messageboard

小苦妹

本人患上此症約六、七年, 之前因為成面及胸、頸長滿暗瘡而發現的。
 
 我的經期一直唔準 (打從十六歲來經之後, 一時一個月一次, 有時三個月一次, 半年一次, 九個月一次, 勁亂!), 媽媽話有好多人都係o甘, 叫做季經, 不用太緊張。
 
 人大左之後, 暗瘡越來越勁, 身邊的同事、朋友紛紛獻上秘方、護膚品等資訊, 令我覺得好大壓力 & 需要面對問題, 睇皮膚科, 用食療, 試盡各樣的護膚品都不果, 最終轉睇婦科, 化驗後得出這結果, 之後一直食住 Diane 避孕丸來 control 經期及暗瘡, 後果唔錯。(媽媽強烈反對, 話 d 藥傷身)
 
 今年四月, 停左食避孕丸, 轉用中醫來醫治, 身體是好左d (面色紅d, 個人無o甘倦), 但經期始終未到,而且暗瘡有 "故態復萌" 的跡像, 已經半年了, 開始灰心。
 
 其實我想比一年時間自己調理好身子 (行經正常), 然後約在○八年結婚 (到時我年紀唔細啦! 三十歲), 因為醫生講過患上此症的女性最好早d計劃生育, (生育的時期較短及不隱定, 可能要試幾次先成功)
 
 而家有無姊妹可以介紹一下醫得好, 又唔太貴的中醫師呀? 有無人試過睇 "吉叔"? 得唔得架? (我係第二d forum 上見到的)
 
 唔該曬!

同路人

我都有些經歷,我都有睇過吉叔,但後來無衡心,因要個多小時車程,又要等好幾小時,最後放棄了,後來改食左一隻叫"天喜丸"的中藥,效果唔錯,又唔駇飲苦茶,方便,現在我己懷孕了,小b下月出世啦,你唔好放棄,亦要早些plan,因真係要比正常人用多些時間

小苦妹

多謝指教!
 
 吉叔得唔得? 貴唔貴架? 揾佢睇病有mug野要留意 (如: 攞籌有什麼規矩, 要早幾多時間去?)
 
 另外想問下, 我係唔係而家婚前睇定醫生調理, 好過婚後先醫呢? 還是要等婚後 "正式行埋"先醫, 才好呢?
 
 仲有天喜丸係咪人人啱食? 係邊度買 & 幾錢?
 
 *我諗住聽日去睇下 "吉叔"。
 唔該!

LokChu

小苦妹
 
 我都有卵巢多囊症, 不過睇了個多月中醫然後又睇番西醫, 可能的真係好心急想要BB
 
 我現在正睇緊不育 (西醫), 因為佢地可以照ultrasound 睇下個卵長到幾大, 因為卵巢多囊症係有好多唔成熟的卵子排唔到出來, 所以M都唔知幾時來, 好多時都會遲, 完全計唔到
 
 食了排卵藥, 照下ultrasound, 醫生會話比你知大約幾時會排卵, 幾時do do 會大D機會, 另外因為我老公的精子不好, 所以都試了兩次體內人工受孕, 不過都失敗了, 現在下星期可能做第三次了
 
 另外, 卵巢多囊症係會比較容易小產, 中醫西醫都係o甘講, 所以要小心D
 
 現在到08年仲有時間, 你暫時可以不用睇西醫住, 睇住中醫調理身體先, 如果三個月或以上仲未來經而沒有do do 的話, 就要催經啦, 因為醫生話驚子宮會有病變
 
 你未來老公都要check 下精子同驗血 (總之是婚前驗查那一種), 你都要驗下血, 早D知道有問題可以對正下藥
 
 同路人:
 
 天喜丸是什麼? 有什麼作用? 我都想知多D, 是醫卵巢多囊症的嗎?
 
 你花了多少時間才可bingo 得到? 可否講下你的經驗, thks a lot!

小苦妹

Thank you LokChu 的意見。
 
 我上週五睇左上環 "吉叔" 啦! 佢似乎好有料 (因為真係好多人等), 另外佢又話我上次睇果個中醫成半年都無 m, 唔應該o甘純仲信佢喎 (其實佢係想話我鈍就真), 不過無辦法啦, 我前前後後都試過 4-5 個醫生, 個個都話可以醫好我, 結果都係唔得, 成日碰璧, 難免灰心啦!
 
 而家想睇中醫調理到可以每個月有 m, 希望一年的時間可以做到, 如果m真係正常, o甘有bb的機會就大d 啦!
 
