有冇人去睇過蔣文正, 係大圍, 都幾準~
-
-
你係咪買緊廣告﹖
-
有呀....500睇流年, 我睇過, 80-90準............
-
我聽人講蔣文正批八字幾準,
我朋友比佢批過。
-
可否告知聯絡方法,thx
-
mobile: 90851971
only meet client on friday, sat and sun at 12-7.
大圍翠田街新田村37a地下
-
我去過1次, 睇流年&占蔔問事(搖龜殼果d),
我覺得都好準呀,因為果陣新年師傅唔睇八字,遲d我都想搵蔣師傅睇八字.
-
咁價錢算不算貴呢??好似係$800八字, 但我覺得佢都幾準囉....
-
sun
請問佢占蔔問事收幾錢呢?
thanks!
-
moncha,
如果我冇記錯的話,睇八字應該係$950,雖然我仲未睇,但我覺得呢個價錢唔貴呀,我有朋友睇過其他不知名果d師傅都要過千,仲要唔準亂講一通.
vivi,
$250問一件事.
-
moncha,
你係咪睇過呀?會講d咩架?大約睇幾耐?會唔會你第時係點果d之類架?
Thanks!
-
oh...原來已經加左價...我以前早幾年睇都係收$800..我有fd去問事都好準...佢真係幾好, 又多野講, 仲會用紙寫低d point比你...我睇過幾年流年了, 收500.....
sum
通常講事業, 愛情, 健康, 家庭之類囉...半小時就睇完, 都會講第時係點.....不坊一試~
-
moncha,
係呀,占蔔問事真係好準.
咁我諗睇流年都加左價喇,因為我今年第一次去睇已經收$600.
嗯......我都諗住遲d去睇一睇八字,唔該哂你呀.
-
蔣文正絕對係HK少數有料的師父
http://www.manbo.net/mcc-0102.htm
-
sum,
唔使客氣...其實我早於6年前已經搵佢看流年和8字了, 但近年沒有找他....所以加了加都唔知道:p...我都想再睇下今年流年~
他都好多人等架, 我當時係你3點去, 可以立即走人, 因為有排等, 以前又無助手幫佢, 會好亂又忙, 佢一路接電話一路同你講8字..不過都好好人, 講野又準, 以前唔係上址同人睇, 係車公廟前面, 半露天地方幫人睇, 之後應該搵到錢, 咪搬囉, 而家係村屋到睇, 有冷氣, 好好多了.......
-
moncha,
我果日未夠11點就去到已經有人等緊,我排第2,等到12點幾先有得睇,到我睇完果陣已經有十幾人等,所以我下次去睇八字時都係早d去,唔係都唔知等幾耐...
係呀,我覺得蔣師傅都幾好人,上次我除了問事仲有睇流年,睇流年果陣我都有問佢d姻緣問題,佢都有答我,但唔係講好多囉,所以我諗住再去睇八字.
-
我諗住下星期六去睇,請問可搭咩車去呢?近邊頭呢? (因不熟沙田,所以想問清楚。)
-
o係車公廟隔離, 好易搵.
可以搭火車去到大圍或車公廟站再行過去, 個人覺得o係大圍站行過去近d.
-
翠田街新田村37a地下
係唔係 類似西班牙式三層丁屋?
-
係呀!近停車場果邊,剛剛轉角位
-
我想問係係就咁去揾佢,駛唔駛make appointment?
八字果d個價錢係for幾耐ga?
-
圓圓,
係呀, 好易搵, 車公廟隔離有個停車場, 再行過去就一眼望到架喇.
ying,
除左睇風水之外其餘一律都唔需要make appointment, 係先到先得輪籌形式.
-
我想問下
平日係唔係唔開ga?
-
睇八字佢會同你講幾耐架,詳細嗎?平日去會唔會少d人呢?
-
平日唔開, 只有5, 6日, 12-7pm
8字講30-45mins度
-
請問睇八字即係睇咩呀?
-
我今日去左睇流年,好彩十一點半去到,可以睇第二個,之後都已經 FULL Booking. 我睇左大約三十分鐘,很詳細,而且師父好細心咁將所有野寫在紙上,成三頁咁多,可方便第時拎黎睇。不過暫時仲未知準唔準。
-
圓圓 :
咁係咪由今年年頭講到年尾呢? 會否講d特別事呢?
