好驚奶奶 ~~~





  • 死la死la. 奶奶突然今日返來, 原本佢話12月尾先返, 家陣,又講大話!!!! 今次返來, 又會係我地面前扮慘 or 又話鄉下唔知邊個女人生左個仔

    又憎恨奶奶,變成好驚佢 ~~

    最麻煩係. 我買左成個星期食物,睇怕都要拎返外家.

    嗚 ~嗚的. 點解d 奶奶係都要蝦新抱. 同佢住既新抱就要受佢既氣,聽佢既說話. 唔同住既大嫂, 奶奶就怕左佢,唯命是從.



  • 你點解咁驚佢? 就算佢叫你生仔, 你唔想, 咪當耳邊風, 咁大個人, 有自己主見, 再唔係咪努力d, 搬出去住囉!



  • 吉, 搬la 搬la. 搵緊地方搬. 我真的越來越驚佢.(1)將我在家做過d乜,同樓下同d 三姑六婆 報告,而d 阿婆有乜意見, 佢又要我跟住做 .唔做.咪俾佢話我.(2)見我同老公唔多理佢,就會講大話.同其他仔女投訴. 等d 仔趕返來睇佢. (3)連病.我都唔敢留係屋企, 不停拍門拍到你醒, 要你起身食飯.

    就算搬左,我都唔會俾佢上來. 否則,佢就會朝早九點,買定送 去你屋企,拍你門. 如果俾條key 佢, 就會突然唔出聲去你屋企, 開左門. 又唔關. 等你返到屋企以為有賊入屋. 又或者叫你返鄉下,介紹個女仔俾你,(幫你生仔), <--- 全部發生在我大嫂身上. 從此, 大嫂當奶奶透明.

    奶奶曾經俾個妙齡少女來屋企住, 我媽咪嬲到死. 引狐狸入室. 好在姑奶知道. 鬧左奶奶, 先再無下次. (不過, 佢鄉下d 親戚咪又落來自己由行, and 同我地一齊住)

    *** 搬!!!!!!!*** 今個weekend ,會返外家住.



  • 見你的情況,似乎真的好worse。其實我同奶奶關係還可以, 以禮相待, 她對我亦很關心, 是有時煩d,不過我知她是出自真心的。雖然如此,我一向都不贊成同奶奶住, 始終相見好, 同住難。好彩我奶奶老爺都好識趣,好通情達理。如果真不能相處,還是早點根你老公商量,不要自己不開心。



  • smallpotation,

    其實,和奶奶住頭一年,都幾好. 大家以禮相待.但是慢慢,她就原形畢露. 成日講自己個女壞話, 又好慘個女唔俾家用佢,又話個女問佢借$$$ 最後, 姑奶話自己份糧是俾左老爺,再供兩個弟弟讀書.所以儲不到$$$. 而奶奶打份醫院工,就儲左成百萬. 自己個女家境有困難, 奶奶不單唔幫忙,還要扮慘扮可憐. 話個女不是.

    孫女入醫院 奶奶話個女唔俾佢去探. 實情是[奶奶在醫院大鬧話自己好辛苦, 又要睇個孫女,又唔可以煮飯,又唔可以洗衫. ]姑奶話既然,阿媽你覺得咁辛苦, 就唔會再來醫院.

    我好驚係..奶奶對自己個女都好殘忍. 我只是一個新抱. 將來既日子. 肯定更難受. (當然,現在已經很不好受]

    試過發惡夢. 奶奶入書房找我訓話. 我驚到hide 係table 底. 雙手攬住個頭, 喊住講[奶奶,你放過, 我唔想再聽,唔想再講]

    嗚..........



  • aa,



    你的情況好差喎, 快d搬走好d, 唔係比你奶奶咁搞有咗就會無呀



  • aa,



    見你的情況,似乎真的好worse, 你奶奶都short的,怎可以帶個妙齡女郎比阿仔架!有冇諗吓阿仔鐘唔鐘意,只是一廂情願,快啲搬,搬咗之後,唔好成日見.費時佢多嘢講,不考都要,因為佢不理你哋感受.你都唔知會唔會搞到精神分裂.



  • aa,

    我都贊成你快d搬, 越遠越好(最好要轉幾程車), 仲要同你老公夾定唔可以俾key佢, 唔係過節都唔好見! Action la!!



