婚, 因為佢唔想好似我上一個咁, 拖拖下無左.







  • edwardckc,


    謝謝你。衷心感謝你的分析。





    我一向是一個傳統的女性,由認識男友的第一天開始,我便一心一意的向著他。





    這個他之前我也有其他追求者,只是從未遇上一個能今我如此感動和動心。





    我內疚,對自己亦很失望。原來我係咁不堪一擊。





    我常想..如果早兩年遇到佢..會係點..





    我一直都很愛男友,信任及倚賴他。直至上年他說不再愛我....後來我們没有分手...感情依舊.係返埋一齊.我一直以為呢件事對我地冇影響,但原來我錯了。





    我一直想...如果那時他出現..我會毫不思索的跟他走...。





    我一直想...這兩年我還愛不愛男友?我們可是為責任才係返埋一齊?





    無數的問題困擾著我。










  • man, cc, 係...依家兩邊都拖住, 兩個我都講過分手, 但都係分唔到...如果一定要2揀1...我自己都答唔答自己愛邊個



  • JOLLY , 見到你個CASE, 覺得你好勇敢, 我都希望可以同你一樣



  • VI





    其實你想好似我咁, 即係你自己都想同新嗰個多 d. 有時唔可以因為人地對你好, 一齊耐左就要同佢結婚, 最緊要問清楚自己既感覺呀. 當然結左婚就唔可以再係咁, 不過未結婚前真係要考慮清楚.





    我依家係分開左, 係同新既好開心, 不過我一樣同舊既好內疚. 雖然佢唔知我依家有新男朋友, 不過我有時見到佢, 我都覺得好對佢唔住. 我相信要時間





    我都經過好似你咁, 3 個人都唔知揀邊個好, 真係好辛苦, 我自己都頂唔順, 同一個出去又要不停講大話呃另一個. 我覺得呢 d 時間會有, 不過真係唔好太長啦, 如果唔係到最後 3 個都受傷害.





    VI, 其實我覺得你心目中係有一個想一齊 (我估係新0個個啦, RIGHT?) 係依家未決定到, 可能係唔想自己做衰人, 唔想令到你男友唔開心, 不過你一日唔揀, 一日 3 個都唔開心.




  • VI,





    我同你一樣,一講分手就到大家一齊喊,尤其是係另一個,男友就成日鄑好憂心,以為我成日同另一個一齊,其實另一個好忙,一個星期都未必見到一次,只係日日電話聯絡,反而男友以前會晚晚都會打電話比我,但而家就少左,話驚我阻住我休息,我都唔知男友而家想緊什麼?另一個好體諒我,問我男友有冇話我,對我好唔好,亦都冇要求我同男友分手,佢可以做後備,只係要求唔同佢分開就得,而家我都唔知點算!



  • 無奈





    唔好比一時迷惑而令自己抱憾終身





    我人生入面出現過兩次.....





    第一次我仲細, 可以任性, 揀左二號, 好快就一拍兩散, 呢次個教訓好痛, 亦知道男人其實個個都一樣!





    第二次, 事隔8年, 又有另一個出現, 呢次我冇勇氣再去博, 因為本身bf 可以比到一種好安全好平穩既感覺我, 我未必可以再有5年去同另一個男人build up一段關係, 始終你本身果個你已經有種熟悉感, 而新歡刻意討好, 你未見到佢真正既一面, 根本唔知佢有幾適合你





    唔好比一時既新鮮感或者因為可以拾回熱戀感覺而去決定, 你同二號總會有冷淡落黎既一日



  • JOLLY, 你講既野全部中曬我心聲...我其實偏向同新個位一齊, 起先諗住可能係一時錯覺, 但依家佢都等左我有一段日子, 知道佢既誠意, 同佢一齊我會好開心, 但對住男友, 我真係好內疚, 特別係見到佢呢排努力為我做好多野想挽救段感情, 又會諗我係咪應該比個機會佢呢咁....仲有一齊咁多年, 就算無愛情都有感情, 佢成個大細路咁...又擔心佢自己會點, 又怕佢唔識一個人生活...仲有雙方既屋企人、朋友壓力, 真係好難話走就走...所以我好希望自己都有呢種勇氣...




  • cc , 你另一個同我好似...又係要分開時一定兩個一齊喊, 大家都好痛心點解咁相愛但又要分開, 佢對我都好好... 有時只要見一見已經好 sweet 好幸福... 好似返左去 16,7 歲咁...時間呢樣野真係好奇怪, 適合既人會o係唔適合既時間出現, 但有時傻下傻下諗, 一生入面遇到佢, 不論結局係點, 都覺得好幸運, 但最辛苦係依家真係唔知點做好...



