點解佢唔打比我?

candy
 
 係既, 旺角電腦中心付近係有間街邊檔既麵檔係幾出名既..... 係十幾蚊一碗麵.........但約女仔食飯, 幾有特色都要問下個女仔介唔介意......... 同事都係咁話
 
 呢d 叫cheap 佬, 電話都唔洗聽佢la

心
 My case like yr case ar,but me is married ,he is single.....( he not find me about one weeks ar)

call him lor

candy, 史密夫
 
 其實都唔代表佢沖闊佬, 講真養車咁難, 兩個人食下風味野, 平野, 女仔真係咁介意 ?!
 我成日同(好)朋友 "慎" 冇錢, 一齊搵d未食過, 唔太貴又free parking既dinner , (一百幾十)佢把口成日話好, 又話好味. 睇完你地既留言, 都唔知佢個心係咪介意.

我成日同(好)朋友 "慎" 冇錢, 一齊搵d未食過, 唔太貴又free parking既dinner , (一百幾十)佢把口成日話好, 又話好味. 睇完你地既留言, 都唔知佢個心係咪介意
 
 by mask - 11/23/06 00:12
 
 for me, i really don't mind, because i know some cheap food can be good too...
 so it really depends on the girls u date...
 or friends u hang out with..

講緊雲吞麵, 唔係咩風味小食, 如果你係遊客, 雲吞麵應該係風味小食既, 同我地去到台灣食柯仔麵線一樣............... 睇黎你地多數係美化左件事lor
 
 "其實都唔代表佢沖闊佬, 講真養車咁難, 兩個人食下風味野, 平野, 女仔真係咁介意 ?! "
 
 係咪真係有風味, 就等candy 返黎講下la, 同埋呢, 養車難, 就唔好渣la, 講真, 香港咁多車搭, 的士又有八折......
 
 有時又唔係介意幾多錢, 但係睇下candy講既野, 加埋佢d 態度你就會介意ga la

夜晚我同佢去左食飯﹐因為我有事要放隻狗比佢看住兩日﹐所以我請左佢食飯。
 
 第一次去佢屋企﹐我見到伯母同佢家姐/姐夫。都幾有善。
 
 唔知佢家人會以為我係佢邊個。
 
 不過﹐我覺得佢好似好鐘意我隻狗。
 至少鐘意隻狗多過我。

狗都幫你湊埋, 又唔錯wor.....

最難得一點係佢家人都好喜歡狗

史密夫,
 
 講得啱, 唔係錢......
 係態度問題.

因為前兩日拎左隻狗比佢﹐昨晚想找他pick up番隻狗﹐但找極都找唔到佢﹐唔接電話。之前我都有講過我試過打電話比佢﹐佢會唔接所以我先唔主動打比佢。現在又係禁。我覺得如果有個男朋友係禁﹐真係1d 安全感都無。
 
 可能都係呢個原因令我覺得佢其實唔係鐘意我。

其實我對佢已經有感覺不過佢令我覺得好無安全感﹐所以我又放唔到個心落去。
 
 攪到自己唔開心。

我呢個都幾好笑, 大家識左, 咁耐唔耐都會叫我出去飲野, 咁有一次終於出左, 咁大家都飲左d 酒, 攪左野, 之後佢都有keep 住sms , 大約一日一個, 隔日一個, 之後又再出黎攪左1次, 第二次之後, 佢話考完試之後有多d 時間, 多d 約我去街, 去拍下拖咁, 佢下個week 考試, 都有成日冇send sms 俾我, 我又唔明, 其實唔駛講咁多野, 講左做唔到咪仲衰, 男人係咪鐘意咁, 俾希望人, 但係得個講字, 冇諗住做?????

