**緊急！有冇人可以教我點做？我屋企經常被人惡意投訴！**

我諗有近1個月，每晚12點幾後就會聽到dup野聲嘈醒我，但唔肯定係邊家，所以我一直忍。就剛剛1點幾開始又dup，今晚仲大聲d，好煩訓唔到覺，就o係好煩既時候護衛黎拍我門問我地做乜dup野？我話我地都想知邊家咁大聲嘈醒我，根本我地12點已經熄曬燈訓覺喇。

我屋企唔止一次比人投訴噪音喇，有幾次都係夜晚12點幾1點幾黎拍門問我地，真係覺得好滋擾呀，我屋企人10點幾就上床開始就寢，我就睇電視到12點熄曬屋企燈o係房上網或訓覺喇，真係好嬲，明明我地比人嘈緊反而被人投訴，我諗應該係指明我屋企黎投訴，因我幾次留意到個護衛係第一家黎拍我門，如果唔係人地講邊家佢點會咁快就拍我門？

我有冇渠道可以反映我地先係受害者，晚晚比人地嘈到訓唔到覺，仲反而被投訴惡意玩我地屋企，已經幾次喇，幾次都咁夜黎拍門嚇親我地，好煩好煩........

我剛剛忍唔住落去樓下問d當值護衛，投訴果家係咪指明係我屋企，如果係就唔該留意下係咪次次呢家投訴我屋企，我地好幾次比人惡意投訴，我地反而比你地d護衛拍門嘈醒，夜晚點幾2點呀大佬，搞到我呢排番工唔夠精神！

你住單一既大廈, 定係大型屋村?

我又投訴

你有冇話比護衛聽你都比呢嘈音嘈到呀???

話比佢聽可能係樓上..叫佢去睇下...

可以投訴到業主立案法團，叫佢地找管理處d人出張通告警告下有d咁既事。再唔係，就叫佢報警，找個真兇出黎！

一聽見嘈就唔好等, 第一時間去投訴, 仲要護衛即刻來你家親耳聽, 親眼見你們什麼都冇做, 聲音是從別處傅來, 你去投訴多幾次, 管理處人人都會知你是清白的, 那些所謂"惡意投訴"都唔會搞到你啦!

唔該曬各位意見！

我係住公屋的

我咪話尋晚有落去既，我專登打電話去24小時控制室問，"係咪有人投訴xxx室呀？"佢答我"係呀"，即係話有人指到明係我地呢家嘈，擺明玩野！

以前試過12點幾1點幾明明都冇噪音好靜，又黎拍門話有人投訴我地dup野喎；又試過夜晚7點幾我婆婆o係度煮飯，有用菜刀切野聲，咁又比人投訴問我地係咪裝修dup dup聲，7點幾上過黎婆婆話冇只係切野煮飯，好快8點幾又拍門話果家又投訴我地繼續好嘈，7點幾就咁，我地唔駛煮飯啦，勁玩我地！

我會以牙還牙，不停咁投訴佢地製造噪音，同佢鬧玩o羅。不過你要先搵出佢地係邊個先！

就係估唔到邊家咁無聊先慘~

不過今晚見到個管理員，問佢查到邊度嘈未，佢話查到，仲要唔係同我同一條巷兼唔係同一層樓，好似話高幾層樓添。

頭先同媽咪講呢件噪音事件，我先知原來剛剛既星期一佢先有去管業處投訴，講番我地屋企三番四次比人玩，幾次半夜拍門騷擾我地投訴我地，但事實唔係我地，叫佢地查清楚先好拍門。點知過幾日又拍我地門，我媽咪遲d會再去管業處投訴呢件事，如果佢地仲當我地耳邊風我地會記低佢個名同總公司投訴，我同媽咪都話，再有下次就報警，我地無做過怕乜，至怕果家人唔敢報警。