好想識多d養貓既朋友,一起分享養貓既點滴...
-
早晨呀~~
MrPiglet
唔係喎, 我果隻都係女, 可能佢之前比義工揍, 見慣人啦, 所以唔怕醜架, 但就扮曬野(懶乖果隻囉)! 話時話, 我覺得連男仔都鍾意養小動物真係好乖(d阿媽口吻又黎了)!
5月
乜你想去旅行咩? 比我幫你揍啦, 又安心又放心 :p
補充一句, 我都唔捨得去旅行lu, 我怕去幾日個衰豬返黎會鬧我呀, 仲有驚佢唔認得我 ...
其實3隻貓一齊迫入去個貓砂盆唔焗咩? 我只係諗到佢地會係混亂情況之下唔小心踩便便咋~
-
突然諗起想請教大家, d貓砂咪多數都係一包包既, 如果一剪左個口你地會係點封口架? 唔知第日回南天會唔會影響呢?
* 我先將d空氣迫番出黎再將佢捲起搵個膠袋裝住縛緊
-
喵，你要知道當一隻貓自己由細養到大佢係唔知自已係貓，連照鏡都以為係見到第二D生物。我由細到大都鐘意貓，但自從三歲果年係堅道俾隻小狗追到去兵頭花園，以後都好怕狗lu
-
多謝大家既意見!!
我試過大叫好痛..佢真係會lam返我~~
不過有時佢真係好似control唔倒自己咁
捉住我隻手...兩隻腳仔不停咁撐
好似打緊交咁個口就o係度咬!!~
除左我之外..佢仲成日撩隻大佢幾個月既貓打交
佢細人成倍都唔驚死
不過佢又次次win喎~~
因為大貓係女仔貓唔係好識打交咁
成日比佢咬~~!!!!好慘
-
我以前有隻人地寄養，唔夠三個月大既蘇格蘭摺耳貓，同佢沖涼連條水喉都咬穿!
所以無人可以抱到佢。因為連佢阿媽都係咁凶，所以似乎係家屬遺傳。
-
MrPiglet
你都幾攪野喎, 之前養既貓話有狗既血統, 跟住隻貓貓隻牙又可以咬穿條水喉, 嘩, 都幾激下! 我果隻有時咬落黎都成個"lone"印, 真係好鬼痛 ><"
-
嘩,睇見你地d貓貓係咁咬咬咬,我好慶幸我d貓貓平時都好斯文,好少咬我,呵~(曬下命先)^^
喵
我d貓砂剪左個袋個角,然後用密封用既夾夾住囉,我用緊木砂,好少會潮濕~
-
5月
我仲以為你去左旅行添! 終於又出現喇!
我上網都有睇過d貓砂介紹, 但木砂遇尿會孌成粉, 依家用緊隻tidy cat都係, 但我鍾意痴埋一舊, 貪佢容易"不", 哎, 貴都有用過, 但好快用完o
-
喵，我以前睇D貓書重話D蘇格蘭摺耳貓係"compassionate, intellgence"，點知一D都唔"compassionate"
-
喵
我諗我都係去唔倒旅行架喇,珠海即日來回團就得~
至於木砂,我用篩走粹砂既方法都ok,最大既好處係佢夠吸味,真係一d尿味都冇,價錢又唔貴,$35/7L,我諗我暫時都會keep住用佢~
MrPiglet
書講既有時不能盡信,d書夠話angora活潑好動啦,我隻仔咪又係懶過隻豬,踢都唔郁,由朝訓到晚+__+
-
其實所有貓科動物例如老虎、獅子等都係白天訓晚上清醒架啦，好多動物都係晚上活躍，除左人之外。
-
唉~至幣我隻波仔日又訓,夜又訓,除左肚餓會行去食野,食完去痾之外,其餘時間都係訓,唔係邊得黎咁圓潤既身形丫.......~__~"
-
5月
我隻貓又係叫波仔喎
佢係一隻黑白色家貓黎既
-
5月
你隻仔幾歲丫
-
哎我朋友隻貓貓慘慘啦
我朋友隻貓仔岩岩一歲大由四樓失足跌�鷒釆茪U咢列��..後腳仔折斷�� 咁醫藥費+operations+留院費幾多錢呢
-
fman
原來咁多貓都叫波仔,先前yoyo又有一隻波仔,我隻波仔就黎3歲,係純白色既安哥拉大肥貓~你隻波仔肥嗎?
