姊妹玩兄弟玩得太過分



  • 尋日個friend結婚,幫距做兄弟,去到接新娘既時候,例牌要玩遊戲,其中一part係飲不知名既飲料,有個兄弟抽倒一杯未經溝稀既白醋,距飲完之後就跑到後樓梯“劏”,跟住成日無胃口食野;另一個就抽到一杯由N包辛辣麪湯包沖成既野,飲完之後成日覺得火消心加胃痛,其他包括鹹到不能再鹹既鹽水,同苦到不能再苦既涼茶。之後最後一part係叫幾個兄弟同新郎對住videocam唱歌跳舞,不過要帶住胸圍。我覺得d女人玩得好過分,不但傷身仲非常帶侮辱成分,但班姊妹不知睇得幾開心。據我所知全世界(除左雲南小數民族)發達地區只有香港人結婚先會玩埋d咁無聊既遊戲,亦只有香港d男人咁無能會心甘命抵比d唔識既女人玩。淨係接新娘應份被玩li一樣野已經足夠説服我唔會聚港女。(p.s.不過港式姊妹既兇狠只限對住d男性同胞,如果新郎係鬼佬,我肯定d姊妹唔會玩,美其名係鬼佬唔興,實質係唔敢玩,因爲人地係鬼佬)



  • 我聼過有同事話試過做姊妹果陣要d兄弟用牛皮膠紙“痴”腳毛



  • 乜真係有d咁既遊戲架 .. ??

    咁做會傷害人哋身體wor,

    d人心地唔好 >___< ..



  • 姊妹玩兄弟都唔緊要, 最緊要遊戲開心, 只令大家有少少尷尬有意頭咪好囉. 使乜要令人難堪?!

    甜酸苦辣好多人都有玩, 但玩到要嘔, 過份喇



    我記得有次報紙寫, d姊妹用工業用醋俾兄弟飲, 卒之出事有人死咗, d姊妹有無腦架?



    有次我朋友結婚, 姊妹要新郎做掌上壓, 對正口個位有張尿片, 上面有張保鮮紙, 再上面有pat撈到好似屎咁既食物(我估係咖喱), 新郎都好俾面有玩有食, 但俾你班婆娘奚落到個姊妹既老公又點? 第日呢個老公仲有無地位企? 變態~



  • 老實, 玩接新娘遊戲係以前留落黎既 "傳統"

    又老實, 班兄弟都預左要比人玩, so that 班姊妹先要攪野玩



    我做姊妹時要籌備遊戲都不知幾頭痕, 我個人認為可以唔玩就大家 happy



    但, 咁又搵 d 咩野代替呀 ?? 唔多唔少都要有 d 野令新郎覺我娶老婆 "好辛苦", so 以後要錫佢多 d..........



  • 玩下開心下無所謂,輸左罰下都ok,但係要搞到人地咁真係太過分,你lum下成杯醋咁飲落個肚到(重要係空肚呀陰公),唔胃出血已經好好彩,但係果日成日都唔方好過。我真係唔明點解d所謂姊妹係都要玩得咁折墮架呢?係咪非要玩得咁過分不可?



  • 你乾脆拎佢10萬9千7, 佢就好辛苦囉~



  • 其實唔係一定要玩架wor,我阿媽話以前淨係興玩開門利是講價,邊有e+咁多野



  • 哈, 十萬九千七, 你要左佢條命好過呀



    上次個新郎準備左三千幾開門利是, 點知班兄弟覺得貴, 一手槍走左........哈, 都幾攪笑



  • 老實, 三千幾蚊我個人都認為係多, 意頭姐, 其實每個姊妹拎幾到一百蚊都好 happy 架.........我地又唔係大富大貴之人



    so, 齋講開門利是價都唔講得幾耐



  • 咁咪係囉, 做乜要整到個新郎個被人look down咁啫?

    開開心心跳吓舞唱吓歌唔好咩?

    等個男人記住娶個老婆返黎個日係好開心咁娶唔好咩?

    話你聽, 男人比女人記仇, 你咁整佢, 佢第日記喺心, "哼, 我咁辛苦娶你返黎, 我依家勞役你你都唔好嘈呀. " 咁點算?