  • VI





    我 EX 又係好似你男友咁, 好小朋友, 好多時都要我照顧佢. 可能就係呢個原因, 新既出現, 佢係好識照顧我, 成熟好多, 俾左第 2 種感覺俾我.





    同 EX 分開左, 我都有擔心佢自己搞唔搞得掂. 即使到依家我一樣會擔心佢. 好彩既係我依家新男友明白我, 唔會因為呢 D 事要嬲.





    同一個人咁耐, 屋企人, 朋友個個都覺得我地一定會結婚, 所以要分開, 都有壓力, 我明白. 屋企人會覺得佢又無做錯野, 做咩唔可以一齊. 我無同佢地講我有新男友, 我唔想俾個壞印像佢地, 而且依家講太大壓力啦, 我想低調少少先.





    都係個句啦, 你男朋友係做左好多野. (正如我 EX 一樣) 不過愛情唔係邊個做多 D 就同邊個一齊.





    而且你再拖落去, 是旦一個都會走, 無人願意無了期咁等, 佢地兩個都仲等你, 係因為佢地覺得自己仲有機會. 你想下, 如果係新嗰個走左, 你係唔係一定會同返舊既一齊呀? 就算係, 你心入面都會掛住另一個人啦, 咁既愛情生活, 開心嗎?





    我當時就係唔想無左新呢個, 所以先鼓起勇氣講分手, 我明白要好大勇氣, 可能你依家叫我再講我都唔得, 不過呢 D 事, 你點都會做一次, 係睇下幾時啫..




  • 見到呢個 TOPIC 我都好感同身受...2.5年我曾經係男友一號,和女友一起己差不多七八年.在這七八間,自問都算是盡心對她好的男友吧...一齊一耐左點都係冇左新鮮感吧..心情不好. 好大壓力..但都冇惗過要分開....





    她認識一個另一類人,比她年輕,很會討女仔歡心,很受女仔歡迎(消防員).半年內閃電結婚..





    我直至現在都唔想╱唔敢再拍拖了.

















    愛情可以淡如水,冇物漣倚,可以細水長流、平淡而安穩,有心亦可從平淡中找到會心微笑既點滴。




  • 見到呢個 TOPIC 我都好感同身受...2.5年我曾經係男友一號,和女友一起己差不多七八年.在這七八間,自問都算是盡心對她好的男友吧...一齊一耐左點都係冇左新鮮感吧..心情不好. 好大壓力..但都冇惗過要分開....





    她認識一個另一類人,比她年輕,很會討女仔歡心,很受女仔歡迎(消防員).半年內閃電結婚..





    我直至現在都唔想╱唔敢再拍拖了.



  • JOLLY,新既呢個又係同你一樣, 咩事都保護同照顧我, 佢好成熟, 在佢身邊覺得好有安全感...呢樣係我最喜歡佢既地方, 每個女人都希望自己係被照顧個一個, 我心都好似已決定左, 同我男友一齊....唔係唔開心, 但已無左個份想付出既心情...我都好明白拖落去三個都痛苦, 自己有時諗到人都癲....但真係好難做得出同男友分手, 其實我已經同佢講過兩次要分開....每次我都係衰心軟話再比佢機會佢咁...自己都覺得自己賤....



  • oMg





    sorry to hear that. 我唔知你同你女朋友個 CASE係點, 不過我 EX 同你一樣, 佢係對我好好, 不過耐左唔止係淡左, 好多事都變成理所當然, 例行公事... 當然我唔會 EXPECT 日日都可以咁激情, 不過當樣樣野都變成例行公事之後, 愛既感覺真係無左.





    其實你都唔駛唔敢拍拖, 佢唔愛你, 可能第 2 個會更適合你呢. 你唔去試, 怕左...咁你永遠唔知咩先岩你自己. 放膽去愛啦...





    不過話時話, 你地拍拖 7 年有無諗過結婚? 我個 CASE 就係我覺得我地太耐一齊, 無結婚, 所以無左結婚既衝動, 漸漸變到連愛既感覺都無埋. 所以以後我都打算, 如果真係岩, 拍一, 兩年我都會結婚. 結婚後一齊生活, 感覺會同拍拖唔同.



  • oMg, 我諗我男友都幾似你, 覺得兩個人開心就好, 唔需要做太多野, 我一直亦有享受兩個人耐左個種平淡既幸福...但如果你遇到一個更好既, 要你白白放棄你亦未必捨得, 人總係貪心同自私...我自己都知道自己好衰, 但我真係唔想無左一個機會


login to reply
 

looks like your connection to she.com messageboard was lost, please wait while we try to reconnect.