 直到今日飲左三日藥, 面和頸上的暗瘡 "謝" 左好多, 吉叔話我之前的中醫師 "補過頭" (太燥, 所以勁爆瘡, 皮膚好似猛實o甘爆瘡, 好辛苦), 吉叔都建議我先去西醫處打一支 "通經針", 先讓積聚半年的m出來先, 再慢慢調理喎。
 
 我會keep 住係度 update 大家, 多謝大家支持。另外, 我在 "屈人寺" 見過天喜丸, 不過包裝上並無詳細註明醫什麼 & 點樣服食喎! (約 $1xx / 1盒)

S03CPK

各位姊妹:
 可參考以下網址, 分享人地的經驗!
 
 http://www.baby-
 kingdom.com/modules/newbb/viewtopic.p
 hp?
 mode=viewtopic&topic_id=192179&forum
 =40&start=0&viewmode=flat&order=0
 
 希望大家盡早解決問題啦!

LokChu

小苦妹:
 
 o甘吉叔叫你去打通經針, 你又食了三日藥, o甘個三日藥係咪都有通經的作用呢?
 
 睇一次吉叔要幾多$, 同埋個procedure 係點, thks

LokChu

小苦妹:
 
 o甘吉叔叫你去打通經針, 你又食了三日藥, o甘個三日藥係咪都有通經的作用呢?
 
 睇一次吉叔要幾多$, 同埋個procedure 係點, thks

小苦妹

LokChu
 
 果D藥確有調經作用, 但吉叔怕要試藥 (人人的體質唔同, 受藥反應亦唔同), 所以佢話叫我先試七劑藥 (如過程中M 來了, 照飲), 如唔來的話,先去西醫處打針通經 (免內膜積聚太久而產生病變), 同時間再去揾吉叔, 開第二D藥地調經。
 
 揾吉叔過程好簡單, 先在求診當日致電取籌(留下名字), 到左永樂街的 "協X隆中藥房" 報上名字取籌, 然後到吉叔診所處報到侯診, 不過要有心理預備最少等一個鐘 (因為求診者眾, 我等候期間和其他病人傾計, 大家都睇左吉叔好耐, 個個都讚佢好, 信心都大左D)
 
 吉叔診金 $12X, 到"協X隆中藥房"執藥, 其他病人話幾十蚊一劑, 我上次的調經藥約 $2X 一劑。
 
 詳情及吉叔的網址、地址和電話可在我以上提供的有關網頁揾到。我建議你和老公一齊去睇, o甘咪可以強化埋老公d精子 lor, 受孕機會大d。趁而家仲後生, 有機會就要試, 免日後會後悔。而且即使唔想要bb的姊妹, 如果用一年半蛓的時間去睇中醫來換取廿年、三十年的每日食避孕丸, 我覺得值得 lor。
 
 其實我真係想揾人一齊分享, 並唔係幫吉叔賣廣告, 不過因為自己經歷過幾個中醫師都唔得, 而又有姊妹在第二個 FORUMN 話試左OK, 所以先 post 比大家睇下啫, 如果你地有第二d方法 for 這個症, 歡迎留言比我。

小苦妹

見其他 forumn 話好多姊妹患上此症, 情況好普及, 點解好似無mug人留言的?
 
 究竟仲有邊個中醫師或 mug 野方法可以每個月來經, 唔駛o甘煩要長期食藥架? 我怕第日比未來 99 知道我食避孕丸 (一定鬧啦), 佢地好想我要 bb, 我從無忍瞞男友, 但協議左唔會話被佢屋企知, 費事佢地唔鍾意我。
 
 始終老一輩的人都認為: 唔想有 "一個唔識生蛋的雞" 做自己新抱, 佢地寧可你可以生育, 但係唔想生 (再諗辦法氹你生好過)。

LokChu

小苦妹:
 
 原來食避孕丸係可以調經架, 係唔係每個月都好準呢?

小苦妹

勁準, 我係食 21 粒果隻 Diane。(壓低體內的男性荷爾蒙及補充女性荷爾蒙, 醫埋暗瘡架)
 
 食完 21 日, 要停 7 日 (Within 這段時間 m 來), 然後再開始另一排 21粒的藥, 通常我都係停藥後 2 日就會來, 每個月如是。
 
 尋日去左西醫處打通經針了, 她還寫紙叫我去化驗所照超聲波 for 卵巢、輸卵管 & 子宮 tim, 她話政府的醫生唔應該只看抽血報告 (抽左 2 次血) 便斷我為此症, 應該要照超聲波去 confirm 器官多卵泡的程度如何 (是一個卵巢有事 or 兩個都有事喎)
 
