今日隨想【二十八】
-
突然記起自己某年生日，個時小弟仲依然單身。<br />平時就訓到黃朝白晏，個日就一早起身，諗住一出廳個下呀爸呀媽就 己經放低兩封大利是係自己書�^面，然後就係收到佢地生日快樂，快 高長大等等既祝福。<br />點知，出到廳，咩都冇~~<br />就好似睇戲，見到個主角呆在當地，陣陣秋風吹過，仲要放幾隻烏鴉 係我身後面飛過咁。<br /><br />我游目四顧，發覺呀爸都係依然個個呀爸：拎住份馬報，冇著上身衫 ，攤係梳化上面睇緊今晚買邊隻馬做�e拖多兩隻買三重彩；<br />呀媽呢？佢就好專注咁去「了」下煲湯怕佢痴底。<br />一切同平日一樣。<br /><br />但我就冇咩失望，因為我知道中國人一向較西方人含蓄，唔善於表達 自己。心諗話唔定佢地想比個驚喜我。<br />所以我好主動咁同佢地講左聲早晨，然後佢地亦好有禮貌地同我講左 聲早晨。<br />然後，我付出我無限既耐性係度等佢地誠心既祝福。<br />結果？結果就係隔左陣，呀爸走黎問我係咪有病，做咩今日咁早起身 。<br />呀媽就好D，主動問我煲左湯，飲唔飲碗。<br /><br />我好似個小朋友爭唔到玩具咁好頹廢咁呢返入我個被竇入面，仲係度 諗到底其實我係咪佢地親生。<br />過左無耐，突然醒起咁沉淪落去都唔係辦法，於是拎起自己個手提電 話，睇下D朋友Send過黎祝福既SMS，Tum下自己開心。<br />點知....睇一睇對上一個SMS Send過黎己經係前日！<br />於是我又等，等了又等，卒之等到6點幾，個電話響左兩次。<br />一個係電話公司打電話黎問我續唔續約，張約就到期，仲話會送份禮 物比我，搞到我唔知續唔續好，因為續就有生日禮物收。所以我到最 後都決定續左佢；<br />一個係撘錯線！打黎搵一個唔識既人，結果我話我係劉德華，而家趕 住去開演唱會，如果你係我Fans，可以黎紅館門外捧我場，因為我個 Concert己經爆滿！<br /><br />6點幾，我忍唔住主動打比我最老死既朋友，問佢今晚有咩節目。 <br />佢話約左幾個朋友唱K。然後仲問我生日唱K好似唔駛錢，問我去唔去 ！<br />果然係我老死！我二話不說話我即到！<br />去到卡啦OK，見到一堆我唔多熟既人。<br />全部人我只係識得我個老死。<br />不過其實都冇所謂呀，志在有人陪下自己過生日者，佢搵咩人黎都唔 緊要啦。<br />坐左無耐，突然有蛋糕到，真係好，好耐冇食過生日蛋糕！<br />正當我走上前係蛋糕前許了個願，準備去吹蠟燭時，突然見到上面寫 住：Happy Birthday to Shirley!<br />然後抬頭一望，全場人目光呆滯的望住我！<br />我問邊個叫Shirley？然後就有個女仔就行出黎話佢係。<br />我問佢：「乜今日妳生日咩？」<br />佢點點頭，指住我老死話佢好有幫佢搞呢個生日，但佢話生日可以幫 佢搞，個願望可唔可以留比佢自己許，唔駛幫手喎！<br />我突然覺得體內既酒精以光速升緊上塊面，帶黎一點紅；個頭仲有少 少好似出煙咁，即係煲�I粥咁有陣特有既氣味。<br />係個時，個女仔己經許完願，問我介唔介意放低把刀，比佢切第一下 ，先再比返我分個Cake喎。<br /><br />係比人大笑過之後，我獨自一人走先。<br />突然驚覺，原來當一個男人出黎做野幾年後，好難搵到人同你慶祝生 日，甚至收到一句生日快樂！<br /><br />生日沒有人為一個男人慶祝，當然係一件慘事；<br />如果有人為呢個男人慶祝，當中冇自己女朋友或心儀既女人，又係有 一D遺憾；<br />如果冇生日禮物，更加會覺得係遺憾中既遺憾，連講都唔想講比人知 。<br /><br /><br />咁女人既生日呢？No way！我好少聽女人生日收唔到任何一份禮物， 一餐飯，又或一句生日快樂的！<br /><br />生日，男女從來都唔公平！
-
我唔鐘意生日架喎
-
點解呢？
-
唔知
<br>所以每年生日我都會自己過
-
我單身既話都係~
<br>自己開支紅酒清左佢訓覺
-
--從來女仔都比男仔細心--
<br>
<br>女仔朋友會為女仔朋友準備生日,
<br>
<br>但很少聽到男仔朋友會為他的老死準備呢 ~
<br>
<br>也許是不夠細心吧 !