  • 我事後問個兄弟點解明知係濃醋都照飲,距話比面新郎哥wor,但係我覺得新郎哥就唔係好比面我地班兄弟咯,做兄弟預左擔擔枱枱同頂酒,但係唔係應份比d唔識既女人奚落!



  • 其實呢d咩野,唔係由d姐妹決家0家窩。個新娘可以出聲0家嘛!通常我地做姐妹會問下個新娘要唔要錫住過老公定點。搵一大堆遊戲再俾個新娘揀。太過份其實新娘可以reject0家嘛~好日子玩出問題來就唔好啦•



  • 總之d姊妹同新娘都係蛇鼠一窩啦,個新郎哥又無鬼用,爭在未食屎



  • 咁就過份�轠。當日有冇機玩返d姐妹轉頭﹖



  • 緊係無啦,根本結婚擺酒就係女人天下,加上女家踏馬,新郎哥又擺明無所謂,我地d兄弟可以點。我發覺d女人真係變態架,如果我個仔第時聚老婆要比人咁玩法,真係肉赤死,我隨時會要個仔悔婚



  • 我同其他fnd講,以後邊個結婚都唔好搵我做兄弟,真係好多繁文縟節,多鬼餘



  • 爭在未食屎



    by 版主 - 03/20/08 12:59



    食咗喇, 我講果個case仲唔算食咗????



  • 咁我都覺得玩得好似過份咗, 大喜日子, 可以玩得開心d, 就算要新郎戴胸圍都可以搵d卡通d, 得意d嘅款, 令人一睇就會想笑, 而唔會令人覺得好似低能果d囉.



    我好反對吃埋d唔知咩野嘅大整古, 一來吃入肚嘅嘛, 二來人地都係俾面個新郎先肯玩, 萬一出事都唔知點算.



    不過依家來結婚我都覺得好無聊, 都唔知為咩, 日頭做埋d低能野, 夜晚玩埋d游戲仲白痴, 乞錢都有喎, 真係大吉利是 !



  • 我做過好多次姊妹啦, 好似上面都有人講過, 做姊妹要諗遊戲又要預備道具都好煩, 我地都係俾面新娘先搞咁多野, 你俾我揀, 我寧願用d時間扮靚自己好過, 仲有, 基本上所有遊戲新娘事前一定知, 佢都唔阻止, 咁就要怪你個friend揀個咁既女仔做老婆



  • 人哋叫得姊妹搞, 唔通又呢又路話唔好咩? 咪又俾姊妹話錫住老公, 有老公無姊妹??

    做人, 過得人過得自己啦



  • 嘩, 梗唔係啦, 次次有friend結婚, 都係結婚果個大哂架, 我地全部都係佢妹仔咋



  • 唔可以話新娘無阻止你班姊妹就可以爲所欲爲。個新娘結婚大把野煩,幾時得閑會管埋你d姊妹玩乜。難道新娘唔反對你就可以叫d兄弟食屎?問心果句,根本好多姊妹係見機不可失,於是玩到有咁盡得咁盡,但求有得笑下,點會理人感受。人性係醜惡既,有得玩點解唔玩!



  • 只有香港先有d如此他媽的無聊既習慣



  • 冇計, 鬼叫你個老友娶個低質素既老婆, 低質素既老婆先會有低質素既姊妹. 你老友冇鬼死用, 要 d 兄弟頂埋 d 咁野, 絕交把啦!



  • 好在我班姊妹唔係咁

    唔係比人有排唱

    不過有時睇返人地結婚d姊妹鬼殺咁嘈成個死8婆咁

    我係女人都覺佢地好樣衰



  • 你估淨係我個fnd咩,我唔係第一次做兄弟,不過以前多數做司機,所以接新娘既時候都係下面看車。d姊妹玩人既狼死法聼都聼唔少,例如叫個兄弟落街買衛生巾然後係個cashier面前拆開攞出黎玩,個兄弟無得偷雞因爲有個姊妹跟住用手機拍低做證



  • 不如講吓大家接受到玩乜?



    我記得一個, 姊妹叫新郎去敲隔離屋門, 同鄰居講我今日娶xxx室既xxx, 希望你祝福我地!

