父母正人渣, 佢地就過足幾年手癮, 我地就慘足一世, 讀完書就同人家d仔女爭飯食





  • 為人父母, 帶左我地出黎呢個不知所謂既世界, 讀完書就同人家d仔女爭飯食, 我地有選擇嗎? 好自私!



    大佬呀, 我地細果陣比佢地過足幾年手癮, 跟住就比番幾年書仔我地讀. 之後就慘啦, 推你出黎呢過甘不知所謂社會做事, 為一毫子一份牛工同人地d仔女互相殘殺.



    重有, 父母老左一定要養番佢地, 否則視為不孝.

    大佬...我揾幾千蚊個月, 自己都前路茫茫, 你地想我點吓??



    為人父親既, 除非你係呀誠之類等富豪, 否則真係吾好生啦, 其實你地係害緊我地, 玩緊我地, 知吾知?



  • 好明顯你當左自己係寵物, 覺得自己應該被照顧一世, 而唔明「人」同「人生」係物.



  • 家家有本難唸的經, 如果佢父母好, 我估佢都唔會咁講啦, 呢個世界係有好多人唔識養仔教仔就生仔!! 多的是否!! 可悲!!



  • I agree with >.

    Maybe his parents didn't treat him nice. Otherwise he won't say such nochalant words in the public.

    There're different types of people in the world: different kids, different parents.

    Some parents really didn't treat their kids well, but the kids still love them and treat them nice however. In this case, the kids are good kids.

    Some parents treat their kids really nice, but in return, the kids are so beasty to them and even abandon them. In this case, the kids are bad kids and the parents are good parents.



  • 你講果d野,好多人都係咁面對ga la~



  • 睇黎, 就快又有悲劇發生><



  • 我明你感受,因為我以往都有咁既感覺.

    當你睇到什麼少爺仔.細細個就周遊列國,然後响外國讀完番書回港就做你呀 head.一眾abc逄假日就爛蒲爛玩,女友個個都天仙咁靚.

    呢d 女仲係你一生都無機會結識同發展.然後佢都仲可以玩完一個又一個.



    而你.一出世都受敎育成為一名僱員.學懂服從.等你可以做任勞任怨既奴僕.除非有日你可以成為老闆.否則你呢世都要聽人差遣.又因為你智識少,你只能做低技術,低工資既職業.

    你好難置一頭家,首先因為你揾錢少,好難比舒適生活人.就算咁好彩,有女冧你,你都唔好生仔,因為只會令下一代同你一樣,成為富人腳下既奴隸.



  • 哈哈~個社會係咁~

    可以點~挨 lo
    ~

    唔服氣埋叻比人睇~~~

    唔得埋做到得為止~~

    90%既人都要面對咁既情況~

    想逃避~~~埋一跳了之~



  • 龜兔賽跑﹐你生出唔夠快﹐整定﹐但唔代表你因為咁就要氣慮唔努力盡力

    隻兔如果係懶兔﹐終係一樣會輸



  • 下期六合彩中左45M,你就會收返曬以上既說話,仲會多謝父母帶左你黎呢個世界



  • 我都好同意

    如果本身冇錢, 就真係唔應該生仔

    我屋企冇錢, 佢地本來不育, 結左婚8年睇左好多醫生才生得我出, 8年離佢都冇為我儲定D咩讀書基金, 乜乜乜...仲要學人三年抱兩(生埋我細佬)

    好啦, 生左我地, 佢地兩位都要出去工作, 搵個工人返離睇住我地, 放工返到離睇到我D功課就把幾火, 仲要話點解人地D仔女會叻D, 又唔諗下佢根本都冇時間去了解我, 好啦, 我就係響錦既環境下成長, 中五後我想搵d野讀下, 一句冇錢就彈走左我。



  • 咁多怨氣. 放開d啦

    更何況, 個條曾先生還叫人生三個啦



  • 有次睇到個醫學節目講個女人為左好想生BB, 搵左好多方法, 千辛萬苦先生到對孖女, 訪問佢地, 當時個女好似10多歲, 佢喊住錦話阿媽好偉大為左生佢地受咁多苦, 我睇完完全沒有絲毫既感動, 因為由頭到尾到係個阿媽既個人意願, 有咩偉大唔偉大。



  • 呢一代有唔少男仔表示好憎自己父母,話佢地咁窮都生佢地出黎.結果佢自己因為裝備少,培育差,亦淪為窮人一族.無法同其他人競爭,

    但好奇怪,佢地又會好憎女人愛財,佢地期望女人愛情飲水飽.結果又重蹈上一代覆轍.........