聽倒你朋友隻貓既不幸,好唔開心,醫藥費我都唔確實幾錢,應該都唔平,但點都要搵獸醫,只有咁先可以救返隻貓,希望佢隻貓貓會大步"攬"過啦~
所以養貓一定要裝窗網,唔係有起事上黎就後悔都太遲~~
-
5月
今朝, 我好唔開心呀 :( 衰豬跳上廚房整趺塊微波爐個玻璃盆落地 ... 咁�琝痤^晚洗好左放係度吹乾, 個屎女包跳上去一腳推左落地下, 我係洗手間衝入去睇, 天呀, 佢平時踩到野都唔會郁佢, 何況咁重, 佢仲想即刻逃離現場當唔係自己做, 果刻我即刻抱開佢(因為驚佢踩到玻璃碎), 再打佢pat pat囉, 佢真係愈來愈曳呀, 可能我同佢爸爸太縱佢了o
我諗我樓下就黎投訴我, 成日整跌d野嘈住曬呀! 哎, 我唔識教, 不如你教我點做!
>,<"
-
喵
貓貓有時係會頑皮d架喇,我地做貓媽既唯有將d易打爛既野放晌佢地掂唔倒既地方囉,仲有就係,唔好比佢地入廚房,因為廚房太危險,我隻妹妹試過從廚房既氣窗跳落個抽油煙機頂,搞倒4隻腳同個肚都痴曬d累色既油漬,庚後仲要係屋企四圍走,成屋都係佢d黑色腳印,你應該幻想倒當時我既心情,真係頭頂都出煙........
最後我都封左廚房個窗,同禁止d貓貓再入廚房~
另外,有次波仔差d將個電視機推落地,已經推出左一半,好彩我手快托住咋,唔係就大鑊!
喵媽,唔好氣餒呀,教貓就好似教細路仔咁,比d耐性,佢會知道架,一起加油!!!
-
5月
睇完你段野, 我第一個反應: 你隻乜野貓呀? 食左乜野咁大力?? 可能波仔想表演比你睇: 媽媽, 我巧大力架! 哈哈哈 ... 我諗都係LCD TV佢先可以咁做啦!
哎, 我都唔想佢入廚房架, 基本上, 我一個人係屋企拖地就一定放佢入去, 如果唔係佢又以為有得玩, 我又唔想困佢入籠喎, 攪到佢好似坐監咁會嬲左我, 所以我依家無曬符, 閂曬門又屋企唔流通, 自己都辛苦啦, 依家諗住搵野欄住去, 洗手間, 房都唔比佢入, 等佢再大d, 定d先! 最好笑係佢爸爸幫佢講好說話(我已經比個女取代左地位喇), 話衰豬知錯了, 唔會再曳曳架, 咁咁咁, 真係比佢地激屎我了!
昨日咁熱, 見個衰豬唔多飲水, 我咪用隻手指掂d水再比佢lam, 哈, 咁樣佢又肯飲喎, 佢真係蝦我呀 ><""
昨晚仲好笑, 我遲左少少起身睇波, 咁�甯I丹射12碼, 佢爸爸叫我快d黎睇, 衰豬原本都係訓緊覺, 佢又八八掛掛起身一齊睇喎! 真吹脹o
-
喵
你錯喇,唔係LCD,係25"平面方角電視,佢真係巧大力架!!!
我都幫衰豬求下情先,佢會乖架喇,唔好嬲佢啦~
唉~講開施丹真係.......,都唔知佢做乜咁好火,我都想佢有個完美既ending家嘛........
-
我都養左兩隻猫, 一隻4歲半女仔同一隻3歲半男仔, 佢地都好乖, 可能e+定性左 lu.
