我約男朋友今日食飯佢話要唸下先, 我話要諗即係唔想啦,佢先至解釋話聖誕已經痴住幾日, 有D too much 既感覺. 咁我話好啦,今個week唔好見住, 佢又唔答,問多幾次先話好, 好似我迫佢咁...
-
-
鴨鴨都幾慘
如果俾我就放假日日見都無問題
幾難得大家放假有時間可以一齊
-
其實我知道男人要抽離既重要性, 之但都會唔開心架麻 >_< 想問你地D男朋友係唔係咁, 又或者你地自己係唔係咁...
p.s:我絕對唔係痴身既女仔
-
無話絕對既
依家係你地步伐唔一致
大家就番就無事啦
-
kenny做你女朋友都好幸褔....但係你真係唔無too much 既感覺?
-
你哋拍咗幾耐?
幾日就話多.. ..難明
-
我覺得唔會啦
同鍾意既人一齊係開心既事
就算見一面都好
-
totally agree with kenny
-
唉...好無奈,哀多口講咩今個week唔好見住,仲話咩我係有planning既人,promise左唔見就係架啦,唔係突然話想見我...呀,而家後悔 :'(
-
唉....咁大家即係想話俾我聽呢個人唔太愛我啦.......
-
鴨鴨
妳地識左幾耐啊,咁得意架,情侶緊希望日日見啦,點會有too much!就算真係想要自已休息下,都唔會用too much咁疏離既說法
-
之但係諗返...個幾日我好似係佢屋企宿營咁...哈哈哈...咁有無關係...
-
我諗佢唔識表達
佢依家想有少少私人空間做自己野
唔係唔愛你既
-
哦,too much 係我用既wording,佢exactly唔係咁講, 係...佢自己都唔知點講...
我地差唔多half year,
-
唉...我都知道要有私人空間,我都會想有, 而家最大問題係我想見,佢想有私人空間....
我都知無咩解決方法, 純粹係想知其他人係唔係咁...
攪到我無咩心機....
-
大家互相遷就
今次你就�
下次佢就返你啦
-
但係你咁講係咪連31號都唔見
-
又係既要互相遷,我會努力做個女朋友 :D
咪就係lor..我地normally係星期日拍拖,我咁講連星期日都唔會見, :'( 佢星期日晚都約朋友啦...之但係我自己本身都有HOUSE PARTY...:p
-
之但係諗返...個幾日我好似係佢屋企宿營咁...哈哈哈...咁有無關係...
by 鴨鴨 - 12/29/06 15:37
哦.........佢可能果幾日食滯左haha比佢休息幾日無事喇!放心
-
哈哈
咁問題解決哂
-
依依依...係好滯.....因為.....食左好多牛肉...哈哈哈
仲有一個問題...點庶知係一個好女朋友呢...
-
好難講喎
個個人有唔同定義
-
鴨鴨
妳覺得自已最愛係佢就以經係一個最好既女朋友喇
-
可能佢有第二個啦!!!! 要搵時間陪第二個
-
咁又係,個個人有唔同定義...
mmm,我最愛係我D龜龜,跟住到佢,哈哈哈,
但係我又怕太愛佢既時候,會不自覺做左過份痴身既行為...
嘩,我唯有想信佢無第二個啦....v_v
-
其實我明白你男朋友感受....我之前對住我女朋友, 都會有種唔想見太多的感覺.....不過我的情況係.....我朋友比佢多好多好多, 佢基本上得一兩個朋友, 我唔想係一拍拖就冇曬朋友的人, 同佢想法好唔同.....所以經常因為咁而有衝突
-
鴨鴨, you have a very cute alias, how come u call urself 鴨鴨?
-
芝士判官, 我好鐘意食芝士,哈. 我明你講咩, 其實我係foucs左落佢到, 可能我呢排得閒啦...
咁其實點解你bring你女朋友出席你同朋友既meetings 呢...
哦,因為我近掛有好多鴨鴨既products, 覺得佢地好得意.....嘻嘻
-
鴨鴨...我同我男朋友行左3個月....本來我係一個星期先上去屋企一兩日.....但係我又想成日見佢wor....then我就開始上佢屋企多左....由3日到五日...而家仲日日tim丫...本來佢都唔想日日見...同埋都唔想我成日上佢屋企..但係我已經好似搬左入佢屋企咁~~
哈哈..有時d野...唔覺唔覺行前小小.....佢就ok嫁啦~~
-
我個情況同你bf有d似,唔知點解真係唔係好想見咁多自己個bf,真係覺得好鬼麻煩!特別係一見就冇左一日,自己又勁多野做!就算冇野做,我都想自己一個發白日夢囉!每次見完一日都成個散哂咁!好支力呀!
-
不過好彩ge係我bf都係忙人,唔洗成日要我同佢做連體嬰咋!見少d真係會開心d,成日見就會好「文」
-
真係,唔覺唔覺行前小小.....佢就ok嫁啦...哈.