 聽完佢o甘講, 有d 唔開心, 因為之前o甘多年都好似被騙o甘, 究竟我係咪這個病? 會唔會一直用錯方法醫? 又好驚化驗結果令我知道, 我的情況比我想像中更差更壞。

arale

小苦妹,
 
 唔好驚啦,我同你一樣有此症,可能你都有睇過我個POST, 依家睇緊董醫生,老實講,依家野,如可負擔得起,寧可睇西醫,AT LEAST
 佢有得照Ultrasound,即時知道自己個副計有無咩問題, 我其實未睇董醫生之前睇開一個婦科(睇左佢8年婦科),點知7月尾再睇既時候但佢話不育依方面佢無咁純熟,寫紙叫我排威爾斯, 仲話通常排幾年,個一刻個心跌到落谷底, (個陣7月尾,去排期啦,都要排到10月25,先係聽一個講坐,聽完先正式排)好彩上左黎,D姊姊介紹左我睇董醫生,排期都排左2個月,睇左知道左自己咩問題,依家試緊療程當中,我依家就心大心細仲去唔去威爾斯聽個個講坐,因返工要拎假! 不過點都好啦,清楚知道自既問題係邊,對正下藥,點都好過自己估估下啦! 千奇唔好灰心,雖然我完全明白個種谷底既心情,灰到暈左,但一定要學習放鬆心情,要令自已開心D, 咁樣對改善呢個症既生育有好大幫助架! 加油,努力呀!!!!

小苦妹

多謝arale的鼓勵。
 
 其實我都有睇過你的 post, 但因為我仲未結婚, 未要 bb 住 (打算 08年才結, 之後先要 bb), 所以想先試下睇中醫去調理, 睇下可唔可以 tune 返每個月來 m, 如果可以, o甘即係自己可以排卵, 第日婚後有 bb 的機會就大d 啦, 仲唔駛怕被未來奶奶發現我食避孕丸的秘密。
 
 如果中醫醫唔好我, 而我又結左婚, 我會去睇董師生, 因為好多姊妹都 recommend 佢架, 仲話佢細心兼收費唔貴tim。
 
 有d同路中人傾下真係好, 我唔想將d煩惱帶返屋企, 亦唔想同朋友同事講 (好尷尬), 記得開始知道這個病時, 我阿媽一味怪佢自己點解生成我o甘, 令到我唔開心 (為個病) 之餘, 仲要安慰佢同照顧佢感受, 所以而家都唔想同佢提及, 除非佢問起先講。講真呀! 其實面對佢 & 這個病, 真係有d壓力架!

arale

我明架, 我同我D朋友講(好 FRIEND個D,有一個遲我一個月結婚,佢依家有左BB), 佢地會安慰,起碼搵到個原因啦,佢地都希望我可以好快咁有BB, 我由細到大都好鍾意湊BB,好鍾意小朋友的,.估唔到自己會咁難! 但有時依家野真係同返D清楚呢樣野既人傾! (因我有D FD一聽完,只係講,唔知呀,我身邊無D朋友係咁) 當我睇完之前既醫生,話佢轉介我睇不育科,係睇醫生既前後個幾日,同時有3個人同我講佢有左, 個陣真係好DOWN. 同老公講,佢根本唔會明白你既心理,個陣一味上黎同人傾, 到之後BOOK董醫生,等個日既黎臨真係好難過, 後來我發覺上得黎睇越多,見得好多人都有喜(我知呢D係人地開心事),個人仲灰,所以之後都無再黎睇! 直至睇過董醫生,知道左咩原人, 個人真係輕鬆曬,依家都成日KEEP住好開心! [諗住可以有幫助!!
 
 小苦妹,其實你都好丫,結婚前2年都已CHECK到有呢個問題, 我係結左婚2年先知,真係白白浪費左2年,你依家首先同個PART做個詳細檢查先,但多囊有有好多”死蛋”藏左係卵巢入面, 要裡面乾淨曬先好,因我睇開個中醫,佢舍知我係咁,叫我停左中藥,用西醫排左D死蛋出黎先,因佢話西醫會排得快D, 你試下問你中醫多囊方面幫唔幫到你先,要用幾耐,加上你睇埋西醫,同佢講你想KEEP返佢每個月黎,除左避孕丸之外有其他無野幫到你,不過其實我覺得如果食避孕丸OK既,我覺得食佢去調整一下又幾好喎! (因我識得有個朋友,佢正常既,但佢係停左食避孕丸2個月就有左LU! )

