好想識多d養貓既朋友,一起分享養貓既點滴...





  • 我自從5年前家中1隻4歲的貓貓走失後,這幾年我都很自責,唔敢再養貓~

    但機緣巧合一年前我遇上這隻討人喜愛貓女"妹妹,重新x點我想再養貓的一團火,這次我做足準備,設置貓網,勁睇養貓指南,短短一年我由原本的1隻貓已增至3隻貓了~



  • 你係再買多2隻定係佢生BB?



  • I am a 33 male, really want to know why you all love cat? Before, i didn't touch or understand cat, I want to understand a person who very love cat! Many thanks!



  • cat

    hi,除左"妹妹"之外,其餘兩隻都係領養的,分別係兩歲既"波仔"同4歲既"kinki",反而"妹妹"係最細,就黎1歲~

    c

    hello,其實我都鍾意其他小動物,但覺得貓最能討我歡心~

    貓唔似狗會盲目地忠心,好似冇咁熱情;但貓好懂得分辨邊個對佢好,佢心情好既時候會主動親近你,有時又會很獨立地自尋歡愉,非常有性格~

    或者就係這種性格,令我不能自拔咁愛上佢地~

    題外話-----好似有些女人,身邊有忠心善良對她又好的男人不愛,偏偏鍾情風流不羈對她忽冷忽熱的浪子~



  • 5月,

    Many thanks your reply.

    I am a serious person and actually want to understand further! But i think i should not occupied your thread to get what i want! So i will create a thread to achieve my want!

    Wish i can see you there and you could find a person with a same road of you for sharing ! bye



  • c

    其實係邊度傾都冇所謂,亦歡迎再你入黎~



    我先生原本都唔鍾意貓,但為左就我最後都同意左養貓,養左之後佢對貓既態度改變好大,佢開始抱貓,同佢地細細聲講野,(仲溫柔過對我><),但佢好偏心對隻貓仔特別好,對兩隻女會冷淡d~

    佢仲試過有次開緊工見倒一籠街貓bb(5隻)被遺棄,佢竟然工都唔開住,周圍搵d愛護動物組織幫忙收留佢地,最後仲開車送埋佢地去,一個原本唔鍾意貓既人可以改變到咁,我真係好感動~~~



  • 我先生都不愛小動物,不過養貓後就越來越愛它們啦~~

    http://www.abin-hk.com/bbs/index.php



    呢度好多愛貓一族咖~~



  • 我真係想識多d貓友,得閒可以傾下貓經,唔知有冇呢?^.^



  • 我養左兩隻貓,波斯溝接耳,好可愛架!



  • 一隻就黎1歲...一隻兩個月,兩隻都係女呀



  • mine

    你好呀^^

    我隻好好下個月都1歲生日喇,你會點樣同貓貓慶祝生日呀?我會比d佢最鍾意既野食侉全日任食~

    我的妹妹同波仔係安哥拉,kinki係美短~

    你的貓貓係咪長毛既摺耳貓呀,好可愛啊!



  • 打錯左~

    我隻好好下個月都1歲生日喇=

    我隻妹妹下個月都1歲生日喇



  • 5月:

    我會同我朋友兩隻貓一齊慶祝,因為我朋友果兩隻貓同我隻貓同一胎架! haha

    佢地都唔算太長毛,中長la



  • hello, 你地好, 我有兩隻貓貓, 兩個都係女! 大女就快一歲, 細女三個月! 初初接細女返黎, 大女好唔鐘意, 不過而家佢地已經玩埋一堆, 尋晚仲第一晚一齊訓!!!



    以前我都唔鐘意貓架, 覺得狗有性D, 不過自從自己開始養貓之後, 知道貓都好有性, 好可愛, 好乾淨, 好乖, 所以我而家真係好愛貓!!!



  • Miko,

    我都係呀,以前對貓冇太大興趣! 不過而家發現佢地都好嗲,好可愛呀!



  • mine,Miko

    好高興認識你地呀,我覺得每隻貓都有唔同性格,有d平時好cool,但當佢主動痴你果陣會特別sweet;

    有d又會係你好累時走黎用前腳堉你按摩,真係咩唔開心穿3唔記得曬~



  • 又打錯~

    真係咩唔開心穿3唔記得曬=

    真係咩唔開心都唔記得曬~



  • 我都好開心係呢度同你地傾計呀. 而家我個大女訓左係我前面, 細女係隻腳隔離跳黎跳去! 係呀, 我覺得隻隻貓都唔同, 雖然外表就好多都好相似, 但一定認得兩個女, 佢地D表情同小動作係有得認架! 平時返工又支力又大壓力, 不過一返到屋企見到佢地就開心曬! 我自己住, 以前仲成日心掛掛驚個大女自己係屋企悶, 而家有妹妹陪佢!