心,
 
 睇下唔聽你電話同工作有無關係la........ 如果有關, 可能應該要原諒, 例如有d 工作唔聽得電話ga 嘛.......你如果在馬會兼職收錢, 開工都完全唔開得電話la
 
 我諗你要睇下佢咩原因, 但如果無咩特別原因而唔聽你電話, 就好有問題

史密夫
 
 
 今次佢唔接既原因(之後佢同我講番)就係話佢放左個電話落袋﹐所以聽唔到禾。我真係唔知信唔信得過。不過﹐都係15分鐘後佢就打番比我。所以今次黎講﹐我可以接受。我最近成日話佢講就好好﹐但其實樣樣都做唔到﹐佢就好似好內咎禁既樣話以後唔會禁﹐會盡量做好。我即管睇睇喇。好似佢話今日下晝佢放工就會同我出去 ﹐但我話﹐我唔信你啦﹐你次次都係得把口﹐到禁上下就會打黎話唔得﹐下次先。
 依家﹐即管睇睇晏d佢會點。講真﹐禁耐我都未試過同佢日頭出過街。佢次次都係夜晚先得閒。

咁其實佢做咩職業ga? 有無咩特別原因先
 
 定係你都懷疑佢o厄你呀?

佢自己做生意﹐電腦果d
 一星期開足7日。根本都無時間比到我。
 
 最後﹐佢如常爽約﹐都係無去到街。
 佢原本話2點同我食晏﹐點之3點幾打黎話未得。
 
 禁既然唔得點解昨日又話2點幾可以收工。
 
 好唔開心。
 次次都係禁既。

how do you know him?
 have you ever to his shop?
 if he dated you for lunch then called you cancel, may be you could buy something to visit his shop without tell him so, see the truth yourself
 
 boss could be busy if he's in small business

無錯﹐係小鋪仔黎﹐所以先禁忙。
 
 我唔會去佢鋪頭啦﹐無必要
 佢現在又唔係我男友﹐就算真係唔係佢所講既都無得怪佢。如果佢真係鐘意我既都會同我開始左啦﹐點會好似依家禁。
 
 不過﹐我又唔覺得佢係有心既﹐我稔佢真係好忙所以先次次推我。
 
 我稔我同呢個人都無得發展架啦﹐因為佢太忙。

我唔明佢咩心態﹐既然無能力做到又點解要應承。

佢知我嬲﹐後來佢收左工叫我去佢家食飯﹐佢整左蟹比我食。佢煮左好多野。
 我本來真係好嬲佢﹐(因為成日都爽約)但後來見佢放左工又整禁多野﹐食完後又自己洗埋。我又嬲佢唔落。
 
 不過﹐後來電話度我同佢講得好白話佢比唔到安全感我。又成日唔接電話。
 
 我以為佢會解釋﹐但佢都無﹐只係話唔係呀﹐唔係呀禁。
 
 唔係d咩﹐佢又無講。
 唉﹐我真係唔明佢想點

佢答唔係, 可能只係最直接既答案, 佢都係開工啫
 
 發展? 其實成日放飛機呢, 就算佢無心, 或者要做野, 我係你我都會心淡啦!~ 所以你係正常ga wor
 
 唔知佢明唔明呢, 其實拍拖係要幾多時間ga, 最少一個星期陪到個女朋友兩次(有d 人既需要可能更多).........佢一日要開七日工, 又可以點呢
 
 不過呢, 男人去到某一個年紀, 拍拖就唔會放得好高, 始終做野緊要, 所以巨咁都無可厚非, 佢爽約, 佢都唔想既, 但總可以約你兩點, 就兩點話黎唔到, 唔洗等到三點先講lor, 都有d 離譜

心,
 其實你算好容忍佢ga la, 你講到佢成日放你飛機, 俾我, 放我兩三次我可能以後都唔會采佢lor
 
 剩係為左啖氣, 都有足夠理由唔再睬佢la

其實你算好容忍佢ga la, 你講到佢成日放你飛機, 俾我, 放我兩三次我可能以後都唔會采佢lor
 
 剩係為左啖氣, 都有足夠理由唔再睬佢la
 
 by 史密夫 - 11/27/06 01:02
 
 
 佢份人唔係好識表達自己﹐講野會吞吞吐吐由其事要佢解釋。
 
 佢同我講佢話佢好想多d時間陪我﹐不過﹐新請既六﹐日part time要train所以佢唔放心。每次想走﹐客人又入黎佢又走唔到。
 
 不過我都知如果同佢開始我會有排受。
 我係有心淡﹐我直頭問過佢﹐如果你係我你會點﹐仲會唔會好似我禁傻仲等你。
 佢只係答﹐我知係我唔好﹐我知你嬲係岩
 .....
 