小苦妹

arale
 
 係呀! 同返同路中人傾會舒坦d, 大家情況雷同, 亦唔怕人地覺得你好奇怪 (點解o甘耐都來 m), 可能係自卑心的關係, 硬係覺得有d缺憾, 人地會岐視自己。
 
 其實約在01-02 年已經發現問題架啦! 不過政府醫生話只要 keep 住食住 Diane 避孕丸來 control 經期及暗瘡, 日後要 bb 先至再算。
 
 而我阿媽極抗拒我食避孕丸 (可能思想守舊, 諗住我未結婚食哩d藥, 萬一比人知道, 會以為我未婚曳曳掛), 同埋佢驚我食左o甘多年激素 without any other checking (政府無再比我去化驗任何野) 會傷身, 易致癌喎! (因為怕激素會易致癌)
 
 好彩我身邊d friend 有d仲未結婚, 有d結左婚但未有bb, 所以我無o甘難受, 但有時真係覺得自己似一隻白老鼠, 有 mug 野方法都想去試下, 希望自己可以正常返。試驗失敗時, 難免會失望, 灰心同埋氣餒。

小苦妹

姊妹們
 
 哩度有另一d 關於不育的有用資料, 睇下啦!
 
 http://www.hkinfertility.com/phpBB/viewforu
 m.php?
 f=4&sid=87128795d641ba538ab3869beb
 f200a7

S03CPK

尋日去照左超聲波, 化驗所的人員話我的卵巢好靚, 情況係 normal, 子宮亦正常 (無畸形), 唔似政府醫生所講的卵巢多囊症, 超聲波係要知道卵巢的情況 (去判斷它的功能是否正常), 而子宮 (主要是要知道有無畸形), 輸卵管要靠做影 (去 check 它有無阻塞), 照情形睇我的卵巢功能應該正常喎 (不過她立即好機警的補充, 總之詳情都係問返你的主診醫生啦!)
 
 超聲波報告出左啦!! 結果卵巢正常, 私人西醫話有好多小卵泡, 約7-11mm, 好正常, 同一般女性無異喎! (但已經半年無來經)。佢話哩個只係荷爾蒙失調, 唔等於卵巢多囊症?????? 醫治的方法係食避孕丸去避孕兼調較經期, 又或者食荷爾蒙藥去控製經期就得, 至於荷爾蒙失調的原因, 佢解釋唔到, 只係話好 common, 好多女仔都係o甘。但我的情況唔應該食o甘耐 Diane, 因為哩隻藥唔建議長期服食 (我食左 3-4年), 它荷爾蒙的 combination 同正常人體的荷爾蒙並唔相似。 (但控制暗瘡就一流)
 
 另外, 今朝我的政府醫生夠期覆診, 我問佢係咪用照超聲波可以照出 / 証實到卵巢多囊症? (之前只係憑兩次抽血的結果斷我症) 佢話係, o甘我再問佢哩個症係代表卵巢的功能有問題, 還是我的荷爾蒙有問題而影響到卵巢? 佢話係卵巢出問題而影響荷爾蒙, 我再問佢: mug 荷爾蒙唔係由腦下垂體去 control 的嗎? 佢話: 幾樣野係互相有關連的。之後我要求他寫紙比我去照超聲波 (想 double confirm 化驗所的報告), 佢話無得照, 無得寫紙, 你自己出去比錢照, o甘我問佢: 照左o甘點先? 邊個解釋個報告比我知? 佢話: 你下次覆診lor黎睇下。
 
 突然間, 好 confuse!!!!!!! 每個醫生講的野都唔同, 我都唔知自己係 mug 野病 (只係覺得自己好怪獸, o甘耐都唔識來經)。雖然卵巢多囊症 / 荷爾蒙失調的醫治方法大同小異 (當未決定要 bb, 只for 調理經期的話, 一樣係食避孕丸處理), 但係係咪卵巢多囊症就等於不育症 (受孕機會好細又或者真係生唔到?) 而荷爾蒙失調只需調理恰當就好容易有 bb呢??????
 
 今日下晝又約左去睇中醫吉叔啦! 越來越覺得自己似白老鼠, 好濫, mug 野方法都試, 但係越知得多 (睇多d醫生 - 不論中西醫, 又或者做多d化驗), 但係結果只係越來越亂, 唔知自己係點, 又或者應該點去醫, 前面條路好模糊, 無曬方向!!! :(
 
 有無 sister 可以比 comment 我可以點呀??

小苦妹

S03CPK = 小苦妹

ysz

小苦妹,
 
 你睇政府係睇咩科?點解會唔同你照超聲波仲要寫紙?你照超聲波係喺肚上面照個種定係插入陰道個種?
 
