我老豆又唔生性, 啫賭成性, 之前仲要因為賭錢而借落銀行十幾萬(佢已經唔只第一次, 有前科), 借落連埋利息, 自己又還唔起, 次次都係要其他親戚出面幫佢還.... 年紀大不單只, 仲要成世人都無儲蓄, 今朝打黎問我借千五蚊.. 我有就話比佢0者, 唔洗佢還又點話, 無又點比佢呢? 我自己都有負擔架... 唉~~~





  • Have you asked him to seek for professional help? addicted to gambling is not easy to quit...



  • 佢呢個習慣係戒唔甩.



    佢係做廚0既, 係人都知做廚0既十個有十一個都會鐘意賭.



    我本身覺得如果你小賭, 並唔係問題, 但係變成病態就唔好0羅.



    再加上我老豆一0的理財觀念都無, 成五十歲人都唔知道儲錢0既重要性.. 好似睇個醫生咁, 幾百蚊都拎唔出黎.... 唉.....



  • 成日都叫佢: 儲返個錢啦~ 年紀大喇, 開始多病痛喇, 都有個錢睇下醫生啦~



    佢係唔聽, 係都要去埋馬會.



    好~! 你唔儲, 我幫你儲, 我去開左個戶口, 用我個名, 每個月都同佢入幾百蚊落去. 咁樣有個好處, 佢0的錢全部都係我監管, 佢唔會拎得到.... 我覺得咁樣0既方法對佢係最好0羅.



  • 我老豆60幾歲 大約10年前開始冇野做

    日日都係痲將過日

    我每3個月俾一次錢�

    佢好自覺 ,大家10年都相安無事

    你唔好俾錢佢

    幫佢買家庭用品 交屋租,煤氣水電費 羅



  • 我老豆60幾歲 大約10年前開始冇野做

    日日都係痲將過日

    我每3個月俾一次錢?

    佢好自覺 ,大家10年都相安無事

    你唔好俾錢佢

    幫佢買家庭用品 交屋租,煤氣水電費 羅



    by 路人 - 04/28/08 11:16





    我唔會比錢佢, 我只會幫佢儲錢0既0者, 佢如果要用錢, 一定要問過我, 而我一定會問佢0的錢要黎做咩.... (好似0的呀媽比錢0的細路咁=.=")



  • 係呢個世界上,咩關係的人都有得揀,除咗父母兄弟,妳爸爸係咁,做女真係無奈,但真係唔可以比cash佢,最欠佢要咩,妳買比佢好過,好賭的人一定有好多籍口問妳攞$去賭,有無諗過叫妳爸爸搞破產呢 ? 一來斷曬d街數,二來佢想再借都唔得



  • 攪破產好麻煩, 佢唔會去.



    因為呢件事, 我呀媽變得好憎佢, 因為我呀媽儲落一筆積蓄, 都拎左去同佢還筆數...

    我呀媽會覺得好唔抵0羅.. 佢一心想0的仔女大曬喇, 個個有野做, 自己又有積蓄, 諗住真係可以享下福, 點知我老豆又攪壇咁0既野過佢歎.... 我呀媽仲嬲到依家... 其實又真係好難怪佢會咁0既.



  • 有d咁的事, 無人想,但唔幫又唔得, 真係好煩



  • 係好煩架...



    有時我真係諗: 唉~~~ 有無攪錯呀, 咁大個人, 都唔識得為自己打算...



    我唔希望我0既將來好似我老豆咁.



  • 輸十幾萬咪當做喜事囉



    我一晚輸八百萬, 呢兩年都輸左差不多三千萬, 咪一樣咁生活, 唔通死左佢咩



    唉, 算啦 .....



  • 輸十幾萬咪當做喜事囉



    我一晚輸八百萬, 呢兩年都輸左差不多三千萬, 咪一樣咁生活, 唔通死左佢咩



    唉, 算啦 .....





    by frankie - 04/28/08 13:09



    咁我洗唔洗封你做我偶像呀依家?!