 不過﹐我見佢煮得禁辛苦黎tum番我﹐我又真係心軟...每次都同自己講唔想再彩佢﹐以後都唔彩但又會有d野攪到我又唔捨得

心,
 其實就憑你肯咁樣容忍佢, 你點都多少鐘意佢既, 在未有更好既選擇之前(因為佢都唔係一個好既男朋友), 我覺得你都會觀察住, 維持住, 但係你忍到幾耐就真係難講d, 可能有一日你會話好倦, 唔想再咁樣
 
 其實你地都一半半似拍緊拖, 都唔係曖昧, 你好似等緊佢做一d 野你地就會係男女朋友, 係咪呀?

hi下先

史密夫
 
 你講得好岩﹐我都覺得自己係禁。我係等僅佢做d野囉﹐例如我話佢成日唔接電話﹐無安全感呢d想睇下佢有無改善囉。
 我唔知我地係咪算半拍僅拖﹐但我地未有任何身體接觸。我去佢家食飯﹐屋企無人佢都好規矩。不過我坐著睇電視時﹐佢會坐得好埋﹐就係我傍邊。
 
 
 空間
 
 你好

"屋企無人佢都好規矩。不過我坐著睇電視時﹐佢會坐得好埋﹐就係我傍邊"
 
 一load 下個page 又見到你reply tim~
 
 對你規矩係好事, 好野黎wor

我做多左啦﹐我開始覺得現在係我差左隻腳落去。
 
 我覺得自己好面懵好cheap..
 
 最近因為有向屋企人題過呢個男人﹐所以爹地就話要我約佢出黎食飯﹐其實我心知未係時候﹐不過可能係我自己都心急左﹐爹地又催我之下﹐我就打左電話去問佢。
 我話﹐‘我同爹地媽咪食飯﹐爹地問你去唔去﹐你得唔得閒’﹐ 講完後佢好快就話唔得﹐因為佢約左同事。
 
 我覺得自己好戇居....行得快左
 唉﹐總之我稔佢都係得閒先找我﹐可能係攝下時間。

係我想得太多﹐
 人地可能根本對個個都係禁好
 根本唔係想同我一齊。

心
 無可能對個個都咁好.........呢個你唔洗擔心
 
 差左隻腳落去? 你好明顯la
 
 但係你地咩地步呀, 佢會唔會以為見家長係要談婚論嫁, 所以唔肯去住? 你點約佢先? 你又話佢勁唔得閒, 咁你就指定一個日子問佢得唔得閒食飯咁呀? 要約咪就到個個都得閒先定日子lor........?
 
 攝下時間? 但佢搵你煮成日飯俾你食wor.........又點解釋呀?
 
 你阿爸阿媽係點樣既人先? 如果你覺得只係好casual 食下飯, 傾下計, 你要同佢解釋下, 你話佢知只係一餐casual 既飯, 傾下計, 你話你阿媽都想知個女同咩人一齊?
 
 哪, 最大既問題係, 你地都未係男女朋友, 咁食咩飯呢? 但都唔一定會拒絕你既, 如果只係好casual 食飯.........但我係個男人, 我就會諗到底自己係用咩身份食呢餐飯呢?

