請問大家覺得成功之道係“忍辱負重”定係“敢怒敢言” 我身邊有2個好成工既朋友 .一個係前者一個係後者. 我家下份工面對緊呢樣野. 2個人比唔同意見我.. 我好confuse

我估你睇漏左，佢地兩個既成功之道“忍辱負重”同“敢怒敢言”只係外表，更深層重有一個成功之道：“見機行事”

咁講丫.

我個situation係

我做野過到有個女人擺明唔中意我

我個位一年走10個人 .

我做左9個月

係忍返黎架.

我試過投訴/試過做好自己/試過唔理�

佢都係好憎我.

用佢既位高權重黎逼d同事一齊做我

但d同事背後真係對我無乜野

家下..老細因為佢係咁做我.

開口叫我自己走

佢話呢個人投訴我做好野好多minor mistakes

但個事實係好多都唔係mistake 係做野方式唔同.

佢換個方法同老細講我地office不嬲係咁做. 佢唔岩.

2個成功既朋友

1個話我點都唔可以走﹗

因為成功係要handle到最worse既situation

2話我要走. 因為幫呢d人打工無出色, 同埋話要有有成功既一日無自尊都無用

佢當初都係好似我咁做事. 唔擦鞋. 但打唔到工, 佢一直到信自己. 最後自己做老細. 佢識我好耐. 佢相信份工唔識合我.

我好驚我今日行錯一步我會無曬自我.

暫時我係認同後者

前者話如果我就我算係承認失敗

話我會養成逃避個性

問多句，你家陣乜職位，果位針對你既大姐又係乜職位？

你兩位朋友真係一的都無講錯，因為在唔同情況有唔同的應對方式。

你要睇下自己在乜野位，環境係點，敵人有幾把砲，你又有幾多武器楂手，天時地利人和，邊樣合你邊樣唔合你，全部都在考慮之列，點可能單憑兩句格言食足一世？

你問心，你個老細同你上司關係點？如果經已係好close，即係你上司差唔多=你老細講，你一定要走，因為你叫做新，你上司實信佢唔信你。

如果唔係ge，你老細係開通明辨是非d人(雖則好小)，你又真係覺得自己無錯，梗係留低。

但係我個人覺得你係要走，因為你一直頂，到最尾分分鐘同公司不歡而散。

1. 你話人地造你，問題係…係咪真係你做錯先？不理幾minor；

2. 衰d講，點解人地無啦啦唔鍾意你？我唔係話你一定錯，即係有時人夾人，夾唔到個上司真係無乜運行；

3. 家下最大件事係連你d同事都造埋你，咁真係走得啦！如果同同事關係好，都話大家圍圍圍搞掂。基本上你俾人孤立o左…

4. 事情基本上已經去到你老細度，你老細仲叫埋你自動辭職…可以話無得救啦喎！

如果你真係要選擇留響度，你真係要記住你乜錯都唔可以犯，唔可以遲到，字唔可以打錯，唔好上網，甚至要最遲果個走。不過我可以同你講，一個人響工作崗位上，實有…都唔好話錯，人地點都挑剔到。舉例﹕

你早返/遲走﹕佢咁早返/咁遲走呀，都唔知摶咩，可能趁公司同事未番拿公司機密呀！

做o野做得快﹕都唔知佢咁快做曬做乜？分分鐘do野錯曬…

etc。

所以件事上到老細度…開埋口…都好難唔走啦wo~

寫少句﹕你呢d case唔關忍辱負重或者敢怒敢言事喎！

你唔走除非公司入面有另一個位高權重既人幫你，otherwise你走硬，因為你唔自己resign佢地都會有方法炒你 or eventually攪到好唔開心你都係會決定resign。

家下..老細因為佢係咁做我. 開口叫我自己走

老細....who owns the company or just your dept. head?

忍辱負重 ... what is your post there? Have you already in the top management there?

睇下公司仲有無人 " 睇 " 你, 佢對你本身好唔好 ? 其實我同你個case咁上下, 我上司都係做好多小動作, 同你一樣啦, 佢都係係大老闆面前話我 " 主觀 "，　但大老闆全部都同我講返, ( 本身我同老闆都幾friend ), 跟住大老闆就叫細老闆睇住我, 所以我依家同我上司無野講, 佢又唔會叫我做野, 但老闆係度佢就扮nice ~~

問下你自已有乜理由要留低?? 你份工冇自尊, 冇滿足感, 冇前途, 冇快樂冇伯樂... 最重要既你係咪冇錢??

睇黎你已經踩左篤大屎, 門口係果度, 走!!!

早走早著啦，我舊老細都係咁，同大老細好唔妥，大老細做左小動作迫佢走，佢又唔走，結果3個月之內就俾人炒左，有時直情唔駛藉口，一句話公司重整架構就佢講曬，之後咪又請番個人返黎做我舊老細o既o野，連title都無改到，可憐我舊老細張reference俾大老細寫到好樣衰。

而家佢叫你走，你要番份似樣o既reference就閃啦，唔好再鬥氣，對你無益，返工何必咁谷氣，而家又唔係年薪百萬俾你。

可能你仲細，我老餅都見識過唔少黑暗險惡o野，早走計落你有著數。

祝好運