    不如講下你地第一日接貓貓返屋企係點呀. 我個大女BB係愛護動物協會接返黎, 果陣佢兩個幾月大, 佢地話係街拾到佢. 初初黎到佢好怕醜, 我又未養過貓, 大家都好迷惘. 初時我諗住最緊要係俾佢知道邊度係食物, 邊度係廁所, 但佢成晚都係好靜咁, 野又冇食, 廁所又冇去, 我熄燈訓覺佢又自己走返入個籠度訓, 好似兩個陌生人咁...



    第二朝我起身要返工, 見佢仲係未食野未去廁所, 心諗返工一定會心掛掛啦... 點知我食食下早餐, 聽到佢個砂盤有D聲, 原來BB終於去廁所! 果一刻真係覺得佢好乖, 雖然貓唔駛好似狗咁TRAIN去廁所, 但總之呢個MOMENT係好難忘架... 咁然後我就好放心去返工啦... 下次繼續. ^_^



  • 我兩隻貓都係朋友比ga,兩隻貓一黎到屋企就周圍玩,都唔係太驚! 而家去完街返屋企,隻大貓一定坐定定o係門口,等我開門果一刻就叫ga~好可愛! 細果隻,黎左我屋企只不過兩個幾星期,暫時都未識,哈哈!



  • Hi, girls and boys, I like to share my thoughts with you all, I have two cats now at home (both British Shorthair Blue), one is a boy and the ther is a girl, I found them the most loved thing in my life (except for my wife), I like their temper (which sometime is cool and sometime is so happy and friendly), I named them Monster (Boy) and Evil (Girl), they are the most adorable things in my life. When I first get the cat, I do hesistate to hug them, since it was my first time to own a pet, but now, everyday, I have to hug them and play with them. They changed my life and also my views about pets, they are like my family members now!



  • 太好了,多左咁多貓友,好開心呀^^

    我記得妹妹初初返黎頭兩日都係唔食野乜滯,又唔肯比人抱,非常cool~

    直至佢慢慢適應和信任我時,真的很感動,到佢5個月大既時候,終於肯比我抱一陣間(只限我咋,家裡其他人免問)

    我見佢一隻貓貓好似好孤獨咁,咪上網幫佢物識返個同伴囉,機緣巧合地比我遇上左"波仔"----1隻被人遺棄我安哥拉~(待續)



  • 波仔既前主人因為有左bb,佢奶奶唔比佢再養貓,佢就將波仔放晌寵物店等人收養,點知一迎放就大半年,佢每日都困休個籠度,又缺乏照顧,搞到有虱,比人剪短曬d毛,咁樣更加冇人要佢,幸好寵物店職員上網知道我搵緊貓伴,問我有冇興趣收養波仔,我見倒泳仔既第一個反應係,"好地地一隻貓點解搞成咁?!"我毫不考慮便決定領養佢,立誓要養到佢肥肥白白!

    返黎左我屋企半年,真係肥左好多,有17磅咁重,搞到而家要幫佢減肥添~~



  • Hi 5月:



    我都係剛剛開始養貓貓, 係bb黎, 雖則係貓, 但同揍人係無分別, 返到屋企見到佢真係唔覺疲倦架, 依家佢好似識得係門口等我返黎, 一開門就見佢好似迎接我咁, 不過又好曳曳, 居然走出門口, 好百厭!



  • 係呀! 睇住自己隻貓貓由楚楚可憐, 而家你養到佢肥肥白白, 真係好開心架! 我個大女初初黎到屋企果陣又驚青, 又怕醜, 而家佢係屋企好似天王咁, 我男朋友成日話我太寵佢, 但係我一諗起佢細個係街度唔知受過咩苦, 就好想錫曬佢, 等佢呢世都唔駛再受苦. 不過...其實佢都好乖, 只不過有時野蠻D.



    你地係點餵貓貓架? 我知道每日定時餵係健康D, 不過我平時要返工, 所以都係放低係度佢地隨時食. 而家仲衰, 大女同細女食唔同野, 但佢地成日撈亂黎食... 仲有我男朋友成日俾人既食物俾個大女食, 攪到佢鬼咁為食. 細女得3個月大, 我唔俾佢亂食野住.



  • Miko,

    係呀,定時餵係健康D ga ! 不過好難可以定時餵!