 我都係睇政府,e生同我驗完血,話我冇排egg, 然後照肚個種超聲波,再照插入陰道個種超聲波,就confirm我係卵巢多囊症

小苦妹

ysz
 
 當初我係睇私人家庭西醫 (因為睇開傷風, 順手講開我好耐唔來經 & 面上勁爆瘡的問題), 後來佢話因為唔知係 mug 事, 要做好多化驗 (可能會好貴), 所以寫信 refer 我去政府排期 check 下。
 
 第一次去政府 (醫院) 睇婦科, 講完個病徵比佢聽, 佢都認為太耐唔來經, 有 d 問題 (當時約半年無來), 立即幫我做簡單的婦科驗查 (按胸及柏氏抹片), 然後比半年避孕丸我食 (控制 m), 再抽血化驗, 半年後再覆診。
 
 半年後, 我d皮膚猛住曬 & 好痕, 又爆瘡, 醫生睇完我份驗血報告就話, 佢諗果隻避孕丸唔啱我食 (因為抑制唔到體內過高的男性荷爾蒙, 所以皮膚有哩個反應, 要轉藥), 另外, 要再抽血驗多一次 (因為上次驗漏野), 半年後再覆診。
 
 第三次覆診, 皮膚好得多了, 佢話已經可以斷診 & 對正下藥啦, 係卵巢多囊症 (不育症之一), 如果你唔打算要 bb, 哩個病對你影響唔大, 只要 keep 住食避孕丸便 ok, 如果你日後打算要bb, 再揾我地幫手食排卵藥啦!
 
 仲有, 因為政府醫療要善用, 你既然已經斷左症 (而又唔係關乎生死的緊急), 所以由下次覆診開始會轉去賽馬會診所的家庭科 (只提供一般街症和取藥的服務, 每三個月一次), 所以今日個政府醫生 (賽馬會診所) 話診所沒有化驗服務 & 不會寫紙比我去政府醫院排期化驗, 如你覺得有需要, 你自行外出比錢化驗喎!
 
 我覺得自己有d似人球 (因為前幾年d藥真係醫好我的經期 & 暗瘡) 所以覺得好有效 (從無懷疑斷錯症), 但因為打算08 結婚, 想打理好身子 (快 d 試生 bb), 留意多左哩方面的資信, 先至發覺我好似從未做過超聲波便斷左症。 (開始懷疑)
 
 * ps: 差不多每次睇政府醫生 (不論醫院 / 賽馬會診所) 都是由不同的醫生主診的。

ysz

小苦妹,
 
 你有冇聴過天喜丸?d sister話有幫助,我唸住食曬e生開d排卵藥,如佢唔再開藥我食,我可能會買嚟試吓

小苦妹

ysz
 
 我有聽過 sister 話食天喜丸, 最後有左喜, 但係我去揾過此藥, 它的包裝盒上無詳細講係醫d mug, 同埋點樣食架喎, 你知唔知呀???
 
 如果你唔係太大年紀, 唔建議你食, 好似好牙煙o甘 (無醫生介紹你食)

ysz

小苦妹,
 
 我係網上揾到嘅資料,睇吓幫唔幫到你
 
 天喜堂天喜丸（原名天喜堂调经丸）
 一治经不正常或迟或早或多或少
 一治白带赤带绷漏污秽
 一治婚後久未成孕或生育久停
 一治偏头疼腰膝痛腹部隐痛
 一治营养不良贫血虚弱
 一治氣血两虚瘦弱多病
 一治血晕虚汗腰酸脚软
 一治产後淤血未清调补不良
 一治不思饮食肠胃忧滞
 一治大便闭结血热暗疮口臭舌苔
 一治容颜憔悴未老先衰
 一治冷感寡欢精神疲乏难眠多梦
 一治體弱多病头晕目眩畏风恶寒
 一治肠胃忧滞食思不振多梦失眠等症

小苦妹

ysz
 
 thank you for yr information
 哩隻天喜丸都醫到好多野喎, 唔知每日要食幾多呢? (一盒又有幾多呢?) 我知道屈人寺約 $1xx, 唔知仲有無第二度有得賣呢?
 
 sorry for many question!

ysz

小苦妹,
 
 d sister話藥房會平d, $90左右,watson & manning會貴d, 不過我仲未去藥房問過價錢
 
 d sister話一日食兩粒,一盒有120粒,則可食兩個月,都唔算貴,一試無妨,而且sister話係made in HK

S03CPK

ysz
 
 我 search 過天喜丸, d sister 話她壞參半喎! depends on 你受唔受藥, 如果真係試過中西醫都唔得, 先行這步啦, 始終咨詢過醫生好過自己亂試喎, 小心身體呀!
 