佢根本無稔過﹐佢即刻就答我話要同同事食飯﹐今晚唔得。
 
 講到底﹐我根本就係嬲佢唔陪我﹐掛住同朋友出去玩﹐仲無打比我。嬲佢根本唔係我想像中禁緊張我。
 
 我亦嬲我自己稔多左﹐0係未關係明確時就因為佢做左少少野而動情。
 好傻。

心
 
 你好呀,近排點呀~心情好d未呀

每次當我想嬲佢時﹐佢又會做番d野令我嬲唔到。好似頭先我打完我對上果個留言時﹐佢就打黎比我。佢一打黎就同我講話﹐如果你爹地想食飯﹐禁不如下個禮拜六啦。但我話唔僅要啦﹐我求其講左個籍口話爹地想多謝你上次幫我看住隻狗之麻﹐唔僅要架。之後就不了了之...
 始終我稔我地都未係時候去到話要見家長﹐所以﹐都係算啦。

空間
 
 我仲係未敢肯定佢心意....
 
 仲係差一點點...

心,
 就係想知你當時點約佢.....
 
 如果你講"今晚食飯", 咁乜都無準備, 點同世伯食飯呀? 唔洗買野呀? 訂桌呢? 同埋同世伯食飯, 應承左就一定唔可以失約.........兩樣加埋, 推左你先係正常反應wor
 
 男人肯為你做d 野, 除非d 野真係太微不足道la, 唔係既話, 都代表到一d 野ga la

咁要好好咁去搵個答案,

同埋同世伯食飯, 應承左就一定唔可以失約.........兩樣加埋, 推左你先係正常反應wor
 
 
 by 史密夫 - 11/27/06 15:5
 
 我都同意你禁講既。。
 不過﹐算啦﹐反正我都扯開左話題唔使再食飯啦。關係都未明確﹐無謂喇。
 
 佢始終都無講話鐘意我﹐又無拖我﹐又無要我做佢女友。我都唔知我地會唔會開始。

心，
 
 直覺上，你既”他”，係好怕羞又好被動兼唔識表達既男仔．．．
 
 同意史密夫所講，佢對你，應該都係有意思的．．．只係苦於不懂表達．．．．
 
 佢口快快咁同你講約咗同事唔得閒同你屋企人食飯，我都相信係事實．．．（覺得佢戇直卦．．．哈哈）．．．
 但佢都回想返後（可能有軍師都未定），都即刻打返俾你返兜啦．．．
 
 如果真係有意思既．．．不妨俾多啲暗示啦．．．（覺得佢鈍添）
 
 好似佢之前話送花咁，我覺得佢都係暗示緊啲嘢架．．．（一般男仔都唔會隨便送花俾女仔啦）．．．但你既反應．．係咪叫佢唔好送咁呢．．．所以又不了了之？
 
 其實．．唔好話你，我有時都唔知男仔既心態係點架．．．
 好似我之前有個朋友咁．．．果時佢啱啱甩拖，我就無拖拍．．．佢講過，如果兩年後我無人要，佢要我架．．．但佢又無表白，我自己對佢有意思，又唔敢做啲乜咁．．．最終，我哋都不了了之了．．．（咁當然，可能佢果句說話只係講笑，而我自己鍾意人，就聽到乜都覺得係有意思啦∼）

kuromi
 
 有意思又點﹐我真係唔知佢稔咩
 好似今早佢打比我﹐我miss左佢既call﹐之後佢言比我話打黎係想聽下我把聲。
 留d禁既言算係咩意思。
 
 之後我打電話比佢﹐佢無接﹐好耐先覆番我。(約2個鐘後) 我同佢講屋企突然停水好慘﹐點知佢好似無咩反應禁。之後就話遲d再打比我。當時﹐佢比我感覺係我有事找佢的話﹐就一定揾唔到佢。同埋佢好似都唔係好理我d事。如果做人男朋友都唔會禁啦。