  • 唉...唔知呢個問題係唔係響香港先咁嚴重

    因為香港人勢利,一個咁細既地方放埋d好有錢既人同好窮既人一齊

    攪到d窮人好辛苦







  • 推卸責任... 講到你都係想講$$$, 鬼叫你當年唔讀書呀, 你搵幾千唔夠洗賴你亞媽... 痴孖根



  • 咁我又唔係咁同意屋企冇錢d仔女就唔會有機會向上爬喎。

    呢d野要睇你自己願唔願意去同人競爭,成日覺得自己窮係低下層冇競爭力,咁咪一世做打工仔囉。



  • 點解依家d人覺得父母係要儲定一大筆錢俾你地補習,去外國讀書,買埋樓你結婚先叫盡責? 我父母都無呢d野俾我, 佢地放工亦唔會幫我睇功課, 我考試時佢地一樣朝7晚10咁打麻雀, 再開埋電視, 我住左30年廉租屋, 依家搵>50k一個月, 但我並唔係特別勤力進取, 我身邊朋友大部份背景同我差唔多, 佢地依家個個賺得多過我



  • 上面賴自己父母果d, 好唔知羞呀!!!

    我自己都係公屋出生既一群, 爸爸做份牛工, 媽媽全職煮婦, 佢地從來無offer d 咩富裕既生活, 不過都俾我健康成長

    到今日, 我大學畢業, 不過不失啦, 有自己家庭算得上小康, 搵二萬零蚊個月

    怨父母令係條命咁苦, 不如怨下自己付出左幾多! 我讀大學d錢都係政府借架, 我讀完書都要還架, 但我從來無怨過自己父母欠過我d咩!!

    我有個朋友, 父母唔肯交學費, 由中四開始靠獎學金讀書, 而家人地已經係大學講師啦!

    shame on you!!



  • 以上一眾不滿父母人渣:



    雖然各位人渣講得出咁無恥言論,本身就不配為人。但各位人渣始終為人形生物,就算無選擇出生既權利,總有自我了結的義務,一眾人渣既然對人生咁無留戀,你地鍾意幾時走,請自便,唔好一邊死賴獻世一邊又係度怨天怨地。



    呢個世界咁烏煙瘴氣,正因為你地一班只懂怨人,不懂責己既廢物阻住地球轉,拖低整體人類素質。呢個世界多你地一個唔多,少你地一個直頭拍手興賀,快d上路,早抖唔送啦。



  • 自己冇本事搵錢就係父母嘅責任,係社會嘅責任,總之唔係你自己嘅責任。



    你既然唔中意父母帶你嚟呢個世界,你可以自己走。



  • 這個世界, 並不是非黑即白.......



  • 雖然我唔認同你講, 要係呀誠之類等富豪先可以生仔, 但係我明白你所講的感受.



    我好憎我阿媽, 佢最鍾意推卸責任. 生左我地出黎, 佢唔會教, 如果你問佢個仔女讀謗幾科, 佢可以答你: 唔知喎~ + 我中3時, 好迷茫, 唔知choose咩科, 問阿媽, 佢唔會同我分識, 只係同我講: 呢d野~ 阿媽都唔識~ 你自己choose啦.



    其實有好多好細微既野, 你可以睇到唔少父母都幾不聞不問下. 生左出來, 就放佢通山走, 咩都唔使理... 唔講我屋企啦, 我細時做prefect, 家長日要幫手貼個學生既name係d家長衫度, 有個家長離譜到好似唔係好知自己個仔姓咩名咩咁.