  • 你好!貓貓咁百厭走出門口,真係要小心d至得~

    miko

    唔好比咁多人食既野大貓食呀,太重味既會對貓腎臟唔好架~

    我係每日分兩餐比貓貓食,但新貓kinki因腸胃唔好,要放長糧,肥波就成日走去偷食,冇佢符~



  • I have 2 cats. One black short hair and one white long hair. Both male. They are so funny~~



  • 哈,今日落大雨行雷,d貓貓走曬上床喱埋,好搞笑!!



  • op

    hi ar^^

    你d貓貓幾大呀?多d上黎傾貓經丫~



  • 5月:



    放心, 走廊位係無窗的, 不過我都唔想佢走左出去, 話曬外邊都dirty d!



    係呀, 今早落咁大雨, 又行雷又落咁大雨, 我隻b唔知會唔會仲係教台呢, 實在誓心到死, 真係想即刻飛番屋企睇佢呀o





  • 你貓貓得一個係屋企驚唔驚行雷架?比我都會擔心~

    今晚勁行雷,我波仔好鬼細膽,驚到想跳上我個仔張上格床,可惜佢太笨重爬到一半跌返落黎,我成家指住佢係咁笑,好衰!!!(不過當時真係好好笑^0^)



  • 5月:



    呢兩日發覺隻貓貓打噴嚏, 琴晚挨係我間身好地地咁訓, 突然間, 佢向住我打左個大乞嚏, 會唔會係貓貓冷親, 但我見佢又食得走得玩得喎?!





  • 如果佢食得玩得訓得便問題不大,但如果佢打乞痴好密,又有眼水鼻水,就要睇vet 喇~



  • 我想講下另一隻貓-----kinki既故事;

    kinki係我兩個月前領養返黎既美國短毛貓,kinki好嬌小玲瓏架,初初黎得6磅咋 ~

    佢好可憐架,拒前主人因屋企小朋友嚴重算敏感而唔耍佢,佢已經4歲,生過兩次bb架喇,但佢前主人一路都冇同佢絕育,獸醫話可能佢生完bb冇乜點"補",佢已經甩左幾隻犬齒喇~但健康大致上都冇問題,我已經帶佢做左desex,仲同佢轉左bb糧,佢肥返少少喇,依家有7.5磅~

    我好支持領養,因為真係有好多寵物被人遺棄,其實佢地都好可愛,好值得被人寵愛既~



  • 5月, 你好有愛心呀! 雖然我都好支持領養, 兩隻貓貓都係領養番黎, 但兩次我都係淨係想要幾個月大既BB, 始終都有少少私心, 想由細到大自己湊大佢. 上次去接細女果陣, 見到有好多幾歲大既貓貓, D貓BB唔識野係個籠度跳黎跳去, 但D大貓就好可憐咁係咁喵我地, 好似好想我地接佢走咁... 本來我一心想要岩岩出世既貓貓, 但見到D大貓咁喵法, 有幾刻真係好想要隻大貓, 但最後都係要左BB貓... 而家諗番佢地都好心痛, 希望佢地最後都會搵到個幸福既家啦...



  • hi, 各位



    我起初剩係鍾意狗(屋企有兩隻西施, 一隻買既, 15歲, 一隻拾返黎, 13歲)



    不過我男朋友鍾意貓, 甘佢買左一隻布偶貓返黎(叫多多, 1歲3個月), 一個月後又買左隻英短(啤啤, 1歲)返黎, 之後我就迷戀左貓貓!!!



    過多兩個月, 我地又一次買左兩隻貓返黎, 一隻雪豹貓(piper, 1歲4個月), 一隻布偶貓(oreo, 11個月, 同我同一日生日!)



    我食家愈來愈鍾意貓, 返工都諗住佢地... 我諗我下一隻貓會收養返黎



  • miko

    其實你會領養貓貓,都已經很有愛心~

    我初初都會擔心貓貓幾歲大會唔會好難教或難相處,但事實係相返囉,佢地會特別痴人,又嗲喎~



    我都覺得養貓係會上癮,一養開就會失去理智,愈養愈多,我老公講明3隻已經係極限,唔可以再養喇,嗚......T___T"



  • hi..

    我個仔己經1 year old 喇..唔知係唔係因為佢係男仔, 唔係好跟人, 以前細個就會跟我瞓, 不過大大下就自己出龐瞓, 但佢最鐘意係朝早一早入黎跳上張床度, 跟住行上我心口, 之後就猛"lam"我塊面, 同係我心口度印...但平時, 我在睇電視時, 佢唔會來跟坐我坐, 佢自己坐佢自己的地頭...重有呀, 如果個part-time 來做清潔時, 我又不在家的話, 佢會好似跟尾狗禁跟住個part-time, 直至我回家後, 佢就會唔跟..自己又開始去番自己地頭坐係到等運到...好得意架....



