打算生豬bb既姊妹入來傾下

我用緊舊版喎 .....

新版係公司玩呢，會好揚架！

fishball,

最近身體都唔錯呀！睇左吉叔4個月左右, 有唔錯既效果, 不過...如果早d開始唔用協成隆既藥, 可能可以再好d tim...haha...

你都要俾心機呀！iui 幾時知結果呀？

我昨天去咗見醫生，佢話我個卵巢有好多水囊，可能係因為打咗D安胎針影響，所以昨天最後一支針無打了。醫生話如果今次唔bingo，M小姐應該在4月2日來,。但如果4月2日冇嚟，就在4月3日返去驗血。我都唔抱太大希望，諗住今次唔得就休息一兩個月先做ivf，等個心情回復吓先！呢一年真的好辛苦，不停的等待、希望、失望，我真的好倦了! 好彩有妳們呢班姊妹鼓勵，心情都好返D。

希望大家都可以好快有好消息啦！

各位姊妹大家好!唔知有無人記得呢?我諗就無, haha... ^_^

好耐無留言了, 但係仍有睇大家寫既野

cobb: 唔好灰心, 加油呀! 上天會好快會賜個BB比你, 放鬆d啦!

我都好明白你一直既努力, 上天一定會被你感動架!

Angela,

妳近況如何呀？

多謝妳的鼓勵，希望上天無違忘我啦！

Cobb:真係開心呀! 你仍然記得我, 我都.... 暫不方便講太多!

所以唔好灰心，我之前都好灰心架，又成日病，

於是1月份聽你地話開始量體溫同check 排卵,

另外醫生比左d調理荷爾蒙既藥我食囉!

上天一定唔會違忘你架!我祝福您!加油! ^_^

lovely baby

我兩天後才做iui，上天從來冇善待過我，所以我不會有太大期望。

你e家有冇做嘢呀?

cobb

好明白，尤其是做完iui後，等bingo的日子簡直想死，令我透不過氣。

我都係諗住試完今次iui就會試ivf。雖然我常常都感到氣餒，但係又可以點? 都要繼續。

hello~咁多位~我係曾經唔知係第十幾版同咁多位姊妹傾過計0家~那時我第一個月戒避孕藥~

有姊妹介紹用 david 紙啦~我都有買到0家~

我前天用的時候~仲係得一條紅色bar~到今天~出現兩條~

我好驚呀~~

我唔知要點準備呢~

有無姊妹可以教我怎樣做~

Angela,

我明白了!等妳好消息吓!

fishball,

我呢個幾星期簡直係渡日如年呀! 不過今日個肚已經無咁痛了，但塊面生咗好多粒粒，我諗M小姐就嚟探我了！

祝您今次iui成功。

Katie,

咁兩條線係咪一樣深色呀?如果係咁就即是代表妳將會在24-36小時內排卵。醫生話由見到2條線開始隔日dodo就好大機會喎!因為精子可以在妳的體內生存24-72小時!放鬆D啦!

cobb,

唔係排卵那張daivd, 係驗孕那張david紙呢∼

唉~~有點惆悵~

Katie,

咁妳今日Day幾？cycle係幾多呀? 如果M小姐遲咗咁即是好可能懷孕，如困妳不太確定，可以去一個普通醫生到驗孕確定一吓囉！唔洗咁擔心啦，係好事嚟的。我都唔知想bingo幾耐都仲未得呀！

恭喜妳喎！小心身體呀！

cobb~

謝謝你呢~

我打算一陣lunch 去醫生到驗~

真係唔知點形容~

我係好驚~

我今次遲左10幾日都未來M~

所以就好奇用david 驗孕紙驗下囉~

Katie,

唔洗驚啦! 好多人(例如我) 到 “恨”咁耐都未“恨”到呀! 妳應該開心先啱! 驗完孕，有消息再告知我啦！

cobb~

驗完了~~

醫生說有左個半月~~

不知為何沒有特別的開心~~

我的家人就很開心囉~特別係老公~同他的朋友~

我明天會去睇勒嘉仁~再睇睇要怎樣做~

因為我身邊沒有太多人可以告訴我要做什麼呢~

以後要你們各位姊妹多多支持同教下我應該要做咩了~

我之前係有諗過生豬bb~

只可是真的沒心理準備~

:) 來緊的日子就要一起加油啊

Katie,

恭喜妳呀! 呢D係上天賜比妳的福氣，要好好珍惜。

可否分享吓好現時身體有仲麼變化或感覺比我知呀？

其實我一直都未有任何變化~就係除左mm 遲左10日都未來~

所以我先至試下用捧捧~~

就係在我毫無準備下~~

bb 來了~

剛剛好趕得到做豬媽咪~

我早幾天先同我老公講算啦

我地繼續努力~

因為我10月先戒避孕藥~

都無諗住可以咁快成功~

轉左用新版本, 睇唔慣呢~

大家好嗎? 呢排都好忙, 忙到開左個she.com 都唔得閒睇.

