如果係你,你會覺得"麪包"同"愛情"邊樣重要些?





  • 咁你認為面包係乜野先



    係只係夠生活開支?

    定係乜野呀?



  • 0係呢一刻

    我會揀面包.....

    現在正正是我諗左好耐既問題..



  • 同樣重要



  • 輝仔1980 ,



    麪包是飽腹的..

    要不然就要是"神戶牛柳"同"愛情"邊樣重要些?





  • 我係另一個thread都post過以下呢番話....



    我覺得係麵包

    因為無$分分鐘無野食

    無野食分分鐘連命都無

    連命都無又何來談戀愛呢?



    加上有幾多結左婚的人士佢的另一半會係佢呢世最愛的人呢?

    又有幾多個係2情相悅?又有幾多個可以地老天荒至死不渝呢?

    縱使大家1蚊都無,好似古時餐餐食蕃薯葉都無怨無悔呀?

    我覺得若果有都絕對係少數囉....因為依家呢個世紀太重視物質了.....

    崇尚名牌,注重外表,響往有要質量的生活



    再者我覺得愛情真係可以培養的.....日久生情係有可能的.....

    唔係點解D人可以同一個唔係自己最愛的人結婚呢?

    最愛只有一個而已....



    依家呢個世代,講的係現實再唔係童話式的美夢了

    適者生存好重要!!!



  • K

    呢個世界邊度會有完美架!!

    若能2者兼得又何須選擇呢?



  • NC

    要不然就要是"神戶牛柳"同"愛情"邊樣重要些?

    =>你講得岩!!



  • KL



    你講既野我都認同

    有幾多個真係因同另一半捱出丫

    唔係話咩野

    如果一個同你拍左好耐既女仔,見你份工又搵得唔多

    又保障唔到自己婚後生活

    你話佢走唔走丫~~



  • 如果一個同你拍左好耐既女仔,見你份工又搵得唔多

    又保障唔到自己婚後生活



    ==>都岩的..



    但係如果以香港來計...好似比較少唔會飽腹(雖然係有)

    ==>只係對方願唔願意同你一齊捱...



  • 無錯,就係對方願唔願意同你一齊捱

    依家呢個世界咁注重物質享受,好重視朋輩的影響

    就好似當你同一個陌生人相識前,好自然會望下佢身上著住咩

    揹住個咩袋,戴住隻咩錶,有無名牌,乜野都無講已經打量完人一番

    呢D唔係叫識睇人,係睇識唔識洗$

    如果大家的男友同女友行街食飯的洗費乜都度住度住,名牌、遊戲乜都唔識

    帶同佢一齊出席對方的活動又大出洋相,令你顏面掉盡

    咁又有幾個人會唔理世俗的眼光,繼續同佢另一半相親相愛,無隔膜呀?

    大部份人都會好自然咁覺得係大家的性格唔夾,跟住分開

    如果大家係揀愛情的話,跟本就唔會遇到性格唔岩,覺得另一半煩,唔識體諒呢D問題

    所以點解我話麵包先至重要,因為愛情只不過係一個掩飾,掩飾大家揀麵包個時的現實一面....



    以上純屬我過來人的感受,如果唔認同請勿罵我!!~>.<~


Log in to reply