和一個年紀少我 9 年的男子拍拖
-
我和一個年紀少我 9 年的男子拍了拖 1 年 8 個月，於 11 月頭分了手。我們的開始，受盡身邊人反對，主要當然是大家 o 既年齡差距，但係愛情係無得解釋 o 既 o 野，我自己同佢，亦無諗過會發展到咁，但有左感覺後，可以講係唔屈服 o 係世俗眼光之下，點都要由愛火燃燒，就去開始。
開始時，一切都很美好。我已第 4 次拍拖，但呢一次拍拖，我同身邊 o 既朋友都講，我覺得我呢次先知咩叫愛情，真係好甜蜜，見少一刻都辛苦咁。佢對我亦都係，記得那時他返夜更，半夜兩三點放工，都要出來找我。由他公司到我家要 1 個鐘的車程，那時我自己搬左出
o 黎住，又剛剛未有工作，所以很自由的享受拍拖生活。他不是好多人誤會那種，每次上來都是要和我那個，並不是，很多時他真是上來哄哄我，抱抱我，傾一陣計（偈）就擁著我睡，沒有那個，因為他實在很累，而他真的是為想見我多一會而捱夜上來看我，總之，一切都很好 。但今年 2 月，經歷了我們第一次分手，原因簡單來說，是我的性格問題，我唔喜歡他去街，我一直都唔知自己咩原因，其實我唔係唔信佢，但後來我想過，到今次要再分手，我明白可能是我年紀問題，自信不足，總認為他要識女仔易得很，他身邊會有很多和他年紀相約（若）的女仔。那次是為了他要去和舊同學唱 K ，我唔想他去而大吵，仲話「你一入去 K 房就分手」，呢次 o 既事我知自己好唔
o 岩，而佢當然係因為咁就同我分手，因為佢覺得我太蠻太管佢，更甚 o 既係佢受不了我郁下說分手（因為我唔係第一次嗌交就話分手），但當然我無一次係想分。而呢次 o 既事亦令我知道自己有呢個問題，我果（ o 個）段時間仍經常有找他，向他認錯，並保證不會再隨便說分手。他初時都是很強硬就分了，但不知怎的兩星期後他說再和我一起，但要 3 個月後，其實到而家我都唔知點解要 3 個月，但那刻我反而向他要求沒可能，感情還熱時為甚麼要攤 3 個月時間令佢變凍？我覺得很折磨，結果我拗嬴了，我和他於那晚復合。
之後的日子，都很好，只是時有小拗撬，但我以為是正常的。到 9 月起，他開始多了街去，我們這個問題又出現了。他一話要出街，我就會「 EE 哦哦」，但我唔會話唔俾去。而自從上次分手後，我對他說話不會大聲，因我怕他話我蠻話我無改過。到 10 月 31 日，他說那晚要和同事做 gym ，而我發脾氣的原因是我最近都無聽過佢要做 gym ，總之，電話中我很多問題和有怨言，到後來傾到他不發聲，甚至我 feel 到他已拔走了 handfree ，即係唔聽我講咩。我知佢嬲同發脾氣，之後我 cut 線。隔 o 左一陣我再打俾佢，佢已唔聽電話，我 SMS 佢唔覆，到半夜 3 點佢打 o 黎，同我講要分手。
到現在我們分開了差不多兩個月，我很傷心很不捨，我是很愛他，但我知我是唔 o 岩，我太唔信佢太管佢，一個咁 o 既 age 男仔，點都需要出去玩下，但係同佢開始時，佢自己同我講佢唔鐘（鍾）意玩，只有陪我就夠。我就係太幼稚，成日記住呢 D 。其實熱戀 o 既時候講 o 既 o 野，是不是可以當無聽過？
我 D 朋友係咁同我講，到而家我點知錯都無用，佢唔再俾機會我。由初初分手時都仲聽我電話，好好地傾計（偈），但到後來有一天他突然 SMS 我，叫我以後唔好再搵佢；分手初時是他說想做返朋友，不其（期）然令我想到，他是不是已有新女友，我很傷心很不甘，幾日後打俾佢，佢同我講 o 左好多難聽 o 既說話，係我識佢咁耐都唔會用 o 既態度同語氣，問佢咩都話「關你咩事」，之後竟然同我講「你成日想知點解今次一次（定）要分手嘛，我話你知，我已 delete 晒你 o 既相，我一早追左個女同事，未同你分時我已經帶佢返屋企上床，平時話你知收工返屋企訓係同人去街玩玩到唔訓 o 黎陪人，我使唔使話你知？」，又話佢而家好鐘（鍾）意呢個女仔，又話個女仔唔鐘（鍾）意我再搵佢等等 。 我好痛、好痛，唔敢相信自己聽到
o 既 o 野。總之果（ o 個）個電話之後，大家無再聯絡。
-
情深緣淺。
-
咪當發左場夢囉…兩個人初時就梗係甜蜜喇…但又可以維持幾耐…忠呢個字…係現今社會已不再適用…希望你能找到個懂得欣賞你的人…哈
-
Kort replied at 2010-10-19 12:36 am
-----------------------------------------------------------------
情深緣淺。
=================================================================
F
-
dun be naive. you said you thought you were wrong to control him too much. it actually wouldn't be any difference even you didn't control him ... he just changed his mind and love another gal, not you.
-
你幾歲? 他幾歲?
-
經一事長一智
你要從今次教訓學懂怎樣談戀愛
要學憧怎樣收放
下一次愛情來時你會愛得更好
good luck
-
me 36 he 24... he just want sex with me only.......
-
同一個細自己咁多的人拍拖,唔會好似湊仔咩?
一個24歲的男仔,佢自己都未玩夠,唔定性,一開始已經是錯誤,現在結束了,只是浪費了時間和感情,下次唔好咁傻豬~
-
咦？有少少似我既case！
不過我哋一齊左7年，我大佢超過十年。
-
-
8:04pm oct 19, 2010
me 36 he 24... he just want sex with me only.......
------------------------
你大佢12年啵！
-
我覺得佢初初同你一齊，都應該有認真過
只不過可能你真係管得嚴左，又發脾氣，依家d小朋友邊受得脾氣架？
咁當然，佢變心都係一個原因
問題並唔係只在你身上，我亦相信與年齡關係唔太大