有無4張幾野,性格開朗,男女不拘,志在分享生活情趣,工作情況...感情世界..入黎傾下,飲啖茶,食個包!(新版)

早晨呀．天氣一好就熱到人都din．
 
 sirius同coco都蒲左頭．好似七七八八lor bor．唔知mary返黎香港未le．
 
 coco 感受到你果份滿足感．記著獎勵下自己．

coco...你都幾叻 bor....keep on la
 
 jacky
 我不嬲係做office...OL ...shipping clerk...adm...secretary...receptionist...經驗不淺呢.....多多指教....

hello~
 
 係呀！真係熱到飛起~
 
 熱到lunch都係order番尼食，廢事行到身水身汗嘛！老實講丫，如果公司冷氣set o係25.5度，你地認為ok嗎？我估我要著泳衣番工lu~

祈福祈村
 
 >>>>>我都去過小住幾日，真係唔錯嫁，至於長住？諗都無諗過，始終都係li-ke 香港多d 咯。

睇左好多你地既message，發覺你地都好似好熱愛工作wor, 又好積極(尤欣賞版主、大快活)，我都要同你地傾多d先得，我發覺我大遊戲人生喇~

其實我自已都唔係好相信算命嫁！不過身邊好多朋友都信都貼地，攪到我好似 E.T. 包坳頸咁，好彩你地既回響都同我一致！我信自已對眼同埋個腦，人定勝天嘛！條(命)係自已(運)行出尼嫁嘛~

25.5度，你地認為ok嗎
 ＞　我唔得呀．office單邊都係windows同向東．又成日開住門．冷氣開細小小都焗死．另外．香港地d offices中央冷氣空氣circulation唔夠．開得唔夠大味留哂d細菌係度．
 
 又好積極(尤欣賞版主、大快活)，
 ＞　我係天生開心快活人黎嫁．雖然遇過好唔開心既事迷失過．不過我已經企番起身從新上路．昨日之日不可留．與其自怨自艾何不開開心心過生活．

攪到我好似 E.T. 包坳頸咁，
 ＞　我味E.T.2．
 
 好彩你地既回響都同我一致！我信自已對眼同埋個腦，人定勝天嘛！條(命)係自已(運)行出尼嫁嘛~
 ＞　唔敢話win到個天．不過．順境逆境都應該從容面對．有個fd同佢老公唔arm左好多年．佢好信一個睇相佬．每次出事都去問個個睇相佬先．當個睇相佬話件事會過去既叫佢等佢就等佢老公番佢身邊．可能個睇相佬都謙佢煩．最近同佢講佢老公四十幾果時一定離開佢唔會再回頭．咁佢聽左之後味依然留係度．其實佢自己個心晨早揀左．佢只雖要有人support佢．到佢老公真係唔回頭佢味話係命．覺得佢好悲哀．不過幫唔到佢．

閒情逸智
 >>原來係咁...你公司會唔會有part-time 做呢....我係公司勁悶....由早坐到晚...無野做...唔知遲的有無得做.........想賺的外快...

25.5度，你地認為ok嗎
 > 25.5度其實都幾熱, 我諗起碼都要低到21-22度可以接受囉,
 
 算命
 > 我都係信自己, 如果係講既係八字果d算係一d 統計既數據, 聽佐就算, 我都有同事好信架, 唔通八字話你會發達, 就可以乜都唔做坐係到等運到咩. 買六合彩都要行落街啦.

Coco,sirius,
 
 開心見到你地歸隊.我地既友情之旅繼續行程啦...
 
 恭喜你丫..CoCo,辛苦咁耐..咁有成績,值得為你喝采-->^.^/ ~^.^/~ ^.^/~<---
 
 有無諗過點樣獎勵自己咁叻女???放假?飲杯香檳?買件靚衫?點都好啦..都登你開心...
 
 不過..見到你的工作排序..我心臟都差d透唔到氣丫...太刺激啦....
 
 . 最衰我老闆已經走左, 睇唔到呢一幕....
 >>>>放心...佢實收到風既....

又好積極
 
 >>>>多謝讚賞...仍需多多向你地學習..人係要不停進步..放眼看世界..你會獲益良多!
 
 攪到我好似 E.T. 包坳頸咁
 >>>>坳得有道理..不妨坳吓...事物從不同角度去睇會有不同結果...只要不傷和氣...就據理力爭啦...

與其自怨自艾何不開開心心過生活
 
 >>>>舉腳贊成...!yeah!
 