  • 之前99 & 62同佢大佬都想谷我老公同99 62一齊住架, 最後谷唔到之餘, 搞到我老公反感, 都係唔係過節唔好見咁囉, 你快d搬啦



  • 星期一,奶奶突然返來, (當晚,食飯,我一句野都無講)星期二,我要上廣州工作. 晚上12點先返,個人已經好累, 星期三(今早),起身返工, 奶奶又來料,不停問我返唔返家吃飯, 又問個仔返唔返去. 我話[今晚唔返], 奶奶話[唔緊要, 你話我知就得]頂佢個肺, 個仔每星期三都會打波唔吃晚飯. 佢就搵野煩我.

    奶奶見我唔理佢, 就加多句[我鬧過你,打過你, 我都唔嬲你, 你都唔可以嬲我] 果下,真係喊左出來, 佢三個仔女叫我收聲, 唔同奶奶講野. 費時俾機會佢誣陷我. 現在, 奶奶不停迫我講野. 我好辛苦. 嬲到掉筆, 掉外套.

    奶奶仲講左句[新抱仲親過仔]

    天啊. 點解D 奶奶講大話, 講到咁堅.



  • 奶奶不停講,大家是一家人, 我好關心你. 頂佢.

    我講左句[好. 你同大嫂講], 佢立即收聲.

    XYZ. 大嫂一出聲, 奶奶就收聲. 而我????????



  • aa,

    你奶奶好似表面上想同你好番, 起碼佢叫番你先, 你唔啋佢, 佢就可以大條道理話你唔arm! 你都係返外家避避, 等你老公在先返屋企, 唔好同佢有獨處機會; 另真係快d搬, 你同佢嘅前科咁惡劣, 就算佢有一日真係想同你和好 (我諗都唔會有lee一日, 因為佢係奶奶, 佢係唔會有錯), 大家都會有條棘!



  • wind , 奶奶 (佢成日話大嫂唔同佢講野, 唔叫佢).我咪做好d , 同佢傾多d, 聽佢訴苦. 點知. 原來有80%以上,係佢屈自己個女or 屈人地.



    今早,同老公講. 佢只話[你唔好理佢, 唔好'才'佢] . 但係奶奶不停問,不停講. 跟我入書房, 還可以點?可能老公唔高興, lunch 時無打俾我.

    奶奶見我咁既態度, 肯定又會打俾個大仔. 投訴我. then 大伯又會打俾我. or 打俾老公.

    今晚,留在公司OT , 直到老公打完波, 11點才回家. 明早,和老公一齊出門口.





  • aa,

    宜家唯有咁先啦!

    其實你想搵邊區搬? 預算租金幾多? 有無特別要求? 睇下各位姊妹可否幫到你?



  • aa

    我實在太明白你的處境,,因為你個case exactly同我阿媽當年一樣。我阿麻一向都同我阿叔一家住, 那時成日同我阿媽講阿嬸的不是•後來我阿嬸返擊,將阿麻"劈"比我地。之後就不斷同我阿媽鬧交, 又同我姑媽、阿嬸講番我阿媽,運我都頂我阿麻唔順。所以,aa, 怏d搬啦!



  • wind_hk, thanks 已經約左agent, 今個星期會再睇樓. target 係青衣MTR 上面,(外家在荔景,姑奶在青衣, 可以返去吃飯). budget 10k.

    我和老公都在港島返工. 所以要有mtr 直去中環.

    原本想搵港島樓, 但有家電,or 不是太舊,都貴得好驚人. (12K 以上).

    有朋友和奶奶住年六年, 最後, 奶奶自己搬返去屋企. 朋友既絕招係"當奶奶係同事"



  • SMALLPOTATION, 咁你媽咪現在點?? 老人家成日講是非, 只會家無寧日. 現在仍同住?



  • aa

    我麻麻已經不在了。

    你想租屋呀? 有無想過何文田呀! 我想把我層樓租出去, 610呎, 10k 可以, 有沒有興趣?



  • aa

    原來你係呢樹~

    我99嬲咗我呀 ...



  • aa

    乜情況去到咁嚴重嗱,希望你呢個星期睇啱樓啦!!!!!

