4. 荃灣寵物黑店- 貓狗天地

荃灣寵物黑店- 貓狗天地

  • W

    荃灣悅來酒店對面果間 "貓狗天地"好差! 最初去係因為佢有大玻璃可以見到入面的情況，以為可以放心D，最初都淨係去沖涼的，到最近農曆新年後，帶狗狗(史納莎女)去開裝，我話剪史納莎裝，唔要裙邊，(我諗好多人都明係點，尤其係做寵物美容的) 點知個老板娘仲問一輪大廢話，...D鬚要幾長? 即係幾多cm? 隻腳剪唔剪? 條尾剪唔剪? 留唔留波波? 我問留咩波波? 佢指住張玩具貴婦嘅相話好多人都鍾意留波波尾! 但我就從未聽過史納莎留波波尾囉!! 最後都係唔放心，俾張相佢睇，佢都無望過就叫人抱左狗狗入去，話時話去我咁多次我都無見過老板娘抱或掂過D狗，全部都叫人做，鍾意狗嘅人唔係咁架囉!
     
    經過6.5小時後 (唔知點解要咁耐)，終於可以攞番狗狗，一心想盡快帶狗狗回家，所以無即場驗屍咁驗，返到屋企至發覺狗狗大細面、條尾無剪過、pat pat毛無剪過、隻耳無剪過，一兩日後狗狗身上D瘡瘡番發，仲以為係之前去狗酒店惹返來的，但一直都醫唔好，每次去完沖涼都會番發! 
     
    狗狗剪毛出事都算喇，諗住下次唔去囉~  其實同日我在佢樓上的門市部訂了一個狗背囊($680)，因為我不要display果個 (已經起晒毛毛同污漕)，所以落訂$300等新貨，幾日後收到電話，個職員話而家訂貨要八百幾(完全唔明點解幾日貴左$200!!)，叫我一係用$680買display果個，嫌貴就落舖頭退錢~
     

    經過今次我好肯定依間"貓狗天地" 只為賺錢，為咗剪快D，就求求其其剪快D，剪多兩隻~ 收左訂先坐地起價，當你傻仔~  所以請各位唔好再幫襯"貓狗天地"及告知你的朋友，以免俾人當傻仔~
    0
  • B

    thanks

    0
  • M

    thanks

    0
  • C

    thank you

    0
  • S

    thanks....

    0
  • P

    thanksss

    0
  • T

    thanks

    0
  • L

    嗯嗯，知道了，謝謝你的提醒

    0
Log in to reply