 http://www.baby-
 kingdom.com/modules/newbb/viewtopic.p
 hp?
 mode=viewtopic&topic_id=231880&forum
 =40&start=20&viewmode=flat&order=0

pochacco81

HI...各位~~我都有呢個症
 不過醫生話好多女仔都有,唔係大問題,佢話食返d排卵藥控制返d排卵就ok喎,不過我因為未黎m(成2個月了),所以佢唔俾我食排卵藥住(咩藥都唔俾我食),因為佢驚我有bb,雖然我照左超聲波係冇bb,但佢話唔排除我有左但個胎太細會照唔到呢個可能性,跟住日日量體溫囉觀察!,醫生話要觀察20日,如果仲係冇黎m就要返去覆診,不過黎左都要覆診喎....但我上星期已黎咗M囉!不過我未返去覆診呀!
 諗住睇埋今個月先,睇醫生時照超聲波,照到卵巢有好多囊囉!我覺得個醫生都幾好,同埋佢果度有得照埋方便好多,之前有D婦科醫生的診所冇得照要去化驗所照就麻煩D.大家唔使咁擔心嘅~~我諗唔係好大問題姐,醫生都係咁講的(我初初都好擔心架,但諗諗下有時有D人身體一切正常咪又係好難有BB,有時都好講緣份架!)放鬆D呀~~^^

pochacco81

仲有呀~~我個人認為始終食成藥唔太好,如果真係有咗,但自己身體唔好,咁bb身體都可能唔太好喎,而且又可能駝得唔穩咁咪仲危險,我諗都係睇醫生或者睇中醫調理下穩陣d姐,我會選睇中醫調理下.^^

ysz

我以前都估自已有嚟個病(未睇e生前,因有d症狀似),不過自已又未念住要bb,而且d period都算OK,一個月一次,有遲有早,但都估到佢幾時嚟,而個量個個月都差不多,係間唔中有一個月會少d(全程用護墊已ok),所以無理佢.都唔知係咪年紀越來越大,工作壓力又大,d period 開始亂,有d唔正常,量少嘅次數越來越密,我驚遲d會閉經,都唔知咩原因,唔知整係個病影響,定係卵巢有問題,西e冇mug解釋,反而中e d 解釋聽落幾合理同合邏輯

LokChu

小苦妹:
 
 不如你去睇私家的婦科醫生啦, 佢地equipment 又足, 唔使好似人球o甘

ysz

小苦妹,
 
 我排咗期1月係政府做腹腔鏡,同埋依家開始睇中e,做完腹腔鏡,有需要咪攞個report去其他地方試吓,反正瑪麗條隊好長,中間 d時間可以試吓其他嘢,唔洗曬時間.
 
 我之前係c+check 過宮頸感染,覺得好似好求其,是但同你check 咗,無啦啦開d通經藥我食,我根本自已會嚟,都唔洗食藥,我覺得佢知我claim insurance,所以想加多d數

小苦妹

歡迎新朋友pochacco81加入討論, 其實哩個症真係唔係什麼急病 (唔關乎生死), 我地係應該輕鬆d去面對的。歸根究底, 以前後生D, 仲未諗結婚同生BB, 個病對我影響不大, 過多兩年想結婚了, 男友好好好鍾意小朋友, 開始擔心同埋緊張身體, 將調理好, 一結婚便立即努力做人 (年紀唔輕了), 所以好著急。你而家睇果個醫生似乎幾好喎, 可以留下佢的資料, 診金及 contact 嗎?
 
 另外 thank you LokChu 的意見, 我之前都有諗過如果哩個醫生醫唔好, 就轉第二個醫, 結果兜兜轉轉左幾年 (轉左5-6 個醫生) 都唔見得醫得好 M (如果唔靠食避開丸的話), 唔想再花錢花時間去d 無料的醫生處醫啦! 攪到自己的心情好似坐過山車 o甘 (時高時低), 好氣餒。
 
 而家我打算一面睇吉叔調經, 一面排期董醫生, 睇下究竟係 mug 野症先 (比d report 佢睇), 再決定醫療方向 (我唔肯定有無分別), LokChu, 董醫生貴唔貴, 睇症有無特別事要留意, 她抗拒中醫嗎?
 
 ysz, 我覺得你的政府醫生 follow 得你幾好呀! 至少做多d化驗去 confirm 清楚, 試多一陣先啦, 唔好o甘快食中藥。

LokChu

小苦妹:
 
