我的故事
-
我的故事
對於一個25歲未拍過拖既男仔黎講,初戀到底係咩野一回事呢??
仲記得果年,係我响英國讀書既第4年,
在開學既第一天,班裡面除左幾張比較熟悉的面孔之外,大部份都係新同學~~~
當中特別注意到有幾個中國藉既女孩子,因為之前3年讀嗰班一個女仔都冇~~~
初初見到佢地好似有啲迷茫咁,我估地應該都係啱啱黎到英國讀書,
我自己本來係一個幾怕醜既男仔黎既,不過見佢地人新路不熟,
所以就好友善咁行過去睇吓有冇啲咩野可以幫到手咁~~~~~
先知道佢地是從台灣黎英國讀書既~~~~~
今日寫住咁多先……
-
果幾個女仔當中,有一個特別文靜啲既,
可能就係因為呢個原因,
所以我對佢特別有好感~~~
原來佢地台灣人啲英文真係有限公司…
雖然我自己啲英文都唔算好好,
不過都可以幫到佢去學校辦理好多濕濕碎碎既手續~~~~
其實當其時都冇諗過話要去追佢既,
因為自己真係太冇膽~~~~~
二十幾歲人都未拍過拖,
真係好驚第一次就觸礁~~~~
所以一路都冇諗過話要追佢,
只係覺得自己好似幾鍾意佢,
所以就不斷去幫佢,
幫佢辦理開學既所有手續呀,搬屋呀,帶佢認識吓學校附近既環境咁呀等等啦~~~~
每次幫完佢自己都會好開心,
呢種感覺真係以前從來都冇試過架~~~
打住咁多先….一邊返工,一邊偷偷咁打~真係打得好鬼慢~哈哈哈~~~
陣間再打多一啲~~~
-
CAN U LEAVE YOUR E-MAIL HERE?
BE A FRIEND?
-
當然可以啦~~~
[email protected]
-
i mean msn messenger's e-mail??
-
哦~
冇msn......呵呵呵~~
-
係咪無msn呀,icq呢∼∼
-
真係唔好提icq添呀.........
icq account都有人偷.......
都唔知偷黎做乜......
我個icq number 6個數字架,
想攞都攞唔返~~~~
之後都冇再用icq咯~~~~
-
歡樂既時光過得特別快,
眨吓眼就過左2個月~~~
响呢2個月既時間裡面差唔多日日都見到佢,
同佢地班台灣人亦開始漸漸熟絡,
佢地成日都問我係咪想追果個女仔?
我就一直都否認,因為果陣時既我,真係好似一張白紙咁,
根本唔清楚咩野叫做追女仔….我果時只係知道我對果個女仔好有好感,
所以就做咩野都好似係為左佢做先唔知道咁樣算唔算係追佢啫
由於開始同佢地熟絡左,間唔中都會同一兩個比較熟少少既傾吓計咁…….
點知從佢地口中聽到一個消息………..
好~~暫時講到呢度先
-
小子
那個少男不多情?
男女有chemical attraction自然會走在一起...
-
多謝你抽時間入黎睇喎~~~
我依家已經好努力咁嘗試寫落去,
不過真係第一次寫野,
寫得唔好,唔好見怪~~~
-
唔係呀,寫得幾好,幾好看^.^
-
文字表達到你要表達既嘢, 就係好文章.
至少, 我有意欲追落去, 等你!
-
同埋事隔多年,
有啲野既時間點仲有少少混亂,
依家想將思緒整理一下繼續寫~~~
-
問題就係我既表達能力偏低...
好多時都詞不達意~~~
不過 i will try my best~~
-
原來從佢地口中聽到既,
竟然係個女仔原來一直以來都覺得我好煩…….
我終於第一次嘗到咩野叫做心痛……
我為佢做既所有野,本來就無諗個有啲咩野回報,
只係隨心咁去做~~~~
真係諗都諗唔到換來既係一個”煩”字…….
係果一刻既我真係唔知道應該要做啲咩野反應……
唔通我既第一次暗戀就係咁樣結束?
-
其實當時有一種好難形容既感覺,
明明冇諗住有咩回報,
點解個心會痛既??
真係好唔明………
不過我果陣時仲傻傻地咁同自己講,
可能佢地想玩吓我啫~~~
應該唔係真既~~~~~
雖然話就話叫自己唔好相信,
但其實個心裡面真係覺得人地點解要講啲咁既野黎呃我啫?
經過一段時間內心既交戰…. “到底佢係咪真係覺得我好煩呢?”