唔經唔覺, 我已經 19 weeks 啦, 亦開始feel 到baby 郁. 沉晚老公諗住聽下baby 心跳 (將耳仔+塊面放0向我個肚度) baby 竟然踢佢. 好攪笑.

mandy -- 你近排點呀? 我睇過護協d 產前講座, 都無講呼吸法果d, 所以我無報名呀~ 係呢, 你有冇做緊d 咩胎教呀? 我晚晚都同baby 傾計咋. 同埋同佢玩拍打遊戲, 佢好似識聽咁, 我拍佢一下, 叫佢, 佢就錫一下, 不過可能係撞彩.

cywong -- 你又如何呢? 個肚應該好大喎. 我地上次真係有緣無份. 下次如果你見到我, 記得叫我呀~~

其他姊妹, 繼續努力呀~~

請問bingo 左既胏妹們...你地有冇check 過果一個清宮生男生女圖呀? 同你地match 唔match 呢?

仲想問下呢...你地有冇人bingo 左之後, 仲有食魚生之類既野呀?

hi lala,

I checked and it's correct for my case ar. As for sashimi, I know I shouldn't have eaten those but I did eat some when I was in Japan. :P

Hi咁多位~

我在勒醫生處做左第一次的照聲波了~

見到bb好似粒豆仔咁~

但係我唔知道醫生寫左封信俾我之後要點做~

你地可以教下我嘛?

katie,

你要唔要返工？要你就交呢封信俾公司。另外醫生應該會寫封信俾你 book 醫院，你諗住去邊間生呀？

哥斯拉~

我係要返工0家~

但係我老闆長期在外地~連hr都係在外地~

我要用email 寫俾佢地~

但係我唔知點寫好~嘻嘻~因為我英文差~

你地有無好提議~借來參考參考~

係啊~我昨天已經去左荃灣港安book 床位了~

不過我都想book 埋政府~唔知又要點做呢~

這兩天我不停咁訓覺~訓到個人wingwing地~

:p

哥斯拉,

我想問下你 LH 及 FSH 的 level 要係幾多先正常 ? 個數值有代表 D 甚麼 ? 催乳激素的英文名稱是甚麼 ? 因為我的驗血報告是英文, 我唔知邊項先係 ..

Katie,

你會去尖沙咀睇, 定係荃灣, 睇下我哋有無機會碰到

grace,

我好好呀, bb有1.4磅啦, 而家有時踢到我好疼下, 不過人哋話遲d會仲疼

Katie,

你最好去埋政府, 萬一有咩事入面切私家, 政府都有紀錄, 你要去邊間醫院的話, 要用醫生信去排期架, 你可以找你的家庭醫生, 用醫生證明你有咗封信, 比佢哋睇, 叫佢比封信你去政府排期, 因為呢封信政府會收咗佢架

至於公司, 我本人比公司睇完, 佢哋都無收我封信, 所以我都係keep係櫃桶咁囉

cywong,

嘻嘻~我太耐無上過0黎啦~

係因為知道有左bb先再上返0黎~

我送上一個遲左的恭喜先~ :)

我在荃灣睇呀~因為我而家在葵芳返工~近d啦~

同埋可以放左工去睇~

至於封信~係因為我要寫email 通知老闆同hr, 所以要用英文信囉~

有點煩惱0忝~

但係星期二, 一返工我就要俾佢地了~

唔想再拖~因為0黎緊有好多project, 都要四處去~

我唔想四處去呀~我要同老闆講左先~

所以真係想麻煩你地有無一d 好的letter可以參考下囉~

Katie,

多謝你, 我都要恭喜你, 我都係係荃灣睇架, 不過睇盧乃本, 我無呀, 幫你唔到, 你要睇埋政府的話, 要快d約, 無論你去唔去政府生都留咗個位, 咁就少咗個大陸人來生仔嘛