  • 係呀!! 養貓真係會上癮, 我以前一D都唔鐘意貓架, 但而家當左自己都係貓!



    飛媽... 我個大女都會朝早跳上黎我心口架!! 不過唔會LAM我塊面, 但會係咁喵, 要我摸佢個頭, 幫佢MASSAGE! 然後佢個樣就會好冧咁! 細女仲未識咁做住... HEHE



  • 本身我自己養開狗,一個月前開始養咗隻貓bb,好得意、好可愛!但係佢唔識係貓砂到大小便,每次呵完尿尿又會一腳踩番落去,一d都唔乾淨,又成日要人同佢玩,十分貪玩.....哈哈!想問問各位....我點可以教到佢識係貓砂大小便呢?



  • i used to have 2 cats.. but the gals just gave birth about 2 months ago... now i got 5 =.= ... thinking maybe sell those babies out



  • 飛媽

    你隻貓仔好有性格呀^^

    Miko

    我隻kinki都鍾意朝早跳上床搵我架,佢仲會用4隻腳幫我由頭按到落腳咁叫醒我~

    好好可能有d妒嫉佢,唔係好妥佢,成日撩佢打~__~"

    miu

    你試下將d有貓尿味既紙巾/報紙放係貓砂盤,再徹底清潔佢痾左便便既地方,唔好留有味道,否則貓貓又會去返果度痾架!仲有,貓貓未絕育都會四周圍小便架~

    Blind

    快d帶貓爸爸同貓媽媽去絕育啦,唔係好易又搞出貓命架喇~點解要賣左d 貓bb既,不如送比有心人領養啦~你都係想幫佢地搵d有愛心既主人家嘛~



  • 飛媽:



    我隻b好鍾意跟住我, 我行到邊佢就跟到邊, 我咪問佢乜事呀, 喵下佢, 佢就好似細路仔咁要抱, 又係我對腳high黎high去, 間唔中都放個脾, 嘩, 好勁呀!



  • 請問大家知唔知呢隻 Virkon's抹地水係話for寵物用, 大概係幾錢呀? 因為有人用橙x寶同滴露都得, thank you thank you!



  • 今朝阿仔一早(未夠6點)就入黎, 叫我瞓好比個心口佢坐上去,又"lam"又腳印印.... 唉6點都未夠, 你話佢幾冇時間觀念..."lam"完冇耐又走左去, 之後大約7:15分又番轉頭...再叫我比個心口佢, 我冇理佢, 於是佢就係我 耳邊"喵".....佢真係一隻猫肉閙鐘...





  • 我冇用過Virkon's抹地水喎,我都係用橙x寶既~



    我最怕呢就係d貓肉鬧鐘,晌我放假既時候都照鬧,叫到你醒為止,想訓晏d都唔得><



  • 5月:



    首先謝謝你答左我個"頭罩"點做法!



    今日, 我同隻貓貓去左睇醫生呀, 見佢今日仲打乞嚏, 公司又唔鍾意某某然請假 ><" 於是放工飛番屋企揍佢去睇醫生, 醫生話佢細隻無乜抵抗力, 所以好易冷親唔出奇, 對眼仲好似有層膜咁, 比左d藥/眼藥水, 哎, 第一次喂藥好緊張又騰雞, 可能佢都唔鍾意食(自己都唔鍾意啦, 仲無水送添 ...), 貓貓食完之後個身得住我呀, 好彩嬲左我一陣, 我一味同佢say sorry, 但我有同佢講要食藥快d好嘛, 仲要食10日呀, 陰功 :(



  • miu - 如果貓貓亂咁周圍便便, 你可以試下將佢D野食放係佢亂咁便便個位, 咁佢應該唔會再係果度亂咁黎, 因為貓貓鐘意乾淨, 唔鐘意食物同便便同一個地方架. 不過你話佢係貓BB, 亂咁郁佢D食物可能攪到佢好迷失, 所以你試下5月個方法睇下WORK唔WORK呀.



    以前我個大女好痴我, 晚晚放工返到黎佢都係咁喵我, 朝早又一定會黎叫醒我, 不過自從細女黎左之後, 佢就少左嗲我, 又唔會定時定候叫醒我... 點解會咁架? 佢係: 1) 唔開心因為分薄左媽咪既ATTENTION所以唔睬我, 定係 2) 以前自己一個好悶所以成日要我同佢玩, 而家有細妹同佢玩, 唔駛成日痴媽咪?



  • 大家好,好耐冇上黎喇,我隻大貓而家好錫隻細貓呀,初初仲驚佢呷醋添呀,而家佢地成日一齊瞓覺! ^0^

    係喎...你地屋企開唔開窗架?有冇裝網架?


Log in to reply