-
虎田媽,你好^^
你兩隻貓貓叫咩名呀?講下佢地d得意野丫,
我隻仔成日都訓覺,兩隻女就成日爭風吃醋,相處左幾個月都仲係唔係好妥大家咁~_~
-
5月
嘩, 你波仔食左大力菜呀 XDDDDDD 比我見到你波仔, 都要叫佢試下抱起我先得 ^^
琴日同衰豬去打針, 唔知點解佢驚到震曬, d毛又樹起曬, 我同佢爸爸不停咁安撫佢都係咁, 不過最好笑個男助護都笑佢係大籮柚o 呀, 我仲想問你係幾時同貓女做desex? 佢依家差不多六個月大, 我想同佢早d做, 但呢排天氣咁熱有無影響?
-
5月, 喵, and all
好耐冇返黎添, 5月, 你隻波仔好大力呀~~~
所以我屋企廚房門係長期關上, 以免班馬騮闖入去, 我屋企唔可以換LCD TV, 真係怕買唔夠2日比佢地整爛, 由其波仔同另一隻女好鍾意訓電視機頂, 我唔想連呢個位都沒殺埋佢地
-
我隻貓貓剛剛做左絕育手術
醫生話10日後先返去拆線~~
但係過左2-3日~~
佢傷口都好返7788
不過見佢帶住個頭睪..好似好慘咁~
其實係咪真係要佢帶住十日架?
佢成日想lam自己個身..但又lam唔倒喎~~
-
喵
我隻妹妹係5個月大既時候,我就接左波仔返黎,妹妹可能抵受唔住波仔英俊非凡既魅力,得果5個月大就貓細鬼大開始發情,典地豪叫乜都齊,就連做左公公既波仔都忍唔住擒佢真係眼冤~~
所以妹妹係5個半月大就做左絕育,絕育後真係嗲過以前好多~
阿v
你最好都係唔好咁快除個頭罩,因為驚貓貓會舔個傷口引致發炎,唯有忍多幾日啦,另一個方法就係比件衫仔佢著,等佢舔唔倒傷口,但要長期開住冷氣先得,唔係就會熱屎隻貓:p
-
喵
你隻衰豬都係時候耍做架喇,唔係佢發情時你就煩喇,早d做啦!天氣熱都唔會有太大影響,只要手術後唔好比佢擒高擒低,小心處理個傷口就得架喇^^
yoyo
話時話都唔明點解d貓咁鍾意訓電視機頂??
-
Hello April,
我都有去阿扁， 妳係邊位．
我係 Tung Tung.
-
5月, 喵,
妳們好， 我好耐沒有上ｓｈｅ ｐｏｓｔ留言,
所以 可能覺得我陌生d,
我都係一名貓奴...
send 吓妳地d 貓貓照我睇吓我.
[email protected]
我多數係 hkcats 出現.
www.hkcats.org
-
我隻女叫寶田, 隻仔叫 tiger
寶田係一隻蘇格蘭直耳猫, 佢食好少野, 而 tiger 係一隻英短, 肥嘟嘟面圓圓.
tiger 每朝聽到鬧鐘響, 佢就會開始叫醒我地起身, 試過有次我地無較鬧鐘, 佢又無叫喎, 攪到遲左起身, 真係激死...
寶田唔知係唔係因為三色猫緣故, 佢就特別醒目, 因為 baba 唔俾佢入房, 所以, 每次佢一見 baba 入 toilet, 佢就9秒9走入房門叫我開門俾佢入去.
-
5月
唔該你先, 我都想早d同佢做埋唔洗到時候就頭痕喇! 不過隻衰豬未做都咁嗲, 如果做埋咪煩死? ??? 佢呀日日都要嘍抱, 再加上佢一日一日咁長大, 佢不知幾重呀 ~ 個躉, 一跳上黎我覺得好有壓力, 哎 ~
Tung Tung
其實我好早見過你個名出現了, 基於果時又未養貓貓, 但自己不知幾鍾意, 唯有時不時上黎睇下大家講養貓的趣事, 到依家真係養左0勒, 果種滋味係用好開心黎形容, 雖然佢地都有曳曳的一面, 但對住佢地咩煩惱野無曬, 就算好辛苦咁每日為佢清潔都唔會怨佢架, 因為只係想比一個幸福既家佢o
yoyo
多d上來傾下計啦, 你都有咁多貓, 我諗你對住班大帝都好忙!
