點解我無朋友?
-
點解無人鍾意做我朋友既?
-
你唔知點解無人鍾意做我朋友
你本身個人係點架
-
可能我太麻煩
又小氣
其實好多人識我耐左都會鍾意同我做朋友
但可能我之前太想建立關係
所以建立關係既初期太就人
結果自己反而覺得辛苦唔想同人做朋友
所以我成日都無朋友
-
aoishe
睇你咁講,似乎你咁急,係好難識朋友喎,做朋友,有時係要講緣份,慢慢黎架嘛.
-
慢慢黎
-
你咪就係sex板俾人唱你呃男人錢果個女仔?
-
可能就係咁...
明明有好多朋友對我好...
但我覺得之前就得佢太辛苦唔想同人keep住
於是我識左好多朋友...到最後反而我唔想同佢地聯絡
唉....
搞到我成日要識新朋友咁
-
唔好意思
我自己有錢
唔使呃人錢
呵
-
識咁多新朋友無用喎,好的朋友......識兩三個就已經夠,係你暫時未還到.
-
同埋我又無同陌生人出街
-
我諗我個人太麻煩
好朋友到最後都會唔一齊
多數都係我嬲人...
唉...我係咪太小氣啦
-
我耐唔時就想同我d朋友絕交
但又怕悶...
結果就成日要識新朋友囉
唉
-
aoishe
妳係男定女牙
做咩成日話自已小氣牙
-
學習忍耐,都係做人的其中一種態度,無論你同伴侶相處也好,同事也好,朋友都好,有容人之量,至少都會俾一個好的印像,我估你係個種做事好心急的人.
-
小氣囡囡一個
-
你幾多歲牙
-
我都心急架
我仲覺自己好麻煩架
所以我鍾意同對我有好感既男仔相處
佢地會就我多d
我又唔識同一班朋友相處
好大壓力咁
成日驚人會唔鍾意我
-
都唔細啦
但仲成個細路女咁
-
想識多0的朋友, 真係唔可以咁小氣.
-
唔......做朋友同做你男友分別係唔需要睇你面色,傾得埋就繼續做朋友,傾唔埋咪算囉,同埋就係,你同人做朋友,唔使理人點睇你,或鍾唔鍾意你.只要你對朋友夠真誠,唔會旨在搵呢個朋友笨,你朋友自然會感覺得到,唔使俾自己咁大壓力,知嘛?
-
耐唔時就想同我d朋友絕交
但又怕悶...
結果就成日要識新朋友囉
唉
by aoishe - 04/13/08 23:19
郁0的就同人絕交.... 唔怪得之你話你自己無朋友啦....
做人唔得咁架喎.
-
但我真係好小氣...
我都盡量表面唔小氣
但有時隔左好耐都仲會嬲
同埋就算扮無嬲
隔左好耐就會愈諗愈嬲...
結果有時就係咁想同佢地絕交
佢地唔知有時以為我好nice...好玩得好講得笑
其實我心入面嬲左佢唔知
所以有時佢地唔知我嬲咩會覺得我好情緒化
我其實係咪要即時表達?
但又做唔出
因為慣左唔會即時表達情緒
點解我咁麻煩既?
-
你幾大呀?
-
我都知...
但我改唔到
我改左好耐啦
幾辛苦先有朋友
但自己又...睇唔開
-
既然知道自己問題係邊,就慢慢去改,你唔講,根本無人會知,你朋友唔係你身體裡面條蟲,易地而處,比著你係你個朋友,你睇番你剛才打的說話,你會唔會知道你朋友(即係你)會咁諗?
-
咁你幾大呀?
你好似仲好細個咁.
-
算啦我同你一樣
-
大小姐脾氣?
-
疑心大
-
都有人覺得我大小姐脾氣
但我又唔覺
我都就人就得好辛苦架
有時明明好嬲又要扮無野
-
大小姐脾氣?
by sonyp - 04/13/08 23:39
我覺得唔係, 只係佢唔識得圓滑, 同氣量唔夠大, 唔得大方.
-
做朋友互相就下、坦白就ok, 唔鍾意要出聲講清楚
-
我覺得版主應該係我以上講0既0個種.
-
my MSN [email protected]
add me if U want a new friend ^_^
-
做人隨和0的.
唔好下下都咁斤斤計較.
唔好下下都咁嚴肅.
唔好太記仇.
大方0的, 大量0的.
常面露笑容..
咁就易識朋友架喇~
正所謂: 在家靠父母, 出外靠朋友.
-
可能妳大自我啦
-
我都盡量比返d內心反應人架啦
(但其實好驚架)
即係比如佢講左句說話我覺得好hurt
但我唔會比佢睇得出
仲會笑曬口咁
但其實心入面就好hurt
同自己講唔好咁小氣
跟住發現擺左係心入面好耐都仲記住
然後到有一日就嬲左人
但無人知咩事
但要我即時有反應好難
唔知點解我見其他人都會好自然咁會發惡, 會嬲人, 會質人, 會有面色,
然後就無事繼續咁相處
但我做唔出(好驚破壞關係)
我會一路做到好好, 好開心, 無脾氣
但最終就會爆...
-
性格0既改善, 係需要時間
-
唔開心咪出聲lor, 放在心又想返, 反而唔好.
-
其實你話你0的朋友令到你唔開心, 咁可唔可以講下佢地做左0的咩野或者講左0的咩野令到你唔開心呢?
-
佢地有時一句半句無心之言...
但我就好小氣
我唔敢講
又唔敢即時反應
就係驚人覺得我太小氣
因為都係d無聊野
都係d可能傷左自專心既說話囉
但佢地可能係講笑(但最奇怪我學佢地講笑...佢地又會嬲)
-
你既然對 方係"無心之失"的 話, 咁你咪學習一下大方0羅.
-
我有架...我無即刻嬲佢地...又無面色...仲要笑添
但隔一排就會好嬲
我都話我麻煩啦
唔係人地唔鍾意我...
就係我唔鍾意人...
唉
所以只能建立短暫關係
上網就最岩我....
-
上網就最岩我....
by aoishe - 04/14/08 00:04
你面對現實啦~
唔通你呢世都只係屋企上網咩~
覺得自己有問題, 咪積極去改0羅.
-
笑你肥、細粒之類?如果係咪當佢地細路女算啦
-
講真你性格同我好似, 我都冇朋友, 希望可以同你個朋友
-
笑裡藏刀....好驚....
做朋友坦誠 D
有咩唔岩聽咪出聲囉
人地唔係妳肚裡面條蟲
妳唔比反應�
佢下次又講咪死多兩錢重
-
我自己就比較隨和0既.... 係0個種唔太斤斤計較0既人, 好經得起開玩笑, 又可以開人地玩笑0既人...
因為我真係知道, 出外靠朋友0既道理.. 咁當然啦, 如果真係 0的不懷好意0既人, 我會好小心啦~~ 出到黎做野, 多一個朋友始終都好過多一個敵人, 做人圓滑0 的, 對自己一定有好處.
呢個係我0既意見, 希望可以幫到你.
-
靚女
凡事是很講缘份和臨場經驗的 !如果是你的怎跑也跑不掉的!
做好自己最佳女主角的角色多找點臨場經驗操練操練!
你的感情就會發展迅速的哦!我能申請做您的好朋友嗎
我5"7高,單身,75KG重,43歲有車,樣子還行的哦!住港島太古城這邊
希望您能給我機會發揮發揮行嗎?
我的 msn 是 [email protected]
-
aoishe還在嗎? 認真想識你呢類朋友