傷得好痛....原本以為可以成為戀人,點知突然聽到朋友話佢有左女朋友!!!
-
3個月前,我地開始聯絡,但唔熟,
佢同我講佢生日,佢話好想同朋友食餐飯,問我得唔得,佢叫我叫多兩個朋友去,
果日好開心,我地幾個朋友開始熟~
兩個月前,
佢話屋企冇人,叫我上佢屋企玩,
佢個男性朋友都聽到,跟住另一次成班人,佢個FD就問其他人去唔去,
但當時都係講下,未定日子果D,到左去之前幾日,佢先搵我,叫我去,
後尾我話有d事都係唔去,我話你地玩LA,我以為好多人,
點知佢話淨係叫左3個人(我係其中一個)
我仲好記得佢果晚同我講過d咩...令我覺得我好重要.....(或者我永遠會記得呢番話)
果晚玩到好夜,佢送左我同個女仔落MTR,
之後佢打左3次電話黎問我去到邊?番左屋企未?又叫我返到屋企打比佢~
兩個月期間,我地差唔多個個星期都見,
有時我地兩個,有時有其他人~
一個月前,
佢開始打電話黎我屋企同我傾計,同埋玩MSN,
朋友話我地係曖昧關係,
我識左佢之後都對佢好有好感,但佢地話想認真拍拖就睇定D,散拖就巳經得LA~
其實我唔清楚佢心意,因為佢從來有暗示過話中意之類....
但我覺得大家都有好感,於是同自己講,當大家再熟D,聯絡多D,我就同佢講我心意~
點知....
突然佢最近佢都冇搵我,我以為係之前同佢講我呢幾個星期會好忙~
前幾日,我個FD同我講佢有左女朋友......
果晚我成晚訓唔到,好心痛,第2日忍唔住仲喊.....
-
pls find new good companion again.
-
唔洗傷心o既,可能喱個男仔根本一直係有追緊第二個但你唔知o者,
d咁花心o既人,你係唔值得為佢喊架!
-
nothing strange
-
我只係唔明點解之前佢對我咁好o者....
最慘ga係,同我講果個fd唔知我中意佢,
因為我都係中意左佢冇耐,佢仲要係我面前話佢點好點好....
果刻真係好想同佢講其實佢之前勁約我,你仲係咪覺得佢咁好.....
我地仲會成班fd成日見,都唔知點好,好驚佢同埋佢女友黎...
-
男人一日未表白
一日都唔好當佢鍾意妳
而且男人對女人好唔一定代表 D 咩
可能對佢黎講呢 D 只係朋友上既關懷
唔代表 D 咩
-
阿龍,
我都有咁諗,一直都唔知佢對我係朋友ga好定出於有意...
但有時佢做d於我會覺得唔只朋友咁簡單~
如果係佢親口同我講佢拍拖,我諗我會認為佢一直當我係好朋友囉~
-
唉....有時男人做 D 野出黎唔駛估佢咁多架
盞估估下自己個心都亂埋
好老實講
就算佢 kiss 埋妳攬埋妳
都唔代表佢對妳有意思架喇
所以唔駛諗咁多
最多比 D 位佢入下
佢冇反應既咪當佢朋友算囉
-
有d野....唔好愛得太遲....呢個時勢...你選人...人選你....我係男...都試過你講0個個男仔既事.....我會覺得有d野....唔會單方面...
-
我都冇扮曬野say no果種~基本上佢每次約我,我都應 佢~
又試過主動約佢~我now諗返係咪就係因為我有吊住佢,所以咁呢?
3個月前我連佢個名叫咩都唔知,咁都要d時間去認識先中意到,
你估真係一見鐘情咩?!>_<
-
我now諗返係咪就係因為我冇吊住佢,所以咁呢?
-
Can I help?
-
我諗係喇.....可能你比佢既感覺難接近....過份保護自己呀...
