有無人馬座/另一伴係人馬座的朋友呀?





  • 我自己本身係人馬座, 髊你哋呢?

    有無人好了解人馬座的性格呀?



  • 同人馬座男人應該點相處?



  • 佢地係咪真係趙完唱果類人?



  • 港深火命人,

    點解你咁講呢?我相信你可以講佢地多情, 但應該唔會咁無品.....



  • 我.



    我諗我係呢方面都ok.



  • 白獅子座,

    咩ok呀?



  • 人馬女





    我覺得我自己都幾了解人馬座.



  • 白獅子座,

    何以見得呢?講嚟聽吓你有幾了解人馬座.....



  • 人馬女





    我男朋友係人馬座.



    性格: 有時都幾自以為是, 有0的人, 會覺得佢自私, 自顧自己. 唔細心, 太理別人感受, 直腸直肚, HURT到人都唔知, 仲會覺得係: 我為你好, 先至會咁, 呢0的先至叫做真正為你好...... ---> 佢地就係個咁0既人.



    至於你話佢地多情, 我又覺得唔係, 反而都幾專一, 當佢認定你係佢0既將來伴侶0既時候, 人馬座枝箭會指住你, 會對住你.



    佢地所謂0既提倡自由主義, 其實係, 當佢地做一0的佢地喜歡0既事時, 你唔好干涉佢地, 白0的講句, 唔好干涉佢地0既啫好. 否則, 佢地會覺得你好煩~~~~



    最好, 如果你性格配合到佢0既話, 同佢玩埋一份就最好, 得閒多0的同佢開下玩笑, 有時串下佢, 佢又串下你咁, 佢地係唔會介意0既. 反而會覺得你同佢好夾, 好0岩傾, 繼而就會多0的向你傾談一下佢地0既內心世界

    ----> 呢樣係真, 我男朋友成日都同我吹水, 傾計, 講好多佢自己, 什至係佢朋友0既野比我聽. 我係佢女朋友之餘, 仲係佢0既朋友.



    當然, 都唔好比壓力佢啦, 唔好 迫佢, 唔好成日"哦"佢, 就算係出自關心, 例如: 天口凍, 想佢著多件3, 你講一次, 佢: 哦~ 一聲, 認左你... 你講 第二次, 佢: 得啦, 一陣著~ ... 咁你就唔好再講咁多次喇喎~~~ 佢地會覺得你好煩.

    因為, 頭先, 我講過, 佢地唔多唔少都係自我中心架, 同埋唔細心, 腦筋某0的方面轉數無咁快, 你講咁多之0既時候, 會比到佢地第一個訊號就係: 乜你咁煩架~ 咪話著一陣先0羅~~~~~ 你0既關心, 佢地未必會即刻意識到, 如果你呢個時候同佢嘈, 只會係硬碰硬~



    比著我, 我會同佢講一次, 之後拎件3, 放係佢面前, 佢著就自己拎, 唔著就算.







    以上0既意見, 都係來自我同我人馬座男朋友相處兩年得來.



  • 太理別人感受 --->



    更正: 唔太理別人感受.



  • 白獅子座,

    睇嚟你又真係幾了解我哋喎.....

    講真, 我哋又真係幾自我為中心架.......

    其實同人馬座的人一齊都幾好呀, 起碼我哋都係樂天派, 會俾到好多歡樂俾你, 不過大前提係你要接受到我哋的性格......

    聽你咁講, 你同你bf相處都幾好喎....恭喜恭喜....



  • 人馬女





    多謝你先~



    我覺得OK啦~

    我自己係獅子座, 我覺得獅子座0既性格, 有點同人馬座相似.



    至於你話接受你地0既性格...

    咁兩個人係埋一齊, 講真, 相互遷就好緊要.

    好似我同我男友咁: 佢有時要忍受我0既皮四, 而我, 有時就要忍受佢0既直腸直肚.





    其實, 大家都係到接受緊大家0既性格.



  • 做佢地的伴侶都幾難頂架

    反而做佢地的朋友好10萬8千陪

    佢地無記性

    自以為是

    仲話人唔0岩添

    唔細心

    唔會顧及人地的感受

    害怕承擔及責任



  • 我都會覺得做我哋的朋友好過做伴侶, 唔知點解! 我哋會重視朋友多d, 只會對另一半發皮四, 但對朋友就表現得好好.......