-
圓圓
你睇左幾錢呀?
-
我估係由年頭講到年尾掛,因為佢係張紙度MarK 低 "2006 狗年" ,我就冇講咩好特別的事,不過佢講哂工作、姻緣、身體、自身、家人等,都幾全面同詳細。
流年 600 元,我諗住睇左流年準唔準,遲d 先決定睇唔睇八字。不過講到姻緣,佢都有順便講下我末來十年的姻緣。
-
hi 早晨圓圓,
我都想今年去睇, 佢真係幾好人同幾準架, 我之前睇過佢, 我當年犯太歲, 佢就送左個玉配俾我, 雖然唔係d乜貴野, 但佢真係好細心喎,仲行出黎教我睇家風水~
-
我都覺得佢幾好人,會俾唔少善意的意見,而且最重要係佢睇客時唔會認叻同 show off, 我之前睇過d 師父,有些經常講自己威水史,講我就冇咩,我好怕呢類,而且佢將你的運程寫低張紙度,師父話好多人年尾就會係張紙 tick ,睇下中幾多
-
圓圓,
我琴日都有去喎,唔知有冇撞倒你呢??
我都覺得師傅好好人,我係去批命,因為覺得呢兩年乜都唔係太順利,所以睇下幾時轉運,所以我諗睇八字會好過睇流年!!基本上佢講o既野所有都準,除左一樣o者,最犀利係一d我冇講過話我想做o既野,佢都睇倒,仲話我今年應該會做倒,好開心呀!!
-
我琴日12:15 分睇,係第二個。我睇流年,師父寫左好多野,暫時工作同姻緣未知準唔準,但身體方面就好準,因為佢講我健康的問題,我之前係冇,係今年轉新工開始。
-
甘睇八字幾錢呀?
-
八字要1000 元
-
但系我無時辰,只知道生日日期,可以看流年嗎?
-
Car
咁我想問下,你睇八字o既時候,師傅會唔會講多d關於最近幾年將會發生的事,還是係general咁講你一生o既事業、姻緣、健康等係點呀?
-
欣欣,
其實師傅會好general咁講,不過因為我好focus問佢我d衰運過未,所以佢都講左幾多呢兩年我會發生o既事,如果佢睇倒一d好特別o既野就會即刻話你知,但我覺得最好係諗定一d問題,如果唔係,到走o既時候會發覺有好多野佢只係講左第一步而自己唔記得問第二步!!
師傅睇得準唔準,我好快就知,因為佢講我兩個月後會有轉變!!
-
我諗無時辰,只能占蔔問事,不能批命或睇流年,因為佢個度寫明,就算強硬睇都唔準。
-
car
唔該曬。其實我係諗緊應該問流年還是八字,因為我特別想知道o黎緊幾年o既野,流年又只係講今年o既事,八字又怕太general。
不過睇完你o既意見,我估我應該選擇睇八字,但就真係要識得點樣先可以問得foucs些。
我之前都聽過其他人話呢個師傅真係好準,所以都好想去睇下。
-
我想問下, 佢營業時間係???
星期六日開唔開ga ???
-
.
-
佢批蔗好叻,落刀好準架,最堅係批黑蔗,
批雪梨都唔係野少
-
我今日去左睇,佢講既同我之前睇既師傅同塔羅幾唔同
我好關心我既事業,但唔知點解佢好似想講我姻緣多,可能佢認定女仔會想知姻緣吧?但其實呢方面我不嬲好少理
佢仲話我屋企風水有問題,教左我點改
我希望掛左有用啦
佢話我最早6月,最遲11月會轉工,今次轉既工會好過而家呢份,到時再同你地分享返準唔準
-
to, 我
佢又係話我最早6月,最遲11月會轉工 wor.
咁佢叫你掛既野係咪又係類似風鈴既野???
唔通你八字同我一樣???
如果唔mind, 請email 我交流下.
[email protected]
-
咁岩?@.@
不過佢叫我掛風鈴唔係因為我八字,係因為我屋企向西
我先講年份呀,我係 82 年,你係咪先?
-
我 75年
-
咁我地完任唔同喎......
又會咁岩既^^
佢因乜事要你掛風鈴?
-
都係風水問題la,
我冇房門ga