 如果公司冷氣set o係25.5度，你地認為ok嗎?
 >>>>我公司冷氣不平均..某d地方好凍..有d位置好焗...唔知係咪個冷氣水機老爺..不過..我坐既位置就好鬼凍...著埋外套雙手都好冰...係咁請同事食凍柑..哈..哈..佢地就we嘩鬼叫...我就開心大笑....
 
 有時諗....如果可以將公司冷氣打包返屋企就好啦...起碼慳番d丫嘛..係咪?

snowball,
 
 唔好意思,公司唔請part-time,公司只會諗縮數...係咁叫人ot...因為我地係廉價勞工,最近公司會stop一個部門,有用既同事分配其他工作...無用途既同事會'炒',當中有D係我好朋友...因為幫佢地唔到...希望佢地好快搵到工啦...

大快活
 你做 office adm....工作範圍是嘜野....有無權架....因為我公司有個 office assistant 好衰...想同你 king king.....你做人豁達...開朗...想你比的意見......究竟邊個對錯.....

買六合彩都要行落街啦.
 
 >>>>可以係網上買都得架...嘻...嘻...
 
 To All,
 
 睇到一則軟性新聞幾好笑...話搽痔瘡膏可以收眼袋喎...各位姊妹..你地敢唔敢試丫..原理就係話痔瘡膏有收縮血管作用...不過..皮膚科醫生陳衍裡話無科學根據...因形成眼袋原因很多...唔夠訓係其一...亂咁搽..會有敏感性發炎...
 
 剛收到同事急Call去High Tea之後返工..今日係咁先...再見! ;-P

可以係網上買都得架
 > 係wor, 唔記得有網上投注添, 咁真係可以坐係到等發達wor. hehe

今日好唔想做野呀, 仲係好倦, 打算6pm 準時走...

等我係新地方都留番d腳毛先.....哈哈
 
 琴日我就病到死下死下喇, 咩病, 咪係腸胃炎囉, 醫生問我吃左d咩, 我話PIZZA同糖水, 佢話而家天氣咁熱, d野好易變壞, 咁佢就比左d藥我吃....吃完之後, 唔知係唔係藥既返應, 我就一時熱, 一時凍, 又可能我無食野啦, 我嘔都係嘔黃胆水...真係辛苦, 連座都座唔直...咁咪瞓囉, 都唔係瞓得好好...

閒情逸智
 >>thanks for your reply...
 
 見到你地 chat 得好開心....淨係睇都好開心呢....
 
 雖然的朋友說我個樣好開心.....唔似咁多野諗.....但其實我諗野諗得好灰架......點樣可以積極....欒觀....諗野正面d呢

點樣可以積極....欒觀....諗野正面d呢
 
 >>>>我就盡量唔去諗d會令自已唔開心既野lo。(斬腳指避沙蟲)~
 去勁食一餐~
 自已勉勵自已~
 大鹹一場，之後學習忘記~
 
 
 
 muimui, 請保重！

coco,
 
 今日終於將個team building program 搞掂喇
 
 >>>>好開心睇見你做野有成果, 你點樣獎勵自己先, 今晚咁早走又去邊度玩??

你做 office adm....工作範圍是嘜野....
 ＞　mud都要做．arm arm公司要評估同事既工作環境係味安全．味做餐死．逐個去問卷調查．希望做完之後公司真係做d野改善工作環境．
 
 有無權架....
 ＞　無權有責．老板唔想做醜人果時味搵我出面lor．
 
 因為我公司有個 office assistant 好衰
 ＞　講黎聽下．

咁咪瞓囉, 都唔係瞓得好好...
 ＞　muimui保重呀．腸胃炎好辛苦嫁．休息多d快快好番．
 
 學習忘記~
 ＞　同意．pok命諗都唔會改變到d mud野．倒不如大被com過頭一教訓到大天光又新既一日．尋晚發夢見到劉cheung呀．好開心呀．

大快活
 公司原本有manager...secretary...receptionist (me)...and OA (她負責出街...洗杯...公司d雜務 la...佢早過我十幾日返工...我同佢係返早...因為佢要洗杯...所以公司比條key佢....但試過幾次她扮聽唔到門鐘聲.......有一次還要我打電話返公司...我問她 why 唔開門...她說我講緊電話....你話興唔興....之前又叫我唔好咁準時走...要幫佢淋花...wa 心諗你都幾巴閉...重有下文架.....我會一d一d 講你知.....等你來平一平理

snowball,
 
 同你打個招呼先....
 