    記得update d 消息比我哋知呀!



  • smallpotation,何文田. (無mtr ,唔多得)

    老公,終於肯睇將軍澳. 不1, 都要九千.

    >__< <-- 99嬲左你? 點解. 發生究乜事?



    老公幫我"話左奶奶. 叫佢唔好再同我講野.".不過,睇怕都無用. (一星期過後,又會來料). 老公話,奶奶想同我和好如初. (then, 奶奶又可以同我傾計. 又可以繼續話我). 老公對我講[唔好再勉強自己, 同佢阿媽住. 一個七十幾歲既老人家,無可能改 ]

    聽到佢咁講[個心終於有點舒服, 起碼唔會再諗離婚]





  • 以前,朝朝都會叫'奶奶早晨', 係樓下見到,亦會"叫" .後來, 發現奶奶好似曬命"咁. 日日都係樓下公園坐.一見到我離開大廈, 佢就成個人望住我. 直到我講'奶奶早晨' ,佢個頭先望返去d 阿婆.

    (大堂是透明玻璃窗,望到公園) 有次,落到樓下,我特登行埋一邊, "裝下奶奶", 發現佢, (每當有人離開大堂, 佢就係咁望, ). 佢同其他阿婆吹緊水, 但就不停望'出出入入'既人. 自此,我好驚..(佢一見到我,就好似scanner 咁, 由我頭掃到腳) . 好得人驚. 於是 用另一個門口. 兜路走 .

    今早. 係mtr 好遠見到佢行過來,我就脈望地下, 當睇佢唔到. 直行直行. (如果係以前,佢一定會好大聲叫我個名. 方死我見佢唔到)

    ...... 好驚. 明天都要兜路行



  • aa

    因我連續幾次都無食佢帶比我d飯 ..

    佢上星期2煲咗湯無叫我攞走,到星期五先叫我攞 .. 咁多日加上用膠樽,所以我無攞走 ..

    我叫佢唔好接我公司d電話 ... 尤其lunch time



    但我無同老公講佢嬲咗我,因老公實會話係我激嬲99,而且我哋星期六都有一齊飲茶,我當無嘢囉,佢自己唔高興我都無辦法



  • >_<, 唔記得左.. 你公司係邊? 我係QUARRY BAY ,有次奶奶問我係邊. "死都唔講俾佢聽"

    你奶奶跟埋你返公司,真係避都無得避. 有無諗過方法, 趕佢走??



  • aa & >_<,



    你哋的99都好誇呀, 如果比我, 對多一陣, 我驚我自己會出手打佢呀, 我結婚個晚都己經同佢開火啦



  • aa,

    葵芳都方便喎! 不過空氣就無青衣咁好!

    你都可以睇睇長沙灣d新盤, eg. 昇悅居, etc. 個 budget都arm你, 都近MTR!



  • aa,



    同意wind_hk, 葵芳方便, 但空氣唔好, 如果你想安定下來, 等生bb, 找個空氣好的, 都好緊要架



  • 你99, 可以去取電影金像獎, 非常扮野.

    我覺得唔洗御佢, 當無人時和她肯肯地數落佢, 最緊要數佢最要害, 數他所有人都好"珍"你, 皆因你都諗住唔同佢住,佢又唔使靠佢生活,大家都唔想再見,不如一次過解決佢.

    最好寫下你想數佢d台詞,讀熟佢,當數佢時都數得順d,還有未同佢開火之前,請你記住你要做d使佢沒面的事情,例如早上請正門見到佢係公園(要所有亞婆係到)利用你最靈利眼神"par"住佢,不要叫佢早晨.等佢係所有亞婆面前落佢面,佢話你,當佢沒到走,係你老公及親戚面前要扮非常尊重佢. 知道嗎?



  • aa,



    同意12咁講, 同佢死過啦, 唔係佢以為你怕咗佢呀, 我99咪係咁囉, 而家仲敢同我來咩



  • 12 , cywong ,我會盡量學習.. 不過,最衰自己,講得兩句,就喊左出來.