cywong,

我奶奶在生的時候~都說過有左一定要睇盧乃本~

但係我唔睇佢的原因~係佢太多人睇了~

有些人說往往要等到好夜才有得睇~

所以我才睇勒醫生~

睇左第一次~都覺得勒醫生幾好~

其實我睇完勒醫生第二日都走左去港安book床位~

我覺得那兒環境幾好~我都走去bb房睇過~

同埋那兒d姑娘都好好人因為我老公個多星期之前入去"放假"一個星期~

我而家都係唔睇政府~因為我老公叫我唔去左睇右睇~ :p

咁多位~

我本來以為自己會舒舒服服0家~

但係今天早一起身就作嘔~雖然無嘔到~

但成日都覺得好辛苦~

覺得周身無力同好頭暈~

我姑姐說我好可能感冒~

唉~咩心機同胃口都無哂~

Katie,

你可以係害喜啫, 無問題架, 食番d酸嘢, 可能會好d架

cywong,

今日好好多了~

起碼無作嘔~只係頭暈~

見到出面天氣好好~都想走出去行下~

我都無打算買d話梅呀, 陳皮0個d~

因為始終都係製過~

我只係飲橙汁咋~

見無乜胃口~我都係食粥算了~

Katie,

小心身體啦, 如果真係唔得的話, 你可以用話酸浸水飲, 都ok架

我今日book 左照oscar 了~不過要到5月21日先有得照~

我仲同老闆講了~我會放產假~哈哈~~成個人輕鬆哂~

今日係放完假返工的第一日~

真係好彩~今天無特別唔舒服~

:)

係啊~我老公問我洗唔洗去睇中醫安胎喎~

我唔識呢~

你地有無好提議???

wc2046,

LH 同 FSH 個比例應該係 1：3

你睇吓呢條 link,

http://www.fertilityasia.hk/hongkong/

concern/Infertility_in_Females/

Ovulatory/index.jsp

你會見到 LH (黃體素) 及 FSH (促卵泡成熟刺激素) ，FSH 係頭個幾日會高過 LH 好多，慢慢個 LH 會升高，到卵泡成熟，咁 LH個 level 就會好高，跟住就 trigger 排卵。驗 david 就係驗呢個原理。

催乳激素的英文係 PROLACTIN，如果佢超標，咁會抑制排卵嘅。催乳激素有名你叫，通常係生完之後，催啲人奶嘅，所以有人話如果餵全人奶，個段時間都唔會有 period，唔會有 bb。我唔記得個 standard 係幾多，但我差唔多有 600，個 standard 好似係 100 幾至 400 幾。

但係你個報告唔係醫生解釋俾你聽架咩？

哥斯拉,

唔該哂你.

因為我住係外國, 醫生只講有問題的部份給我知, 我自己又唔識得要問甚麼, 故當時無即刻再問.

哇, 做咩咁冷清0既??

cywong -- 我收到罐奶粉0刺, 你係咪要? 點交收?

mandy -- 快d 上黎報告下現況啦~~

終於等到今日啦.....

我終於可以同大家講....我bingo 左啦.....今天係 12weeks + 4days la....

當日知道bingo, 都好突然呀.....係年頭既時候, 我咪講過我一邊輪卵管塞左既...同埋book 好曬威院+仁安...諗住要做 ivf 架啦....咁成個二月都好relax...冇比過壓力自己喎....就係年初四 (day 26) 果一晚..我身痕...諗住拎支棒出黎玩下咁囉....點知發現有兩條線喎...心諗...唔係嘩....unbelievable .....再過多兩日...驗多次....中啦...係兩條線呀.....如是者....我就等到5 weeks 咁上下....就去睇醫生啦....係certify pregnant 呀.....當時心情非常平靜.....直到我係 week 7再照...聽到心跳果一刻.....先真真正正感受到自己係 bingo 囉....

我好好彩....只係 week 4 - 7 成日作嘔同埋暈....但一次都冇嘔過....果時只係夜晚食唔到野.....而家好好多啦....只係間中會覺得暈囉...同埋胃口有少少唔同左....鍾意食酸may may 既野 ...

今日..老公約左 62 / 99 食飯...話比佢地聽呢件事.....我老公埋怨...話點解兩老會係最後知既人....我心諗...冇得解.....佢地家族有前科...絶不能係未夠三個月既時候同佢地講.....至於我至愛既媽媽....佢好醒....見我果排冇話 M 痛...鬼曬咁嘈....就做到啦.....好勁呀....

我今個星期, 會去做 oscar 啦.....

早兩日..我妹妹陪我去買過曬D under/bra....我個胸大得好快...由 AB cup....去左 C-cup...本來諗住再遲少少先買..但係唔得啦...真係 "脹爆"...."支" 曬出黎....順便買左兩條大肚褲囉....

cywong, 哥斯拉, lovely baby ....你地好醒呀....只係問你地少少野..就估到我bingo 左....

我而家...成日都要訓晏覺呀...一到 weekend ...就要訓....平時好早就會落床....係呢段其間...最困擾我既...係去唔到大大.....醫生都冇曬辦法....所以冇得揀....迫住要食藥幫我去大大囉......我之前試過5日都冇得去...諗住靠自己....點知個肚就脹到好似人家 5/6個月咁大..好得人驚.....所以冇計啦...迫住要食通便藥....

未bingo 既 sisters....加油呀....唔好比咁大壓力自己....我果個月, 就係完全唔諗...乜都冇做...只係開左工兩日...就得左....你地都得架....