-
我有拖拍都係
<br>總之生日一定會自己過
-
但很少聽到男仔朋友會為他的老死準備呢 ~ < = = somehow我未聽過
<br>
-
有拍拖都一個人過咁神奇@@
<br>個女朋友只覺得你有兩個女朋友喳喎@@
-
可以提早麻
<br>正日就唔好啦
-
wooden_figure replied @ 2009-06-04 3:36 pm
<br>
<br>我有拖拍都係
<br>總之生日一定會自己過
<br>
<br>你女朋友也不為你慶祝嗎 ?
-
你女朋友也不為你慶祝嗎 ?
<br>by zoe 蘇兒 - 06/04/09 15:40
<br>
<br>我係唔鐘意人同我慶祝
-
正日有咩問題？
-
正日要自己過囉
<br>最好個日避世
-
講真，男仔生日好少會收到朋友既禮物，最多都係食下飯或去摸吓酒杯底...
-
咁奇怪既~~
<br>呀爸呀媽有冇表示
-
飯都冇咩食過
-
咁你d朋友一定唔記得你生日囉^^
<br>不過呢男人都係粗心大意架啦.....
-
Calma
<br>呀爸呀媽有表示
<br>不過我會當唔知
-
Calma replied @ 2009-06-04 3:46 pm
<br>
<br>飯都冇咩食過
<br>
<br>可能是因為你太低調了,
<br>你高調一點,
<br>下年生日應該會改善的, 哈哈!
-
所以今年我專登安排左個生日比個好朋友 (男仔)
<br>睇下佢會唔會記得我生日先 :p
-
Calma
<br>至少有個女仔會記得你生日喎
-
Calma replied @ 2009-06-04 3:46 pm
<br>
<br>飯都冇咩食過
<br>
<br>可能是因為你太低調了,
<br>你高調一點,
<br>下年生日應該會改善的, 哈哈!
<br>
<br>前年生日好高調啦，120人同我慶祝，但，到上年，又變返一個@@
<br>
<br>
<br>Calma
<br>呀爸呀媽有表示
<br>不過我會當唔知
<br>
<br>真好，我好想收到紅雞蛋，細細個有，而家冇~
-
Calma
<br>至少有個女仔會記得你生日喎
<br>
<br>哼哼....我知你講邊個~~
<br>放心
-
Calma
<br>似乎你好想有好多人同你慶祝
-
唔係架~~
<br>但我想有人記得~~
<br>慶祝就免了
-
細個果陣好重視生日，大左反而冇咩野感覺
-
我記得中5同班同學幫我攪生日會
<br>結果個日我唔返學
-
要去記住一個人既生日唔難,
<br>要去忘記一個已經忘記你既人既生日, 更難呢!
-
..............
<br>有病~~
<br>
<br>
<br>忘記.....要用忘情水...
-
Calma
<br>你話我有病?
<br>多謝你