    $, 唔係最重要. 有錢, 都可以推卸責任. 好似我細佬, 佢係我阿媽既心肝寶貝. 我細佬未滿18, 就係3個唔同地方讀過書. 佢既理論係, 自己唔識教, 比錢人地教. 咁多年, 佢有關心過我細佬成績點咩? after 咁多年, 今年學校打比阿媽話成績太差, 唔可以讀, 佢先好似大發現咁!! 阿媽仲cry住long distance 比我, 我知道, 好心痛我細佬 同 好憎我阿媽. 我都唔明, 點解有阿媽係咁既., 完全唔知, 唔問, 唔理.



    我覺得你生得出個仔, 就要 "用心" 教, 唔係用錢lor!



  • 唉...唔知呢個問題係唔係響香港先咁嚴重

    因為香港人勢利,一個咁細既地方放埋d好有錢既人同好窮既人一齊

    攪到d窮人好辛苦



    亜Dee Dee



    有無聴過天下烏鴉一様黒。有$去到辺都有人歓迎。好似入去小商店買野、同入去問呢度係吾係請人?答你果個人個様都吾同La。



  • 你諗o野好似我認識o既一個人, 成日將自己o既不幸, 唔公平, 唔服氣...轉移到父母親身上....

    自己能力不足, 遇到挫折, 就怪屋企人無好o既成長環境, 同生活質素比到你

    你自己o既將來, 每一步, 每一階段o既路都係你自己決定, 都係你o既選擇!!!

    你可以令自己過得好d, 你可以有能力去揑轉自己o既命運。 但你寧願將呢d時間花去怨天尤人!!

    唔好因為自己讀唔成書, 搵o個幾千蚊人工...就o係度發難...李嘉誠都唔係生出o黎就大把錢!!!



  • agree...怨怨怨

    你第日做人父母, 就知道自己今日講o既o野係幾咁不知所謂。

    不過我相信你地都未必會做人父母, coz你地以踏出呢個社會為恥, 生存於呢個世界為辱。



  • 你第日做人父母, 就知道自己今日講o既o野係幾咁不知所謂。

    by 咪諗埋一邊



    我衹係個中產, 有生之年都吾會做人父母, 廢事害人.



  • 你搵幾千蚊個月叫中產??



  • 我覺得樣樣野都係要靠自己﹐你父母有無錢都唔關子女事﹐因為D錢係父母自己既﹐同子女無關。



    有個日本朋友想去外國讀工程(外國識)﹐屋企好有錢﹐但就唔肯幫佢因為個樣係佢自己既決定。個日本朋友就自己打工夠錢就去左讀﹐食住都好差﹐仲要打非法工賺錢交學費。讀到最後一個學期無錢讀﹐借左父母D錢返日本再打工做左一年﹐夠錢後還返比父母再讀埋最後個學期畢業﹐最後入左間好出名既汽車公司做工程師。佢有無怪父母﹖無。有無父母幫﹖都無。反觀好多香港人成日話父母唔比錢補習﹐話父母窮所以自己點慘點慘﹐乜都唔做只識伸手但又鬧零用錢少﹐D錢來去都係飲飲食食買名牌買潮野﹐呢種人先係生出來做廢物唔生好過生。生你出來係比你追自己既夢想﹐而唔係怨天怨地怨任何人。自己無用怪得邊個﹐又有邊個父母識神通﹐知道生出來個件唔係龍係蟲。



  • 一個人唔會受環境影響 ??唔會受父母影響 ??好細個就好有意志咁誓要出人頭地 ??我唔信.呢度講得出好有抱負,好宏觀既人有幾多個係好似黃仁龍 ??有幾多個依然係低下階層 ??



    如果好似你地咁講,根本唔需要扶貧,亦唔需要損益.

    就算你傷殘我亦大可以拋出海倫格勒修女,大可以拋出霍金.