虎田媽
我果隻間唔中都失靈架, 有時佢聽到我禁熄左個鐘遲遲唔起身就會喵喵叫, 好似驚我訓過龍或者唔同佢玩, 但佢都係叫幾聲就算了, 真係懶!
-
Tung Tung
你好呀,我都有去阿扁架,我係PeggyBB,係會員召集人處度都有我3隻貓d相^^
虎田媽,乜3色貓醒目d既咩?我隻妹妹都係3色安哥拉黎架,又唔覺佢特別醒喎,不過佢就最多野講,又鍾意跟出跟入,又咀叨咁囉~
我已經train到d貓就算開左房門佢地都唔會入房,(又係爸爸唔比入),佢地都算好聽話,可能因為有我做廳長陪佢地啦,hahaa....(母愛真係偉大!!)
-
Hi all,
我好耐冇黎喇.
我兩隻貓, 一隻嗲既就唔會同我訓, (冬天例外), 一隻cool既會靜雞雞 i 住我訓架. 好鬼鬼意.
嗲果隻又多說話, 又大鼻鼾. cool果隻, 中意好情深咁望我. ^^
-
5月
你點樣訓練到d貓貓可以唔入房架? 過兩招黎啦 ^^
依家我都開埋書房比佢行, 因為夏天真係好焗好焗, 哈, 隻衰豬呢唔比佢入時佢就千方百計要"鼠"入去, 到開左門佢又唔多入, 可能無野比佢玩啦!
係呀, 我發現衰豬一聽到佢爸爸開門聲時同佢玩緊都走去門口度迎接佢, 琴晚比我見到兩次, 真係好似狗狗架, 又見過佢聽到隔離屋開門, 佢會"惡一惡"個頭望向門口, 但知道唔係佢爸爸就唔會走出去o
-
五月
不過, 寶田真係好古惑, 成日都要我開門俾佢入書房玩, 日日見我放工換完衫涼完沖, 就會第一時間坐係房門口等我入, 佢知我會去玩電腦嘛...
-
妳地8月會唔會去猫展?
-
會去打個round ^^
-
5月
唔該曬你呀!!!
不過而家又煩另一樣野
可能貓女做完手術返黎, 大家集中左o係佢身上..到貓b 發癲
琴晚整晚不停咁狂跑, 呢幾日d行為好怪
見倒貓女又成日撩佢打
咁我咪唯有困住事但一隻law~~
但個籠比較細, 所以困貓b 多
困之前都會比d 零食佢~氹下�
點知一出黎都係咁~~~
有次仲係咁食野..食到嘔
人仔細細..食脹曬個肚
貓女仲有5日先拆線..再係咁
我驚貓b 有精神病ar!!!
-
阿v
可能隻貓女身上有一陣藥水味, d貓好抗拒架, 比幾日時間佢地, 等d藥水過左, 就冇事架喇
-
阿v
一係就好似yoyo既講法,貓b唔like貓女既藥材味,一係就係貓b妒忌你地錫曬貓女唔理佢,如果要困籠的話,你最好輪流困,唔好always都係困貓b,佢會仲唔開心(阿媽你好唔公平呀,大細超),試下同佢玩多d,tum佢多d應該會好d,貓係好敏感架,你對佢態度有少少變佢都好易feel倒架~
喵
好易架咋,當貓貓一想入房或人左房,就大力拍度房門,或製造d巨嚮令佢地驚,再同佢講"no",重復幾次久而久之佢地就唔再入,但係開頭就要辛苦d昅實佢地,當然冇人係屋企就梗係關埋房門啦~
虎田媽
如果我抽倒時間既話我都會去貓展,睇下有冇平野執^^
cattttts
係d貓貓好有性格喎,cool果隻d眼神咪好似梁朝偉咁殺屎人?!
-
我都會去猫展呀..
噚晚, 寶田同 tiger 兩隻野混自己係厠所裡面, 噚晚, 我11點至返屋企, 佢地一聽到開門聲就叫曬救命, 唉~~ 都唔知點解 tiger 佢好鍾意去厠所瞓覺時會將門輕輕閉上.
-
早晨大家!
5月
你呢招我都試過了, 拍門手板又痛, 叫no佢唔知係咪唔識聽? 衰豬真係當我流架, 真係話唔聽, 除左用風筒/吸塵機佢先識驚, 同埋佢整跌塊玻璃的時候囉 ...