仲有呀...

我book 左荃灣港安啦.......預產期係2/11...呢日係我既結婚週年呀...hehehe...

經歷過去政府既健康院做第一次檢查之後....我同老公都講過．．．如果唔係有乜野事．．私家冇位．．．我地點都唔會去政府．．．因為實在太得人驚啦.....

而家開始比小B 聽日文歌同埋 piano 啦....希望佢收到啦．．．．

lala,

終於可以在she.com 呢度再次恭喜你了！

係呢...book左港安，係唔係打算開刀生bb呀？你俾野bb聽, 佢一定收到既....祝你一切順利....!!^_^

lala -- 好可惡呀~ 枉我日日msn 都見到你, 又答你問題, 你都唔話我知!! 等我仲不斷追問你四月去睇婦科的野~~ 不過呢~~ 恭喜你呀~ 哈哈~~

grace,

唔好咁啦....我都好想同大家講架…但係我老公果邊….真係有前科….佢個堂大佬果邊一有左咋..就唱到開曬巷呀…點知到左5個月..個bb 先話唔要得呀…所以唔好唔信邪…我點都等到夠三個月…先敢講囉….

lala, 恭喜曬呀! 有姐妹話我知個消息, 我立刻就黎襯下熱鬧la, 真係好恭喜你同你個哈子餅呀. 努力咗咁耐, 突然發覺成功, 呢個感覺真係very good 呢. 恭喜, 恭喜呀.

hmmm..... 我都要relax d先呢. 哈哈

恭喜!!!!!!!!!!!! 好野, 你可生番個小豬b la. 恭喜曬呀.

lala,

恭喜! 恭喜! 妳終於如願以償做豬媽鎷啦!

我上個cycle做iui失敗咗，現在等運到，等M嚟再去照輸卵管，如果塞咗6月就做ivf.。我約了董醫生今個星期五，商論定做ivf的準備。

妳要小心身體呀！好好保護自己同BB。得閒上嚟同我哋傾吓計啦！

beeeeeeehappyyy, cobb

其實本來都打定輸數架啦.....諗住都係生鼠BB....加上豬年太多人出世．．乜都要爭．．．點知．．就有呢個驚喜出現囉．．．我今晚就去做oscar 啦．．．睇下會唔會睇到性別囉...

而家煩緊將來邊個湊BB既野....99 話想湊．．．但我唔想．．．我一早講左比我媽咪湊．．．老公又企係99 果邊．．．好鬼"忟”．．．

hi lala,

So happy to get this great news from you today!!! Congratulations once again! Hope everything goes well with your oscar test, and you will find out it's a baby girl as you wish la!

It's not good to rely on pills for the constipation problems ga. Try to eat more veggie and fruits la. Sometimes when I can't go poopoo for 2-3 days, I will sit in the toilet patiently and wait for "it" to come.... Hehehe....

Anyway, take care and all the best!!

To other sisters who are still working hard on it. Don't give up and keep it up ar!!!!

lala, 都係煩d開心野, 慢慢來la.

happyyyy~ ~ ~ ~

我昨晚做左OSCAR....老公當然有陪我入去啦.....今日....bb 已經有 6.6cm 大啦.....咁一路照...佢就一路同我地 say hi...係度揮手喎....好得意 ....跟住又見到佢 "成個彈起".....老公睇到...都覺得好得意....嚇親佢添呀 .....總之醫生一路同我地講野....佢對手就一路咁郁囉...好似比signal 我地咁...佢聽到我地講野.....好touching 呀......

咁我再問醫生....睇唔睇到男定女啦....醫生好攪笑.....叫我唔好考佢.....佢試下幫我睇唔睇到啦...好啦....側面睇....佢話可能係仔....因為 pat pat 中間果度好似有粒野突左出黎喎.....等佢再大D....下次再照既時候, 應該會見到啦.....若然bb 唔係 " my 飛彿"......就會係 99 既 " my 飛彿"......到時一定不得了 ....

今日終於搵到我既母親大人啦..同佢講番湊bb 既事....我媽都好質疑我99 湊 new born baby 既能力......阿媽果然係阿媽....佢叫我....一放產假...就搬返去屯門 .....直到坐埋月.....佢會全程照顧我...... 到時 99 話要湊的話....我阿媽叫我同佢講 "母親大人特登唔做野...全職幫我湊bb 囉" ....最多星期日抱比佢玩下 .....

話時話.....我娘家....個個都恨 "慈姑定" 喎.....而家有機會比佢地恨到添.....我 99 更加唔使講啦.....發夢都發到我有左...hee hee

各位姊妹門: 你們可以介紹相熟婦科醫生給我嗎? 因我是剛發現有左什麼也唔識架... 謝謝...