我係咪無機會o勒?

你講緊咩呀?

如果對方有男女朋友就冇機會啦. 未正式都仲有機既...

同佢已經曖昧o左一段時間, 但佢係有女朋友o既。我地好多時都有親密舉動, 但佢都無講過d咩去confirm我地o既關係。卒之都係我同佢講o左, 我話大家應該坦白D, 我問佢係咪真係鍾意我? 佢同我講話同我相處得好開心, 但驚混亂o左係咪真係鍾意。佢話要諗清楚,唔想hurt我, 同埋想可以以後繼續同我無所不談。
 
 我唔明, 鍾意就鍾意, 會混亂嗎? 定係佢都仲未對我完全坦白??
 
 同佢仲有可能嗎?

羊羊..
 算啦..
 
 我都試過..
 男人就係咁
 最終佢都係同返佢女朋友一齊
 
 我地女人.. 係咁..

牛牛, 我都想算, 但我想放手幾次都放唔到。幾次o勒, 佢都唔放我走, 一直係咁糾纏不清。我唔捨得呀! 我真係好鍾意佢。

羊羊,
 
 我知.. 我知你唔捨得..
 但係.. 有0的野無辦法..
 
 係要忍痛.. 唔係永遠都會咁樣落去
 到終有一日佢同你講佢要結婚..

牛牛,
 
 唔知呀。佢話唔想hurt我, 其實一直佢都hurt緊我, 或者佢狠狠地同我講佢唔鍾意我, 我會快d醒。
 
 以前我曾經好狠地叫佢快d結婚, 佢話佢唔會結住。我都好驚佢結婚, 但佢俾好多希望我。
 
 我都唔知係佢唔放過我定係我唔放過自己。唉。

每個男人係呢0的relationship入面講0既野都係一樣....

牛牛,
 
 有人同你咁講過?

嗯..
 
 無論佢有無女朋友都好..
 總之曖昧關係.. 都係咁
 永遠都唔肯搞清楚大家0既關係..
 
 所以.. 我都係及早離場算
 唔可以控制人地去傷害我
 但係我可以控制自己離場.. 唔俾人傷害到自己

我已經試下確認自己o既位置, 我話想同佢一齊, 佢話仲未可以。唉, 我仲要係一個唔被佢承認o既第三者。
 
 我有個好傻o既想法: 為佢, 傷都值得。身邊所有人都話唔值, 叫我唔好再咁落去。每次到我醒少少想放手, 佢一d少少舉動, 我又再迷落去啦。
 
 你好勇呀, 我覺得自己做唔到。

其實你都可以..
 
 佢有無諗過分手?
 既然無.. 你就提出話想同佢一齊?
 佢當然知你想同佢一齊.
 
 當你心灰意冷0既時候就做得到嫁啦..

我唔知佢同佢女朋友點o架, 我之前扮唔知, 佢又一直無提。佢有一次試過提過一句, 我即刻話佢, 所以佢唔會o係我面前提。我同佢最近發生o左d事, 我覺得係時候問佢, 所以我講o左。我唔想再估嘛, 我想坦白d。
 
 心灰意冷, 佢一叫我, 我又sweet死啦, 點心灰意冷丫?!
 
 我今日先同自己講, 如果而家咁o既情況都唔走, 我呢世都走唔甩。

羊羊
 
 當一個男人唔肯承認大家既關係, 佢一來唔駛對你負做男朋友應盡既責任, 二來如果你唔迫佢既, 佢會好享受呢種感覺, 享盡齊人之福...
 
 所以, 我覺得算啦...唔好糾纏落去啦...無結果的, 只會令自己更加唔開心同辛苦, 對自己好一點, 放手吧...女人青春有限, 搵個識得珍惜自己既男人啦...

要走一定走得甩, 係睇下你肯唔肯/捨唔捨得走既姐~加油啦~

羊羊,
 forget about it la... if he truly loves you, why he still hesitates?

原來好多男人都鍾意咁樣~
 但又好奇怪~ 女人知道男人唔好，都仲要中埋去~ 如果係鍾意你既，一早一齊左啦~ 駛咩左扭右擰呀~ 男人只係享受俾人愛慕既感覺咋！

唉
 
 you're right.

我成日都覺得自己好衰...點解人地有女朋友我仲要同佢糾纏?! 我知佢唔珍惜我, 但我又真係好想日日見住佢。佢唔想對我盡任何責任, 但又想我繼續對佢好, 佢真係好自私。但明知佢係咁, 我仲俾機會佢, 我仲要幫佢諗藉口。我好恨我自己, 有時亦都好恨佢。
 
 我唔捨得, 好唔捨得!! 或者真係我唔放過自己啦!

羊羊
 呢d咪係佢越衰你越愛囉~
 曾經我都好似你咁樣唔肯放手, 但到某個時候你會發現自己係唔放唔得, 我相信你會有醒既一日~

燈蛾撲火.

羊羊
 你所指曖昧，係有性關係？

又未到咁o既地步, 攬攬錫錫就有o既..

羊羊
 但係點解你未同人confirm個關係就攬攬錫錫？
 你唔覺得蝕底咩？
 
 咁你係咪鍾意佢先？
 
 而佢又會唔會只係抽水？

到最後,你都係會" 書 ", 因他一定會只愛他現任女友. 如果唔係,一早佢地就散咗啦......

你試下唔找�
 睇佢點先