-
之前我識0個個女仔就係咁....之後我識左第2個女仔...未同0個個女仔一齊之前....我都有暗示過...不過佢不停過既都係佢以前男朋友...對我黎講....我只會覺得佢個心...重停留0係以前...so我...我都唔迫佢...之前我直接同佢講我有鍾意佢...但...佢依然都係咁.....之後我咪同第二個一齊囉....知後佢知道又話我呃佢....又話我講大話....其實....都唔知關我咩事
-
>>>可能你比佢既感覺難接近....過份保護自己呀
下???我係話我都比左機會佢,相反有時我覺得自己做得太過出,
有次佢約我睇戲,連話睇咩戲都未講,我就話去.....
其實你果個女仔會唔會係...講緊反話或者係其他....
-
我就試過對個女仔好少少
攪到佢以為我鍾意�
自此之後我對任何女仔都冇咁好喇
-
我0個個算啦...都過去左...係喎...我叫kent....做個fd...有冇msn
-
可能性
1.佢只係當妳係一個朋友
2.佢一直係有溝緊第二個
3.佢一直有觀察妳,可能發覺唔係好啱key
4.妳一直都自作多情(唔好介意我直接咁講)
-
其實點為之好小小先??
你對得人太好,我都會咁諗la,
例如幾個女仔fd,你淨係對我特別好,我覺得你中意我,有咩咁出奇??
我個ie唔知有咩問題,成日都沒有回應,跟住就hang,要山曬再開過.....
-
蠟筆小新,
1,2,4 我都有咁諗過.....
但點解佢要對我咁好o者?!
-
食野幫佢買埋
請佢打機咁囉
我真係唔覺得咁樣算對人好囉
我連送佢返屋企都冇啦
所以我先奇怪....
-
stephy
唔係 ie 問題
係 she 上面果 D 廣告食妳部機既資源太多
所以就會 hang
-
咁冇計啦....
男人對女人好又唔係...唔好又唔係....你想點...
-
" 3.佢一直有觀察妳,可能發覺唔係好啱key ", 已經係點解佢要對妳咁好既答案啦!
我係男仔,如果我係佢,我都會咁做啦!
-
所以宜家識做啦
對人好之餘
亦都會對人冷淡 D 中和下
費時又有誤會
-
kziv,
有啊!!
但唔可以淨係對某個女仔好,如果你對個個都係咁,咪冇野囉~
阿龍,
我都覺得奇怪,因為你做ga野真係幾一般~
蠟筆小新,
唔啱key ,咁我都冇計lu.....佢之前仲開口約我做某d野,
都唔知仲約唔約佢好....
係咪真係冇灣轉呢?
-
唔啱key唔代表你唔好架,可能佢只係發覺唔啱佢要求啫......
-
by the way ,佢約你做某d咩野先?
-
佢叫我教佢某d運動o者,佢叫我約佢,佢話驚阻到我~
佢之前又叫我得閒打去佢公司,但我又驚阻住佢所以冇打到~
-
咁都睇對手既.....就算係我想對人好...都會選擇想邊個好d既...可能算係你好運......令到你今次既不幸
-
打左第二個名添,haha~
-
stephy hihi
咁妳現在有什麼打算
-
stephy,
你仲想有咩彎轉呢? 人地都有女朋友, 你同佢又未開始, 只可以做返普通朋友啦, 做唔成情侶, 做朋友都可以架,可能遲d你冇左"想一齊"呢一種心態, 會發覺佢未必係你想要o既人.
講返開頭, 佢都唔係得你一個女性朋友架. 感情o既野,可以發生得好快, 何況佢一路都冇表明d乜野, 可能真係觀察緊,學你話齋, 大家都未了解清楚對方, 想睇定d都未定. 佢發覺另一個女仔適合佢多d, 就同果個女仔一齊. 你都唔使太唔開心,你又唔係鍾意左好耐, 特然俾人搶左. 再唔係, 你當唔知佢有女友, 睇佢話唔話俾你知, 如果佢keep住單獨約你, 可能想繼續曖昧, 咁佢都唔係好人啦.
而窕大家繼續做朋友啦, 唔好放係心度, 約左某d野, 如果佢都想照去o既,咪去囉, 因為佢有女朋友就唔去, 仲俾人覺得你對佢好有野. 大方d, 可能有更好o既男仔等緊你呢.