    奶奶迫我傾計,時係咁問"你地今日,返唔返來吃晚飯?" 同佢講左"唔返.". 佢咪又下午,打俾老公.

    then 晚上老公又repeat 話唔返. 奶奶就四萬咁口話[唔緊要,你話我知就得].第二日,咪又照舊打俾老公. (好憎佢咁假). 於是,昨日早上(佢又問同一條問題). 我就串佢[同你講都無用, 你咪又不停打電話話來]

    點知奶奶又扮慘話[我老la, 唔記得之麻. 唔記得咪打俾你, 你(指著我) 唔俾我打. 咪打俾個仔] . 忍唔到話佢[大嫂既野,你乜都記係心. 我地就乜都唔理']...

    唉.. 昨晚,返左外家訓....



  • 我睇佢老人家好悶,無人理佢.

    你咪同佢講公司老闆唔喜歡同事講私人電話,試過同事因為多私人電話而收警告信, 希望lee招佢唔打比你. & 和他就公司很忙,而現在要返夜學,所以以後唔使問我返唔返來食飯.

    而你就可以ot,或shopping或同你老公返外家食飯. 點都得啦. 又唔使得失你99,又可避風頭.

    你都想你99唔好煩你,小d時間對住佢咪得law,平常心,唔好覺得煩.向佢說現在工做好大壓力,想回家安靜d. 希望你99明白啦.



  • 12,



    你睇多d aa講d嘢, 你就會知道, 同佢99講人道係無用架, 好似我個99咁, 你唔惡d對佢, 佢以為你好蝦, 佢叫你做d嘢, 你唔做, 就變臉, 當無人理佢啦, 同埋惡番佢轉頭, 佢先會收, 所以我相信aa要當佢透明, 借咗亞陳伯隻耳仔就差唔多啦



    所以我老公個大佬成日都話d細佬唔多出聲, 但係又唔諗下, 如果一出聲, 講得多又以為你會軟化, 咩都得, 咁就死啦



  • aa,



    我覺得你一返外家, 你99就會覺得你驚咗佢, 佢會諗, 仔始終係佢生, 最重要的人唔係你, 係亞媽, 包括我99都係咁諗, 所以你最好同佢死過, 我未過門都係咁, 咪又係吹我唔脹



  • aa,

    睇樓睇成點呀?

    我就覺得你當佢透明好d, 好似而家咁得閒串佢兩句, 你又唔識同人嘈, 又諗住搬, 無謂為佢死細胞! 我覺得無謂同佢硬碰, 一間佢玩跳樓, 你就係千古罪人, 你諗下啦!



  • 多謝大家關心. 媽咪都叫我唔好成日返外家過夜,費時,奶奶周圍唱個新抱唔返屋企過夜. 亦費時奶奶返鄉下唱...等d 上面d女人有機會來..

    btw. 之前咪講左有個"女仔 來我家住左幾日" 佢已經搵到個四十幾歲(已離婚既男人) . 暫時都唔來我屋企.

    至於搬屋. 老公唔想我地搬d 床 / 櫃走. (費時間主人房好似吉左咁).. 唉, 我唯有妥協. 唔搬d 傢俱走. (又唔可以鎖房門) .

    咁... 點樣 warn 阿奶奶. (我唔想,一搬走,就俾鄉下d 人來訓我張床)



  • aa

    我公司係油麻地呢 ..

    我咪做到好忙好忙唔同佢講嘢囉,不過上星期我心軟,叫咗佢lunch時去飲茶,因佢好似好慘咁喎 .. 點知今日佢又回復"真身" ...



    咁我今日又真係好忙,叫佢唔好理d嘢+唔同佢講嘢囉 .. 咁佢先唔再搞住我咋



  • aa

    你唔搬床 .. 哎 .. 你老公會唔會諗住第時返去瞓架 ..

    唉 .. 我覺得你99實叫d 鄉下人黎住喎 ..



  • cywong



    我老公都話99 d思想仲舊過佢亞公 ..

    唉~



  • >___< ,咁你奶奶係度,坐成 日??? 直到係地放工?? . 你同老公一齊開公司?? [我就自己和朋友開, 老公就打工]

    我今朝..出門,正面撞正奶奶返來. so, 咪叫聲[奶奶,走la].. 今晚,晚飯, 佢咪又扮好人"四萬咁口". 叫我飲薑醋(, 我當然唔飲. 黑面走人)



  • >__<,



    就算連我老公都未必頂得99同62順呀



  • aa

    初初係老公同我一齊開,但之後生意一般,

    所以就我一個留守公司,老公去咗打工lu~



    cywong

    好彩老公唔太頂得順咋,如果唔係 ... 可能會好似aa咁難受 .. 哎 ..