 董醫生唔貴, 無其他特別野都係收大約三百元的診金, 當然其他化驗打針費另計, 都OK
 
 董醫生, 佢唔會主動叫你看中醫, 始終佢係一名西醫, 佢唔知道個中醫開什麼藥比你食, 又唔知個中醫係唔係有料到, 所以佢唔會點講
 
 不過我老公因為精子的問題, 西醫係幫唔到, 只可以開維他命丸, 之後我帶佢去睇中醫, 現在差不多食了四個月藥粉, 精子有好轉, 董醫生都知, 佢話開頭唔想同我地講先生可以試下中醫, 係因為有D先生食了好耐中醫都無效, 現在我老公的精子雖然都係唔合格, 但係好左好多, 董醫生話男人都係要補下先得, 佢又唔會直接話要繼續睇中醫, 可能佢都信信地有效, 不過唔會講
 
 男人就係o甘樣, 我唔知道董醫生建唔建議女人睇中醫調理, 你到時問左話我知佢點講啦
 
 我聽she.com 的姊妹講, 政府醫院睇不育係唔建議病人同一時間睇中醫的
 
 其實你可以試下多些做運動, 我覺得做運動那個時期經期係會好些, 大約一個半月自己來, 那時候我都有做針炙, 係平衡hormones, 好似係好D
 
 浸會醫院有個女醫師睇婦科同針炙, 有姊妹都試緊, 你都留意下

小苦妹

LokChu
 
 我一向都有運動開, 近年少左, 但都有郁, 學生時日日有運動 (都係 3, 6, 9 個月才一次經期架), 真係唔知點解?
 
 啊! 董醫生唔貴, 我就一於預約試下斷左症先啦! 政府醫生我已經唔係好信佢, 尤其是懷疑佢地斷錯症之餘, 又等得耐, 每次又唔同醫生跟, 仲有叫我食左o甘多年醫暗瘡的避孕丸 (私家西醫就唔建議長期服食)
 
 等侯董醫生期間繼續睇中醫調理。
 
 仲有我想知道其實卵巢多囊症係代表卵巢功能出左問題, 還是本身的荷爾蒙出左問題呢? 有無姊妹知道, 又或者可以代問醫生架?
 
 thank you!

LokChu

小苦妹:
 
 我星期六去仁安聽講座, 毛醫生講卵巢多囊症係代表卵巢功能出左問題

pochacco81

小苦妹,
 我睇個醫生係男婦科醫生黎嘅"戎銘東",你可以打去問下,tel:2780 5757
 我之前睇過2個女婦科醫生,我覺得都冇戎醫生咁細心同認真.而且價錢都唔貴,我嗰次驗孕+照超聲波就$480,不過冇藥食的,除非佢肯定你一定冇bb先會俾藥(通經嗰d),如果好似我咁,因為有機會有bb而個胎可能太細照唔到的話,佢都唔會俾藥的.

cywong

LokChu,
 
 你老公d精蟲ok嗎?

小苦妹

啊! o甘我估我係荷爾蒙失調居多啦! 因為ultrasound 話卵巢無異常 (唔似多囊跡像) 多得 LokChu 比答案我咋!
 
 另外, 我想先試董醫生(因為女醫生, 我和男友會放心d), 如果唔夾我才試 pochacco81 介紹的戎銘東醫生。
 
 唉.......我在上週三打左通經針到而家仲未來 m 呀! (仲一d 跡像都無 tim), 點算呢? 要唔要等多一星期, 再打多一支針呢? (我未試過打兩支喎, 怕唔怕太多, 唔好架呢?)
 
 mm 來又煩 (會唔舒服), 唔來又煩!!!!!!!

arale

同意小苦妹,
 <mm 來又煩 (會唔舒服), 唔來又煩!!!!!!! >
 係呢個moment , 真係情願佢準時黎!!! 唔厭佢煩,仲要用調理令佢黎得靚d! :~D
 
 我上個禮拜2，跟董醫生講經期第3日去左驗血，驗血報告數據話我係男性荷爾蒙過多，董醫生親自打黎同我講個報告，唔似得我之前睇開個個，化驗組織赧告出左，只係寄返俾你自己睇，最多佢係上面寫左正常2字，其他數據係點，係唔會知的，咁董醫生都係話要靠食排卵丸幫助，佢仲話之前開俾我既份量可能會唔夠(咁我都係第一次睇佢,佢都要試既),仲話如果心急既,可以食左排卵丸後14日返去照ultrasound,睇下d卵子既情況點,依家book左20號返去,佢仲話到14日後就要勤力d做功課!!! 我依家諗緊唔知自己可以食d咩補下血! 因我飲紅棗水(紅棗+龍眼肉)飲到個人好燥,個口好乾,依家唔敢飲! 請問有無人有好介紹?