-
鼠鼠,
>>>因為佢有女朋友就唔去, 仲俾人覺得你對佢好有野
係喎!!我就係唔係好想其他朋友知道呢單野~
其實我好想問佢有冇拍拖(扮88下果隻)
但又好想一直扮唔知落去.....
我咁唔開心ga原因係太突然!
佢星期一至6都返工,sun約我,除非同事la,否則我都諗唔明發展得咁快!
-
星期一至六都返工, 唔代表唔會約下其他人架嘛. 就算唔出街, 都可能傾下電話, msn..只係佢冇必要咩都話你知架.可能佢同果個女仔係識左幾年o既朋友呢. 一直冇火花, 近排先撻著.你o既口吻, 好似係佢女朋友,唔明佢點會有時間去識第三者..哈哈..講笑.
而家咩都唔重要啦.當係一個美麗o既誤會囉. 唔好再放感情落去. 如果唔係,搞到三角戀, 你會更唔開心. 信我.^^
-
係啊~哈哈!!連我自己都以為係~
佢連佢屋企有咩人,咩生活方式都講曬我知(唔係我問佢架)
銀行有幾錢又話我知~
好似o岩o岩開始又要結束咁~~
最怕ga係我係咪可以完全扮冇野係其他朋友面前扮冇野?!
-
我覺得佢係個d唔會主動開口跟女仔一起ge男人,可能會主動比機會o個d.就係突然有個女仔出現佢又覺合心水又主動,佢就接受左,, 你比人'節糊'
-
佢講咁多私人野俾你知, 對你都有一定好感, 就算唔係鍾意, 都當你係知己啦.
到左而家, 你唔想結束都唔得啦. 你唔扮冇野, 又可以點丫..感情事係咁,timing 好重要, 過左去, 就唔好再諗啦. 乖啦. ^_^
-
asap ,
睇佢個款又唔似係咁被動囉~
鼠鼠,
唔制AR~~ ~_~
-
我估估下ja ,不過好多男人係咁,命中%相當高,女講一聲好過男講十聲
-
冇你收...唔通你想搶返佢返黎咩?
佢好靚仔架? 有咩吸引到你呀?
-
我個樣都好似好主動識女仔果d人啦, 不過事實我就好少主動追女仔, 就算係鍾意, 都放係個心度..好多時都好似你咁,俾人截糊. 鬼叫自己係怕羞又被動o既人咩..怕俾人拒絕嘛.
-
養貓o既老鼠 你可以主動比多D機會人地,主動開口問對方接唔接受你好講TIMING
-
asap,
我之前拍拖, 我仲諗緊點開口, 個女仔已經表白左. 我真係怕食檸檬掛,冇九成把握,都唔想講囉. 你知啦,一開左口,就收唔返,大家o既關係亦可能會改變, 就算做得返朋友, 都覺得有d 尷尬. 可能仲會避你添.我就係驚咁.
-
我係度諗....可能佢地好快唔夾就散呢~
講真佢有某方面女仔未必接受到~
我又唔覺佢靚仔囉~但話我聽佢有女朋友個FD就成日話佢靚仔囉!!
至於吸引我就....
其實我平時好小同人講我中意D咩或者我屋企D野KA~
所以好多就算識左好耐GA FD都唔知,
但佢境然好快就知道左~~同埋同我性格都係果類人~咁冇乜壓力
-
個女仔已經表白左!?
咁唔好咩?
-
如果佢地唔夾分開左, 你到果時先再諗啦..而家繼續鍾意,可能係浪費時間,會錯失其他機會. 如果你冇對其他男仔有興趣o既, 都可以繼續o既..你自己知做緊咩就ok啦. 睇你都係唔會咁易就心熄..唉!
-
鍾意o既女仔對自己表白,當然好.不過都係好耐之前o既事.
不過如果係自己冇興趣o既. 都幾尷尬架,要好小心咁拒絕對方, 始終都係女仔, 人地鼓起咁大勇氣講出黎, 我都唔想hurt佢.
-
嘩..要成個鐘先post 到野..she真係唔掂.
我訓喇. 留個msn, 想add就add啦.
[email protected]
-
我有個fd 對個個女仔都好好 ~
但係原來背後既原因係.... 睇下邊個女仔開口先~就上 ~
真係低蕉