一句"比唔到幸福我"
-
<p>最近同一個男仔來往，佢好似都有點鍾意我，同我出街都對我好好咁o既~ 我地仲成日sms...兩個幾星期前，佢都有o係sms話掛住我，又問返我會唔會掛住佢~ 仲問我想唔想(我問到明，佢就話做佢女友囉！)<br />o係一個星期前，我對佢開始有好感，愈來愈care佢... 但上星期佢遇到d唔開心o既事，就係佢救唔到一個人...... 我都有keep住去關心佢。前晚，我終於忍唔住send sms問佢仲想唔想同我一齊，佢話有少少想啦~ 問返我，我答同佢一樣，跟住佢話等我想多多先... 我因為佢少左理我而唔開心，佢果晚仲同我傾電話到凌晨點幾鐘，佢好眼訓先叫我第二日再o係lunch time打畀佢... lunch time，我收到佢sms問我食完飯未~<br />但係我琴晚我放工o既時候，佢竟然覆話佢諗左成日，覺得佢比唔到幸福我，雖然佢有少少鍾意我，但係佢真係唔想阻住我搵真正o既幸福，仲話對唔住！</p>
<p>我真係唔明點解會咁o架... 我好down... 好傷心... 覺得自己個心已經有左佢~ 我可以點呢？</p>
-
He is succesfuly to catch your heart
<br>in other words, you were played
-
咪將自己既青春押在呢亭人身上
-
可能係因為佢突然間對自已失去信心呢?
<br>其實男人時不時都會有好down既時候架，你上面咪話佢因為救唔到一個人所以唔開心o既，可能係因為呢件事既影響到佢先會對你咁講啫...
-
easy~
<br>PK him lor
-
比唔到幸福通常係籍口. 但佢可能釣住你, 但唔會commit
<br>
<br>佢係唔係人馬座或雙子座?
-
佢話我地仲可以做朋友嘛，但我覆話自己唔慣有d咁樣o既朋友... 仲叫佢delete左我~ 之後就一直都無覆喇~
<br>而我o係回家路上已經將佢個電話delete左，返到屋企仲delete埋msn(仲記得o既)... 如果佢唔搵我，我就搵唔返佢o架喇~
<br>我琴晚真係好唔開心，仲喊左出o黎......
<br>
<br>re: 小花
<br>佢係天蠍座~ 我都係！
-
re: 文
<br>o係果件事發生左之後，佢對我真係冷淡左d... 而且初初唔肯講發生咩事，我過左一兩日再問過，佢先講我知咋...... 之後就見佢o係msn改一d好負面o既名，形容自己失敗、痛苦...
-
咁佢係唔係做果D救傷隊之類既工作，重要係新仔岩岩入行無幾內果種啊?
-
re: 文
<br>你好聰明！佢有做義工o係救傷隊做野，不過都有一段時間o架喇... 唔係太新~
<br>應該係8年前入，中間好似停過(不過佢無講我知，係我自己發現)~
-
咁你知唔知佢... 係唔係第一次救唔到人呢?
<br>唔好聽咁講... 如果位傷者真係死系佢面前既話... 對佢打擊都真係幾大架
-
su, 我嘅係ex係人馬座, 佢鍾意講呢句嘢. 但每次我give up唔再理佢, 佢又扮可憐, 又咁又咁. 拖泥帶水, 結果拖吓兩年才真正分手
<br>
<br>如果佢再揾你, 你一係試吓了解背後原因, 開解吓佢. 一係就冷却一下再算啦, 但係佢如果真係躭擱你嘅時間, 你就唔好再拖啦, 同佢88
-
re: 文
<br>咁我又唔知呀！無聽佢講過！
<br>佢話果個係一個地盤工人，由高處墮下~ 佢唔識果個人，不過應該係同佢果個site做野，佢知道後就去救佢，果陣個人仲未死，無流血... 淨係典下典下咁~
<br>
-
我有個friend系消防隊工作，佢個team-mate去左... 佢都要去睇心理醫生...
<br>咁你話打擊大唔大啦...
-
re: 小花
<br>我都唔知佢仲會唔會搵我呢！
<br>我想同佢一齊都係因為覺得佢係一個好人，而且佢對我都算幾細心！
-
re: 文
<br>消防員都係佢夢想，考到之後，佢阿媽唔比佢做~
<br>佢話唔講呢件事(有人死左o係佢手)我聽係唔想我唔開心喎......
<br>但佢又知唔知佢唔講，我會覺得佢唔當我係朋友，仲講話鍾意我喎！
-
其實你有樣野做錯左架-
<br>當佢遇到d唔開心o既事時候 keep住去關心佢係岩，但係你send sms問佢仲想唔想同你一齊就唔係好岩啦...
<br>
-
我想反問一句,
<br>如果佢真係同左妳一齊,
<br>而妳真係發覺「佢比唔到幸福妳」係事實,
<br>妳會點?
-
re: 文
<br>我都知，自己有時都衰心急...
<br>但我唔做都做左囉... 又係果陣佢叫我諗好就講佢知o既~
<br>咁我可以點呢？
<br>
<br>re: ai
<br>呢d野... 到時再算啦！
<br>
-
我可以講既野就只有"一切隨緣"囉...
<br>有時有D野可能真係整定架...
<br>你而家無野可以做啦... 只要做返你"平時既自已"就得架啦
-
re: 文
<br>我都知~
<br>好多謝你今晚開解我呀！
-
我真係唔明d男人諗乜呀！
<br>究竟佢係咪玩緊我呀？即係知道自己追到手就特登唔同我一齊......
<br>琴晚我o係msn問佢鍾唔鍾意我，佢reply話鍾意又點唔鍾意又點~ 跟住我就要offline... 之後用sms繼續... 我問佢成日笑我係咪代表作弄我，佢話唔係... 跟住我繼續正話個問題，我話鍾意同唔鍾意緊係好唔同啦！鍾意就睇下佢願唔願意做果個人，唔鍾意我以後咪唔煩佢囉~
<br>佢就淨係叫我訓啦！唔好諗咁多啦！
-
個男仔好似無乜自信，遇到困難又會去逃避。跟他一起可能你時常鼓勵他，又要避免令他面對太多壓力。
<br>
<br>你想清楚自己是不是想跟這樣的人一起吧。
-
咁人地都話自己俾唔到幸福妳啦,
<br>仲同妳say sorry,
<br>咁妳仲可以點?
<br>佢咁做,都係唔想同左妳一齊先發覺有問題.
<br>唔通妳會認為,
<br>佢同左妳一齊,俾唔到幸福妳,
<br>仲要俾妳飛左佢,真係咁過癮咩?
<br>佢都係唔希望呢個悲劇發生啫.
-
我問過佢點解咁講，佢停左一停又好似講唔出，我覺得係唔想講吧~
<br>話無得解o架喎！我問係咪佢覺得？佢話係覺得囉...
-
Sutera
<br>就係因為咁你sms 比我 你想我同你講乜丫
<br>
<br>其實你都慣架啦 係咪 仲講黎做乜丫
-
我都話唔明男人諗乜o架啦... 佢前日開始又搵返我, 而家又想同我一齊喇~