四角關係 唔知應該點做...



  • 我有一個拍左3年幾既女朋友A, 最近發現自己鐘意左個女仔B, 知道女仔B對自己都有意思, 女仔B亦有男朋友...

    知道咁樣係唔岩, 都唔想自己係咁, 控制唔到..
    我同女朋友A, 女仔B係同一間公司, 唔知應該點做
    可唔可以請大家幫手諗諗.. 謝謝!



  • 呢一刻..

    覺得自己鐘意女仔B多過自己女朋友A,

    唔知點同女朋友A講

    3年幾哩都算對我好好, 除左背叛過我一次..

    女仔B同我講佢同佢男朋友唔夾

    但佢男朋友好似都好鐘意佢..



  • 我亦試過四角關係...你地未結婚,可能容易D處理。不過,首先要好清潔知自已想點、同後果...有時可能會換來好大代價...



    1) 你同女友A,會唔會因為冇咗初初拍拖嘅激情?太過平淡?

    2) 有冇想過同女仔B 過左激情之後又會回復平淡?

    3) 3 年唔係短時間,有冇想過同女友A之間有咩問題? 可以一齊改嘛?

    4) 有冇想過如果女仔B 同你一齊後又發覺依然愛ex-bf,到時你會一無所有!

    5) 3 個人都同一間公司,如果你同女仔B發展,有可能會因壓力而導致某方要離開。

    6) 女仔B都有意思但並唔代表佢會放棄 bf 而同你一齊。



  • 多謝你既意見, 小三

    你提出個6點都好中POINT



    1)我同女友A的確已經由激情變成平淡(從拍拖1年之後開始),但我相信係每對情人既必經階段

    2)相信同女仔B都會有回復平淡既階段

    3)3年的確唔係短,覺得同佢唔係好夾,但覺得夾唔夾唔係最重要,重要係我覺得自己變左心

    4)有諗過女仔B即使同我一齊可能都放唔開佢BF(因為女仔B係雙魚),如果到時真一無所有,我唯有接受

    5)呢個問題反而係我最關心, 代價真係好大, 女仔B會變左第三者, 女友A亦會頂唔順唔做, 就算一齊壓力都會好大, 但我覺得自己係認真鐘意女仔B, 因為佢比到我既感覺係我已經15年未有過既感覺

    6)順帶一提我係天蠍, 有D不顧一切既傾向...



    應該點先比較無咁傷害人?



  • 喺度食咪喺度屙都唔明?

    你想唔撈有好路數??



  • "行過",你都講得好有道理

    不過我有D感情至上既脫離現實傾向

    如果因為咁無得撈

    都覺得自己係抵死



  • kingsley replied at 2010-10-04 3:05 pm

    -----------------------------------------------------------------

    1)我同女友A的確已經由激情變成平淡(從拍拖1年之後開始),但我相信係每對情人既必經階段

    ** 1年已經變平淡?未免太快吧!!



    2)相信同女仔B都會有回復平淡既階段



    3)3年的確唔係短,覺得同佢唔係好夾,但覺得夾唔夾唔係最重要,重要係我覺得自己變左心

    ** 如果覺得自己變左心,即係你已經唔想挽救同女友A嘅關係啦!



    4)有諗過女仔B即使同我一齊可能都放唔開佢BF(因為女仔B係雙魚),如果到時真一無所有,我唯有接受



    5)呢個問題反而係我最關心, 代價真係好大, 女仔B會變左第三者, 女友A亦會頂唔順唔做, 就算一齊壓力都會好大, 但我覺得自己係認真鐘意女仔B, 因為佢比到我既感覺係我已經15年未有過既感覺

    **你幾大呀?

    **唔單止女友A, 女仔B 亦會因人言可畏而唔做,你養佢牙?? 佢亦會因壓力而

    唔敢同你一齊...就算一齊, 將來你地都會懷疑另一半會唔會再有第三者



    6)順帶一提我係天蠍, 有D不顧一切既傾向...

    **哈哈,我以為我水皮座先會不顧一切...其實我覺得天蠍成日想埋一邊。



    應該點先比較無咁傷害人?