得出黎既結論係…….我唔理佢係咪真係覺得我煩都好,
我會繼續咁對佢好~~~~~
-
如果佢直接同你講話你好煩,先至係真既。
如果你從其他人口中聽到咁講,就未必啦。
-
就係咁樣,時間又再過多左2個月,
不過呢2個月就冇先2個月過得咁快喇~~~
個心裡面偶爾都會問自己…. “佢到底係咪真係覺得我好煩呢?”
响呢2個月裡面我都有去留意個女仔對我既態度,
但可能我反應比較遲鈍啦,
真係feel唔到佢對我好反感,
但亦都feel唔到佢對我又好感~~~
就好似我同其他台灣同學咁上下,
分分鐘同其他台灣同學好似仲friend啲…….
不過有一件令我意想不到既事情,
就响x’mas之前學校既一個晚會度發生左……….
唔得喇真係要呌一呌喇已經連續打左3篇~已經破左自己紀錄,連續打咁多字…….
-
我都有咁諗~~~
不過我諗唔到佢地點解要呃我嘛~~~
女仔唔係會幾個坐埋一齊傾心事既咩?
-
我第一次有心痛既感覺係好似個胸口俾人劏開了, 再掏個心出來搓一樣, 好痛好痛...
過咗好幾年, 到依家都仲記得呢種感覺!
-
男仔坐埋一齊傾心事啦............
未一樣會話自己女朋友超煩。
-
我呢次唔係最痛.....係第一次痛~~~
依家諗返轉頭,
呢次根本一啲都唔痛~~~
果時覺得痛,好大可能係因為之前未試過啫~~~
不過以我寫野既速度,
有排都未寫到~哈哈哈~~
-
wai
寫快d啦...
都未到戯玉....
-
在晚會當晚,我同佢地幾個台灣人如常咁聚在一起傾計講笑,
响呢類晚會當中飲啲香檳應該是在所難免,
佢亦唔例外,
唔知過左幾耐,咁啱剩低我地兩個人,
佢拉我埋一面坐低,然後佢同我講………
-
妳返到屋企嗱?
-
妳睇慢啲就吓我啦~~~~
-
快d啦
好心急...
係公司又無得睇...
-
在晚會當晚,我同佢地幾個台灣人如常咁聚在一起傾計講笑,
响呢類晚會當中飲啲香檳應該是在所難免,
佢亦唔例外,
唔知過左幾耐,咁啱剩低我地兩個人,
佢拉我埋一面坐低,然後佢同我講………
“其實我知道你喜歡了我很久了,開始的時候,我覺得你好煩,好煩!但是最近我對你的感覺好像有了一點點的改變,可是…….”
咁我聽到之後當唐成個人呆左…..
原來之前果幾個台灣女仔同我講既野係真架….
佢開始原來真係覺得我好煩架….
但係佢話佢最近對我既感覺有啲改變…..
係咪即係比我感動左呢?
我當時唔敢咁諗…..
不過佢好似仲未講完喎~~~~~
可是…….可是咩先得架??
咁我呆完之後當然係問佢 “可是什麼?” 啦
但係問極佢都唔肯講……..剩係話…….
“你給我一點時間想清楚,可以嗎?”
我隱約見到佢對眼裡面好似有少少淚光….
咁當時咁既情形,我當然第一時間答可以啦~~~~
雖然我唔知佢 “可是” 啲乜野……
咁至少都好似有啲希望丫……..
-
我盡力啦~~~
呢件事一直都係放左係我心裡面既某個角落裡,
今次係我第一次將佢寫出黎咋~~~~
最近呢幾段可能寫得太急,
可能寫得唔係幾好啦~~~~
-
好啦
咁你慢慢寫...
-
支持
我估佢有男朋友係台灣?唔知岩唔岩呢?
-
快點打啦好努力追緊
-
我都想快啲打阿~
哈哈~話哂都係我既小小心願~~~
我依家o緊t都抽啲時間黎打喇~~~
都算係咁啦~~~
又驚寫得太急講漏左啲細節~~~
今晚應該都未必再有下文,
我盡量試吓响走之前打多少少啦~~~
-
自從晚會之後,
我同佢既關係真係變左好多,
我已經當左我係佢既知己,
你冇聽錯,係知己而唔係情侶…..