  • 9年免費教育人人有份﹐你返學人返學大家學既一樣工課一樣﹐圖書館大開中門你要睇書大把有得你學﹐大家到一定年齡都可以打工﹐大家都係又零經驗做起既。事不離實呀。你非常努力上進但條命都真係咁衰既人﹐仲有時間會花無謂既時間係個網上怨天尤人。有人三五十年成功﹐有人到仔女都大先有安樂茶飯既都大把。你又知而家好多成功既人未窮過未比人排擠過未比父母遺棄過﹖你點知呀下。你真係發緊夢。



  • 事不離實,



    你講得無錯, 因為個世界由此至終都冇平等過...

    即使係孖生, 經歷, 際遇, iq都係唔同嫁啦...



    你會考13分, 人地會考13分, 人地有錢去外國, 你要repeat.

    sorry你唔恨得咁多, 因為人從來都唔係平等.

    但香港係公平, 你考份卷同人地個份都係一樣,

    唔會話人地係有錢仔份卷易d, 你自己無讀書唔關人事.



    希望仲唔知自己衰咩d人明咩叫

    公平(equity)同平等(equality)有咩分別...

    人人都想唅住金鎖匙出世, iq140, 有齊天時地理人和,

    冇可能嫁ma, 又係你亞媽欠你啦...

    你有9年免費教育嫁ma, 你冇錢有學生資助, 有grant loan

    機會比左la, 你想賴邊個呀, 邊個欠左你呀?



    覺得自己賤過地底泥咩, 摑自己2巴, 跳樓死左去算啦!!

    香港少左個廢人, 你又唔咁辛苦, 你死大家好��!!



  • 我父母年代邊有免費教育﹖你無錢就無錢﹐就係無得讀﹐你幾天才都無用﹗我媽讀書好勤力但屋企窮叫佢唔好繼續讀﹐佢就用好成積去年年換獎學金讀﹐讀到畢業想讀醫﹐但無錢又有兄弟姐妹﹐於是出來挨驢仔養家﹐最後由最低爬到高。以前唔單只無零用錢﹐返學都只會行路行個幾兩個鐘﹐你會唔會﹖長大後佢見返其他有錢讀大學既同學﹐個個都有名有利﹐有無感觸﹖有。但有無怨呀﹐無架。自己盡左力既人係唔會怨架﹐而且可以好自豪咁講自己既故事﹐更加因為自己既努力唔再係低下階層。



    你唔好話以前環境好D﹐以前你窮你懶你就玩完﹐邊有政府幫你﹖而家又扶貧又學生資助係比個機會你推你上去﹐而唔係叫你唔使做等飯食﹗





  • 係事不離實,



    我媽咪都好似你媽咪咁, 佢仲要係個老師要求佢讀書, 咁佢好辛苦, 又做工廠又讀夜校咁. 到現在都無怨, 無後悔養大d家人, 現在她在工作上一樣能幹, 雖然唔係咩高職, 但係做到野, 職位低人工低, 但係faces一定唔低, 因為佢真係好"得". 我引以為榮.



  • 我呀婆仲好野﹐從來無讀書﹐唔識寫字。我幼稚園學寫字時﹐我做功課﹐佢又拿張紙係我隔來做“功課”跟我寫字﹐仲學英文字﹗而家可以明到報紙﹐識講幾隻英文字。所以我相信人只要勤力上進﹐無野唔得。





  • 版主, 出左世之後, 到你有今日, 有價值觀, 就係你自己既事黎架喇, 你可能行得好差, 但以後, 你可以自由控制你既人生架喇, 再怨, 都唔會有賺架喇. 努力啦.