但係我有個朋友又係咁,拍左兩年, 我個frd搬埋去住, 佢男朋友開始厭,話佢煩...etcccc.
唉, 我又係好衰,成日都想見,成日都掛住,雖然我唔係好痴身, 之但係我驚我就來係...哈.
-
因為我同我個fd...我地都係岩岩同我地個男朋友行左3個月...本來我地兩個男朋友都成日話我地做咩要成日上我屋企...不過我地聽左本來都好唔開心..但係都照做..有理冇理..去左搵佢見佢先算...哈哈...而家我同我個fd都得米啦....兩個男朋友都唔再complain..仲主動問返我地今晚上唔上來tim丫~~~哈
-
girl,我明白你既feeling, 可能我太得閒,所以成日想見...唉...我都唔知
-
嘩,你地就好啦!!! 仲主動問返我地今晚上唔上來tim丫....唉....我...約佢食飯都要諗過先. @_@ 雖然我好想見佢,但係如果日日去佢到, 又好誇張, 我自己同屋企人住麻,成日唔返屋企都唔好.
我係都諗,我應該失蹤一排, 呢幾日唔搵佢, 咁佢應該會掛住我多D架....
-
鴨鴨,我之前都好似你咁,果時我畢左業,入唔到u,自修考多年,基本上係冇乜做的,果時我日日,日日,日日都想見,但佢成日都好忙,佢一唔得閒見我,我就發脾氣,嘈都嘈左好多次,不過依加我要返學,仲要做part-time,忙到飛起!完全唔得閒理佢囉!個人一多野做,就唔會成日諗住佢ga喇!依加反而有時我唔得閒見佢,佢會俾說話我聽,我都不知幾心涼!風水輪流轉!抵死!
-
我覺得想見未見lor...因為有時d野...control唔到自己嫁~~
哈哈
-
我依家個男朋友都係咁.......
佢由平安夜到依家, 我都未見過佢....
佢住屯門, 我住南區, 佢話唔想成日過黎香港
唉~ 咁我地邊似拍拖, 成十幾日冇見啦
我都好慘 >_<
-
依加反而有時我唔得閒見佢,佢會俾說話我聽,我都不知幾心涼!風水輪流轉!抵死!
--->kakaka, 好攪笑
我都係講緊part time,其實係仲搵緊份part time job, 未搵到, 所以真係好得閒.....無野做就想見,唉.
-
失蹤...冇用啦~~
你自己仲辛苦...比我就唔得啦....
唔洗玩失蹤...不如你扮下野..諗下有咩方法日日去見佢仲好啦
-
我都覺得失蹤冇乜用,盞自己辛苦咋,順其自然罷啦
-
係啦,我男朋友又係懶到死, 有一個星期日我好累, 叫佢來搵我,佢唔製...奸到死,通常都係我去揾佢,叫佢來一次都唔得,咩叫我係屋企休息 ><
可能D男人就係大懶蟲轉世 ><
我都係呀, 由聖誕節都而家都無見過, 今個weekend都唔會見.....
-
係呀,失蹤最痛苦既係我自己....但係大家覺得失蹤唔work...咁有咩work
我又唔想成日煩住佢, 又想俾私人時間佢......唉...好亂...
-
鴨鴨..你男朋友同你一齊左幾耐...
同埋佢咩星座嫁?
-
同意佢可能想有多D私人空間je
你話聖誕假你好似o係佢屋企宿營
即係佢幾日都冇機會同frd出街
佢都幾慘
如果你夾硬要佢陪你
佢會覺得你好痴身
-
係呀,次次都係我上去佢度囉!有時嬲嬲地,我會同佢話覺唔覺得我似外賣?仲要唔洗錢加自動送上門的外賣!
之後佢好抵死咁話,如果你係外賣,咁我咪係一樓一?我問點解,佢話我上門幫襯喎>_<好想打鑊佢!但聽完都係爆笑左
-
一齊half year, 佢雙魚,我雙子.
係23至25都一齊, 25晚佢去搵佢既朋友,我去搵我既朋友
-
oh
雙魚好痴身嫁wor....d人個個都係咁講
點解你個個唔係既~~
-
係呀,次次都係我上去佢度囉!-----> aiya!!!!原來其他人都係咁!!!!!!!!!!!係啦,我個男性朋友都笑我架,依,你又去送外賣呀!!!! >__<
但係我會認住先,話哂我得閒D,到我忙既話...哈哈哈.
嘻嘻,但係你男朋友都幾攪笑,我都認唔住笑左出來. :p
-
你再搵下你d fd囉!我超鐘意同fd shopping,食飯
半年差唔多喇,過左蜜月期係咁上下,除左頭幾個月黐得實d外,其他日子都好似唔緊唔緊我咁!啍!