小苦妹

arale
 
 紅棗一定要用去核架, 唔係會好燥, 如果太燥, 可以試下唔加龍眼肉(因為服食過多會燥), 轉用杞子 (唔好多個10粒, 因為大陸有好多杞子含水銀, 只要唔好落太多, 同埋唔係時時落, 是無問題的), 杞子有明目作用, 雙眼會靚D。

arale

小苦妹,
 粒棗去左核架啦,可能我落得太多龍眼肉, 頭先打左去問中醫，佢叫我唔好飲紅棗水，佢話我飲係會燥架，佢叫我買隻烏雞返去+幾片薑煲黎飲!
 佢話可以補血的! 　唉，真係麻煩，硬係覺人人地話補血既野，用係我身上又唔得，都唔明自己咩構造，攪到咁麻煩!!!!

小苦妹

arale
 唔好忟憎, relax d 啦, 唔係唔靚架啦!
 
 最少你而家揾到個啱自己身體的食療 (烏雞返去+幾片薑煲黎飲) 作幫助, o甘咪幾好lor (唔駛盲祟祟亂試)
 
 我都好鍾意飲烏雞架, 等我又去試下先。

arale

小苦妹,
 無�梩豆r…..今日心情好好呀!!!
 大家加油!!
 
 我都好鍾意雞架……所以煲烏雞開正我個瓣! He…he…

小苦妹

唔知點解雖然煲湯雞肉好 "鞋", 但你我好鍾意食架。 :p
 
 另外, 唔知道人地生完之後煲果d "雞酒", arale啱唔啱食呢? 好補架, 你問下你的中醫師啦, 我 post 做法出來先, 如果其他姊妹有興趣, 不妨趁入秋, 先補補身, 再努力做功課, 大家快d 排除萬難的 "中招", 出年齊齊抱住個BB 出來聚下。
 
 補身雞酒做法
 材料:
 1. 雞件略醃, 少許鹽和胡椒粉;
 2. 薑切片;
 3.可加木耳及去核紅棗, 先浸洗, 木耳切小塊
 或切絲 (如用藥材酒, 可省去紅棗)
 
 製法:
 1. 燒熱少許油, 爆香薑片, 落雞件, 炒幾下, 加
 木耳和紅棗拌勻, 加少許糖;
 2. 先下半碗水, 再下半碗酒, 略煮一會, 待水
 份剩下一半左右, 便可食用, 大概連肉連湯有
 一碗左右
 
 註:
 1. 先落水才倒酒, 熱鍋落酒, 會把酒蒸發, 失
 去功效, 老人家話食左會風濕, 寧可信其有
 啦..
 2. 經驗所得, 落糖好味d...
 3. 如果酒量接受到, 可多放酒
 4. 用藥材酒, 效用會更佳

小苦妹

各位姊妹
 
 我好想同大家分享我的喜悅呀!!!! 我剛剛打電話 book 左去睇董醫生。
 
 我真係好好彩呀! 最快比我的期係 26 Oct 06 (下週四) 下午一點, 我無諗過可以o甘快排到期架, 我好開心呀!!
 
 希望佢可以幫我 confirm 清楚 (斷症) 同埋比到一個明確的方向我, 仲可以一直跟進h7個 case 直到兩年後結婚想要 BB, 因為我真係唔信政府醫生啦 (佢地只將我當人球)。
 
 我覺得我的前路開始有返D曙光啦!

arale

小苦妹 ,
 
 恭喜你呀,我之前都排左2個月先有得睇呀!!!
 
 謝謝你既補身大法,等我問下中醫我飲唔飲得. thank you!!!!

小苦妹

係呀, 我好開心呀, 因為網上唔少姊妹話排期睇董醫生要等 1-2 個月, 我都做好曬心理預備架啦!
 
 而家只需等十日咋, 真係喜出望外。打完通經針已經七日啦, m 仲未來, 點算呢? 唔通d 針對我已經起唔到作用, 好心急去揾董醫生, 睇下可以點醫。

M

LokChu
 
 我都想去仁安聽卵巢多囊症係講座, 唔知仲有無 ?where should i get info from ?

有無姊妹係患上 "卵巢多囊症", 用中醫來調理身體, 最後可以自行來經及受孕成功架, 分享下啦