 雖然的朋友說我個樣好開心.....唔似咁多野諗.....但其實我諗野諗得好灰架......點樣可以積極....欒觀....諗野正面d呢
 
 >>>>其實都無咩特別方法..有時有d事唔好想到咁複雜喇, 樣樣睇開d就得架啦...天趺落嚟當被蓋...
 
 pig,
 
 多謝你...你的工作忙嗎??

她說我講緊電話....你話興唔興....
 ＞　我呢度既minor staff都好難相處．都唔知佢地諗野唔正路定其他問題．
 
 之前又叫我唔好咁準時走...要幫佢淋花...
 ＞　吓．啋佢都有味．
 
 我會動氣嫁．之前都係度數過個同事．不過．過左就無野咋．我office 個OA都好難服侍．佢做野慢十拍．怕者佢諗住做慢d可以做少d．哈哈．好難．我唔理嫁．話之d 杯擺到發mo都唔洗．始終都要佢洗．佢最憎by hand．佢玩野玩得勁果排味樣樣都要佢by hand．玩耐左佢知耐我唔何（其實我都耐佢唔何）味相安無事．

大快活,
 
 muimui保重呀．腸胃炎好辛苦嫁．休息多d快快好番．
 
 >>>>多謝你既關心, 今日好好多喇, 我都有繼續食藥, 今晚仲好乖咁番屋企吃飯...:)

今晚仲好乖咁番屋企吃飯...:)
 ＞　食粥水真係清腸胃止柯．可以叫屋企人煲俾你食bor．

想抖下, 訓下覺....

muimui, Take care.
 
 coco, 妳衝佐咁多日, 食餐好d既, 早d返屋企休息啦, 明天再努力過

hi muimui, 我知ga la, 多謝関心.
 
 大快活
 你就講得易啦...你係佢呀頭...你可以咁做...佢重有呀用我部電腦 tim...後來我同佢講唔係好方便....叫佢唔好用啦...點知佢叫個 I.T幫佢set左個 login 係我部電腦到....即是佢可以遀時用啦...而家嘜野世界呀...一個 O.A. 可以咁做...後來我delet左佢個 login...跟住佢話我點解delet左佢個 login....我好悶呀嗎...又無書睇...又無綱上...又無報紙睇....你話呀 d 嘜野人泥架...做 O.A 做到佢咁都算巴閉....我應該點對付佢呢.......

大家好呀, 好耐冇見喇... 我近排好忙呀, 好辛苦. 所以好少上黎

各位早晨, 呢幾日都會好天, 即係有大大太陽啦, 出街前記得搽防曬呀, 死,男人老狗學人講護膚添,係d姊妹面前班門弄斧.
 
 Mars & queen, 你做生意忙咪即係有錢搵囉, 越忙越賺得多.
 
 snowball, 妳公司個OA真係惡. 佢係唔係都好清閒,無乜野做, 可唔可以事無大小都 by hand 駛開佢等佢唔好成日係公司.

sirius, 就係咁樓下間公司知道我地無嘜野做..所以叫左個sec 和 O.A 落去做 lor...得番個 manager 和我....點知個 O.A 依然上泥用電腦 (早上佢洗完杯時....還有5分鐘都走去會計個位到上網...當個同事返到時...佢就即刻走...真 cheap)....其實會計佢都有用啦...又要加 logon 係我到....佢想當會計用緊電腦時....也有我部腦用 lor
 出街係個sec叫...唔関我事....我只叫佢買issues, teabag, 佢唔係好想答你....次次都格幾日先買.....
 如果佢再整 login 係我到...我一定鬧佢....佢太過份

一忙完, 而家又開始pick up 番routine 野. 有d 失落
 
 尋晚突然覺得好寂寞, 晌屋企無端端喊左一大餐

尋晚突然覺得好寂寞, 晌屋企無端端喊左一大�
 
 >>>>hi~ 恕我唐突，你喊乜呀？

覺得無乜future, 一個人生活落去就一世

coco, 點會無future....你剛剛先做完個 project...老闆實睇好你架.......你有大把前途呢.....抖都唔得閒就諗埋 d 無謂野.....積極 d...唔好喊....我支持你...

snowball, 佢係上去妳office到蛇, 因為妳office無乜人,又無王管. 一有空檔就攝去用人d機. 真係難搞. 妳公司會計應該都有不滿, 試下同會計一齊投訴話OA用你地d機影響你地既工作.

