兩公婆收入約26k,如果買樓月供9k算辛苦嗎?

不如供15k 啦, 俾息銀行賺喇...

你真係幸福

我地兩公婆比埋家用, 都唔見7k

細路仲諗緊生唔生

養得父母黎, 又要儲退休金, 都唔敢生細路

我家姐兩公婆收入都約有25K, 月供7K供樓, 家姐有係咁椅比家用3K, 但聽講姐夫冇比家用佢自己屋企, ( 冇做到仔女責任, 似乎自私左少少 ), 佢地都唔敢生細路, 重同我媽媽亂講話想過二人世界, 另外因為佢地有養狗, 佢地重成日稱呼自己Daddy , Mammy 呀咁, 我覺得好嘔心囉 ! 我亞媽咪吋佢地癡癡地線, 冇仔女又叫自己Daddy , Mammy ! 佢地都結左婚8年喇, 30到尾啦, 過乜二人世界呀 , 吹水咩 ! 我認為除左錢之外, 有d人係唔願意去承擔責任囉 !

各人有各人既選擇, 唔願意承擔選擇唔生, 好過生出嚟養唔掂又唔識教~

你咁有責任心, 抵諗d生番十個八個, 生埋佢嗰份囉

上面d人好無理取鬧,scooby_do 問如果買樓月供9k算辛苦嗎?同生BB有咩關係?講供樓嗎.

自己家姐都咁講，家下結婚一定要生仔咩？唔想承擔咪唔想承擔，唔通唔想教小朋友夾硬生會對佢地好咩？

過二人世界有咩唔妥？你自己又點？生八個呀你？

嘔心？點都唔夠你咁樣諗你家姐嘔心啦！

呢到Ｄ人一開口就Bee Bee Bar Bar....

當然係辛苦，你仲要計下銀行會唔會不斷加息，到時你就唔止供９０００元。仲有管理費同差餉，如果你租屋都係４－５０００，仲係全包。

你供９０００起碼有５０００係比利息，本金只係４０００。

以前我就好似你咁去供樓，終於頂唔順，供了２年半，上個月放了間屋，只可以取回首期，都算好彩。

板主, 如果26k-9k = 15k / 2. 每人得7.5k /一個月, 仲要save錢 wor….

辛苦少少啦, 但總好過幫人供樓.

其實供樓既金額唔應該超過收入既１╱３．因為而家既息口於旺市黎講仍然算係低，黎緊既幾年內一定會愈加愈多，到時分分鐘要供到１２０００－１３０００！

如果你兩公婆夾埋得2萬6，租樓係好過買樓，因為買o左樓你係業主，好多o野要負責，好似裝修、差餉、管理費…

除非你租出去(不過都要諗小心遇到惡租客)，唔係26k供9k…真係好辛苦o架！

係香港有時租樓係好過買樓, 除了負擔得起,e.g.收入35%-40%供樓,60%-65%做生活,e.g.投資,養仔女...兩公婆唔好為買樓付出大部分收入去供樓,最重要係付出大部分生命去供樓,好白癡.最精明就係買樓可以買間細d先,遲d有人工加,升職,有BB呀,先換間大d.我見好多兩公婆又窮又可憐,將自己推去死角,因為攞左over 70%收入去供樓,差餉,管理費... ,連正常生活娛樂都冇,連唱K都話冇錢去,唔敢生仔,覺得幸福嗎?都唔知道做人為乜?點解有d香港人咁辛苦,自已攞黎衰姐.....

精神分裂,

你咁樣講你家姐, 你哋唔係親生架? 而家好多養狗愛狗嘅人都會當佢哋啲狗好似自己仔女咁架啦, 有咩問題? 佢哋唔想生係佢哋嘅事, 關你鬼事咩, 更何況生個仔出嚟咁大commitment, 真係要諗清諗楚囉

生個仔出嚟咁大commitment,養寵物都係好大commitment....

原來人可以有心機愛護動物,就可以冇心機愛護自己子女喇.了解,明白,多謝!

To你先至精神分裂,

當然養寵物都係好大commitment, 不過比起養一個人嚟講我相信會輕鬆得多, 我自己都有養寵物, 亦選擇唔生bb, 其實每個人都有自己選擇嘅生活方式, 何必喺度拗呢, 你根本唔了解亦唔明白

to﹕To你先至精神分裂

咩有機心無機心呀？

我剩係想問你，養動物駛唔駛幫佢去搶名幼稚園、小學以致中學？養動物駛唔駛等佢去學彈琴、游水畫畫？養動物駛唔駛諗送唔送佢過外國讀書？養動物駛唔駛教佢要孝順父母、尊重忚人、有公德心？養動物駛唔駛鬧話傷害佢心靈、打兩下就話虐侍？

養動物o既人唔會望動物回報，因為佢根本唔會回報，聽你講一句都好開心，但係一日三餐，陪佢玩，有病睇醫生，無病打針desex。

養寵物一樣要有心機，問題係花o既心機時間對比家下d細路…基本上我都無打算生。

唔好講養寵物都係好大commitment, 喇

最大問題有啲人連自己親家姐, 都要講到佢衰衰咁既, 家下佢養寵物喳

唔講以為佢虐畜, 犯左咩大罪

其實呢位小姐精神分裂定係燥狂呀?

自己家姐都咁講，可見佢愛心有限，佢生親d仔女都一定係無品德d人。

唔生仔 is not a sin. why someone so upset?

唔生仔唔生仔我贊成唔生仔!!!!!!!!!!!!!!!!!

唔生仔可以計劃點樣過退休生活買間靚靚既屋

so 我贊成

I bought my flat (aroung $2 million) 8 years ago when I earned about 22K. I still have a little savings each month after paying the mortgage repayment. Of course I couldn't afford luxury items but my quality of life is ok after paying about 30-40% of my salary to the mortgage. And I will completely pay off my mortgage after 4 more years.

I think it all depends on your other financial burden, such as supporting your parents and other loan repayment, and whether you have a stable job.

比我就唔想有咁大責任, 我會揀供一間平平地既樓, 又或者係租樓, 咁樣, 即使是但一方突然失業或做得好唔開心想轉工, 都有能力捱到過度期.

或者我個case極端左d, 我地搵over五萬, 都只供一間五千幾既樓咋, 我唔係唔想住靚樓, 不過無壓力or住靚樓比我揀, 我揀無壓力. 當然, 你供得少, 剩返果d可以儲起佢, 第時換間好d既, 可以一筆過比or多d儲備金在手, 咁樣就輕鬆得多.

我都知辛苦左d,不過未來老爺俾首期真偽幫左唔少.而且打緊份工ok,應該年年有人工加

希望辛苦d都有個安窩樂啦

我就係見個親戚, 十幾年黎都租樓,家下成四十歲都冇樓,積蓄又唔見有幾多,租到七老八十咩

所以覺得買樓會供得辛苦,但起碼終有一日完丫

咁正經既題目，d 人都可以拗一餐既！