    我覺得呢個好sweet!



  • 我可以接受玩IQ題,懞住眼玩估物件,even向鄰居報喜都無所謂,但係唔可以接受要食埋d不知所謂野落肚,帶胸圍跳舞,剃腳毛li類低裝侮辱野



  • 我記得我果時, 夜晚飲宴時, 唔知邊個帶咗一個迷你舞獅頭同鼓. 我同老公就一個舞獅, 一個打鼓, 通場走, 依家好似好低能咁, 但果時係好熱鬧好好氣氛!



  • 個老公係自己既錫住佢有咩野問題﹖唔會體諒新娘的就不是FRIEND啦。玩咩野當然要新娘OK先得啦。自己野都唔得閒理咁就唔好怪人地玩D咩野。



  • 我覺得玩無問題,但係唔應該令人難堪咯(更加唔應該傷身)



  • 有無d兄弟玩到發脾氣

    要d姊妹sa曬lum既經驗呢...haha

    其實佢地玩咩姐

    人地要接新娘走就一定gala

    太過份激到人火咪玩返自己

    好瘀ga ma



  • 我聽過有兄弟建議玩轉頭, 封3封開門利是, 1封正常, 2封少好多, 叫姊妹抽, 抽到幾多就幾多. 各安天命. 姊妹熬低唔敢玩.



  • 又聽過新郎發火唔玩, 唔接新娘走咗去!



  • mos replied @ 2008-03-20 3:37 pm



    又聽過新郎發火唔玩, 唔接新娘走咗去!



    ~~~~~~~~~~~~~~

    lee d正式叫抵x死, hahaha!!!



  • 通常d男人就算點比人玩都會表現得無所謂,因爲li樣野已經係約定俗成,你唔玩驚會比人話搞寸party。但係約定俗成唔代表一定係arm,亦唔代表一定係有必要



  • 其實我覺得接新娘玩遊戲已經好無聊,唔通新郎同班兄弟做唔到就唔結婚咩...

    對於飲d 古怪野,食類似屎.尿d 野我都覺得好反感,,大佬,,人地都有阿媽生架,掉番轉頭班姊妹去到男家俾人咁玩係咪得先..我唔覺得著住胸圍跳舞有幾好玩幾好笑囉...



  • 但, 咁又搵 d 咩野代替呀 ?? 唔多唔少都要有 d 野令新郎覺我娶老婆 "好辛苦", so 以後要錫佢多 d..........





    ------



    Sorry, 正好相反, 結婚前咁樣玩我(我會當正係新娘默許), 將來我一定報仇咁報.



  • 其他包括鹹到不能再鹹既鹽水



    一個人只要一次過吸收一細碗鹽以經可以死得,

    仲要係洗胃,乜野藥都無得救,

    因為身體吸收鹽o既速度極高,

    而人只要吸收一細碗鹽以經會肝、腎衰歇

    一個正常人都知道o既基本常識,班姊妹無可能唔知,

    所以一有事發生,一定係謀殺!



    不過可以反影一個事實,

    香港女性不單不認為香港男性是人,

    也証明了香港女性認為香港男性的生命連畜牲都不如!



    仲要一有男人爭取人類基本人權,生存權都要打壓

    當一個男人連生存權都無,仲點同外國人比較?





  • 吓,咁狼?我地淨係叫新郎哥唱歌同叫d兄弟抬新郎哥吻結婚相中的新娘子咋喎(不過幅相掛係天花板上)。



  • 據我所知全世界發達地區d人結婚都唔會玩埋d種無聊野,唯一反映既係香港係發達社會中男權最低落既地方,d女人根本完全唔當你係人,只係一個奴才同提款機,只係對住d鬼佬先會表現出東方女性既溫柔。接新娘玩埋d侮辱人既遊戲,d港女仲振振有詞,理直氣壯,話你唔玩就無風度,就算有d女人口口聲聲話無聊,我估百分之九十九到真係有得玩既時候都一定會玩埋一份,有得羞辱下d男人,何樂而不爲jie!因爲普遍香港女人都唔會理人感受,尤其男人既感受。