    你唔明白我0既topic想帶出0的咩野重點就唔好係到呀之呀阻... 家陣我有話好想死咩? 0羅黎講.



  • 明, 重點咪係 :

    小賭可以怡情

    大賭可以立國





  • 痴線. 真係唔怪得之你會輸掉八百萬.



    0羅黎賤.



  • 今日唔輸明日都輸, 再唔係就比班女友呃我去買名牌 ....



    每個人一世生就註定要賭, 只是在不同年紀不同環境, 各自用緊不同形式既籌碼去賭



  • 咁唔怪得之你咁失敗啦.



  • Yup, you are the Winner .... 五十步笑百步, 唉





  • 我諗我真係會好過你0羅, 起碼我唔洗輸八百萬.



    你根本就唔明白我開呢個topic0既重點係乜,

    咁我都唔希望你再係到留言喇.



    返去澳門, 好好做你0既賭王吧啦. 賭聖!



  • 其實賭錢, 可以當成係娛樂, 應該用多餘錢玩, 玩幾多, 咪睇你有幾多閑錢

    有時同d fd 打牌, 鋤d 等, 一千幾百上樂, 最多咪當食餐貴, 玩幾皮野, 呢d 娛樂費真係貴.

    仲有, 賭錢邊有實贏, 拎出來賭, 就except 係輸, 贏就當係bonus. 咁咪會賭少d



  • 我從來都無反對過我老豆去賭.

    我一開波就已經講左: 廚房佬大部份都係鐘意賭錢, 佢地視賭錢係一項娛樂, 呢樣我能夠體諒.

    就算係我男朋友, 佢都會有賭波0既習慣.



    但問題真係要適可而止0羅! 我男朋友做得到. 好似我老豆咁, 賭到身上無錢, 去問人借, 都仲要不停咁去賭, 咁唔通呢個又可以體諒咩?

    賭到連病左喇, 睇醫生0既錢都無喇, 咁唔通又係可以原諒咩?

    賭到要問銀行借錢, 要還錢, 都仲要去賭, 唔通呢個又係0岩咩?



    我心痛咩野0者? 我心痛佢輸錢咩?

    我係心痛佢點解咁大年紀都唔識得為自己打算, 好喇, 依家多病痛喇, 連搵個錢睇醫生都無.



    唔明白我講乜0既人唔該唔好留意!



  • 佢今朝打黎問我借千五蚊... 我自己都幫唔到佢... 我心諗: 咁大個人, 真係連千五蚊都拎唔到出黎, 我覺得真係好恐怖0羅.



    如果唔係點解我要幫我老豆儲錢0者? 佢唔做咪我做0羅, (我知道佢依家都仲有去馬場, 不過我會同佢講0羅, 你玩還玩, 唔好再惹到一身債返黎)等佢第日病左都有個錢睇下醫生.



  • 十分同情......睇嚟你老豆屬於病態賭徒.....要向有關方面求助先得.....你唔可以再俾錢佢.....長貧難顧.....




  • 我其實認為孩兒供養父母到百年歸老是應該的

    我現在就是這樣做

    雖然很少同佢地溝通

    但是家用10年真係冇少過



    你媽媽其實是受傷害最深的

    60歲老公都冇變過



  • 呢0的家庭問題, 都唔係一朝一夕架喇~



    我出左黎做野幾年, 幾年黎都有拎錢返屋企, 而且唔會問屋企拎返轉頭, 真係做得到所謂0既"自己搵自己洗".



    其實我係比兩份錢屋企0既: 我呀媽同我老豆. 但係比老豆0個份, 我係唔會直接比現金佢過手, 我會放入銀行同佢儲起.



  • 你都算好乖女啊



  • 我一聽到我呀爸呀媽為錢而嘈, 就已經覺得夠煩... 我又要去做和事佬.



    一個係我呀媽, 一個係我呀爸, 唔係點呀?!



    好彩我唔大洗, 如果唔係我連幫我呀爸儲錢0既能力都無呀, 真係可能要眼白白睇住佢老左連睇醫都無能力.



  • very easy, find a rich boy friend can help you


Log in to reply