  • 生仔之前,預算要用幾多錢養仔女、點樣培養佢地,為人父母係責無旁貸嘅……始終個仔唔係一生出黎三兩日吸收下日月精華就會大,你亦都唔好旨意唔教唔養就ok....咁在子女未成年、未有能力自立前,俾最好嘅野佢、幫佢預算亦係需要的。明知自己養唔起(指基本生活+學費,唔係同個仔買車買樓果啲),又唔曉教,又無時間陪,咁都仲要生,就係任性。成年人,要有成年人的考慮,唔可以衝動了事。如果父母已經盡責,咁仔女成唔成材、成年之後仲俾唔俾錢佢,就係貴客自理啦



    明白板主的感受。當我去到要問其他人借錢交學費(大學)而俾人笑,又要十幾歲開始兼職養家個時,我父母都有覺得對我唔住,話因為好倉卒咁生左我,又唔識教,又無錢俾我讀書,細個要住天台屋同板間房,一早要我捱世界。卒之,幾經辛苦我都捱到自己畢業,搵到份唔錯的工。講真,有良心的父母,見到俾能力所及最好嘅野個仔,但係都未夠個仔的基本生活,相信佢地都唔會好受。我諗板主都係一時未諗通....不過用呢種字眼就唔係咁好啦.......



    既然自己已經來到呢個世界,咁怨都無用,不如諗下點樣可以改善下生活啦....各人都有自己的命數,一念天堂一念地獄,嘗試發掘下身邊的好人好事吧^_^



  • 40歲人,

    I think you are so lucky that you were born in the 60s. There have been so many of opportunities for you to seize from the 70s to 90s. In the old days, even a form 7 students could be an inspector, engineer or a bank director whatsoever thanks to the political circumstances in that relevant moment. But now, even if you are a graduate possessing with a Master degree, you are just nobody in this society thanks to the death of the many industries, the challenge from mainland and not to mention the return of emigrants which bring about vigorous competition. The previously regarded as professional knowledge has now become common sense to everyone due to the advance of tech and instant access of information. Sigh!!!! I am quite sympathetic to 人地個仔 because He is under extremely great pressure. And if you happen to see those retarded, snobby and ignorant 老屎忽s are earning so much more than you (i.e. > 50k) without any contribution, you are really pissed off!!



  • 我衹係個中產, 有生之年都吾會做人父母, 廢事害人.



    by 人地個仔 - 05/07/07 17:18



    你搵幾千蚊個月叫中產??



    by excuse me - 05/07/07 17:23





    真係好好笑!! 好得呀呢個!



  • 仲有, 上面有人竟然讀到中三, 連選文科理科都要問阿媽, 喂! 中三喇! 選邊科都要問阿媽! 有冇搞錯呀? 怨阿媽之前唔該檢討下自己先啦!



  • 你地係咪90年代出世架?

    選科可以問呀媽咁犀利

    我呀媽小學都未讀完



  • 上面有人竟然讀到中三, 連選文科理科都要問阿媽............why not?

    I did and all my friends did. We might not just asked mothers but sure our parents.




  • 人地個仔,



    When it's time for you to go through numerous courtships, marriages and all the things which you find interesting in life, do remember not to add any sorrows to your next generation.



    'accident' is not a a good excuse. One worm (from your father) caused so much misery to you.



    己所不欲 , 勿施於人才!!!



    请牢记!!!









  • CORRECTION:


    己所不欲,勿施於人 !!!

    己所不欲,勿施於人 !!!

    己所不欲,勿施於人 !!!

    己所不欲,勿施於人 !!!

    己所不欲,勿施於人 !!!



  • 上面有人竟然讀到中三, 連選文科理科都要問阿媽............why not?

    I did and all my friends did. We might not just asked mothers but sure our parents.



    by sentor - 05/08/07 09:34



    問下冇問題, 但阿媽俾唔到意見都可以鬧阿媽, 你話有冇問題? 中三喇, 阿媽俾唔到意見你你自己都曉問其他人意見, 而且最終決定選咩科果個係你, 唔係你阿媽下嘛?



  • hahahaha - 05/08/07 10:29



    Sorry, I have not read all the message. I didn't know the original poster did blame his mom.





  • 中三有幾大姐? 唔係個個咁早熟, 咁識主動找其他渠道

    中三選科問父母好正常, 父母比唔倒意見, 對仔女係幾無耐



  • 無奈



  • 點解唔問學校老師?


Log in to reply