  • 你果班姊妹真係影衰曬我地d港女, 唉~~~~~



  • 我係女人,都覺接新娘遊戲極無聊!唔知邊個話一定要做,個個都照跟。我地一齊住左幾年,所以由自己屋企一齊出去,冇接新娘儀式



  • 咁又唔使講到港女邪惡咁交關,接新娘,玩弟兄,呢的係香港傳統,其他地方唔興無關係,香港人興就得啦。

    事實上,接新娘時,姐妹玩弟兄呢個傳統,唔知幾时開始變成一面倒弟兄比姐妹糟質的變態玩意,其實應該係女方出難題,考男方應變力,佢再變態,唔代表你要盲目就範,弟兄需要以智慧保讓新郎順利接到新娘,而唔係任人魚肉。

    以前試過一次,女方玩得太過份,都係飲豉油醋之類,我地唔肯飲,班八婆就閂門,於是我地成班夾左個新郎去飲咖啡,班八婆開門唔見哂班男人,等極唔見人,仲要周圍搵新郎。



  • 一向討厭低級趣味,但不反對有味幽默點到即止的....



    現在的婚禮真是越玩越過份,有損健康、傷害他人身體和帶侮辱成份都唔應該繼續了



  • durc replied @ 2008-03-22 7:46 pm



    以前試過一次,女方玩得太過份,都係飲豉油醋之類,我地唔肯飲,班八婆就閂門,於是我地成班夾左個新郎去飲咖啡,班八婆開門唔見哂班男人,等極唔見人,仲要周圍搵新郎。



    <------玩得0甘過份...還擊都係一件好事~

    姊妹要有分寸 , 兄弟要有立場~



  • 以前試過一次,女方玩得太過份,都係飲豉油醋之類,我地唔肯飲,班八婆就閂門,於是我地成班夾左個新郎去飲咖啡,班八婆開門唔見哂班男人,等極唔見人,仲要周圍搵新郎。

    --------------------------------



    我係女人我都覺得呢個方法好正!!!



  • 你地所有講既…都比唔上我呢一單



    識得有個人…佢男友(依家係老公)有次做戥穿石,係新娘屋企門前,新娘個妹遞出一杯透明既液體,要新郎飲左先肯開門



    朋友個男友好好人事,為新郎飲呢杯野,點知果頭一飲完,果頭就覺得好唔妥,死忍左一段時間,都係頂唔順,重嘔左d血出黎



    跟住立刻去左醫院,檢查原來個腸胃內臟已經燒爛左,後尾發覺果一杯液體原來係工業用既醋



    新娘個妹本來只係想佢地飲食用醋,但係叫個阿媽去買醋,個阿媽又唔識野,求其去左屋企附近既化工舖買左d醋,以為係一樣



    就係咁…佢個男友結果要係深切治療部住左好耐,要開刀切除果d爛左既內臟,係鬼門關前面徘徊左好耐…先至慢慢康復



    所以…我都好贊成…玩還玩…但真係唔好要求人飲乜野食乜野,唔好話搞到人無命咁大件事,即使有一d損傷,都過意唔去





  • @^@''''' replied @ 2008-03-22 9:00 pm



    你地所有講既…都比唔上我呢一單



    識得有個人…佢男友(依家係老公)有次做戥穿石,係新娘屋企門前,新娘個妹遞出一杯透明既液體,要新郎飲左先肯開門



    朋友個男友好好人事,為新郎飲呢杯野,點知果頭一飲完,果頭就覺得好唔妥,死忍左一段時間,都係頂唔順,重嘔左d血出黎



    跟住立刻去左醫院,檢查原來個腸胃內臟已經燒爛左,後尾發覺果一杯液體原來係工業用既醋



    新娘個妹本來只係想佢地飲食用醋,但係叫個阿媽去買醋,個阿媽又唔識野,求其去左屋企附近既化工舖買左d醋,以為係一樣



    就係咁…佢個男友結果要係深切治療部住左好耐,要開刀切除果d爛左既內臟,係鬼門關前面徘徊左好耐…先至慢慢康復



    所以…我都好贊成…玩還玩…但真係唔好要求人飲乜野食乜野,唔好話搞到人無命咁大件事,即使有一d損傷,都過意唔去

    ************************



    lee個case真係痴線...........


Log in to reply