     **唔好傻啦!行左呢一步你一定係衰人,四方都有機會受傷,只係輕重之分...如果你拖左女仔B出來而又俾唔到佢要嘅嘢佢, 佢會唔會又接受,唔怨你呢?



  • 小三你好



  • 如果真係同女友A冇得行番轉頭的話, 會唔會先同A講清楚,分左手先呢? 你又要拖住A, 又想要B, 好自私同對兩個女仔都唔公平。我唔相信B會想掛上第三者呢個名....如果你真係鍾意B,最好先自己攪清攪楚,唔好拖拖拉拉害己害人。



  • 行過你好



    版主好, 大家好





  • Hi Fly...你過左來牙??



  • 小三, 是的..跟行過般的行過,

    可是腦子今天不靈, 好在有小三和行過跟版主分享



  • 我有講笑咁同女友A講想分開一下, 但佢話唔得囉, 仲話會桶死我...

    如果佢知道我變心, 佢會估到係邊個女仔, 所以唔知點同佢講好



    小弟29

    女仔B當然都唔想做弟三者, 所以覺得女仔B既心情應該同我一樣

    如果真係一齊會唔會懷疑再有第三者就唔諗得咁長遠..



    水皮座既不顧一切係有理智既

    天蠍既不顧一切係失去理智唔衡量得失,有D唔同,哈哈~



    咁講到尾即係最好唔好同女仔B表白啦..唯有再睇定先啦咁



  • 我唔識星座,

    見你咁迷信女人野就知你係個婆媽男.



  • fly replied at 2010-10-04 3:52 pm

    -----------------------------------------------------------------

    小三, 是的..跟行過般的行過,

    可是腦子今天不靈, 好在有小三和行過跟版主分享

    =================================================================

    我腦子都經常不靈,而且都會當局者迷...我只係有感而發,想同版主分享一吓四角關係不易為, 一定有最少一家先受傷, 果個就係行出第一步果個人...



  • 行過大人, 小弟無意冒犯

    但就好想以正視聽

    我了解星座係因為對占星略有研究

    占星同一般低B星座運程係唔同

    好似發現地深吸力既牛頓, 愛因斯坦, 甚至霍金對占星都有研究

    若然佢地都係迷信既婆媽男

    小弟都唔介意做其中一分子



  • 行過 replied at 2010-10-04 3:58 pm

    -----------------------------------------------------------------

    我唔識星座,

    見你咁迷信女人野就知你係個婆媽男.

    =================================================================

    sorry 版主, 忍唔住要support下行過...



    我是人馬...一般人馬的性格咁岩同我係配合, 但都唔會同現實一同考究..(不過我都專重你的)



  • kingsley replied at 2010-10-04 3:55 pm

    -----------------------------------------------------------------

    我有講笑咁同女友A講想分開一下, 但佢話唔得囉, 仲話會桶死我...

    如果佢知道我變心, 佢會估到係邊個女仔, 所以唔知點同佢講好



    小弟29

    女仔B當然都唔想做弟三者, 所以覺得女仔B既心情應該同我一樣

    如果真係一齊會唔會懷疑再有第三者就唔諗得咁長遠..



    水皮座既不顧一切係有理智既

    天蠍既不顧一切係失去理智唔衡量得失,有D唔同,哈哈~



    咁講到尾即係最好唔好同女仔B表白啦..唯有再睇定先啦咁

    =================================================================

    桶死你? 講笑咋? 我個 ex 都講過要桶死我,我都驚嫁,因為佢真係會噤做!!



    女仔B唔想做弟三者, 心情應該同你一樣...究竟同女仔B表白左未嫁?!!



    係呀!我有時超理智...我有解釋俾我嘅第三者知,佢一個人錯誤嘅一步,會有六個家庭受傷害...最終,全部六個家庭全部無一幸免。



  • kingsley,



    唔好太上心, 一般網民唔係咩都識, 正所謂信不信由你..

