本人樣子並不十分標青,有點兒男仔頭,與男仔玩熟了就會玩得好癲,好似成日都嚇怕了人,都得不到異性的追求。想請教大家有什麼可以吸引多d異性的追求。





  • 留長髮、著裙、化小小裝,講野同動作斯文d,唔好咁男仔頭啦,要有女人味才會有男人追求,女人就要似返女人,正如一個男人係女人形的話都好難有女人鐘意。



  • 化妝, 講野動作斯文,我已經有做。但唔知係咪個性格吸引唔到人,好多時d男仔都只會對我既係朋友既好同關心,唔會有進一步既行動。



  • dress more sexy d



  • 我想認真了解自己有咩問題,我見到自己d friend同事都成日有人追,而我自己就成日食白果。男仔究竟會睇邊方面???



  • 我覺得男仔唔一定鍾意SEXY同埋女性化的女仔,以前我都好男仔頭,但我已經結咗婚十幾年.





    其實男仔頭女仔有男仔頭女仔的吸引力,你試吓留意身邊有無吸引到你的男仔,先從做朋友開始,慢慢將你的優點表現出嚟,咁可能有用.



  • 我好易同d男仔玩得好熟,佢地都會對我好好,好多時都因為d friend對我好, 我就鐘意左佢地,但成日都冇下文。



  • 有意思的topic.


    哈哈!



  • to 裡孩子





    有幾有意思呀???你都係有咁既問題??





    大家仲有冇其他points拿出來share???





    其實,我份人都比較被動,喜歡人,都唔知回樣主動出擊。或者,人地對我有意,我都唔識點樣眇得出。



  • 留長髮、著裙、化小小裝,講野同動作斯文d





    呢d倒模公仔都唔係咁吸引姐!



  • .



  • 我都係咁, 睇住個個friend開始有著落, 自己就.........唉



  • 我都係我開頭唔明點佢男仔咁鍾意同我玩~佢地話我好好玩~又唔洗就住就住





    但當佢地對番我好!or大家玩得過左火既時候~





    我會以為大家都有野!


    點知原來係自己自作多情!~





    而家我完全唔敢同男仔深交~我唔想再hurt同覺得自己stupid!~



  • Be yourself !


    If that is what u like, just do it. I would not change the way i behave just to attract the opposite sex. Just ask yourself, will u be happy? Ppl will like u for what u are, not what u pretent to be.




  • 我以前都係咁.


    0的男仔一開頭就當正你朋友又點會有下文呢.


    當男仔真係唔可以玩得太過火, 唔係佢地就唔當你女人ga啦



  • 我覺得係睇人.





    我23歲前都好男仔頭, 短頭髮, 除左中學校裙, 唔會著其他裙, 又幾爽同直, 唔會嬌聲嗲氣, 但唔粗魯.





    我都比我的女性化朋友多人追.





    我問過d男仔, 佢地話我nice, 唔會好似某些女仔咁麻麻煩煩, 同我相處好舒服, 而且我無所以不談, arm 傾, 同埋個樣唔差.





    所以我覺得係人夾人緣.



  • 我都覺得, 係人夾人嘅。





    我外表係一個好女仔的女仔, 但係我會玩d好男仔的活動。


    我識化妝, (仲係化妝師添) 會穿裙&高跟鞋。


    我會功夫行山同打波。


    但係.....我做呢d都係自己愛好, 唔會為人地喜歡而喜歡, 而做囉。





    我今年over25, 算係冇比男仔追過。


    身邊的朋友, 都會以為我有男朋友。 有時候, 講開的時候, 我好想話我冇拍拖, 但係...我唔想比人的感覺係我好想拍拖, 而事實上, 我都係抱住一個平常心。


    有就會有....agree?





    有時見到身邊d朋友因為感情出現問題, 就會覺得, 自己一個人, 多自在。





    放工.....明日再傾呀~



  • 我都一樣, 今年27歲, 18歲後就冇再著過裙


    , 平時講野唔算大聲, 但絕對唔會嬌聲嗲氣扮cute句句有疊字。


    性格都算開朗, 行為都唔算太粗魯, 但間唔中玩到癲都會"洞"高隻腳。平時鐘意玩d男仔野, 例如打機, 睇車咁





    但唔知點解, 25歲之後開始變返少少女仔, 返工都會著下高跟鞋, 間中都會修下眉, 查下胭脂, mascara咁, 近排開始學敷 下mask, 做下磨沙。





    男性朋友見到我都話而家終於似番個女仔, 以前成個男仔咁。雖然女仔左, 但都冇多左男仔追





    其實我覺得香港d女仔太冇性格, 無主見又鐘意跟風。睇下而家成街都短褲+boots就知。外國女仔比較有自己一套, 我覺得有性格先最易吸引人。



  • 我係讀書時都係男仔頭, 即係唔會著裙, 永遠都t-shirt牛仔褲, 得頭髮係長長地似女仔


    我o個時一班fd玩埋,有5男3女, 我同另一個男仔頭女仔都有人鍾意, 而當中最女仔的一個反而冇人有興趣


    o個d男仔都係覺得佢唔吸引, 覺得我地男仔頭得黎又幾可愛, 可能我地唔係粗魯似兄弟o個種, 而係不拘小節玩得,講咩都得o個種



  • 性格男仔頭唔緊要,都有男仔欣賞男仔頭既女仔,貪佢地爽快玩得大方咁囉...


    不過就千祈唔好連個殼都男仔頭,咁的話又真係唔駛旨意人追..


login to reply
 

looks like your connection to she.com messageboard was lost, please wait while we try to reconnect.