覺得無乜future, 一個人生活落去就一世
 >>coco, 喊佐個人應該無咁鬱悶, 會唔會好d?
 妳指既future,係咪指另一半? 呢樣就可遇不可求, 遇到個唔好既咪棧激心, 諗諗自己一個自由自在都唔錯架

覺得無乜future, 一個人生活落去就一世
 by coco
 
 覺得無乜future
 >>>> 其實全世界人都唔會知自已既future係點嫁啦，唔知同無有乜分別？我覺得，無 / 唔知 future 係點仲好啦，我比較enjoy 叫糊luck牌果個feeling wor，如果一早已經知到明日係點，我估我會無乜心情去過日子tim~
 
 一個人生活落去就一世
 >>>> 我唔知點講，不過我會隨遇而安lo~
 
 keep smiling eveyday la！！！

叫糊luck牌果個feeling
 >>pig, 妳個譬喻好正,haha

早晨．點解可以熱成咁嫁．天文台報個溫度唔準嫁．佢地係室外有蓋既地方measure嫁．有記者去過空曠地方measure．中午可以over40度．好似成42度．真係曬到人都din．
 
 我近排好忙呀, 好辛苦.
 ＞　忙味好lor．生意與隆ma．賺多d賺多d．不過唔好忘記減壓．打機？
 
 你係佢呀頭
 ＞　佢對我態度好差個bor．同佢講野佢可以眼光光完全唔俾反應我．我唔mind嫁．我一定要佢答我聽唔聽到．知唔知要做mud．嘻．我唔係咁易蝦嫁．
 
 如果佢再整 login 係我到...我一定鬧佢....佢太過份
 ＞　味大佢話你想偷公司機密呀？
 
 次次都格幾日先買.....
 ＞　我個OA都試過去supermarket買野去左一個下午．跟著我味搵d野俾佢收唔到工．Or，果排佢就大劑．可能打掃office．．．總之大家心照．要玩野唔好咁過份．我一定奉陪到底．

To all
 我想請教大家既廣東話發音, "昨天" 應該讀"噚日"定"琴日", 我多數講"琴日", 你地呢?

sirius,
 >>>>無考究...我講'琴日',唔知有無錯呢???
 
 同佢講野佢可以眼光光完全唔俾反應我
 
 >>>>我都試過...有d人鐘意玩對抗...教佢(個女同事係另一個group既人)做野...佢就用個鼻黎'應'你....都唔知佢明唔明....有次,因為工事要佢做d野..佢又係度玩野.....我今次唔俾面...同佢阿'頭'投訴佢工作態度...佢阿'頭'用E貓叫我唔好angry...又當面再同我講多一次..話比我知已經叫個女同事唔好咁做...嘿 ...嘿...打蛇要搵阿頭...所以snowball ...你要搵OA工作上錯處...同阿頭投訴...唔好私底下解決...亦唔好咁激氣..等機會..擺佢上檯...但你自己一定要做好自己先...唔係..點可以大聲過佢呢?

我近排好忙呀, 好辛苦. 所以好少上黎
 
 >>>>忙咪好囉...即係生意好景啦...有時間先上黎探吓我呢個'吹水站'.....
 
 覺得無乜future, 一個人生活落去就一世
 
 >>>>唔好咁down la...你可能忙左一大輪..而家暫時無咁忙..胡思亂想...女性通常都好感性...情緒易波動....書展今日開幕..如果你有時間去打個轉..等個人輕鬆吓..聽日我同細仔都會去書展...

不過我會隨遇而安lo
 
 >>>>我讚成... ;-)
 
 等我係新地方都留番d腳毛先
 
 >>>>thanks your foot hair..ha..ha...
 Muimui..你今日點丫..腸胃炎好番未?
 
 今晚仲好乖咁番屋企吃飯...:)
 >>>>食番d飯..有米氣...希望你今日龍精虎猛!!!

尋晚發夢見到劉cheung呀
 
 >>>>大快活...你發夢見到劉翔...有無同佢飲啖茶食個包丫?
 
 大快活呢個夢令我諗起一個話題,就係...夢中情人...想請問各位..你地有無夢中情人...如有,又係邊個呢?同埋想同夢中情人做d乜野呢???
 
 我答先丫....(好心急..呵..呵):係魔戒裡飾演精靈既神箭手-->奧蘭多布魯姆..戲裡面佢不食人間煙火的形像和瀟灑既身手...好迷人呵...
 
 想同奧蘭多布魯姆跳番隻華爾芝就好啦...哈..哈..係咪發夢無咁早呢???

琴日 x 2 ~
 
 夢中情人？
 >>>>>>城中是但一個有錢、有面、又樣好既超級富豪！！(麻煩大家幫手諗諗邊個可以對號入座)