虎田媽
其實我唔想衰豬成日走入廁所架, 始終又有漂白水, 馬桶咁, 浴缸又唔係日日省, 我怕佢鍾意左入去就大劑呀, 玩完一輪又lam手lam腳, 一. 一"
最近我發覺到每次錫完衰豬時, 佢個樣係好似好驚訝咁, 個口微微咁e起, 但我伸個頭埋去時佢又會伸前個頭錫我, 好傻下咁!
-
有野問問大家
我屋企幾隻馬騮做曬絕育手術, 但係我發現廁所有一陣貓尿味, 我相信其中一隻響入面小便, 同埋我細佬對鞋都有尿味, 究竟點解呢?
-
終於都裝左個紗門喇, 貴就貴的, 但為左個仔安全, 冇計喇, 而家佢成日坐係個紗門同個玻璃門中間, 好鬼攬笑, baba話佢應該在係度諗緊計仔點樣可以出到露台..........
呵仔呢排心情好似好好禁, 你叫佢多數在黎, 同應你.....不過又試一早上床坐係媽媽心口, 印下印下.....
-
喵
你下次試下擲個膠既空撙落地,(唔你擲衰豬呀),好多貓貓都會驚,應該有一定阻嚇作用~我長期都關曬d廁所同廚房門,所以d貓入唔倒去~
yoyo
邊隻咁跩跩,要打佢patpat :p
有尿味既地方一定要用消毒藥水徹底清潔,唔可以留有味道,否則佢地又會再去返果度痾,對鞋.....真係冇計,唯有將d鞋收好d啦~
你有冇轉左貓砂或者砂盤既位置有改變,又或者砂盤太耐冇清理?有d貓貓會嫌個砂盤污糟而改去其他地方便便,你咁多隻貓可能真係要清密d,或者試下放多個砂盤比佢地用,睇下得唔得~
-
hi!!!! 我養了貓仔半個月到! 佢叫小金! 買佢回來佢有d 癣! 而家個身好多地方也有! 我好心痛!
另外佢係我面前好頑皮ka! 係外人面前就好乖! 激死! 不過我都好錫佢!
佢好叻仔ka..成日周圍跳! 兩個月的貓仔已經識跳到上我張床!
-
喵
妳放心, 我屋企厠所乜都無, 個厠所板長期 com 住, 同埋個企缸門都係長期閂住門.
-
yoyo & 5月
呢兩日已經好好多la~~
如果bb一發癲就用玩具同佢玩..比佢撲下d公仔咁不過...我真係唔夠佢精力旺盛,當係減下byebye肉laha
bb 乖o個時真係好乖..佢會自己行埋你度..then訓o係你隔離, 什至訓上你個身度.
但係佢一發起癲上黎真係冇人阻倒佢law
d手手腳腳比佢抓損曬...! o係屋企佢就好似一個小惡霸咁~~!
冇曬佢符
-
小金
好高興認識你呀!
但我睇唔倒佢有d乜喎,個字變左空格,如果係蝨就要幫佢杜蝨,係癬就要睇vet 搽藥膏,唔係就會生到成身都係,仲會傳染比人添~
虎田媽
佢地困住係廁所咪冇野食冇水飲兼冇得便便咪好慘?!不如搵d野zip住個廁所門,佢地咪閘唔倒門囉^^
阿v
貓b依家幾多個月呀?幼貓係活躍d架喇,真係你倦佢都未倦架,一係屋企人同佢車輪戰咁玩,又可以同佢玩laser筆,(貓奴可乘機坐下抖下,但小心唔好照倒佢地對眼),由得佢追住跑,佢就冇咁多精力跩跩~
-
cattttts
係d貓貓好有性格喎,cool果隻d眼神咪好似梁朝偉咁殺屎人?!
by 5月 - 07/14/06 00:55
------
係呀, 係呀. 真係好正. 佢好大脾氣, 唔比抱, 又唔比摵趾甲. (我會摵尖佢d趾甲咖)
黃貓就乜都得, 我成日咬佢手臂咖, 咬完佢會好慘咁望住我抖大氣. 嘻嘻.