【求醫】就黎30仲係處男,未正式拍過拖,以前都冇咩,唔知點解近派開始有種心慌既感覺



  • 性格比較內向,可以幾日唔講野果隻(但其實我頗識講野,外交場合可以好得體,所以工作上人地唔知其實我係自閉)、冷漠/漠不關心、優柔寡斷、自我

    咁多年來只喜歡過1個人,愛過1個人

    喜歡那位,當時我二十出頭,大家差唔多年紀,係公司同事。但當時我認為自己其實唔係真係愛佢,只限於喜歡,而且覺得大家性格差太遠,唔會長久(我希望拍拖能長久),雖然對方都對自己有好感,其實頗有機會,但最後無疾而終(<-可見優柔寡斷)

    愛那位,當時我二十幾歲,遇到佢改變左我好多野,佢係第一位令我知道甚麼叫愛一個人,我對佢也算好(對其他人黎講可能唔算甚麼,但在我而言從未試過對一個人咁好,因本身性格冷漠)。但係,佢有男朋友……本來已優柔寡斷,加上對方有男朋友,所以更加優柔寡斷。增經有一段時期是頗有機會,雙方也曖昧過,但自己既不進取與及唔識同女人同處,加上有個癥結 - 就是覺得對方為人頗花心,所以大家相處時我有點勒住勒住,結果我最後被拒絕了。

    這些年來其實身邊都出現過女仔表示對自己有點好感(兩三個),但大多是自己唔喜歡那類,加上對愛那位有一道磨滅唔到既芥蒂,而更坦白地講,我唔敢接受。(因對方有很多經驗,而自己只不過仍是一個青頭仔,不單指性,同女人相處方面亦是青頭仔)

    因性格比較我行我素,以前都冇咩感覺,但唔知點解近派開始有種心慌既感覺(原以為就算自己一世做處男都可以唔介意,但原來唔係)

    請問可以點解救



  • .



  • .



  • 兄弟, 你自己都識得分析自己有乜問題啦。交多些朋友, 習慣下同異性相處, 過一段日子你就會知佢地諗乜同點樣相處架喇, 唔難的, 女人只不過係感覺主導, 同男人理性主導、做事都有目的有理由好唔同, 習慣下佢地既模式, 表達多d, 主動做多d 但諗少d, 就算諗都唔計較, 咁就好易相處到。似乎你都不愁沒有女仔青睬, 冇乜好擔心啦, Good luck...



  • 男人唔主動唔通要個女仔黎主動嗎?

    唔係話女仔主動唔得,而係你自己都冇面啦!

    加油啦!



  • Dude, be a man. Walk up to a woman and talk to her and you'll have a chance - if you're in a bar/club. If you're at a party, talk to people. Be sure you don't leave without at least one phone number. Make good use of that and you'll do just fine.



  • 30歲都未到, 到都唔洗驚啦! 男人黎架, 40歲都大把人要啦! 做人最緊要有信心, 人與人溝通好緊要, 女仔溝通仲易, 最緊要唔好驚, 大膽D



  • 你做咩行業呢?你性格係咩因為你係家中獨子,比較寂寞形成的?

    男人該主動點吧,現在都30了,是時候為未來打算啦~



  • 多謝各位意見

    我都知自己衰咩,但人越大好似越細膽,尤其自己各方面都係青頭,會有種阻力,唔敢同有經驗既女人交往,我諗此是最大問題



    我做文職,唔係獨子,只係由細到大都唔太鍾意講野



    有咩方法可令自己大膽d同冇咁寡斷?



  • 冇計架喎,邊個叫你係男人o者?

    不過你自己都要有d自信心,有冇拍拖唔係main point,重要係個女仔鍾唔鍾意你,有d女仔都鍾意性格文靜o既男人,不過你靜得黎內向得黎都唔好衰過個女仔先得架!



  • You have nothing to lose. no need to die, what the hell you afraid of? Be true



  • 其實我都唔知自己怕咩



    同埋可能有個問題,就是唔容易鍾意人(好感會有),但有好感後又會覺得其實又好似唔鍾意,所以又唔會有行動

    (我都知自己性格好麻煩)



  • 有冇識識地心理學既朋友可幫我分析下其實我怕咩?



  • 既然係咁,就唔好o係度自怨自艾啦!



    唔容易鍾意人<---唔係大問題



    有好感後又會覺得其實又好似唔鍾意<----感情可以培養加嘛!-__-"大佬呀!就算俾你搵到一個好鬼鍾意,佢就一定鍾意你架咩?你知唔知搵一個你鍾意佢佢又鍾意你o既人係好難架?你仲諗呢樣諗果樣,諗到幾時先結到婚呢?

    唔該你下次搵到一個有好感o既女仔時,做多d野啦,唉!



  • 多謝你既意見,vanessa



  • welcome啦,不過身為男人,冇o左勇氣,就唔似男人架喇!

    幸福真係要爭取架!



  • 尋日發左個夢

    夢到我曾經愛那位,我夢到佢同我一齊行街,好開心咁,但突然遇到另一個男人,佢就跟左果個人走



    都幾年了,我以為自己早已放低左,但夢後我先知原來自己未放低過,只係丟淡左



    我諗夢境就是我對佢既潛意識,我覺得佢係咁既人。諗返以前曾有幾次,時值我同佢曖昧既時期,但約會(或叫行街食飯)中出現其他男人,佢就會對另一人好好,好似完全當我冇到。



    或者我地從來冇曖昧過,或者佢從來都只當我係水泡。



    或基於呢種意識,我先發咁既夢,但我唔明點解幾年後先發咁既夢,唯一解釋係我未完全放低?



  • 咁"q"呀...我尋晚發夢,我之前鍾意o既男仔,佢現實中鍾意o既女仔msn我,話俾我知佢地一齊o左,我雖然知道現實中個男仔唔鍾意我,個女仔又唔鍾意我講o個個男仔,但係我o係夢入面都好唔開心.



  • 我諗夢境就是我對佢既潛意識,我覺得佢係咁既人。諗返以前曾有幾次,時值我同佢曖昧既時期,但約會(或叫行街食飯)中出現其他男人,佢就會對另一人好好,好似完全當我冇到。



    或者我地從來冇曖昧過,或者佢從來都只當我係水泡。

    <----同道中人..唉!



  • haha,咁真係幾橋喎

    想問下係咪女人都唔鍾意被動既男人?



  • 唔好係又主動唔係又主動,不過太被動梗係唔得啦!



  • 唔好係又主動唔係又主動<---我之前鍾意o既男仔佢就係咁,好hurt..



  • 唔好係又主動唔係又主動<-例如呢?



  • .



  • 唔好係又主動唔係又主動

    <----例如有d男人,好鍾意o係未了解對方之前,同對方

    曖曖昧昧咁,又約人出街,又講d甜言蜜語等等,令到女仔誤會,到過o左一排發覺都係唔ok就走o左去.



  • 謝謝

      ┌┐

      ││

    ┌─ │

    ├─ │

    └──┘


Log in to reply