轉貼:一件可怕的事





  • 今日響我朋友口中得知一件好可怕的事,就係我老友住20樓的,拒的上層,初初搬入



    來時,都只係久不久打狗,慢慢地,就變成晚晚不停打狗,當沙包咁打d狗每天晚天都



    有狗喊聲,喊得好慘,本身狗的喊聲,變到係沙啞聲的狗喊,仲要係每逢夜晚凌晨一點



    左右開始,打到凌晨五點。呢種生活維持左好幾個月…之後同看更講話有人打狗,看更



    都知道,亦有上門警告過男住客,但情況依然係無變…原來全棟樓的住客都知呢個男住



    客晚晚打狗,亦叫拒唔好打狗,個男住客見意接受,態度照舊…







    終於有一日,我朋友遇到上層的男住客,我朋友就說‘你唔鍾意d狗,你就放左拒,一係



    你就比左人,唔好晚晚打拒啦!’ 之後個男住客就話d狗狗又污JOE,又食屎。但我朋



    友從看更口中 得知個男住客係唔放狗的,我朋友就鬧個男住客‘你唔放狗,d狗咪響屋



    企度屙囉!你打d狗,咁d狗咪認為唔可以響屋企屙,但又急,咁咪唯有食屎囉!’ 個



    男住客就響度笑,仲話無打狗。







    過多一排的一個晚上,我朋友聽到個女仔就好大聲響度大叫,話‘你有無攪錯呀!!!



    !你掉左隻貓落街???’ 我朋友即時心都寒埋,我朋友住20樓,即係個男人由21樓



    掉隻貓落街……



    有一天,我朋友聽到d狗又響度喊,仲聞到有陣血腥味,就衝上去拍門,叫個男住客開



    門,個男住客就唔出聲,扮無人響度。我朋友就話‘你開門呀!你唔好扮唔響度呀!頭



    先我聽住你仲響度打狗o架!’個男住客相信即時無再打d狗了,因為本身d狗響度喊



    緊,都突然靜曬…繼續扮無人響度…



    我朋友一晚終於忍唔住,打電話報警求助,話有人虐畜,願意出錢比d狗狗驗傷。如果



    真係有傷的話並願意上庭作證,點知個差佬就話‘小姐,我地只可以告拒擾人清夢架



    咋,動物方面,你打去漁護處啦!’







    第二天早上,我朋友就打電話去漁護處,由頭講一次遇到的事,漁護處個答覆係:我地



    只係會收留被遺棄的狗隻架喎,咁不知你打去愛協果邊睇下幫唔幫到你啦!







    我朋友聽到咁,咪再打去愛協果邊,又再次地講多次遇到的事,今次愛協個答覆仲離譜



    !!!愛協就同我朋友講:依家人地打仔,關乜你事呀? ._/. 有無攪錯?!我朋友就



    開始勞氣了‘依家乜野人地打仔呀?依家係有人虐畜呀!你地愛協得把口叫人愛護動物



    架咋?’ 愛協又來玩射波遊戲了…問我朋友‘咁小姐你有無報警呀?’ 又要再說多次



    個故事…到最後,愛協個答覆係:我地都無法架喎,差人都唔受理。。。如是者,即係



    投訴無門啦~~~咁再過多一排,我朋友從看更口中得知,有一隻狗的屍體於21樓的後樓梯,







    係清潔嬸嬸發現的,仲嚇左清潔嬸嬸一跳,死狀恐怖…一隻古代牧羊係滿口鮮血的!仲要



    最衰係隻狗響個狗籠入面,隻狗連個籠就咁樣拖出去後樓梯!咁即是話隻狗係比人打到



    內出血而死!我朋友就質問個看更點解唔即時報警,個看更竟然話唔敢舉報個男住客>00< 無幾耐,個男住



    客就搬走左了,原因係個單位係個女朋友交錢的,而個女仔同個男住客因為掉隻貓落街分手。



  • 我聽完呢件事,覺得好心寒!呢個世界點會有d人鍾意打狗成性,當狗係沙包咁每晚



    ‘砰砰’ 聲咁,打足幾個月都係咁打,一隻又一隻動物遇害!而最令我覺得憤怒的是



    :原來愛協都係得把口去愛護動物!我朋友打每個地方求助時,都願意拎埋錢比d狗去驗







    傷,都無人理!當我朋友響度發UP風!呢個係乜野世界?!真係d狗狗有難,有人挺身



    而出,那又如何?呢個部門唔想做野,就射波,將個波射來射去。如果呢d部門肯做野



    的話,就唔洗無辜咁死左!







    唔該各界朋友,將我呢段訊息盡量forward出去,因為我好希望大家留意下身邊有無呢d



    咁無人性既人,如果有的話,唔好好似個看更咁‘唔敢舉報’ 同埋大家如果真係遇到



    咁情況,應該點做。個個部門都話唔關事,我地愛護動物的一群,應如何處理?真係



    覺得香港的小動物好可憐……唉~~~~



  • 我係從另一個網度轉貼的,睇完好慶!想多d人知道呢件事~

    個男人都痴x線,死左都唔駛恨,等個天收佢!!

    另外,好唔明點解警察會唔理,虐畜唔係犯法架咩?點解只可告佢擾人清夢?咁立法黎做咩?!

    漁護署又話唔關佢地事,愛協又唔理,咁即係點?好無奈~~

    死去的貓狗真係好慘,比人虐待至死,好心痛!!



  • sorry,上文中漏左一句:

    .......個看更竟然話唔敢舉報個男住客>0<"

    諗住呢件事會完結啦,點知又發現枕頭袋,入面係袋住一隻蠟腸狗>0< 無幾耐,個男住

    客就搬走左了........



  • 警察唔理? 你地有冇証據呀, 如果你告人一定要有証據, 如有,同佢講你唔理我就去報館, 或找一些傳媒幫手, 將事情鬧大, 政府部門很多時都推卸責任架, 你地要快d做嘢呀, 如果唔係拖拖吓就無咗件事啦! 快為狗狗報仇呀!



  • D政府部份最叻得把口,有事果陣就推黎推去耍太極= = 我細個親眼見到架車撞到隻狗個頭爆開左,個主人攬住隻狗成身血成物屎係路邊,有人報警,警察黎到只係睇熱鬧話唔關佢地事喎,有人出聲話隻狗唔關你地事咁撞死隻狗果個人關喇掛,佢地一樣企係到懶懶行,打去漁農處又話叫佢地打去愛護動物協會...最後地下灘血成個星期先有人黎清洗...死左一隻狗原來係好少一件事...可能要死人lum樓先會有人理下= =


Log in to reply