我地一直連手都冇拖過,
應該唔算係拍拖呱~~~~~
响跟住果2個月既時間,
係我到目前為止,呢生人過得最快樂既時間,將來會唔會有更快樂我就真係唔知道~~~~
基本上我每人都揸車送佢返學放學,
放左學就車佢去超級市場買野,
到趕交功課既日子,
佢會上我屋企度搵我同佢一齊做,
試過有幾份功課,
我見佢做到好攰,
我自己果份都未做完我都叫佢去瞓一陣先,
我幫佢做完佢果份先做自己果份,
我都一樣覺得好開心~~~~~~
我有好多既第一次都係同佢渡過~~~~~
第一次既雪中漫步,
2個人响微雪下擔住一把傘送佢返屋企~~~~
呢啲情境想再發生都冇乜可能了~~~
先寫到呢度好了,要返屋企喇~~~
如果有興趣再繼續睇既話,
我聽日再寫落去啦,
希望唔會悶親大家啦~~~~~
-
早晨喇~~~
唔好意思阿,
今日可能冇咁快可以繼續寫落去住...
因為跟住發生左2件事,
我未諗到點樣寫返出黎,
驚寫得太急會寫到亂哂,
等我諗諗要點寫先至啱再繼續post~~~
-
過左無幾耐,佢終於等到學校宿舍有位可以搬入去~~~
但係原來搬入宿舍並唔係一件好事……..
佢住既宿舍係有6個房間,廚房,廁所,客廳,飯廳都係共用既~~~
裡面住左4個外籍人仕同埋一個大陸阿叔~~~~
啱啱搬入去既時候,
個阿叔都幾nice,可能大家都係華人既關係啦~~~~~
咁佢(個女仔)啲英文真係唔係好叻,
好少會同果4個外籍人士溝通,
所以多數都係個阿叔同佢一齊食飯傾計多~~~~~
我地學校每一個semester 都有1個至2個禮拜既term break,
呢啲時間啲local student通常都會返佢地既hometown過,
咁宿舍好自然地剩下佢同埋個大陸阿叔啦~~~~~
有一晚我去佢宿舍度同佢一齊食飯,
佢叫我陪佢返房食…….
我雖然覺得怪怪地,
但係佢話返房食咪返房食囉,無所謂架~~~~
一路食飯佢都垂低頭一句說話都冇講……..
我有啲唔知點算)覺得好似有啲事情發生左咁….
我又唔知問唔問好…….
咁我食完飯洗碗之後,我終於忍唔住開口問佢 “是不是發生了什麼事情咧?” (強調一下,我啲國語麻麻地架咋
佢冇答我…..
我重覆問多左幾次……. “到底是不是發生了什麼事情?是不是有人欺負你喔?”
佢都仲係唔答我…….但係我見到佢對眼紅哂~~~~~~~
跟住佢將個頭挨左落我個膊頭度喊…….
佢雖然外表真係好柔弱,但係我真係未見過佢咁樣喊過~~~~
上次晚會佢都只不過係眼有淚光, 最後都冇喊到~~~~~
呢次係佢第一次响我面前喊……..
食飯先,下午再寫~~~
-
死喇, 出事?!!
-
好緊張添...
-
唔使緊張~~
我依家用lunch既時間儘量去回憶返當時既情境,
食完飯先再寫~~~
-
我睇完啦~
有一種感覺...淡淡的感覺
-
咁可以點改善呀?
俾小小意見啦~~~
-
小子~咩改善呀?
我係話我都有呢種感覺
不過睇埋下文就唔知係咩感覺
嘻嘻~
睇完全文再作結論...
-
哦~~~
我以為你話我寫得好悶嘛~~~
不過要寫哂全文可能要幾耐吓.....
因為我真係寫得好慢.....
我其實係諗住一直寫到今時今日既我的故事架~~~
不過唔知自己有冇咁好心機就真....
-
你想寫都無問題架
一定有人追既
-
哈哈~~~
寫完呢單先算啦~~~~ ;)
-
最後佢終於都肯開口講野啦~~~~
佢話前幾日開始宿舍得返佢同阿叔2個人,
起初都冇乜野,但第2日開始,
果個阿叔開始借啲二對佢摸手摸腳~~~
有一次當佢坐左响廳果張梳化度睇電視既時候,
個阿叔响佢耳仔後面追佢同埋將對手搭住佢膊頭然後想向下移……….
佢好驚所以即刻彈左起身想跑返上房,
但係個阿叔叫住佢…….
-
係咪真係"亞叔"咁既年紀架? 定你覺得敵對幫人安個咁既名? XDDDDD
-
真係阿叔黎嫁~~~
起碼4張野~~~
-
哈哈! 咁真係亞叔!!