在職貧窮
-
我前幾日睇鏗鏘集,講在職貧窮,聴見都幾嚇人,一份正職做成8-10個鐘,5K 都無.人地点生活亜?最令人髪指係有人可以係鏡頭前面講,人工指数吾係以可以生活予否作為基礎.係以有無人做為原則.(只要有人去做,3K都無問題)想下想下,真係無当過D工人係人.D人工基本生活都不足,都無作一回事.可能死左一個就請多一個補充算数.
-
佢講既野好唔啱聽但係佢講左個事實.
-
我個老婆毎次去M記食漢堡飽,就話DM記員工,無禮貌, 意識不足,我地睇完個節目之後,連我老婆都講“吾怪得人地,做足8個鐘,都係得136蚊人工,真係無心機做”
-
自由市場,自由經濟,人地出咁低人工,又無迫你去做,你計過數唔化算,咪唔好做囉,個個都唔做,佢搵唔到伙記開工,自然會加人工。
既然咁低人工都有人去做,即係話仍然有人覺得呢份工值得去做,又或者學生仔想做parttime搵少少零用,佢地就滿足,點解一定要set高佢,老闆覺得搵唔到錢,唔值得搞生意,索性執左佢唔做,一拍兩散,咁有的人想做一下parttime都無機會,衰多兩錢重。
老闆唔當伙記係人?
咁伙記又當老闆係乜?佢蝕左錢,你會唔會比錢幫佢渡過難關呀?
伙記無咁既義務,老闆又點有要有咁既責任呢?
-
我有時都去M記食野,又唔覺得佢D招呼唔好。好多仲好有禮貌,你話要新鮮炸出黎既薯條佢都照幫你做。
同意runner講既野,做老細既就梗係愈少成本愈好,你有一日做到老細大概你都會係咁。
做到M記果D工人,好多唔係學生仔就係上左年紀既,去第二度都未必有人請。
所以…係M記有份工做,賺番一百幾十,又有餐食,叫做好過一D收入都無。
-
講真啦~我地返工都有問題啦~
越少野做越好(最好就唔駛做~)
(公司賺得少~自然人工少啦)
賺左果D
老闆又要D~阿頭又要D~
去到人仔咩都無~
阿頭都有責任~
你少少人工想人做多多野
到頭來~講緊既係每個人都好自私
都係為自己利益著想~
當然我唔係偉大到完全為人著想啦
但大家有冇諗過~其實大家係到互拖大家呢?
其實老闆和人仔各有各道理~
現今既青少年~最無資格講呢樣野~
既然係咁~點解唔讀好書呢?
最少入到U~也不用做M記啦!
-
咁伙記又當老闆係乜?佢蝕左錢,你會唔會比錢幫佢渡過難關呀?
伙記無咁既義務,老闆又點有要有咁既責任呢?
by runner - 04/15/08 11:59>>>>>>>
記得早幾年hk好多打工仔都減咗人工同老闆共渡難關, 甚至有一些人被公司拖欠薪金亦要死忍......
但當環境轉好既時候, 有幾多個老闆會將顧員既薪金還原呢???
今時今日仲見有d食市靜靜雞執笠, 連糧都唔出比人, 呢d又算係d乜呢????
人地出咁低人工,又無迫你去做,你計過數唔化算,咪唔好做囉,個個都唔做,佢搵唔到伙記開工,自然會加人工>>>>>
老闆咪話請唔到人要係第二度輸入勞工lor....
-
呢D…其實係政府既事,政府立法保障最低工資。但政府又怕得罪d有錢佬,所以搞到咁…
不過…設唔設立最低工資,係有利有幣。歐美加有最低工資管制,所以老板就儘量少請人手,失業率又偏高。
至於輸入外勞,又係政府政策既事。 講真,要鬧…就鬧個政府,好既政府應該有智慧去平衡各方利益。
老細有老細立場,員工有員工立場。你唔順個老細,有本事就轉工;無本事就唯有死忍。
-
有一次去M記, 幫我take order果個好有禮貌份人又好醒目, 我心諗, 佢晌度做真係好嘥
-
講真啦~我地返工都有問題啦~
越少野做越好(最好就唔駛做~)
(公司賺得少~自然人工少啦)
賺左果D
老闆又要D~阿頭又要D~
去到人仔咩都無~
阿頭都有責任~
你少少人工想人做多多野
到頭來~講緊既係每個人都好自私
都係為自己利益著想~
當然我唔係偉大到完全為人著想啦
但大家有冇諗過~其實大家係到互拖大家呢?
其實老闆和人仔各有各道理~
現今既青少年~最無資格講呢樣野~
既然係咁~點解唔讀好書呢?
最少入到U~也不用做M記啦!
-----
毎個人基本上就係有差別.好似同你講,人工得果20-30K一個月,又要供樓又要養家,好辛苦.要求政府減税?辺個叫你細個0吾比心機讀書,如果依家係専業人士(医生,律師),有10萬8萬一個月.辺有0甘辛苦亜!你無資格講呢樣野差吾多.吾通個個都係大学生?拉Curve一定有人歡喜有人愁.
-
在職貧窮又好,赤貧又好只係大家見到既果,原因係咩?
d人講得好聽d係自己際遇唔好,其實除左小部份個案值得同情之外多數都係自己一手造成.
eg. 懶,唔進修,唔上進,亂駛錢,亂投資,賭錢,性格缺憾等等.
俗語講得好-->少壯不努力,老大徒傷悲. ;)