R哂頭,幫手諗下...



  • 我鍾意左個女仔,我地係大學同學,到而家都識左八個幾月...

    初初識佢已經有多少留意佢...
    後來就借d以同佢傾下計,見佢又nice...
    咁就開始有兩句...
    大概識左兩個月之後就開始有所行動...
    開頭就試下約佢睇場戲之類...
    點知佢就搵籍口say no...
    後來既一個月約多幾次都有各式各樣既籍口say no...
    前前後後約左三四次都食左檸檬...

    之後就咪唔約佢住,做下其他野先囉...
    得閒玩下sms,msn咁,d message愈send愈曖昧(我)...
    同埋成日有機會見佢就搵野同佢傾...
    有時言語上我都曖昧下咁...
    佢有時都會騷下我既...
    但當我再踩過些少佢又縮...

    咁樣chur左兩個幾月...
    冇乜進展之餘...
    唔知佢係咪sense到d乜,開始有少少避開我...
    當時我都覺得我同佢既關係變得怪怪地...
    係一班人個陣就好地地,但一單對單既時候就尷尷尬尬...
    心諗奶野,咪問身邊朋友意見囉...
    咁得出既結論係叫我收手一排先,睇下點喎...

    咁我又真係收手...
    係所有野收哂,d sms呀平時d曖昧野借d以個d行為全部收哂...
    直情當番佢係普通同學仔咁算...
    收左兩個星期左右...
    佢對住我個陣又開始自然番...
    當然我自己都因為收左手,所以都表現得自然左...
    就係咁大家既關係又冇之前咁緊張...
    不特止仲有些少驚喜...
    之前佢唔會俾我知佢太多野...
    同埋唔會同我玩得太癲...
    但自從我收左手之後呢...
    佢又開始講佢d野我知...
    有時我撩佢玩d低b無聊野(玩手指...)佢都玩...
    總知係一d我收手前佢唔會對住我唔會肯做既野...
    收手後又出奇地肯做...

    咁我咪R頭囉...
    究竟佢係以為我真係死心,已經當左我係朋友仔...
    定還是佢覺得咁樣發展係比較好...

    定仲有d咩其他可能性...?



  • 加油吧



    你有機會的~~

    如果真係照你所講咁..



    佢有少少逃避你可能係因為唔預備好拍拖

    又或者你真係急得太過份..

    一直keep落去..

    又或者間唔日去搵下佢食飯囉..



  • 我覺得佢已經當左你係普通或者比普通好少少既朋友



  • re mary:



    你咁講係咪姐係收得皮...



  • 我覺得佢係諗住吊起黎賣, 吊下你隱先, 點先你一下子CUT曬所有野, 佢咪即刻做返d野LO



  • 我覺得佢已經當左你係普通或者比普通好少少既朋友



    by mary - 05/15/07 14:48



    同意mary 所講



    我又唔覺得佢吊起黎賣, 吊你癮, 千祈唔好咁小人之心



    只係大家好黎好去做下朋友姐



    佢一口拒絶你, 到時有人話佢無情, 駛唔駛咁寸咁直接, 令你咁難落台



    如果你冇心等落去, 咪放棄囉



  • 其實我覺得你收得

    佢可能有男朋友

    你對佢好咪閃囉

    你對佢好似普通朋友,咪OK囉



  • 咁佢一路都冇話有男朋友

    佢最近同我講佢好耐之前拍過一次拖囉

    佢話一直都冇乜時間拍拖喎~



    除非佢有心昆我既姐

    否則都唔會呃我掛無端端



  • 無男友未必要接受你做男友架,咁有個朋友對自己好,個女仔唔會同你講“不如唔好對我咁好啦“,我覺得你一係死心做下朋友算,唔得既話,你咪疏遠啦



  • 佢好明顯enjoy緊你的追求,但當你因為收左手,佢似乎又緊張返轉頭,了解多d先,我覺得佢可能已經比緊機會你認識對方,要佢成為你女友,有效的方法不是你的曖昧表達,只需要有方法令佢喜歡你!站立係佢角度看一看,思索一下你有什麼好條件!



  • 我覺得個女仔根本唔知自己係唔係對你有feel.

    只係你收左手之後所有行動停曬,

    佢唔想少左個人對自己好/鍾意自己,

    所以就撩返你轉頭囉,

    我覺得你仲有d機會架,因為佢care你既所為,

    但你都唔好太急.....加油!!!!!


Log in to reply