奉勸咁多位姊妹唔好食咁多中藥及燉品,我係過來人........
-
-
我之前都好似咁多位姊妹咁緊張,連我奶奶都係,因我老公係獨仔,結婚後勁吹我哋快啲生bb,勁食補品,燕窩勁食中藥調理身體,足足食咗半年,搞到連經期都亂埋,一係3個月都無,一係就黎足1個月,我仲以為係自己問題
-
後來去睇西醫,醫生話我啲經期亂到咁好難咁快有bb,我即刻喊咗出黎
-
其實調理身子, 唔等於勁食補品, 兩樣野好唔同, 我計劃生bb前, 都有去睇中醫調理身子, 但就係按返個人既體質而去做, 所以乜問題都無, 家下有左都陀得好好, touch wood乜問題都無, 只要唔好過量就得
-
後來停咗半年,經期準番,終於有咗,仲一索得男,預產期仲係明年2月,個bb仲好健康,醫生仲話佢係肚內超重,隨時生得,幾開心呀!我而家好似大王咁比人服待,足足肥咗50磅,都唔知第日點修身
-
恭喜你呀!
-
恭喜你呀! 準媽媽.
-
我都知. 奶奶個個星期 "登" 人參俾我食. 搞到經期delay 再delay.
99 係都要迫我死....(一齊住). 佢煮完,拍門拍到你. 好在. 發完脾氣. 鬧佢一獲.
-
係呀!唔食又唔得喎,佢又比面色你睇,跟住咪日日發老公脾氣。而家到我比面色佢睇,因為係仔,所以我話一佢唔可以話二,
哈哈!
-
準媽媽,
醫生有無話你肥成五十磅有問題架? 咁唔一定係健康喎
-
佢話我無問題,最緊要係bb健康同正常,佢係我肚內已經有成6磅幾,所以可能會隨時生得
-
我姑奶有bb 果陣,都好重.. 好重. 佢個bb 出世有成八磅.
準媽媽. 你個肚係第幾個月?? 你同99住? 我剛才飲湯.. 發現又係人參湯 (係煲..唔係登) [好在飲得一碗]
-
我個肚已經八個幾月,醫生話個bb出世一定超重。係呀,因為我老公係獨仔,好麻煩。
係呢,你有bb未呀,如果未就唔好食咁多燉品,有咗先補都唔遲。
-
八個幾月就隨時生得,即係bb可能早產,就算夠重,身體機能都未完全發展,未必係好事
-
重有,bb如果太重,一出世有機會血糖低
-
不過醫生照過所有嘢都好正常,佢仲周不時踢我