    至於無記性 / 自我為中心 / 唔細心, 我都應同....

    但至於害怕承擔及責任.....我唔見得係



  • 人馬女



    其實, 只係睇太陽星座, 係唔太準確.



    以我男朋友為例, 佢係太陽星座人馬座, 但月亮星座就唔係.



    所以, 佢除左有人馬座0既性格之外, 有幾點, 同人馬座係好唔同:



    佢特別痴身, 鐘意同女朋友日對夜對, 重女朋友多過重朋友, 實際, 腳踏實地, 深閏, 顧家, 有責任心, 唔鐘意玩, 有點內向......



  • 仲有, 佢好鐘意管我, 又好鐘意我管佢.



  • 白獅子座,

    咁我又好少聽到人馬座的人鐘意管人喎....



  • 人馬女





    咁所以就係佢月亮星座同金星星座0既問題.



  • 你哋知唔知人馬女同雙子仔會唔會夾得嚟?定同巨蠏仔好d呢?



  • HI~大家好~

    等我都講下我既性格,



    大頭蝦冇記性(鎖碎事)

    幾自我中心.

    鐘意去玩,仲要同一大班人

    愛自由(包括思想上)唔鐘意人管,亦唔鐘意管人,就算响思想上面既控制,我都頂唔順,但又想人關心..如果對方搵都唔搵下我,我會覺得佢唔關心我.

    一時一樣,個人好矛盾~

    開心同唔開心都寫曬上塊面度.

    担白,直腸直肚,有個句講個句~

    人好真,好熱情.

    對朋友可能好過對相處耐左既另一半,但専一~

    冇耐性~

    怕人長氣,但又想人提點,關心.

    鐘意另一半好似朋友咁,最好可以一齊玩,相處時可以你串下我,我串下你..



    唔知你地係咪咁呢..





  • 你哋知唔知人馬女同雙子仔會唔會夾得嚟?定同巨蠏仔好d呢?



    by 人馬女 <-----人馬座最夾同獅子座,另外天秤座都會好夾~



  • 馬女,

    我相信我同你的性格大至上都差不多......>.<

    我有2個ex-bf都係天秤座, 相處都ok啦, 大家好似fd一樣, 不過一個就易變心(已經同佢一齊3年), 一個太專制(同佢一齊一年, 最後我都係頂唔順, 走人)......



  • 人馬女,



    哎呀~乜天秤座既人真係咁易變心架..>.<

    天阿..我地人馬女好專一架嘛 >.<"



  • 你哋知唔知人馬女同雙子仔會唔會夾得嚟?定同巨蠏仔好d呢?



    by 人馬女 - 01/19/07 13:58





    妖~



    係我心目中, 我0既經驗話比我知,



    人馬座(尤其是係男人) & 雙子座(尤其是係女人) 呢兩個星座係最最最煩 !!



  • 因為呢兩個星座0既人, 成鬼日都煩到我~!!



  • 白獅子座,

    咁人馬女同隻子仔可能會唔同喎.....



    佢哋點煩你法呀?



  • 人馬女



    首先講下雙子座女人:

    我之前有個女上司, 係雙子座, 好煩...

    煩完我公事, 之後走黎煩我0的私事, 管住曬0羅好多野都......





    再黎講下人馬座男人:

    呢個係我男朋友, 其實同雙子座女人都差唔多架喇, 不過佢唔會煩到我公事, 只會煩我私事, 我唔管佢反而佢管我, 一個問題, 問幾十次, 問完又完, 不停重覆, 驚死我會呃佢咁.......



  • 白獅子座



    呢個可能就係你所講的"佢月亮星座同金星星座0既問題"啦. 因為如果俾我我真係無咁好氣問咁多次, 可能我問完之後已經唔記得lu.....



  • 請問怎樣分辨什麼太陽/金星/月亮既人馬 ?



  • 妖妖,

    其實我都唔係好清楚........



  • 妖妖,人馬女,



    去呢個網址,就可以CHECK到自己個星座命盤啦~

    http://hoa2.05133.com/cgi-bin/CalcAstro.pl


Log in to reply