個肚7個幾月啦﹐幾時要食野去胎毒?要食d咩?同幾耐食一次?

唔係個個都要清胎毒架! 同埋個個人既體質都唔同, 你不如睇下中醫, 或者係唔好食d咁激既涼野, 咁會保險d.

d人話足左七個月就食得, 但唔好過量, 一個星期一次度

哦﹐原來唔係個個都要o家?! 唔該曬!

因為我自己以前都好易生豆豆﹐所以驚bb都好熱氣。睇中醫又唔知邊個好﹐老公唔比我亂食中藥呀。有人話飲椰青﹐唔知真定假? 有冇聽過?

如果無相熟既 ,你可以去位元堂睇中醫, 我姑仔都係個度睇!

我自己七個月都有開始睇中醫, 之前都有睇開做調理, 但陀住又無問題, 所以前一排先睇返.

我本來都以為要清胎毒, 但醫師同我講, 我皮膚本身無問題, 就唔駛咁刻意食涼野, 係都等到最last個月先食, 同埋我便便有血, 佢話係燥熱, 飲左三日蘗之後, 家下好返, 而且仲好暢通.

生之前我會叫佢幫我執定d坐月用既湯料,到時加雞或者肉去煲, 咁就得,唔駛煩

吉

唔該你! 其實我唔o係香港﹐睇唔到位元堂﹐不過我會試下問人介紹﹐我都想執定d坐月用既湯料﹐我自己同99都唔識﹐阿媽又唔o係身邊﹐咁起碼可以而家準備定﹐到時叫陪月煲煲就得。

另外﹐我睇書上網都會有d咩坐月食療﹐咁係咪個個都啱食? 我最驚係補壞個身咋!

其實我同阿媽都係乜都唔識, 所以先搵中醫幫手, 好彩我奶奶會日日上來睇住我, 同埋著野比我食, 咁我都定d.

我老公都只係顧住睇阿b既野, 一早話左唔識幫我調理, 所以都係要靠中醫, at least佢會因應我本身既體質去開藻囉!