    你哋d 99講做冬未呀???

    我99擒日打咗比老公問佢邊日做冬啦 .. 駛唔駛咁早呀 ...



  • aa,

    如果你諗住以後都唔返去住, 你仲掛住張牀做乜? 咪當送咗俾人囉!

    如果真係唔捨得張牀, 可以考慮同你老公講好鍾意張牀, 想自己用番, and 唔鍾意瞓包租的舊牀, etc..... , then 搬走囉! 至於唔想主人房好似吉左咁, 咪平平哋幾百蚊買張梳化牀擺度, 仲可以懶好話俾你99招呼朋友tim!



  • wind_hk , 老公話唔想間主人房, 全吉, 怕奶奶觸景傷情, 八百幾呎間屋,得奶奶一個.(怕佢打掃間屋果陣.. 喊)..既然係咁,唉,洗多一萬.買過d 床.. sofa... 衣櫃, 搬一搬, 兩個月按金, 一個上期 + 買傢私... , 今年儲既$$$, 全部無曬 ~~

    >__< ,咁你奶奶日日來公司坐?? 剛才,我在日曆寫左幾時唔返去食.. 奶奶話"乜成個星期, 都唔返???" 頂佢.. 只係個個星期三, (佢個仔打波...)

    至於做冬. 奶奶...到做冬前幾日, 先會講 ( 好似assume 你一定會係屋企)...



  • Hi sisters!



    Long time no chat. How's everyone? I am doing ok, still alive. My mom and sister just came to SF and visited me. The left a coupld weeks ago, miss them a lot.

    My 99 said something terrible the other day. My son had a very good appetite last Monday, then 99 asked me, did you not feed your son last Sunday? He had a very good appetite today! Damn



  • sfc9, 你奶奶d 說話 好刻薄下. 亦唔respect 對方. 你媽媽去探你? 佢地住係你屋企. 定酒店 ??你奶奶會唔會, dislike 佢地?



  • aa,

    算啦, 都係一次過姐, 如果$$可以換到你嘅耳根清靜, 心境開朗的話, 都值得嘅! 又唔係搵唔番!



  • Hi aa,



    I know, my 99 says 刻薄 to me only. Actually, I don't live with 99; we live around the corner though, very close to her house. Actually, 99 went to China with low yeah and my sis-in-law for 2 weeks. Therefore, I'd have to take 2 weeks off to look after bb. I invited my mom and sis to come when 99's not here.

    I once said that bb doesn't say my name. Then 99 said: it's becuz you don't hold him until he sleeps like me and your husband do. bb knows who loves him more......



  • wind_hk $$$ 可以解決到既問題, 就唔係問題. 所以,寧願忍痛少少, 唔去旅行 .買少d衫. 都要搬出去.

    sfc9, d 奶奶係咁. 當自己個孫係自己既product. 唔會理會個新抱. 我未有bb, 奶奶已經話一定要俾人仍湊, 一定要一齊訓. (佢同bb 一張床).到第二時,就搬張 上下格床. (佢都 fxxk). 自己個女 生既孫女, 有事. 就阿之阿左, 唔去睇人地. 又話係外嫁女. 所以, 第二時,有事.我一定唔會俾佢湊...(well.我仲有bb)



  • 我奶奶真係..好大問題. 剛才和老公一齊返屋企. 等lift 果陣,見到奶奶和另一位阿婆傾計. 佢見到我. 但用背隻對住我. 直到叫佢"奶奶".先擰過面來望下我. 係lift 入面, 佢既然同人地講[剛才見你老爺, 越來越"縮", 又無精神. 去到咁上下,就會係咁" ,又話" 你個仔好耐都無返來", 搞到個婆婆話[唔係唔係, 好快會返來]., 真係好過份, 自己大仔前日返來. 就係人地面前曬命......[唉.. 叫左一聲奶奶. 我全程唔出聲, 入屋,入房, 打俾媽咪].




Log in to reply