有人傾下嘛?好困擾,唔知要點做
-
好想傾下感情問題,自覺受左好多傷害,但放唔低!
-
你咩事呀?
-
同男朋友一齊兩年幾,我地成日嘈交,不過一直都無分開,直至舊年,我話佢知我有病,佢初時仲好擔心我,會怪責自己對我唔好,事隔無幾耐,佢同我講話佢家人唔鐘意,仲叫佢諗清楚係咪要繼續一齊,其實佢同我講完,我真係唔相信,以為拍戲先會有咁嘅情節!之後都一直一齊,同以往一樣都會嘈交,但發現佢同以前嘅已經唔一樣,嘈交上黎,講說話好難聽,又會叫我走,話唔愛我,話想唔一齊好耐,又試過動手,我一直都忍,因為唔想分開,就算再難聽嘅說話我都忍,已經由最初好嬲變得淡然!其實心好痛,無諗過一個我咁愛嘅人會咁對我,但係真係放唔低!
-
困擾擾
-
@jaibilly888 我知只有自己幫自己
-
一齊好耐?
-
佢唔錫你,你都要錫自己!點解要愛一個唔再愛自己的人呢?
-
@jaibilly888 little 話兩年幾嘛!=_=
-
@jaibilly888 兩年幾
-
你幾歲喔?
-
他的屋企又唔鍾意你,一齊都冇意思。唔通一世都唔見他的屋企人?入到屋,都一樣會俾説話你聽,有別的面口。到時又會覺得唔開心,又何必自討苦吃呢?
-
@Lady 我放唔低!再加上幾個月前又發現左另一個病,有好多變數,唔知活得幾耐,我其實真係唔想連累佢,但當親耳聽佢講出口一句說話----你都想我好架嘛?---- 好難接受,心好痛!其實只係想自己呢個時候有個人陪伴
-
其實如果個病係有得醫嘅,不如搞好自己個身體先!到醫好先再一齊囉!可能到時有個更懂得愛錫你呢!你而家咁唔開心嘅心情同情緒都好影響健康啊!
-
@Lady 從來都無諗過咁長遠,好耐以前,佢已經講過話睇唔到我地有將來,所以我從來都無諗得咁遠
-
傻豬。。。我聽到你咁,都覺得心痛!Hug hug .... 😘
人一世人只有活一次嘅機會,既然唔知自己可以活多久,更應該積極面對之餘,做一啲自己想做的事!其實每一個都唔知自己可以活多久,但總不能個著眼點只放在「為何他會這樣對我。」世上總有不離不棄的人,但可以肯定的是不是「他」囉!
-
@Lady 真係分開左就唔會再一齊喇!其實嘈交嘈過無數次話分開,佢話分開左可以做朋友,每次我都係話分開就唔會再搵,唔會做朋友,佢就會話唔分,因為好擔心我!
-
由得佢擔心啦!
到時你睬唔睬佢,係你決定嘛!如果你係鍾意俾他奚落到你體無完膚你先死心嘅,當然我都無辦法阻止。不過當下最重要都是要照顧好自己先,要好好醫病囉!
-
@Lady 多謝你!其實自己知應該要點,只係要放下太難!或者可以話唔甘心,不過我亦明白自己付出過幾多,唔等於可以收返幾多,我對佢好,亦唔等於佢要對返我幾好,我亦無呢種觀念,只係想有佢係身邊就夠
-
其實佢都願意做你朋友,只不過你唔喜歡唔接受呢種朋友關係的陪伴!
愛情只有愛同唔愛,根本無得唔甘心。因為如果是緣盡就是緣盡,你冇得唔接受。需要啲時間,就讓時間慢慢把你治療好啦!你要錫自己,人家先會錫你啊!
-
@Lady 我知佢唔想做衰人,唔想內疚!但係我無辦法接受到一個曾經咁樣對我嘅人做朋友
-
Let him go then 😘
-
版主呢一刻最緊要多休息,好好同病魔對抗.你要知道人要積極面對先可以戰勝病魔.其他野都係唔好諗住.隨遇而安.
-
講真有病真係唔好害人啦
-
有心識妳做個朋友傾下~我好少上呢到,可以add我做個朋友嗎?
Wechat: mr_chan_hk / Line:leo_chan_hk / FB messenger,Skype:[email protected]
希望聽到妳既回覆^^