嗯．．．
 
 我只可以話．．．第一，佢未係你男朋友．．．
 
 第二，可能你打俾佢時，佢好忙．．．
 
 第三，佢戀愛經驗少，唔識點handle感情事．．．
 
 男人．．．大多都係粗心大意的．．．
 
 佢話你知，想聽你把聲．．．你話唔知佢點諗．．．
 同樣地，你打返俾佢（佢又覆你），只係同佢講你屋企停水（有無提佢想聽你把聲既事？）．．．佢同樣唔知你點諗．．．（佢都講明想聽你把聲啦．．．但你好似又無表示咁．．．．仲要又哋進一步，你又退少少咁既？）

後來在msn度佢之我嬲﹐就再打電話過黎問我點﹐我同佢講話如果我有事你禁遲先覆都無用喇。佢就解釋比我聽頭先佢點點點忙。佢有問要唔要去佢度借廁所呀等等﹐但我話唔需要﹐(因我去我大佬屋企借)
 
 我地依家係咩關係連我自己都搞糊塗。
 我唔知係咪真係佢太唔識表達自己同太被動。點樣再突破或有無可能會突破到依家既關係我都唔知。

心，
 
 好坦白講．．．你未係佢女朋友．．．作為朋友階段，你對佢既要求會唔會高咗啲呢？？
 
 你又俾唔到啲咩暗示佢．．．佢一想進一步，你又嘭門又閂後門咁．．．你想對方做啲乜？？？佢一路都好似有啲暗示．．．但你就視而不見？一定要佢講：可唔可以做我女朋友？？
 
 佢見你完全無反應，都唔敢咁進一步都未定喎∼

並唔係禁樣架﹐只係我為佢做既野我無打出黎。
 
 佢知道我都鐘意佢﹐呢點我可以肯定。
 只係依家我好似等僅佢進一步 (拖手)
 我反而覺得佢好似覺得依家既關係都ok,可能佢見自己反正都忙無時間拍拖﹐所以依家呢種關係對佢黎講仲無束縛﹐但我唔想禁。我亦唔鐘意噯眛....
 
 講電話時我地會大膽d﹐較似情侶﹐但見到面時就唔會。
 
 我係自從果似佢煮野食比我之後開始心動。
 但依家好似皇帝唔急太監急禁樣...
 真討厭

但我發覺我自己都有個問題好嚴重
 就係見唔到佢時會好掛﹐但見到時又會好似怕左佢禁﹐唔敢有咩身體接觸。
 
 我覺得自己好衰﹐主要原因係佢比較肥﹐
 我可能係鐘意佢﹐不過電話見唔到樣就會較理智禁稔起佢個人有點好點好﹐但見到面時就會怕佢外表赫怕。

有幾肥呀? 肥到好似肥谷, 鄭則士咁?

不過可以講俾你知, 肥人係比較細膽, 或者有d 甚至係有d 自卑ga, 因為知自己外表唔掂, 或者一向都比人差, 例如跑步都跑慢d la~...... (我有個friend 都係咁)

不過當然要睇返佢有幾肥, 同埋佢做人既態度係點, 有d 都可以好有自信, 但有d 可能會好自卑好無信心..........
 
 咁如果佢係後者, 可能你真係要做d 明顯d 既暗示, 佢先敢做野ga (不過你諗真d 自己係咪想同佢一齊先la, 你好似介意人地外表wor, 你係有權介意佢既外表ga, 你自己考慮清楚la)

不過你諗真d 自己係咪想同佢一齊先la, 你好似介意人地外表wor, 你係有權介意佢既外表ga, 你自己考慮清楚la)
 
 by 史密夫 - 12/01/06 00:38
 
 我就係覺得自己好似介意。
 你有無睇肥田﹐比胡諾言瘦少少。
 我稔算係中肥。
 我問佢幾多磅佢唔肯講。
 算啦。。。都係再睇下先。
 反正佢又唔會對我做d咩既。
 不過呢﹐佢都好似變左﹐以前我話想去邊到邊到﹐佢就會話我帶你去﹐最近我講佢都無出聲啦﹐唔知係咪怕我話佢成日講左做唔到呢。