    行過說的直接, 我又support下也是不知你有過深入研究,

    不是有心, 見諒



  • 唔緊要FLY, 歡迎表達任何意見



    其實凈係睇出生日期既星座係睇唔到2個人夾唔夾, 即係人馬亦未必夾人馬, 要從2個人既出生時間盤分析先會有結論, 占星係經過左幾百年既統計同數據分析, 係一種科學既方法...係呢度唔講太多, 有D離題



    重點係我本人係唔迷信, 我只信科學同例證



  • 我都好想知水皮座嘅我,除左水皮之外係點樣嘅人!?



    我有時自己都唔係好認識自己?先認識自己可能都係一件好事來嫁?



  • 我真係唔知佢會唔會桶死我,因為佢無乜朋友, 驚佢舒發唔到..



    未表白呀~佢點都FEEL到D掛



    六個家庭!?你都玩得好大姐



  • 版主你比我理性, 我就連科學都唔知識 ^^ hehe



  • 多謝小三,FLY,行過既分享, 萬分感激



    小三, 占星絕對會幫你完全認識自己, 有機會搵過專業既占星師幫你睇睇啦, 會有好大領悟, 或者下次有機會同你研究研究



    我有D事要做所以要閃啦, 有緣再見啦!



  • kingsley replied at 2010-10-04 4:28 pm

    -----------------------------------------------------------------

    我真係唔知佢會唔會桶死我,因為佢無乜朋友, 驚佢舒發唔到..



    未表白呀~佢點都FEEL到D掛



    六個家庭!?你都玩得好大姐

    =================================================================



    真係,玩得好大,所以先會響度提你小心!

    不過,我地真係好愛對方,呢幾年來大家都付出左好多,但依然未到終點。



    我就好似女仔B,唔想做但無 la la 因第三者令自己變埋左別人第三者。無奈!!



  • 88 啦版主,有緣再見!



  • 你都係貪新鮮姐

    新野通常都覺得好好

    如果放棄女朋友同佢一齊,你遲早會奶野



    都無咩可以做

    減少同第三者接觸囉



  • 你真係唔愛你女友嗎?咁分手啦..唔好阻住你女友發達...佢應該早點搵反個愛佢既人...你重拖住佢做咩呢...而亞B我覺得佢都未同佢男友分手...你諗咁多做咩?有時d野見步行步..亞B佢就算冇你既出現....佢真係同佢男友唔夾又好唔啱又好...佢都會諗左自己日後會唔會繼續同佢男友一齊...即係分手...佢呢刻未分手..你又講到咁為亞B著想..唔想佢比人話係第三者既話...你都要等....等佢分左手後...先再行動其他野...首先你攪掂你同你女友問題先啦...你地問題最大...



  • 多謝小四, waterlilies既意見



    係咪貪新鮮..呢樣始終都要之後先知, 所以我唔肯定亦唔否定...

    但講真, 我係覺得女友A係好過女仔B



    至於係唔係真係唔愛女友A..都唔係好肯定, 有時感情同愛情既感覺好難分..有D當局者迷

    其實當發現自己開始變心, 已經不下20次同女友A講想分開(3個月內),當然..係用玩笑既方式, 要絕情咁講, (面對一個同你相處左3年既人)真係講唔出口..以咁既頻密程度, 我估佢點都FEEL到D咩事, 但佢有D逃避現實傾向.. 所以都好似無乜用.. 加上佢無咩朋友, 真係唔想見到佢咁傷心, 驚佢一時接受唔到會做D咩



    至於女仔B..waterlilies講得好岩, 應該一步一步, 如果我同女仔B大家都係真心, 唔需要急於一時, 即使到時女仔B決定唔簡我...



  • agree...一步一步...先別急於向女仔B 表白, 自己處理好同女友A 嘅問題先。



    如果你都覺得女友A 其實好過女仔B 的話, 即係你地之間可能欠缺了一些東西而令你個心好似向左女仔B 度,試吓同女友A 一齊想想有咩可以一齊去試吓改或者去做。3年....係好多情侶遇上嘅第一個關口。




Log in to reply